Dt 10
10
'Ix 'a'tb'i pax trato
(Ex 34.1-10)
1Yuj cha, xyaln Jehová 'ixtc 'ayin: 'Ac' tzeyxoc tojlb'oc chapachc q'uen q'ue'en, 'icha wal yaj q'uen xwac' 'aych 'a b'ab'el, 'ixta tz'aj sb'o eb' q'ue'en. Tza'n b'o pax junc scaxail te tz'aji, tzlajw cha, tzach q'ue paxt wet' 'a sjolm lum witz tic. 2Ax in tz'ib'n pax 'och jun tzo'n̈ paxti chi 'a eb' q'ue'en, atn jun tzo'n̈ 'ix wa'ch 'a eb' q'uen b'ab'l cha, eb' q'uen xa ma' pojoc. Tzlajw cha, ax a moln eb' q'uen 'a yol scaxail cha, xchi 'ayin.
3Yuj cha, xwa'n b'o jun te caxa chi 'a te 'a'nte acacia, xwa'n tzeyxoc pax chapachn̈ q'uen q'uen cha, 'ix wi'n eb' q'ue'en, in 'atx 'a sjolm lum witz cha. 4'Ix stz'ib'n pax 'och Jehová jun tzo'n̈ lajn̈e checnb'il chi 'a eb' q'ue'en. 'Icha wal yutjnac stz'ib'n eb' q'uen b'ab'l cha, atn jun tzo'n̈ yaljnac pax 'ayn̈ec 'a scal te c'ac', yic yamnon̈c 'a yich lum witz cha. A 'a sjolm lum witz cha, ata 'ac'b'il eb' q'uen 'ayn yuj Jehová. 5Xlajw cha, in pax 'emt 'a sjolm lum witz cha. 'Ix wa'n 'ejm eb' q'uen 'a yojl te caxa cha, 'icha wal xyutj Jehová yaln 'ayin, an̈ja 'ay 'ejm eb' q'uen ta ticnec, xchi Moisés.
6('Ix 'elx eb' israel 'a Beerot-bene-jaacán, 'ix jaw eb' 'a Moserá. Atnta 'ix chamcn Aarón, 'ix mucx can ta', ax jun yunnal tzcuch Eleazar, a x'ochx can sjelc 'a yopiso, yic tzya'n 'och sti eb' 'anma 'a Dios. 7'Ix 'elx eb' israel 'a jun lugar cha, axta 'ix jaw eb' 'a Gudgoda. 'Ix cotx eb' 'a Gudgoda cha, axta xjaw eb' 'a Jotbata. A jun lugar cha, til wal a a 'ay ta'. 8Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec. 9Yuj cha, a eb' yin̈tl Leví, may smacl lum eb' schaj 'icha yic smasnil eb' quit chon̈b'ec, yujto a Jehová a tzyac' servil eb', a chi smacl eb' yaji, 'icha wal yaj yaln cani.)
10'Ix yaln pax Moisés: A 'a jun tiempoal cha, chawinc c'u chawinc 'ac'wl in can 'a sjolm lum witz cha, 'icha 'ix wac' 'a b'ab'el. An̈jtona', 'ix schaj pax Jehová yab' tas xwal 'a 'a, yuj cha, ma'ex satl yu'uj. 11'Ix yaln Jehová 'ayn 'ixtic: 'Ixic, b'ab'ljan̈ yuj eb' et chon̈b' cha, tze'n 'at eb' 'a 'aj 'ay lum lum tzwac' eyico'oc, atn lum wa'jnac in ti wa'n 'a eb' e mam eyicham, xchi 'ayin.
A tas tzc'an Dios 'a eb' israel
12Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec, 13tzqui yiclniec smasnil schecnb'il yet' sley, sec wach' 'oj quel'chec. 14Tzcham wal e nani, chajtlto a Jehová a 'ay yic satcha'an̈ yet' pax jun tzo'n̈ xo tas 'ay 'a 'a, a pax 'ay yic lum lum tic, yet' pax tas 'ay 'a sat lu'um. 15Yujto a Jehová caw wal 'ay schamc'ojlal 'a eb' qui mam quichmec, yuj cha, si'n can 'el yin̈tl eb', an̈ec ton tic sic'b'iln̈ec 'elt yuj 'a scal jun tzo'n̈ xo chon̈ab', 'icha ton tas wan quilnec tic.
16'A'c 'och yechl jun trato tic 'a e nab'en, man̈ eyac' pitl e b'a 'a 'a, 17yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a. 18Tz'o'ch sc'ojl 'a eb' meb'a 'unn chamnc smam, yet' 'a eb' 'ix 'ix chamnc yichmil. 'Ay schamc'ojlal 'a eb' chuc chon̈b'al cajn 'a qui calec, tzyac' tas tzc'ux eb', tzya'n pax spichl eb'. 19Yuj cha, yowlal tzqui chamc'ojlej eb' chuc chon̈b'al cajn 'a qui cal, yujto chuc chon̈b'al 'ajnc que'c 'a scal eb' 'aj Egipto.
20'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'. 21Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc. 22A yic xc'ochcn eb' qui mam quichmec 'a Egipto, cojn 70 sb'isl eb', palta ax ticnec, xniwtj qui b'islec yuj Jehová qui Diosalec. Lajn xo wal qui b'islec 'icha c'anal 'ay 'a satcha'an̈, xchi Moisés.
Currently Selected:
Dt 10: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Dt 10
10
'Ix 'a'tb'i pax trato
(Ex 34.1-10)
1Yuj cha, xyaln Jehová 'ixtc 'ayin: 'Ac' tzeyxoc tojlb'oc chapachc q'uen q'ue'en, 'icha wal yaj q'uen xwac' 'aych 'a b'ab'el, 'ixta tz'aj sb'o eb' q'ue'en. Tza'n b'o pax junc scaxail te tz'aji, tzlajw cha, tzach q'ue paxt wet' 'a sjolm lum witz tic. 2Ax in tz'ib'n pax 'och jun tzo'n̈ paxti chi 'a eb' q'ue'en, atn jun tzo'n̈ 'ix wa'ch 'a eb' q'uen b'ab'l cha, eb' q'uen xa ma' pojoc. Tzlajw cha, ax a moln eb' q'uen 'a yol scaxail cha, xchi 'ayin.
3Yuj cha, xwa'n b'o jun te caxa chi 'a te 'a'nte acacia, xwa'n tzeyxoc pax chapachn̈ q'uen q'uen cha, 'ix wi'n eb' q'ue'en, in 'atx 'a sjolm lum witz cha. 4'Ix stz'ib'n pax 'och Jehová jun tzo'n̈ lajn̈e checnb'il chi 'a eb' q'ue'en. 'Icha wal yutjnac stz'ib'n eb' q'uen b'ab'l cha, atn jun tzo'n̈ yaljnac pax 'ayn̈ec 'a scal te c'ac', yic yamnon̈c 'a yich lum witz cha. A 'a sjolm lum witz cha, ata 'ac'b'il eb' q'uen 'ayn yuj Jehová. 5Xlajw cha, in pax 'emt 'a sjolm lum witz cha. 'Ix wa'n 'ejm eb' q'uen 'a yojl te caxa cha, 'icha wal xyutj Jehová yaln 'ayin, an̈ja 'ay 'ejm eb' q'uen ta ticnec, xchi Moisés.
6('Ix 'elx eb' israel 'a Beerot-bene-jaacán, 'ix jaw eb' 'a Moserá. Atnta 'ix chamcn Aarón, 'ix mucx can ta', ax jun yunnal tzcuch Eleazar, a x'ochx can sjelc 'a yopiso, yic tzya'n 'och sti eb' 'anma 'a Dios. 7'Ix 'elx eb' israel 'a jun lugar cha, axta 'ix jaw eb' 'a Gudgoda. 'Ix cotx eb' 'a Gudgoda cha, axta xjaw eb' 'a Jotbata. A jun lugar cha, til wal a a 'ay ta'. 8Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec. 9Yuj cha, a eb' yin̈tl Leví, may smacl lum eb' schaj 'icha yic smasnil eb' quit chon̈b'ec, yujto a Jehová a tzyac' servil eb', a chi smacl eb' yaji, 'icha wal yaj yaln cani.)
10'Ix yaln pax Moisés: A 'a jun tiempoal cha, chawinc c'u chawinc 'ac'wl in can 'a sjolm lum witz cha, 'icha 'ix wac' 'a b'ab'el. An̈jtona', 'ix schaj pax Jehová yab' tas xwal 'a 'a, yuj cha, ma'ex satl yu'uj. 11'Ix yaln Jehová 'ayn 'ixtic: 'Ixic, b'ab'ljan̈ yuj eb' et chon̈b' cha, tze'n 'at eb' 'a 'aj 'ay lum lum tzwac' eyico'oc, atn lum wa'jnac in ti wa'n 'a eb' e mam eyicham, xchi 'ayin.
A tas tzc'an Dios 'a eb' israel
12Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec, 13tzqui yiclniec smasnil schecnb'il yet' sley, sec wach' 'oj quel'chec. 14Tzcham wal e nani, chajtlto a Jehová a 'ay yic satcha'an̈ yet' pax jun tzo'n̈ xo tas 'ay 'a 'a, a pax 'ay yic lum lum tic, yet' pax tas 'ay 'a sat lu'um. 15Yujto a Jehová caw wal 'ay schamc'ojlal 'a eb' qui mam quichmec, yuj cha, si'n can 'el yin̈tl eb', an̈ec ton tic sic'b'iln̈ec 'elt yuj 'a scal jun tzo'n̈ xo chon̈ab', 'icha ton tas wan quilnec tic.
16'A'c 'och yechl jun trato tic 'a e nab'en, man̈ eyac' pitl e b'a 'a 'a, 17yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a. 18Tz'o'ch sc'ojl 'a eb' meb'a 'unn chamnc smam, yet' 'a eb' 'ix 'ix chamnc yichmil. 'Ay schamc'ojlal 'a eb' chuc chon̈b'al cajn 'a qui calec, tzyac' tas tzc'ux eb', tzya'n pax spichl eb'. 19Yuj cha, yowlal tzqui chamc'ojlej eb' chuc chon̈b'al cajn 'a qui cal, yujto chuc chon̈b'al 'ajnc que'c 'a scal eb' 'aj Egipto.
20'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'. 21Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc. 22A yic xc'ochcn eb' qui mam quichmec 'a Egipto, cojn 70 sb'isl eb', palta ax ticnec, xniwtj qui b'islec yuj Jehová qui Diosalec. Lajn xo wal qui b'islec 'icha c'anal 'ay 'a satcha'an̈, xchi Moisés.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.