Dt 5
5
A lajn̈e checnb'il
(Ex 20.1-17)
1'Ix ya'n Moisés syam sb'a eb' yit chon̈b' smasnil. 'Ix yaln 'a eb' 'ixtic:
Ex wit chon̈ab', 'ab'tec wal jun tzo'n̈ checnb'il yet' jun tzo'n̈ cuynb'il tzwalcn eyab'i'. Yowlal to 'oj e cuyu', ax e b'eylb'ani.
2A Jehová qui Diosalec, sb'o jun strato tic quet'ec 'a lum yich witz Sinaí. 3Man̈ cojnoc yet' eb' qui mam quichmec sb'o jun strato tic, palta 'ix sb'o pax quet'ec an̈ec yamnon̈c tic. 4A Jehová 'ix paxtin 'elt 'a scal c'ac' 'a 'ayn̈ec 'a lum jolm witz cha, q'uelc'mb'a x'aj spaxtin quet'ec. 5An xo tic, 'ayn 'ec' 'a e nan̈l yet' Jehová, yic xwaln eyab' spaxti xyal cha, yujto ax tic, caw wal ex xiw yuj jun c'ac' cha. 'In ma'ex q'ue'ch pax 'a sjolm lum witz cha, yic xyaln Jehová 'ixtic:
6An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.
7Man̈ e say junc xo e diosal 'a in sat.
8Man̈ e b'o yechl junc tas e diosaloc, wach'xam junc tas 'ay 'a satcha'an̈, mto junc tas 'ay 'a sat lu'um, mto junc tas 'ay 'a yojl a mar. 9Man̈ eyac' 'ejm e b'a 'a 'a, man̈ eyal e b'a 'a a', yujto an Jehová e Diosal in, caw tzcot wowl 'ayex, toto tzeyac' 'ejm e b'a 'a jun tzo'n̈ cha. A eb' mamb'il to may wel'ch 'a sat, 'oj wac' syailal eb' yet' 'a eb' 'unnab'il, eb' 'ichicnab'il yet' 'a eb' schab'l 'ichicnab'il. 10Ax pax eb' tzin chamc'ojlani, eb' tzyiclni in checnb'il, 'oj in chamc'ojloc eb', yet' 'a yin̈tl eb' b'aq'uin̈.
11Man̈ comnoc tze loc in b'i 'a nab'an̈ej an Jehová e Diosal in tic, yujto 'oj wac' syailal eb' tzlocn in b'i 'a nab'an̈ej.
12Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in, 'icha wal yaj waln can 'ayex. 13Waquen̈ej c'u tzex munlji yic tze b'on smasnil e munljel, 14palta ax 'a yucl c'u cha, sc'ul 'iljelal. May mach tztac' smunlj 'a jun c'u cha, yujto wicn̈ej yaji. Matz tac' smunlj eyunnal, eyisil, ewin e moso mto eb' 'ix eya'mal servil, e wacax, e b'uru, mto junc xo e cajb'en noc'. Matz tac' pax eya'n munljoc eb' chuc chon̈b'al 'ayc' 'a e cal 'a jun c'u cha, sec tz'ilj eb': atn eb' e moso yet' eb' 'ix eya'mal servil, 'icha tzex 'ilj ax tic. 15Tze na coti chajtlto 'e'nc ex mosoal 'a Egipto, 'aj to man̈ eyico'oc e b'a, palta an xo ex wij 'elt ta'. Xin ch'ox wal 'ilxoc in poder. Yuj cha, xwal 'ayex to yowlal tzeyiclj sc'ul 'iljelal.
16'Ay cab' yel'ch e mam e nun 'a e sat, 'icha wal yaj waln 'ayex, sec 'oj najtxb'oc e q'uinl 'a sat lum lum 'oj wac' eyico'oc yic wach' 'oj eyel'chi.
17Man̈ ex milwoc cham 'anma'.
18Man̈ e b'o 'ajmulal 'a yol sc'ab' eyitb'eym junjn ex.
19Man̈ ex 'elc'woc.
20Man̈ eya'ch 'es 'a yib'n̈ eyit 'anma'il.
21Man̈ e nib'c 'och yistzil junc win winac, mto yichmil junc 'ix 'ix. Man̈ e nib'c 'och yatut, slu'um, smoso, mto junc 'ix ya'mal servil junc mach, swacax, sb'uru yet' tzann̈j tas 'ay 'a 'a, xchi Dios, xchi Moisés.
A xiwc'ojlal eb' chon̈ab'
(Ex 20.18-26)
22'Ix yaln pax Moisés 'ixtic:
Atn jun tzo'n̈ schecnb'il Jehová tic, caw 'ip 'ix yutj yaln 'elt 'a scal c'ac' yet' 'a scal jun q'uic' 'asun, yic yamnon̈c 'a yich lum witz cha, man̈x 'a junc xo checnb'il 'ix yala. Xlajw cha, stz'ib'n can 'och jun tzo'n̈ paxti tic 'a chapachn̈ q'uen q'ue'en, xya'n 'ayin. 23Palta a yic xeyab'n yoch jun 'aw 'a scal jun q'uic' 'asn cha, xeyiln pax stz'a lum witz e masnil, a eb' yajl yaj 'a scal junjn 'in̈tal, yet' eb' yichm wincal chon̈ab', c'uxn xjaw eb' wul yal 'ayn 'ixtic: 24Yel ton wal b'i'an, a Jehová sch'ox sb'a yet' stzictznial, yet' pax spoder. 'Ix cab' pax wal spaxtin 'elt 'a scal c'ac'. A ticnec, 'ix cojquej 'eli to tztac' spaxtin Dios yet' eb' 'anma', may pax eb' xcham yu'uj. 25Ax ticnec, ¿tas pax tz'aji? ¿tom an̈j 'ijnoc tzca'c chamc qui b'a yuj jun niwquil c'ac' cha? Toto tzon̈ 'atc pax cab' spaxtin Jehová qui Diosalec jun 'ejm xo, 'oj qui chamec. 26Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami. 27Wach' tzach 'at ach tic Moisés, 'at 'ab'i tas tzyal Jehová qui Diosalec cha. Ax yic tzach japxi, tzaln cab' on̈ tas tzyal Jehová chi 'ayach. An̈ xo tic qui masnil on̈, 'oj qui yiclc tas tzyal 'aych cha, xchi eb' 'ayin.
28Ya' sb'a wanto yaln eb' jun tzo'n̈ chi 'ayin, ax Jehová wan yab'n tas tzyal eb'. Yuj cha, xyaln 'ayn 'ixtic: 'Ix wab' smasnil tas wan yaln jun tzo'n̈ eb' 'anma tic. A jun snab'en eb' cha, wach' tzwab'i. 29Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈. 30A ticnec, al 'a eb' to tzpax eb' 'a 'aj 'ay smantiado. 31Palta ach xo tic, tzach can wet' 'a tic, yujto 'oj wal smasnil in checnb'il 'ayach, in ley yet' cuynb'il 'oj ac' scuy eb', sec a chi 'oj sb'eylb'oc eb' 'a sat lum lum 'oj wac' yico'oc eb' cha, xchi Dios 'ayin. 32Yuj cha, yowlal tze b'eylb'ej smasnil schecnb'il Jehová qui Diosalec. Man̈ eyi'l e nab'en 'a 'a. 33A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.
Currently Selected:
Dt 5: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Dt 5
5
A lajn̈e checnb'il
(Ex 20.1-17)
1'Ix ya'n Moisés syam sb'a eb' yit chon̈b' smasnil. 'Ix yaln 'a eb' 'ixtic:
Ex wit chon̈ab', 'ab'tec wal jun tzo'n̈ checnb'il yet' jun tzo'n̈ cuynb'il tzwalcn eyab'i'. Yowlal to 'oj e cuyu', ax e b'eylb'ani.
2A Jehová qui Diosalec, sb'o jun strato tic quet'ec 'a lum yich witz Sinaí. 3Man̈ cojnoc yet' eb' qui mam quichmec sb'o jun strato tic, palta 'ix sb'o pax quet'ec an̈ec yamnon̈c tic. 4A Jehová 'ix paxtin 'elt 'a scal c'ac' 'a 'ayn̈ec 'a lum jolm witz cha, q'uelc'mb'a x'aj spaxtin quet'ec. 5An xo tic, 'ayn 'ec' 'a e nan̈l yet' Jehová, yic xwaln eyab' spaxti xyal cha, yujto ax tic, caw wal ex xiw yuj jun c'ac' cha. 'In ma'ex q'ue'ch pax 'a sjolm lum witz cha, yic xyaln Jehová 'ixtic:
6An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.
7Man̈ e say junc xo e diosal 'a in sat.
8Man̈ e b'o yechl junc tas e diosaloc, wach'xam junc tas 'ay 'a satcha'an̈, mto junc tas 'ay 'a sat lu'um, mto junc tas 'ay 'a yojl a mar. 9Man̈ eyac' 'ejm e b'a 'a 'a, man̈ eyal e b'a 'a a', yujto an Jehová e Diosal in, caw tzcot wowl 'ayex, toto tzeyac' 'ejm e b'a 'a jun tzo'n̈ cha. A eb' mamb'il to may wel'ch 'a sat, 'oj wac' syailal eb' yet' 'a eb' 'unnab'il, eb' 'ichicnab'il yet' 'a eb' schab'l 'ichicnab'il. 10Ax pax eb' tzin chamc'ojlani, eb' tzyiclni in checnb'il, 'oj in chamc'ojloc eb', yet' 'a yin̈tl eb' b'aq'uin̈.
11Man̈ comnoc tze loc in b'i 'a nab'an̈ej an Jehová e Diosal in tic, yujto 'oj wac' syailal eb' tzlocn in b'i 'a nab'an̈ej.
12Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in, 'icha wal yaj waln can 'ayex. 13Waquen̈ej c'u tzex munlji yic tze b'on smasnil e munljel, 14palta ax 'a yucl c'u cha, sc'ul 'iljelal. May mach tztac' smunlj 'a jun c'u cha, yujto wicn̈ej yaji. Matz tac' smunlj eyunnal, eyisil, ewin e moso mto eb' 'ix eya'mal servil, e wacax, e b'uru, mto junc xo e cajb'en noc'. Matz tac' pax eya'n munljoc eb' chuc chon̈b'al 'ayc' 'a e cal 'a jun c'u cha, sec tz'ilj eb': atn eb' e moso yet' eb' 'ix eya'mal servil, 'icha tzex 'ilj ax tic. 15Tze na coti chajtlto 'e'nc ex mosoal 'a Egipto, 'aj to man̈ eyico'oc e b'a, palta an xo ex wij 'elt ta'. Xin ch'ox wal 'ilxoc in poder. Yuj cha, xwal 'ayex to yowlal tzeyiclj sc'ul 'iljelal.
16'Ay cab' yel'ch e mam e nun 'a e sat, 'icha wal yaj waln 'ayex, sec 'oj najtxb'oc e q'uinl 'a sat lum lum 'oj wac' eyico'oc yic wach' 'oj eyel'chi.
17Man̈ ex milwoc cham 'anma'.
18Man̈ e b'o 'ajmulal 'a yol sc'ab' eyitb'eym junjn ex.
19Man̈ ex 'elc'woc.
20Man̈ eya'ch 'es 'a yib'n̈ eyit 'anma'il.
21Man̈ e nib'c 'och yistzil junc win winac, mto yichmil junc 'ix 'ix. Man̈ e nib'c 'och yatut, slu'um, smoso, mto junc 'ix ya'mal servil junc mach, swacax, sb'uru yet' tzann̈j tas 'ay 'a 'a, xchi Dios, xchi Moisés.
A xiwc'ojlal eb' chon̈ab'
(Ex 20.18-26)
22'Ix yaln pax Moisés 'ixtic:
Atn jun tzo'n̈ schecnb'il Jehová tic, caw 'ip 'ix yutj yaln 'elt 'a scal c'ac' yet' 'a scal jun q'uic' 'asun, yic yamnon̈c 'a yich lum witz cha, man̈x 'a junc xo checnb'il 'ix yala. Xlajw cha, stz'ib'n can 'och jun tzo'n̈ paxti tic 'a chapachn̈ q'uen q'ue'en, xya'n 'ayin. 23Palta a yic xeyab'n yoch jun 'aw 'a scal jun q'uic' 'asn cha, xeyiln pax stz'a lum witz e masnil, a eb' yajl yaj 'a scal junjn 'in̈tal, yet' eb' yichm wincal chon̈ab', c'uxn xjaw eb' wul yal 'ayn 'ixtic: 24Yel ton wal b'i'an, a Jehová sch'ox sb'a yet' stzictznial, yet' pax spoder. 'Ix cab' pax wal spaxtin 'elt 'a scal c'ac'. A ticnec, 'ix cojquej 'eli to tztac' spaxtin Dios yet' eb' 'anma', may pax eb' xcham yu'uj. 25Ax ticnec, ¿tas pax tz'aji? ¿tom an̈j 'ijnoc tzca'c chamc qui b'a yuj jun niwquil c'ac' cha? Toto tzon̈ 'atc pax cab' spaxtin Jehová qui Diosalec jun 'ejm xo, 'oj qui chamec. 26Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami. 27Wach' tzach 'at ach tic Moisés, 'at 'ab'i tas tzyal Jehová qui Diosalec cha. Ax yic tzach japxi, tzaln cab' on̈ tas tzyal Jehová chi 'ayach. An̈ xo tic qui masnil on̈, 'oj qui yiclc tas tzyal 'aych cha, xchi eb' 'ayin.
28Ya' sb'a wanto yaln eb' jun tzo'n̈ chi 'ayin, ax Jehová wan yab'n tas tzyal eb'. Yuj cha, xyaln 'ayn 'ixtic: 'Ix wab' smasnil tas wan yaln jun tzo'n̈ eb' 'anma tic. A jun snab'en eb' cha, wach' tzwab'i. 29Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈. 30A ticnec, al 'a eb' to tzpax eb' 'a 'aj 'ay smantiado. 31Palta ach xo tic, tzach can wet' 'a tic, yujto 'oj wal smasnil in checnb'il 'ayach, in ley yet' cuynb'il 'oj ac' scuy eb', sec a chi 'oj sb'eylb'oc eb' 'a sat lum lum 'oj wac' yico'oc eb' cha, xchi Dios 'ayin. 32Yuj cha, yowlal tze b'eylb'ej smasnil schecnb'il Jehová qui Diosalec. Man̈ eyi'l e nab'en 'a 'a. 33A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.