Ez 11
11
Syailal eb' syajlil Jerusalén
1Ax Yespíritu Dios in 'i'n 'at 'a spuertail yatut Jehová, jun 'ay 'a stojlal 'aj tzq'uel c'u. A 'a yol sti puerta cha, ata 'ayc' 25 eb' winac, ax 'a scal eb', ata 'ayc' Jaazanías yunnal Azur yet' win Pelatías yunnal Benaías, atn eb' tic yajl yaj 'a scal eb' 'anma cha. 2'Ix yaln Jehová 'ayn 'ixtic: Ach 'anma', 'ilt wal jun tzo'n̈ winc tic, atn eb' tznalb'ej sb'on maysch'olnilal, tzya'n eb' nab'en man̈ tojloc 'a eb' 'anma'. 3Tzyaln eb' 'ixtic: An̈ec tic jab'xoj 'oj laj qui b'oc pax catut. A qui chon̈b'ec tic, lajn 'icha junc chen, an̈ec xo tic, lajn on̈c 'icha no chib'j tz'em 'a yojol, yujto colchjnacn̈ec xo 'eli, xchi eb'. 4Yuj cha, al yab' eb' in paxti tic ach 'anma', xchi Dios 'ayin.
5Xlajw cha, xjaw pax Yespíritu Jehová 'ayin, xyaln 'ixtic: Al 'a eb' 'anma cha, to an tzwal 'ixtc 'a eb': Ex israel, wojc wal si'mb'il tas wan yec' 'a e nab'en. 6Caw wal tzniwtj chaml 'a yol e chon̈ab', b'ut'n yoltc caye yuj eb' 'anma tze mila. 7Yuj cha, tzwaln an Jehová in 'ixtic: A chon̈b' Jerusalén, lajn wal 'icha junc lum chen. Ax jun chib'j cha, atn eb' 'anma tze milcn 'a yoltc caye, yuj cha, an 'oj ex wic' 'elt 'a yol jun chon̈b' tic. 8Wojtac caw tzex xiw yuj owal, yuj cha, 'oj wa' cot owl 'a eyib'an̈. 9'Oj ex wic' 'elt 'a yol chon̈b' tic, ax wa'n 'och yailal 'a eyib'an̈, ax 'a yol sc'ab' eb' chuc chon̈b'al, ata 'oj ex wactcani. 10'Oj e tzu'x cham yet' q'uen espada 'a smon̈jonal e nacion̈ tic, ata 'oj ex in b'eyc'ojloc, ax in eyojcan 'eli, to an ton Jehová in, to cojn in ton Dios in. 11A jun chon̈b' tic, ma'oj 'och chenl 'ayex, man̈oc ex 'oj eyoch chib'jal chi 'a 'a, at 'a smon̈jonal e nacion̈ tic 'oj ex in b'eyc'ojloc, 12ax eyojcan 'eli, to an ton Jehová in. Ma'ix eyiclj in ley yet' in checnb'il, a sb'eyb'al jun tzo'n̈ xo nacion̈ 'ay 'a e la'nil, a xe b'eylb'ej, xchi Dios, xin chi 'a eb'.
13Ya' sb'a wanto waln jun tzo'n̈ tic, ax xwiln win Pelatías yunnal Benaías 'ix cham winac. Yuj cha, in 'em cumn 'a sat lu'um, 'ix 'el waw, 'ix waln 'ixtc 'a Jehová: Mamin, ¿tom 'oj a wach' satc 'el jaywn̈ xo eb' wit israelal 'ix cob' can tic? xin chi 'a 'a.
Junx yac' trato Dios
14'Ix yaln pax Jehová 'ayn 'ixtic: 15Ach 'anma', a eb' et israelal 'aycn 'a Jerusalén tzyal eb' 'ixtc eyu'uj yet' yuj eb' eyican 'ijxnac cot 'icha presoal: A eb' 'anma cha, caw wal najt 'ix 'ijxcan 'el eb' 'a stz'ey Jehová, ax lum lum tic, 'ix 'ajx can lum 'ayn̈ec, xchi eb'. 16Yuj cha, al 'a eb' 'ijxnac cot 'icha presoal cha to an tzwal 'ixtic: Wach'xam najt ex in pechcn 'at 'a jun tzo'n̈ nacion̈, sactzicnac ex 'ajcn 'a yolyib'n̈q'uinl tic wu'uj, palta an 'ayn ec' eyet' 'aj 'ayx ec' cha yic tzeyaln e b'a 'ayin. 17An 'oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n chon̈b' Israel tic eyico'oc. 18'Oj e meltzj paxt 'a e chon̈b' tic jun 'ejm xo, ax eyi'n 'el smasnil jun tzo'n̈ yechl comn dios yajb'entac yilx 'a e cal. 19'Oj wac' jun e nab'en caw wach', caw 'a'to, ax wi'n can 'el jun e nab'en to caw wal tzatz 'icha q'uen q'ue'en, 20sec 'oj e b'eylb'oc in checnb'il, ax eyiclni in ley. 'Oj eyoch in chon̈b'oc, ax woch e Diosaloc. 21An Jehová in an tzwala. A eb' tznib'j to tzb'eylb'ej tas yajb'entac, an 'oj wac' syailal eb' yuj jun tzo'n̈ sb'eyb'al cha, xchi Dios 'ayin.
'Elnc stzictznil Dios 'a Jerusalén
22Xlajw cha, sjen̈n 'el eb' querubín chi sc'axil, 'ix q'ue wan eb' yet' jun tzo'n̈ setet 'aych 'a yaln̈ cha. Ax stzictznil sDiosal chon̈b' Israel, a 'ay q'ue 'a yib'n̈ sjolm eb'. 23'Ix yi'n 'el sb'a stzictznil Jehová 'a yib'n̈ chon̈b' Jerusalén, axta xc'ochcn b'achchoc 'a sjolm jun lum witz 'ay 'a sti 'el chon̈b' 'a stojlal 'aj tzq'uel c'u. 24Xlajw cha, in yi'n pax chan̈ Yespíritu Dios, in yi'n pax cot 'a scal eb' wit israelal 'icha preso yaj 'a Babilonia. A jun tic, 'icha wal waychil xwutj wiln yuj Yespíritu Dios, cojxn tic, man̈x 'a tas xwila. 25'Ix in yamn 'och waln smasnil jun tzo'n̈ tic 'a eb' 'icha preso yaj cha, atn tas 'ix yac' Jehová wila'.
Currently Selected:
Ez 11: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Ez 11
11
Syailal eb' syajlil Jerusalén
1Ax Yespíritu Dios in 'i'n 'at 'a spuertail yatut Jehová, jun 'ay 'a stojlal 'aj tzq'uel c'u. A 'a yol sti puerta cha, ata 'ayc' 25 eb' winac, ax 'a scal eb', ata 'ayc' Jaazanías yunnal Azur yet' win Pelatías yunnal Benaías, atn eb' tic yajl yaj 'a scal eb' 'anma cha. 2'Ix yaln Jehová 'ayn 'ixtic: Ach 'anma', 'ilt wal jun tzo'n̈ winc tic, atn eb' tznalb'ej sb'on maysch'olnilal, tzya'n eb' nab'en man̈ tojloc 'a eb' 'anma'. 3Tzyaln eb' 'ixtic: An̈ec tic jab'xoj 'oj laj qui b'oc pax catut. A qui chon̈b'ec tic, lajn 'icha junc chen, an̈ec xo tic, lajn on̈c 'icha no chib'j tz'em 'a yojol, yujto colchjnacn̈ec xo 'eli, xchi eb'. 4Yuj cha, al yab' eb' in paxti tic ach 'anma', xchi Dios 'ayin.
5Xlajw cha, xjaw pax Yespíritu Jehová 'ayin, xyaln 'ixtic: Al 'a eb' 'anma cha, to an tzwal 'ixtc 'a eb': Ex israel, wojc wal si'mb'il tas wan yec' 'a e nab'en. 6Caw wal tzniwtj chaml 'a yol e chon̈ab', b'ut'n yoltc caye yuj eb' 'anma tze mila. 7Yuj cha, tzwaln an Jehová in 'ixtic: A chon̈b' Jerusalén, lajn wal 'icha junc lum chen. Ax jun chib'j cha, atn eb' 'anma tze milcn 'a yoltc caye, yuj cha, an 'oj ex wic' 'elt 'a yol jun chon̈b' tic. 8Wojtac caw tzex xiw yuj owal, yuj cha, 'oj wa' cot owl 'a eyib'an̈. 9'Oj ex wic' 'elt 'a yol chon̈b' tic, ax wa'n 'och yailal 'a eyib'an̈, ax 'a yol sc'ab' eb' chuc chon̈b'al, ata 'oj ex wactcani. 10'Oj e tzu'x cham yet' q'uen espada 'a smon̈jonal e nacion̈ tic, ata 'oj ex in b'eyc'ojloc, ax in eyojcan 'eli, to an ton Jehová in, to cojn in ton Dios in. 11A jun chon̈b' tic, ma'oj 'och chenl 'ayex, man̈oc ex 'oj eyoch chib'jal chi 'a 'a, at 'a smon̈jonal e nacion̈ tic 'oj ex in b'eyc'ojloc, 12ax eyojcan 'eli, to an ton Jehová in. Ma'ix eyiclj in ley yet' in checnb'il, a sb'eyb'al jun tzo'n̈ xo nacion̈ 'ay 'a e la'nil, a xe b'eylb'ej, xchi Dios, xin chi 'a eb'.
13Ya' sb'a wanto waln jun tzo'n̈ tic, ax xwiln win Pelatías yunnal Benaías 'ix cham winac. Yuj cha, in 'em cumn 'a sat lu'um, 'ix 'el waw, 'ix waln 'ixtc 'a Jehová: Mamin, ¿tom 'oj a wach' satc 'el jaywn̈ xo eb' wit israelal 'ix cob' can tic? xin chi 'a 'a.
Junx yac' trato Dios
14'Ix yaln pax Jehová 'ayn 'ixtic: 15Ach 'anma', a eb' et israelal 'aycn 'a Jerusalén tzyal eb' 'ixtc eyu'uj yet' yuj eb' eyican 'ijxnac cot 'icha presoal: A eb' 'anma cha, caw wal najt 'ix 'ijxcan 'el eb' 'a stz'ey Jehová, ax lum lum tic, 'ix 'ajx can lum 'ayn̈ec, xchi eb'. 16Yuj cha, al 'a eb' 'ijxnac cot 'icha presoal cha to an tzwal 'ixtic: Wach'xam najt ex in pechcn 'at 'a jun tzo'n̈ nacion̈, sactzicnac ex 'ajcn 'a yolyib'n̈q'uinl tic wu'uj, palta an 'ayn ec' eyet' 'aj 'ayx ec' cha yic tzeyaln e b'a 'ayin. 17An 'oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n chon̈b' Israel tic eyico'oc. 18'Oj e meltzj paxt 'a e chon̈b' tic jun 'ejm xo, ax eyi'n 'el smasnil jun tzo'n̈ yechl comn dios yajb'entac yilx 'a e cal. 19'Oj wac' jun e nab'en caw wach', caw 'a'to, ax wi'n can 'el jun e nab'en to caw wal tzatz 'icha q'uen q'ue'en, 20sec 'oj e b'eylb'oc in checnb'il, ax eyiclni in ley. 'Oj eyoch in chon̈b'oc, ax woch e Diosaloc. 21An Jehová in an tzwala. A eb' tznib'j to tzb'eylb'ej tas yajb'entac, an 'oj wac' syailal eb' yuj jun tzo'n̈ sb'eyb'al cha, xchi Dios 'ayin.
'Elnc stzictznil Dios 'a Jerusalén
22Xlajw cha, sjen̈n 'el eb' querubín chi sc'axil, 'ix q'ue wan eb' yet' jun tzo'n̈ setet 'aych 'a yaln̈ cha. Ax stzictznil sDiosal chon̈b' Israel, a 'ay q'ue 'a yib'n̈ sjolm eb'. 23'Ix yi'n 'el sb'a stzictznil Jehová 'a yib'n̈ chon̈b' Jerusalén, axta xc'ochcn b'achchoc 'a sjolm jun lum witz 'ay 'a sti 'el chon̈b' 'a stojlal 'aj tzq'uel c'u. 24Xlajw cha, in yi'n pax chan̈ Yespíritu Dios, in yi'n pax cot 'a scal eb' wit israelal 'icha preso yaj 'a Babilonia. A jun tic, 'icha wal waychil xwutj wiln yuj Yespíritu Dios, cojxn tic, man̈x 'a tas xwila. 25'Ix in yamn 'och waln smasnil jun tzo'n̈ tic 'a eb' 'icha preso yaj cha, atn tas 'ix yac' Jehová wila'.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.