Hch 28
28
'Ayc' Pablo 'a lum Malta
1Ax yic on̈ colchj can 'el chi 'on̈, 'ix cab'ni to a jun lum 'a snan̈l a cha, Malta sb'i. 2Ax eb' 'aj lugar cha, caw wach' xyutj eb' snab'en 'ayn̈ on̈. 'Ix ya'ch eb' jun niwquil c'ac', yujto caw si'ic, 'ay pax n̈ab'. On̈ yawtn 'at eb' c'achnoc on̈. 3Ax Pablo x'at me'nc cot jun tzo'n̈ xo tacn̈ b'olob'. Yic wan ya'n 'at te 'a yib'n̈ c'ac', 'ay jun no chan x'elt 'a scal te yuj te c'ac' cha. 'Ix schin no sc'ab' Pablo cha, xcan t'un̈n no 'a 'a. 4'Ix yiln eb' 'aj lugar cha, to xcan t'un̈n no 'a sc'ab'. Yuj cha, xyaln eb' 'ixtic: A win tic, tecn to ma'm cham 'anma winac. Wach'xam xyac' ganar scolchj 'el 'a a mar, palta yowlal 'oj scha spac jun smul cha, 'oj chamoc, xchi eb'.
5Palta ax Pablo, ton̈j 'ix stzic sc'ab', 'ix 'em lan̈njoc no 'a scal c'ac' cha, may xon jac x'aj yuj no'. 6Ax eb' 'anma chi smasnil, 'ix stan̈wj eb' smal sc'ab' cha. Snan eb', to yajn̈j cha, ax schami. Ax xyiln eb' x'ec' tiempo, may jac x'i'ni. Yuj cha, 'ix sjeln eb' snab'en. Xyaln eb' 'ixtic: A Pablo tic, tecn dios, xchi eb'.
7Ax 'a sla'nil 'aj 'ayn̈ 'ec' chi 'on̈, ata 'ay slum win yajl 'a lugar Malta cha, Publio sb'i winac. On̈ schaj 'och win 'a yol yatut on̈. Caw wach' xyutj win snab'en 'ayn̈ on̈. On̈ 'och wan 'oxe c'u yet' win 'a yatut chi 'on̈. 8Ax smam win Publio cha, caw ya yaji. Tzcham yuj c'a'l yab'il yet' chic'. Ax Pablo, x'och 'a yol cuarto yet'oc. 'Ix leslwi, 'ix ya'n 'at sc'ab' 'a yib'n̈ winac. 'Ixta to b'i'an, xb'ox can sc'ojl win yu'uj. 9Xlajw sb'ox sc'ojl win cha, ax jun tzo'n̈ xo eb' ya'ay 'a jun lugar cha, c'uxn xc'och eb' 'a Pablo. 'Ix b'ox pax can sc'ojl eb' yu'uj. 10Til wal schamc'ojlal eb' 'aj lugar chi 'ayn̈ on̈. Ax yic xjaw stiempoal qui 'atx 'a junx barco, c'uxn xyac' eb' tas 'ay tz'och cuj on̈.
C'ochnc Pablo 'a Roma
11'Oxe 'uj on̈ can 'a lugar Malta chi 'on̈. Ata 'aych wan jun barco yic tz'ec' n̈ab'lq'uinal. A te barco cha, yic chon̈b' Alejandría te'. Ax 'a sat 'aych yechl chawn̈ sdiosal eb', atn Castor yet' Pólux,#Hch 28.11 Castor yet' Pólux, sb'i scomn diosal eb' 'aj Roma, a tz'och ab' yet' eb' tz'ec' 'a yib'n̈ a 'a yol barco yaln eb'. atn 'a yojl te on̈ 'at on̈. 12On̈ c'och 'a chon̈b' Siracusa, ata on̈ 'och wan 'oxe c'u on̈. 13Xlajw cha, on̈ 'atxi, on̈ 'ec' 'a sla'nil stitc lu'um, masnto on̈ c'och 'a chon̈b' Regio. Ax 'a junx c'u, xcot jun 'ic' 'a stojlal sur, yuj cha, on̈ 'atx on̈, chab' c'u on̈ b'eyx 'a yib'n̈ a mar, 'ixta to b'i'an, on̈ c'och 'a chon̈b' Puteoli. 14Ata x'ilchj jaywn̈ eb' creyente cuj on̈. Snib'n eb' on̈ can yet' on̈. Uque c'u on̈ 'och wan yet' eb' on̈. Xlajw xoj cha, on̈ 'at 'a chon̈b' Roma 'a coc on̈. 15Ax eb' creyente 'aj Roma cha, xyab'n eb', to wan qui c'och on̈, yuj cha, on̈ wul schanc eb' 'a b'e on̈. 'Ay eb' on̈ wul chanc 'a lugar Apio, 'a 'aj 'ay jun mercado, 'ay pax eb' 'a aldea 'Oxe Posada. Ax xyiln 'at Pablo, wan sjaw eb' 'a 'a, 'ix ya'n yuj diosal 'a Dios, caw 'ix tzalji. 16Ax yic on̈ c'och 'a Roma chi 'on̈, ['ix ya'n 'och win capitan̈ chi eb' preso 'a yol sc'ab' junx win syajlil eb' soldado 'ayc' ta'.] Palta ax Pablo, ma'ix 'och 'a preso yet' eb', ton̈j 'ix tan̈wx yuj jun win soldado.
Xyal-l Pablo spaxti Dios 'a Roma
17Schab'jil xo qui c'och ta 'on̈, ax Pablo x'awtn cot ewin checl yaj 'a scal eb' yit israelal 'a Roma cha. Ax yic xc'och ewin 'a 'a, 'ix yaln 'a ewin 'ixtic:
—Ex wit chon̈ab', caw may in mul 'a eb' quit israelal. Ma'ix in ju pax sb'eyb'al eb' qui mam quichm 'aycn 'ayn̈ec. Palta a 'a Jerusalén, in ya'ch eb' 'a yol sc'ab' eb' 'aj Roma. 18'Ix sc'anb'j eb' 'aj Roma chi yab' 'ayin, tas in mul. Palta xyil eb', may jac in mul smoj tzin cham yu'uj. Yuj cha, snib'j eb' in ya'l 'a libre. 19Palta ax eb' quit israelal cha, toxn ma'ix yal sc'ojl eb' 'ixta'. Yuj cha, xin c'ann cot in b'a 'a win yajl 'a Roma tic, at win 'oj in b'eyc'olani. Palta may jac tas 'oj wa'ch 'a yib'n̈ eb' quit chon̈b' cha. 20Yuj cha, ex wawtn coti. Yujto tzin nib'j tzex wila, tzex in c'umn jab'oc. Yujto 'ay jun mach tan̈b'il xon sjaw cuj an̈ israel on̈c tic. Yujn̈ej to tzwa'ch in nab'en 'a jun cha, yuj cha, 'aych q'uen cadena tic 'ayin, xchi Pablo 'a eb'.
21Yuj cha, xyaln ewin yit israelal chi 'ixtc 'a 'a:
—May xon junc carta xcot 'a eb' 'aj Judea chi xqui cha'aj, yic tzyaln eb' o'oj, may pax junc eb' quit israelal xwul alnc junc tas tu 'a a patic. 22Palta tzqui nib'j tzcab' an̈ tic on̈, tas wan a nani. Yujto xcab' speclal on̈, chajtlto 'a junjn lugar, tzlaj yal eb' maysch'olnil 'a spatc jun e cuynb'il tot pitzwnac tic, xchi eb' 'a Pablo.
23Xlajw cha, smol aln eb', 'aja c'u tzyam sb'a eb' jun 'ejm xo. Ax 'a yic jun c'u cha, til wal eb' syam sb'a 'a 'aj 'ayc' Pablo cha. Ax 'a sq'uin̈b'ial, 'ix syamn 'och Pablo yaln 'a eb', masnto x'em c'u. 'Ix yaln 'a eb' tas wal tz'aj eb' 'anma yoch 'a yol sc'ab' Dios. 'Ix yaln pax 'a eb', tastc tz'ib'b'il can 'a ley yic Moisés, yet' tastc tz'ib'b'il can yuj eb' schecb' Dios pecti'. Caw xyac' wal snab'enoc eb', sec toq'ue tzya'ch eb' sc'ojl 'a Jesús. 24'Ay eb' x'a'n 'och 'a sc'ojol tas 'ix yal Pablo. 'Ay pax eb' ma'ix chan 'ab'nc tas 'ix yala. 25Yuj cha, syamn 'och eb' spax 'a yatut, yujto ma'ix chaj sb'a snab'en eb'. Yuj cha, xyaln Pablo 'a eb' 'ixtic:
—A Yespíritu Dios 'a'jnac yalcn Isaías 'a eb' qui mam quichmec pecti', yujto schecb' yaji. Caw yel jun yaljnac cha, yic yaln 'ixtic:
26'Ixic, 'at al 'a jun tzo'n̈ eb' 'anma chi 'ixtic:
'Oj cob' eyab'n̈j tas tzalxi, palta ma'oj nachjc 'el eyu'uj. 'Oj cob' eyiln̈ej, palta ma'oj eyojcoc 'eli tas jun cha.
27'Ix pitb' 'el snab'en jun tzo'n̈ eb' 'anma tic, 'icha to macn schicn eb', 'icha to tzmutz' eb' sat, sec wach' matz yil eb'. Matz tac' yab'n eb', matz nachj 'el pax yuj eb', yuj cha matz meltzj eb' 'ayin, yic tzcolchj eb' wu'uj, xchi Yespíritu Dios 'a Ch'an̈ U'un̈.
28Yuj cha, nachj cab' 'el eyu'uj, to a Dios wan ya'n jun colnb'il tic 'a eb' man̈ israeloc. Yujto a eb' cha, tzya'ch eb' schicn 'a 'a, xchi Pablo 'a eb'.
29[Yic xlajw yaln Pablo jun tzo'n̈ tic, 'ix 'atx eb' yit israelal cha, caw niwn 'ix stej sb'a eb' yuj jun tzo'n̈ xyab' cha.]
30Ax Pablo cha, smajnej jun n̈a, ata xcan chab' ab'il, ax eb' xlaj c'och c'umnoc, c'uxn 'ix schaj sc'och eb'. 31Caw te'n xyutj sb'a yaln 'eli, tas tz'aj eb' 'anma yoch 'a yol sc'ab' Dios, 'ix yaln 'el jun tzo'n̈ cuynb'il yic Cajlil Jesucristo, toxn may mach xtenn 'och wa'an.
Currently Selected:
Hch 28: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Hch 28
28
'Ayc' Pablo 'a lum Malta
1Ax yic on̈ colchj can 'el chi 'on̈, 'ix cab'ni to a jun lum 'a snan̈l a cha, Malta sb'i. 2Ax eb' 'aj lugar cha, caw wach' xyutj eb' snab'en 'ayn̈ on̈. 'Ix ya'ch eb' jun niwquil c'ac', yujto caw si'ic, 'ay pax n̈ab'. On̈ yawtn 'at eb' c'achnoc on̈. 3Ax Pablo x'at me'nc cot jun tzo'n̈ xo tacn̈ b'olob'. Yic wan ya'n 'at te 'a yib'n̈ c'ac', 'ay jun no chan x'elt 'a scal te yuj te c'ac' cha. 'Ix schin no sc'ab' Pablo cha, xcan t'un̈n no 'a 'a. 4'Ix yiln eb' 'aj lugar cha, to xcan t'un̈n no 'a sc'ab'. Yuj cha, xyaln eb' 'ixtic: A win tic, tecn to ma'm cham 'anma winac. Wach'xam xyac' ganar scolchj 'el 'a a mar, palta yowlal 'oj scha spac jun smul cha, 'oj chamoc, xchi eb'.
5Palta ax Pablo, ton̈j 'ix stzic sc'ab', 'ix 'em lan̈njoc no 'a scal c'ac' cha, may xon jac x'aj yuj no'. 6Ax eb' 'anma chi smasnil, 'ix stan̈wj eb' smal sc'ab' cha. Snan eb', to yajn̈j cha, ax schami. Ax xyiln eb' x'ec' tiempo, may jac x'i'ni. Yuj cha, 'ix sjeln eb' snab'en. Xyaln eb' 'ixtic: A Pablo tic, tecn dios, xchi eb'.
7Ax 'a sla'nil 'aj 'ayn̈ 'ec' chi 'on̈, ata 'ay slum win yajl 'a lugar Malta cha, Publio sb'i winac. On̈ schaj 'och win 'a yol yatut on̈. Caw wach' xyutj win snab'en 'ayn̈ on̈. On̈ 'och wan 'oxe c'u yet' win 'a yatut chi 'on̈. 8Ax smam win Publio cha, caw ya yaji. Tzcham yuj c'a'l yab'il yet' chic'. Ax Pablo, x'och 'a yol cuarto yet'oc. 'Ix leslwi, 'ix ya'n 'at sc'ab' 'a yib'n̈ winac. 'Ixta to b'i'an, xb'ox can sc'ojl win yu'uj. 9Xlajw sb'ox sc'ojl win cha, ax jun tzo'n̈ xo eb' ya'ay 'a jun lugar cha, c'uxn xc'och eb' 'a Pablo. 'Ix b'ox pax can sc'ojl eb' yu'uj. 10Til wal schamc'ojlal eb' 'aj lugar chi 'ayn̈ on̈. Ax yic xjaw stiempoal qui 'atx 'a junx barco, c'uxn xyac' eb' tas 'ay tz'och cuj on̈.
C'ochnc Pablo 'a Roma
11'Oxe 'uj on̈ can 'a lugar Malta chi 'on̈. Ata 'aych wan jun barco yic tz'ec' n̈ab'lq'uinal. A te barco cha, yic chon̈b' Alejandría te'. Ax 'a sat 'aych yechl chawn̈ sdiosal eb', atn Castor yet' Pólux,#Hch 28.11 Castor yet' Pólux, sb'i scomn diosal eb' 'aj Roma, a tz'och ab' yet' eb' tz'ec' 'a yib'n̈ a 'a yol barco yaln eb'. atn 'a yojl te on̈ 'at on̈. 12On̈ c'och 'a chon̈b' Siracusa, ata on̈ 'och wan 'oxe c'u on̈. 13Xlajw cha, on̈ 'atxi, on̈ 'ec' 'a sla'nil stitc lu'um, masnto on̈ c'och 'a chon̈b' Regio. Ax 'a junx c'u, xcot jun 'ic' 'a stojlal sur, yuj cha, on̈ 'atx on̈, chab' c'u on̈ b'eyx 'a yib'n̈ a mar, 'ixta to b'i'an, on̈ c'och 'a chon̈b' Puteoli. 14Ata x'ilchj jaywn̈ eb' creyente cuj on̈. Snib'n eb' on̈ can yet' on̈. Uque c'u on̈ 'och wan yet' eb' on̈. Xlajw xoj cha, on̈ 'at 'a chon̈b' Roma 'a coc on̈. 15Ax eb' creyente 'aj Roma cha, xyab'n eb', to wan qui c'och on̈, yuj cha, on̈ wul schanc eb' 'a b'e on̈. 'Ay eb' on̈ wul chanc 'a lugar Apio, 'a 'aj 'ay jun mercado, 'ay pax eb' 'a aldea 'Oxe Posada. Ax xyiln 'at Pablo, wan sjaw eb' 'a 'a, 'ix ya'n yuj diosal 'a Dios, caw 'ix tzalji. 16Ax yic on̈ c'och 'a Roma chi 'on̈, ['ix ya'n 'och win capitan̈ chi eb' preso 'a yol sc'ab' junx win syajlil eb' soldado 'ayc' ta'.] Palta ax Pablo, ma'ix 'och 'a preso yet' eb', ton̈j 'ix tan̈wx yuj jun win soldado.
Xyal-l Pablo spaxti Dios 'a Roma
17Schab'jil xo qui c'och ta 'on̈, ax Pablo x'awtn cot ewin checl yaj 'a scal eb' yit israelal 'a Roma cha. Ax yic xc'och ewin 'a 'a, 'ix yaln 'a ewin 'ixtic:
—Ex wit chon̈ab', caw may in mul 'a eb' quit israelal. Ma'ix in ju pax sb'eyb'al eb' qui mam quichm 'aycn 'ayn̈ec. Palta a 'a Jerusalén, in ya'ch eb' 'a yol sc'ab' eb' 'aj Roma. 18'Ix sc'anb'j eb' 'aj Roma chi yab' 'ayin, tas in mul. Palta xyil eb', may jac in mul smoj tzin cham yu'uj. Yuj cha, snib'j eb' in ya'l 'a libre. 19Palta ax eb' quit israelal cha, toxn ma'ix yal sc'ojl eb' 'ixta'. Yuj cha, xin c'ann cot in b'a 'a win yajl 'a Roma tic, at win 'oj in b'eyc'olani. Palta may jac tas 'oj wa'ch 'a yib'n̈ eb' quit chon̈b' cha. 20Yuj cha, ex wawtn coti. Yujto tzin nib'j tzex wila, tzex in c'umn jab'oc. Yujto 'ay jun mach tan̈b'il xon sjaw cuj an̈ israel on̈c tic. Yujn̈ej to tzwa'ch in nab'en 'a jun cha, yuj cha, 'aych q'uen cadena tic 'ayin, xchi Pablo 'a eb'.
21Yuj cha, xyaln ewin yit israelal chi 'ixtc 'a 'a:
—May xon junc carta xcot 'a eb' 'aj Judea chi xqui cha'aj, yic tzyaln eb' o'oj, may pax junc eb' quit israelal xwul alnc junc tas tu 'a a patic. 22Palta tzqui nib'j tzcab' an̈ tic on̈, tas wan a nani. Yujto xcab' speclal on̈, chajtlto 'a junjn lugar, tzlaj yal eb' maysch'olnil 'a spatc jun e cuynb'il tot pitzwnac tic, xchi eb' 'a Pablo.
23Xlajw cha, smol aln eb', 'aja c'u tzyam sb'a eb' jun 'ejm xo. Ax 'a yic jun c'u cha, til wal eb' syam sb'a 'a 'aj 'ayc' Pablo cha. Ax 'a sq'uin̈b'ial, 'ix syamn 'och Pablo yaln 'a eb', masnto x'em c'u. 'Ix yaln 'a eb' tas wal tz'aj eb' 'anma yoch 'a yol sc'ab' Dios. 'Ix yaln pax 'a eb', tastc tz'ib'b'il can 'a ley yic Moisés, yet' tastc tz'ib'b'il can yuj eb' schecb' Dios pecti'. Caw xyac' wal snab'enoc eb', sec toq'ue tzya'ch eb' sc'ojl 'a Jesús. 24'Ay eb' x'a'n 'och 'a sc'ojol tas 'ix yal Pablo. 'Ay pax eb' ma'ix chan 'ab'nc tas 'ix yala. 25Yuj cha, syamn 'och eb' spax 'a yatut, yujto ma'ix chaj sb'a snab'en eb'. Yuj cha, xyaln Pablo 'a eb' 'ixtic:
—A Yespíritu Dios 'a'jnac yalcn Isaías 'a eb' qui mam quichmec pecti', yujto schecb' yaji. Caw yel jun yaljnac cha, yic yaln 'ixtic:
26'Ixic, 'at al 'a jun tzo'n̈ eb' 'anma chi 'ixtic:
'Oj cob' eyab'n̈j tas tzalxi, palta ma'oj nachjc 'el eyu'uj. 'Oj cob' eyiln̈ej, palta ma'oj eyojcoc 'eli tas jun cha.
27'Ix pitb' 'el snab'en jun tzo'n̈ eb' 'anma tic, 'icha to macn schicn eb', 'icha to tzmutz' eb' sat, sec wach' matz yil eb'. Matz tac' yab'n eb', matz nachj 'el pax yuj eb', yuj cha matz meltzj eb' 'ayin, yic tzcolchj eb' wu'uj, xchi Yespíritu Dios 'a Ch'an̈ U'un̈.
28Yuj cha, nachj cab' 'el eyu'uj, to a Dios wan ya'n jun colnb'il tic 'a eb' man̈ israeloc. Yujto a eb' cha, tzya'ch eb' schicn 'a 'a, xchi Pablo 'a eb'.
29[Yic xlajw yaln Pablo jun tzo'n̈ tic, 'ix 'atx eb' yit israelal cha, caw niwn 'ix stej sb'a eb' yuj jun tzo'n̈ xyab' cha.]
30Ax Pablo cha, smajnej jun n̈a, ata xcan chab' ab'il, ax eb' xlaj c'och c'umnoc, c'uxn 'ix schaj sc'och eb'. 31Caw te'n xyutj sb'a yaln 'eli, tas tz'aj eb' 'anma yoch 'a yol sc'ab' Dios, 'ix yaln 'el jun tzo'n̈ cuynb'il yic Cajlil Jesucristo, toxn may mach xtenn 'och wa'an.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.