Dn 8
8
Swaychej Daniel*r* jun no calnelu yet' jun no chiwo
1'Ix yaln pax Daniel 'ixtic: A yic yoxl ab'il xo yoch win Belsasar reyal, 'ix 'och junx in wayich, 'a spatquil xo jun wiljnac 'a b'ab'el. 2A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i. 3Ax xwiln 'ati, 'ay jun no calnelu 'ayc' 'a sti a cha. 'Ay chab' sch'ac niwc ste'il, palta 'ay jun sch'ac chi tza'n to xq'ueli. A jun cha, yel xo caw niwquil x'aj stel 'a yib'n̈ junx cha. 4Ax xwilni, a jun calnelu cha, a yet' sch'ac chi tzyac' satnc 'el smasnil tas 'ay 'a stojlal 'aj tz'em c'u, 'a stojlal norte yet' pax 'a stojlal sur. May xon junc noc' tztac' ste'wtzan sb'a 'a yojltac, may pax junc mach tztac' scoln sb'a 'a 'a. Tzb'on̈j tas tznib'j sc'ojol. Caw 'ipn yoch yip 'a junjn 'ejem.
5Wanto in nan yuj tas 'ix wil cha, ax xwilni 'ay jun chiwo wan sjaw 'a stojlal 'aj tz'em c'u. Caw carela ya'ni, 'icha to matz tec' xon 'ejm jac yoc 'a sat lu'um. A jun chiwo cha, 'ay wal jun sch'ac caw niwquil. A 'a snan̈l yol sat schab'il, ata 'ay 'elt jun sch'ac cha. 6A yic xc'och no 'a stz'ey no calnelu chab' sch'ac cha, atn no xwil 'ayc' 'a sti a a', 'ix 'at jucn̈joc no chiwo chi yet' wal smasnil yip yet' yowl sc'ojl 'a no'. 7'Ix sma'n wecchjoc no sch'ac no calnelu chi schab'il. Caw man̈x 'a yip no calnelu chi ste'wtzan sb'a 'a yojltac no chiwo cha. Xlajw cha, xtelw no yuj no', ste'n can 'ejm no chiwo chi no 'a sat lu'um, may mach xcoln no 'a no'.
8Ax no chiwo cha, caw 'ipn swach' 'och yip no'. Palta ax x'aji, a wal 'a yic 'aych no 'a ste'nal yet' yip, 'ix wecchj 'el jun sniwquil ch'ac cha. Ax 'a yet'l 'aj xwecchj 'el cha, ata xq'uel chan̈e xo sch'ac no', q'ueln 'at sch'ac no chi 'a schan̈paq'uil yolyib'n̈q'uinal. 9A 'a junc eb' sch'ac no cha, ata xpac' 'elt junx syune ch'a'ac. A jun cha, caw niwquil x'aj sq'uib' 'a stojlal sur, yet' 'a stojlal 'aj tzq'uel c'u, yet' pax 'a stojlal 'a 'aj 'ay lum lum caw wach' yilxi. 10Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'. 11An̈jtona 'ix ste'wtzan sb'a 'a yojltac jun Syajlil eb' 'ay 'a satchan̈ cha. Smacn 'och wan yajx jun tzo'n̈ xajmb'al tz'ajx 'a jun Yajl chi 'a junjn c'u, xyixtn pax 'el jun lugar yic 'emmquilal yaji. 12Yuj wal stu nab'enal cha, 'ix ya'n 'och eb' soldado 'a jun lugar 'a 'aj tz'ajx xajmb'al 'a junjn c'u, smacn 'och wan yajx jun tzo'n̈ xajmb'al cha. 'Ix satx 'el jun a caw 'emmquilal yu'uj. 'Ixta to b'i'an, sb'on wal tas tznib'j sb'o'.
13Xlajw cha, ax xwab'ni 'ay jun ángel xc'anb'n 'a junx ángel 'ixtic: ¿Jantc to wal tiempo 'oj yac' jun tzquil tic? ¿Jantc to tiempo 'ayc' jun yajb'il 'el yuj Dios tic, atn jun tzmacn 'och wan xajmb'al tz'ajx 'a junjn c'u? ¿B'a'n̈ to 'oj 'och wan ste'x 'ejm eb' soldado 'aj satchan̈ yu'uj, yet' jun scajnub' Jehová? xchi. 14'Ix ta'w junx ángel chi 'a 'ixtic: A jun tic, 'ayc'n̈ej masnto 'oj tz'acwc 'ec' 2,300 yemc'ual yet' yic sq'uin̈b'il 'aj man̈x 'oj 'ajxoc xajmb'al. Atta 'oj lajwc 'ec' jun tzo'n̈ tic. 'Ixta to b'i'an, ax yijx 'el tas man̈ wach'c 'aych 'a yojl scajnub' Jehová, xchi junx ángel cha.
15An Daniel in tic, wanto in nan yuj tas xwil 'a in waych cha, yic tznachj 'el wu'uj tas tzyal 'el'chi. Ax xwilni 'ay jun 'icha yilx 'anma sch'ox sb'a 'a wojltac. 16Axn cha, xwab'n yoch jun jaj 'a sti a niwn a Ulai, 'icha wal sjaj junc 'anma', xyaln 'ixtic: Gabriel, al 'a jun winc tic tas tzyal 'el'ch jun xyil tic, xchi.
17Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.
18A yic wanto spaxtin 'ayn cha, in 'ec' telnjoc 'a sat lu'um, caw sat in c'ojol; 'ix 'och yamn 'ayin, in sto'n chan̈ lin̈an. 19Xyaln 'ayn 'ixtic:
'Oj wal 'ayach tas 'oj ujc 'a yic wan slajw jun tiempoal tic. A jun xel cha, tzch'ox cot yuj slajb' c'ual.
20A no calnelu chab' sch'ac xel cha, atn eb' sreyl chon̈b' Media yet' Persia tzch'oxo. 21Ax pax no chiwo xel cha, atn sreyl chon̈b' Grecia tzch'oxo. A jun sch'ac caw niwquil 'ay 'elt 'a snan̈l yol sat schab'il, atn jun b'ab'l rey tzch'oxo. 22Ax chan̈e xo sch'ac xpa'x can 'a yic xwecchj 'el jun sb'ab'l ch'a'ac, tzyal 'el'chi, 'oj poj snan̈l jun nacion̈ cha, chan̈e nacion̈al 'oj 'eloc, palta man̈ lajnoc yip eb' yet' jun b'ab'l cha.
23A yic wan slajw c'och stiempoal ya'n jun tzo'n̈ nacion̈ chi yajlil, 'oj niwtjoc smaysch'olnilal eb' 'a sat Dios. 'Ay junx rey 'oj yac' yajlil, ch'an sc'ojlani, caw jeln 'a tas maysch'olnil.
24'Oj yic' yip si'mb'il, palta man̈oc yet' sjelnal 'a mun yico'. Caw satjub'tac 'oj yutc satn 'el smasnil tas, wach' 'oj 'el'choc yet' tas 'oj sb'o cha. 'Ay eb' 'anma caw 'ay yip, 'oj satxoc 'el eb' yu'uj, an̈jtona', niwn pax eb' schon̈b' Dios 'oj satl yu'uj.
25Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.
26A tas 'ix el 'a xajmb'al tz'ajx 'a yic yemc'ual yet' 'a yic sq'uin̈b'ial, tic wal xalx ab'i', tas tzyal 'el'chi. A jun cha, yowlal 'oj 'el'choc. Can cab' n̈ej jun tic 'a a nab'en, may cab' junc mach 'aj tzala yujto a yic caw niwn xo tiempo tox 'ix 'eq'ui, 'ixta to b'i'an, ax yel'ch jun tzo'n̈ tic, xchi Gabriel 'ayin.
27An xo an Daniel in tic, caw x'el wip xwab'i, 'ix 'och in yailal jaye c'ual. Xlajw cha, xb'ox in c'ojol, in q'uex wa'an, 'ix in yamn pax 'och wiln wopiso 'ac'b'il yuj win rey. Palta caw wal an̈ja 'ayn 'och 'a somc'ojlal yuj jun tzo'n̈ tas wiljnac 'a in waych cha, yujto caw matz nachj 'el wu'uj, tas wal tzyal 'el'chi, xchi Daniel.
Currently Selected:
Dn 8: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Dn 8
8
Swaychej Daniel*r* jun no calnelu yet' jun no chiwo
1'Ix yaln pax Daniel 'ixtic: A yic yoxl ab'il xo yoch win Belsasar reyal, 'ix 'och junx in wayich, 'a spatquil xo jun wiljnac 'a b'ab'el. 2A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i. 3Ax xwiln 'ati, 'ay jun no calnelu 'ayc' 'a sti a cha. 'Ay chab' sch'ac niwc ste'il, palta 'ay jun sch'ac chi tza'n to xq'ueli. A jun cha, yel xo caw niwquil x'aj stel 'a yib'n̈ junx cha. 4Ax xwilni, a jun calnelu cha, a yet' sch'ac chi tzyac' satnc 'el smasnil tas 'ay 'a stojlal 'aj tz'em c'u, 'a stojlal norte yet' pax 'a stojlal sur. May xon junc noc' tztac' ste'wtzan sb'a 'a yojltac, may pax junc mach tztac' scoln sb'a 'a 'a. Tzb'on̈j tas tznib'j sc'ojol. Caw 'ipn yoch yip 'a junjn 'ejem.
5Wanto in nan yuj tas 'ix wil cha, ax xwilni 'ay jun chiwo wan sjaw 'a stojlal 'aj tz'em c'u. Caw carela ya'ni, 'icha to matz tec' xon 'ejm jac yoc 'a sat lu'um. A jun chiwo cha, 'ay wal jun sch'ac caw niwquil. A 'a snan̈l yol sat schab'il, ata 'ay 'elt jun sch'ac cha. 6A yic xc'och no 'a stz'ey no calnelu chab' sch'ac cha, atn no xwil 'ayc' 'a sti a a', 'ix 'at jucn̈joc no chiwo chi yet' wal smasnil yip yet' yowl sc'ojl 'a no'. 7'Ix sma'n wecchjoc no sch'ac no calnelu chi schab'il. Caw man̈x 'a yip no calnelu chi ste'wtzan sb'a 'a yojltac no chiwo cha. Xlajw cha, xtelw no yuj no', ste'n can 'ejm no chiwo chi no 'a sat lu'um, may mach xcoln no 'a no'.
8Ax no chiwo cha, caw 'ipn swach' 'och yip no'. Palta ax x'aji, a wal 'a yic 'aych no 'a ste'nal yet' yip, 'ix wecchj 'el jun sniwquil ch'ac cha. Ax 'a yet'l 'aj xwecchj 'el cha, ata xq'uel chan̈e xo sch'ac no', q'ueln 'at sch'ac no chi 'a schan̈paq'uil yolyib'n̈q'uinal. 9A 'a junc eb' sch'ac no cha, ata xpac' 'elt junx syune ch'a'ac. A jun cha, caw niwquil x'aj sq'uib' 'a stojlal sur, yet' 'a stojlal 'aj tzq'uel c'u, yet' pax 'a stojlal 'a 'aj 'ay lum lum caw wach' yilxi. 10Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'. 11An̈jtona 'ix ste'wtzan sb'a 'a yojltac jun Syajlil eb' 'ay 'a satchan̈ cha. Smacn 'och wan yajx jun tzo'n̈ xajmb'al tz'ajx 'a jun Yajl chi 'a junjn c'u, xyixtn pax 'el jun lugar yic 'emmquilal yaji. 12Yuj wal stu nab'enal cha, 'ix ya'n 'och eb' soldado 'a jun lugar 'a 'aj tz'ajx xajmb'al 'a junjn c'u, smacn 'och wan yajx jun tzo'n̈ xajmb'al cha. 'Ix satx 'el jun a caw 'emmquilal yu'uj. 'Ixta to b'i'an, sb'on wal tas tznib'j sb'o'.
13Xlajw cha, ax xwab'ni 'ay jun ángel xc'anb'n 'a junx ángel 'ixtic: ¿Jantc to wal tiempo 'oj yac' jun tzquil tic? ¿Jantc to tiempo 'ayc' jun yajb'il 'el yuj Dios tic, atn jun tzmacn 'och wan xajmb'al tz'ajx 'a junjn c'u? ¿B'a'n̈ to 'oj 'och wan ste'x 'ejm eb' soldado 'aj satchan̈ yu'uj, yet' jun scajnub' Jehová? xchi. 14'Ix ta'w junx ángel chi 'a 'ixtic: A jun tic, 'ayc'n̈ej masnto 'oj tz'acwc 'ec' 2,300 yemc'ual yet' yic sq'uin̈b'il 'aj man̈x 'oj 'ajxoc xajmb'al. Atta 'oj lajwc 'ec' jun tzo'n̈ tic. 'Ixta to b'i'an, ax yijx 'el tas man̈ wach'c 'aych 'a yojl scajnub' Jehová, xchi junx ángel cha.
15An Daniel in tic, wanto in nan yuj tas xwil 'a in waych cha, yic tznachj 'el wu'uj tas tzyal 'el'chi. Ax xwilni 'ay jun 'icha yilx 'anma sch'ox sb'a 'a wojltac. 16Axn cha, xwab'n yoch jun jaj 'a sti a niwn a Ulai, 'icha wal sjaj junc 'anma', xyaln 'ixtic: Gabriel, al 'a jun winc tic tas tzyal 'el'ch jun xyil tic, xchi.
17Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.
18A yic wanto spaxtin 'ayn cha, in 'ec' telnjoc 'a sat lu'um, caw sat in c'ojol; 'ix 'och yamn 'ayin, in sto'n chan̈ lin̈an. 19Xyaln 'ayn 'ixtic:
'Oj wal 'ayach tas 'oj ujc 'a yic wan slajw jun tiempoal tic. A jun xel cha, tzch'ox cot yuj slajb' c'ual.
20A no calnelu chab' sch'ac xel cha, atn eb' sreyl chon̈b' Media yet' Persia tzch'oxo. 21Ax pax no chiwo xel cha, atn sreyl chon̈b' Grecia tzch'oxo. A jun sch'ac caw niwquil 'ay 'elt 'a snan̈l yol sat schab'il, atn jun b'ab'l rey tzch'oxo. 22Ax chan̈e xo sch'ac xpa'x can 'a yic xwecchj 'el jun sb'ab'l ch'a'ac, tzyal 'el'chi, 'oj poj snan̈l jun nacion̈ cha, chan̈e nacion̈al 'oj 'eloc, palta man̈ lajnoc yip eb' yet' jun b'ab'l cha.
23A yic wan slajw c'och stiempoal ya'n jun tzo'n̈ nacion̈ chi yajlil, 'oj niwtjoc smaysch'olnilal eb' 'a sat Dios. 'Ay junx rey 'oj yac' yajlil, ch'an sc'ojlani, caw jeln 'a tas maysch'olnil.
24'Oj yic' yip si'mb'il, palta man̈oc yet' sjelnal 'a mun yico'. Caw satjub'tac 'oj yutc satn 'el smasnil tas, wach' 'oj 'el'choc yet' tas 'oj sb'o cha. 'Ay eb' 'anma caw 'ay yip, 'oj satxoc 'el eb' yu'uj, an̈jtona', niwn pax eb' schon̈b' Dios 'oj satl yu'uj.
25Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.
26A tas 'ix el 'a xajmb'al tz'ajx 'a yic yemc'ual yet' 'a yic sq'uin̈b'ial, tic wal xalx ab'i', tas tzyal 'el'chi. A jun cha, yowlal 'oj 'el'choc. Can cab' n̈ej jun tic 'a a nab'en, may cab' junc mach 'aj tzala yujto a yic caw niwn xo tiempo tox 'ix 'eq'ui, 'ixta to b'i'an, ax yel'ch jun tzo'n̈ tic, xchi Gabriel 'ayin.
27An xo an Daniel in tic, caw x'el wip xwab'i, 'ix 'och in yailal jaye c'ual. Xlajw cha, xb'ox in c'ojol, in q'uex wa'an, 'ix in yamn pax 'och wiln wopiso 'ac'b'il yuj win rey. Palta caw wal an̈ja 'ayn 'och 'a somc'ojlal yuj jun tzo'n̈ tas wiljnac 'a in waych cha, yujto caw matz nachj 'el wu'uj, tas wal tzyal 'el'chi, xchi Daniel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.