Hch 25
25
C'ochnc Pablo 'a yojltac Festo
1Ax win Festo cha, xc'och win 'a chon̈b' Cesarea, yic yoch win gobernadoral. Schab'jil xo schan win yopiso cha, x'at win 'a Jerusalén. 2Ax ewin sat ya'mal 'och sti eb' israel 'a Dios, yet' jun tzo'n̈ xo ewin 'ay yopiso, 'ix c'och ewin 'a winac, xit' ya'nc 'och ewin 'a yib'n̈ Pablo. 3'Ix sc'an ewin 'a Festo cha, sec toq'ue tz'ijx cot Pablo chi 'a Jerusalén cha. 'Ixta xyutj ewin yalni, yujto tznib'j ewin smil cham 'a yol b'e. 4Palta xyaln win Festo 'a ewin 'ixtic:
—Preso yaj Pablo 'a Cesarea ticnec. Yic to jaye c'u, 'oj in 'atx ta'. 5Yuj cha, tztac' tz'at eb' eyajlil 'a Cesarea chi wet'oc. Toto 'ay smul Pablo cha, tztac' 'at yalnc eb' ta', xchi winac.
6'Aym wajxquec c'u, mto lajn̈ec c'u x'och wan win Festo 'a Jerusalén cha, xlajw cha, 'ix paxx win 'a Cesarea. Ax 'a junx c'u, 'ix 'em wocn win 'a sdespacho. Xlajw cha, xya'n win 'ijxoc 'at Pablo. 7Yic xc'och Pablo 'a yojltac winac, ax ewin yit israelal xcot 'a Jerusalén, 'ix c'och oynjoc ewin 'a 'a. Man̈ jantcoc tas 'ix cob' ya'ch ewin 'a yib'an̈, palta may xon wal jac tzch'ox ewinac, toto yel tzyal ewinac. 8Xlajw yaln ewinac, xyaln Pablo pax 'ixtic:
—Toxn may jac in mul 'ochnc 'a ch'an̈ ley yic eb' wit israelal, may in mul 'ochnc 'a yatut Dios, may pax in mul 'ochnc 'a win yajl 'a Roma, xchi.
9Palta snib'j win Festo to tzalj eb' israel yet'oc. Yuj cha, 'ix sc'anb'n win 'ixtc 'a Pablo:
—¿Tzam a nib'j tzach 'at 'a Jerusalén, sec ata tzach in b'eyc'ojlej? xchi winac.
10—A 'a sdespacho win yajl 'a Roma tzin c'anb't in b'a. Ata smoj tzin b'eyc'ojlaxi. 'In ojtac, caw may in mul 'ochnc 'a eb' wit israelal tic. 11Toto 'ay junc in mul smoj tzin cham yu'uj, chamquin cab'i'. Palta toto man̈ yelc tas tzya'ch eb' wit israelal tic 'a wib'an̈, toto 'ixta', may mach tztac' in ya'n 'och 'a yol sc'ab' eb'. Tic tzin c'anb't in b'a 'a win yajl 'a Roma, at win 'oj in b'eyc'ojlani, xchi Pablo 'a winac.
12Xlajw cha, 'ix sc'umn sb'a win Festo chi yet' jun tzo'n̈ ewin yit yajlil tz'a'n snab'enoc. Yuj cha, xyaln win 'a Pablo 'ixtic:
—Ach tic, xa c'anb't a b'a 'a win yajl 'a Roma, yuj cha, ata 'oj ach wa't ta', xchi winac.
C'ochnc Pablo 'a yojltac rey Agripa
13'Ayxm sjayloc c'u, 'ix c'och win rey Agripa#Hch 25.13 A win Agripa tzb'inax 'a tic, yunnal win rey Herodes, win nib'jnac milnc cham Pedro, tzyal cot 'a Hechos 12. yet' 'ix Berenice 'a Cesarea cha, sec tzc'umj sb'a eb' yet' win Festo, yujto tot schajnac win yopiso. 14Ata xcan eb' jaye c'u ta'. 'Ay jun c'u 'ix yaln win Festo 'a win rey cha, tas yaj Pablo, 'ix yaln win 'ixtic:
—A yic yel Félix 'a yopiso, 'ay jun winc 'aycn 'och 'a preso yu'uj, Pablo sb'i. 15Yic in xit' 'a Jerusalén, a ewin sat ya'mal 'och sti eb' israel 'a Dios, yet' ewin 'ichmtac winc 'ay yopiso, xc'och ewin 'ayin. 'Ix ya'n queja ewin Pablo chi 'ayin, snib'j ewin xwa'ch chaml 'a yib'an̈. 16Yuj cha, xwaln 'ixtc 'a eb' 'aj Jerusalén cha: A yaj ley 'ayn̈ an̈ 'aj Roma on̈ tic on̈, matz tac' tzcomn 'ajx 'och chaml 'a yib'n̈ junc mach. Yowlal tzc'umj sb'a win yet' eb' tz'a'n queja chi 'a sat juez, sec tzya'lj win yi'n 'el 'a yib'an̈, xchi. 17Yuj cha, ax yic 'ix jaw eb' 'a tic, ma'ix 'ec' tiempo wu'uj. A 'a junx c'u, in 'och 'a in despacho. 'Ix wa'n 'ijxc cot Pablo cha. 18A in nani, to caw 'ay smul. Palta ax ewin x'a'n queja cha, may wal smul xya'ch ewin 'a yib'n̈ 'icha xwutj in nani. 19Cojn xyal ewinac, to 'ay smul Pablo 'a scuynb'il eb'. 'Ix yaln ewin yuj jun win chamnc xo, Jesús sb'i. Ax Pablo tzalni, to pitzan. Yujn̈ej jun tzo'n̈ cha, tzya'n queja ewinac. 20An xo tic, ma'ix nachj wu'uj, tas tzwutj in b'onyaj eb'. Yuj cha, xin c'anb'n 'ixtc 'a Pablo: ¿Tzam a nib'j tzach 'at 'a Jerusalén, sec wach' ata tzach in b'eyc'ojlej? xin chi. 21Palta xyaln 'ixtc 'ayin: Tic tzin c'anb't in b'a 'a win yajl 'a Roma. At win 'oj in b'eyc'ojlani, xchi Pablo 'ayin.
Yuj cha, an xo xwala to tzcan 'a preso, masnto 'oj wa't 'a win yajl cha, xchi win Festo.
22Xlajw yab'n win rey Agripa jun tzo'n̈ tic, 'ix yaln pax win 'ixtc 'a Festo cha:
An̈jtona 'in, tzin nib'j tzwab' pax 'a Pablo cha, xchi winac.
—Toto 'ixta', q'ui'nto 'oj ab' 'a 'a, xchi Festo chi 'a winac.
23Ax 'a junx c'u, 'ix c'ochx win rey Agripa yet' 'ix Berenice. Yel xo wal wach' yilx eb' yet' spichul. 'Ix 'och eb' 'a 'aj tzb'oyaj owal. 'Ix 'och pax ewin yajl soldado, yet' ewin checl yaj 'a sat eb' chon̈ab'. Ax win Festo cha, 'ix 'a'n 'ijxc cot Pablo. 24Xlajw cha, xyaln win 'ixtic:
—Ach rey Agripa, yet' jantcn̈ej ex xeyam e b'a quet'oc, yaj Pablo tic. Til wal eb' israel 'ix aln 'ayn yu'uj, tolab' 'ay smul. 'Ix yal eb' 'ayn 'a Jerusalén. 'Ix yaln pax eb' 'ayn 'a Cesarea tic. Caw matz yactj eb' sc'ann 'och chaml 'a yib'an̈. 25Palta tzin na 'an tic, may junc smul smoj scham yu'uj. Tox 'ix sc'anb't sb'a 'a win yajl 'a Roma, atn win Augusto, sec a win 'oj b'eyc'ojlanoc. Yuj cha, tzin na'a, to 'oj wa'ti. 26Palta may tas wach' in tz'ib'n 'at 'a win yajl chi yu'uj, yuj cha, xwi'n cot 'a ojltac ach rey Agripa, yet' 'a eyojltac e masnil. A ticnec, c'anb'jec eyab' 'a 'a, toq'ue 'ay junc smul tz'ilchj eyu'uj, ax in tz'ib'n 'at 'a win yajl cha. 27¿Tom 'oj stac' wa'n 'at junc mach 'aych 'a preso, toto matz in tz'ib'j 'at tas smul tz'och 'a yib'an̈? xchi win Festo cha.
Currently Selected:
Hch 25: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Hch 25
25
C'ochnc Pablo 'a yojltac Festo
1Ax win Festo cha, xc'och win 'a chon̈b' Cesarea, yic yoch win gobernadoral. Schab'jil xo schan win yopiso cha, x'at win 'a Jerusalén. 2Ax ewin sat ya'mal 'och sti eb' israel 'a Dios, yet' jun tzo'n̈ xo ewin 'ay yopiso, 'ix c'och ewin 'a winac, xit' ya'nc 'och ewin 'a yib'n̈ Pablo. 3'Ix sc'an ewin 'a Festo cha, sec toq'ue tz'ijx cot Pablo chi 'a Jerusalén cha. 'Ixta xyutj ewin yalni, yujto tznib'j ewin smil cham 'a yol b'e. 4Palta xyaln win Festo 'a ewin 'ixtic:
—Preso yaj Pablo 'a Cesarea ticnec. Yic to jaye c'u, 'oj in 'atx ta'. 5Yuj cha, tztac' tz'at eb' eyajlil 'a Cesarea chi wet'oc. Toto 'ay smul Pablo cha, tztac' 'at yalnc eb' ta', xchi winac.
6'Aym wajxquec c'u, mto lajn̈ec c'u x'och wan win Festo 'a Jerusalén cha, xlajw cha, 'ix paxx win 'a Cesarea. Ax 'a junx c'u, 'ix 'em wocn win 'a sdespacho. Xlajw cha, xya'n win 'ijxoc 'at Pablo. 7Yic xc'och Pablo 'a yojltac winac, ax ewin yit israelal xcot 'a Jerusalén, 'ix c'och oynjoc ewin 'a 'a. Man̈ jantcoc tas 'ix cob' ya'ch ewin 'a yib'an̈, palta may xon wal jac tzch'ox ewinac, toto yel tzyal ewinac. 8Xlajw yaln ewinac, xyaln Pablo pax 'ixtic:
—Toxn may jac in mul 'ochnc 'a ch'an̈ ley yic eb' wit israelal, may in mul 'ochnc 'a yatut Dios, may pax in mul 'ochnc 'a win yajl 'a Roma, xchi.
9Palta snib'j win Festo to tzalj eb' israel yet'oc. Yuj cha, 'ix sc'anb'n win 'ixtc 'a Pablo:
—¿Tzam a nib'j tzach 'at 'a Jerusalén, sec ata tzach in b'eyc'ojlej? xchi winac.
10—A 'a sdespacho win yajl 'a Roma tzin c'anb't in b'a. Ata smoj tzin b'eyc'ojlaxi. 'In ojtac, caw may in mul 'ochnc 'a eb' wit israelal tic. 11Toto 'ay junc in mul smoj tzin cham yu'uj, chamquin cab'i'. Palta toto man̈ yelc tas tzya'ch eb' wit israelal tic 'a wib'an̈, toto 'ixta', may mach tztac' in ya'n 'och 'a yol sc'ab' eb'. Tic tzin c'anb't in b'a 'a win yajl 'a Roma, at win 'oj in b'eyc'ojlani, xchi Pablo 'a winac.
12Xlajw cha, 'ix sc'umn sb'a win Festo chi yet' jun tzo'n̈ ewin yit yajlil tz'a'n snab'enoc. Yuj cha, xyaln win 'a Pablo 'ixtic:
—Ach tic, xa c'anb't a b'a 'a win yajl 'a Roma, yuj cha, ata 'oj ach wa't ta', xchi winac.
C'ochnc Pablo 'a yojltac rey Agripa
13'Ayxm sjayloc c'u, 'ix c'och win rey Agripa#Hch 25.13 A win Agripa tzb'inax 'a tic, yunnal win rey Herodes, win nib'jnac milnc cham Pedro, tzyal cot 'a Hechos 12. yet' 'ix Berenice 'a Cesarea cha, sec tzc'umj sb'a eb' yet' win Festo, yujto tot schajnac win yopiso. 14Ata xcan eb' jaye c'u ta'. 'Ay jun c'u 'ix yaln win Festo 'a win rey cha, tas yaj Pablo, 'ix yaln win 'ixtic:
—A yic yel Félix 'a yopiso, 'ay jun winc 'aycn 'och 'a preso yu'uj, Pablo sb'i. 15Yic in xit' 'a Jerusalén, a ewin sat ya'mal 'och sti eb' israel 'a Dios, yet' ewin 'ichmtac winc 'ay yopiso, xc'och ewin 'ayin. 'Ix ya'n queja ewin Pablo chi 'ayin, snib'j ewin xwa'ch chaml 'a yib'an̈. 16Yuj cha, xwaln 'ixtc 'a eb' 'aj Jerusalén cha: A yaj ley 'ayn̈ an̈ 'aj Roma on̈ tic on̈, matz tac' tzcomn 'ajx 'och chaml 'a yib'n̈ junc mach. Yowlal tzc'umj sb'a win yet' eb' tz'a'n queja chi 'a sat juez, sec tzya'lj win yi'n 'el 'a yib'an̈, xchi. 17Yuj cha, ax yic 'ix jaw eb' 'a tic, ma'ix 'ec' tiempo wu'uj. A 'a junx c'u, in 'och 'a in despacho. 'Ix wa'n 'ijxc cot Pablo cha. 18A in nani, to caw 'ay smul. Palta ax ewin x'a'n queja cha, may wal smul xya'ch ewin 'a yib'n̈ 'icha xwutj in nani. 19Cojn xyal ewinac, to 'ay smul Pablo 'a scuynb'il eb'. 'Ix yaln ewin yuj jun win chamnc xo, Jesús sb'i. Ax Pablo tzalni, to pitzan. Yujn̈ej jun tzo'n̈ cha, tzya'n queja ewinac. 20An xo tic, ma'ix nachj wu'uj, tas tzwutj in b'onyaj eb'. Yuj cha, xin c'anb'n 'ixtc 'a Pablo: ¿Tzam a nib'j tzach 'at 'a Jerusalén, sec wach' ata tzach in b'eyc'ojlej? xin chi. 21Palta xyaln 'ixtc 'ayin: Tic tzin c'anb't in b'a 'a win yajl 'a Roma. At win 'oj in b'eyc'ojlani, xchi Pablo 'ayin.
Yuj cha, an xo xwala to tzcan 'a preso, masnto 'oj wa't 'a win yajl cha, xchi win Festo.
22Xlajw yab'n win rey Agripa jun tzo'n̈ tic, 'ix yaln pax win 'ixtc 'a Festo cha:
An̈jtona 'in, tzin nib'j tzwab' pax 'a Pablo cha, xchi winac.
—Toto 'ixta', q'ui'nto 'oj ab' 'a 'a, xchi Festo chi 'a winac.
23Ax 'a junx c'u, 'ix c'ochx win rey Agripa yet' 'ix Berenice. Yel xo wal wach' yilx eb' yet' spichul. 'Ix 'och eb' 'a 'aj tzb'oyaj owal. 'Ix 'och pax ewin yajl soldado, yet' ewin checl yaj 'a sat eb' chon̈ab'. Ax win Festo cha, 'ix 'a'n 'ijxc cot Pablo. 24Xlajw cha, xyaln win 'ixtic:
—Ach rey Agripa, yet' jantcn̈ej ex xeyam e b'a quet'oc, yaj Pablo tic. Til wal eb' israel 'ix aln 'ayn yu'uj, tolab' 'ay smul. 'Ix yal eb' 'ayn 'a Jerusalén. 'Ix yaln pax eb' 'ayn 'a Cesarea tic. Caw matz yactj eb' sc'ann 'och chaml 'a yib'an̈. 25Palta tzin na 'an tic, may junc smul smoj scham yu'uj. Tox 'ix sc'anb't sb'a 'a win yajl 'a Roma, atn win Augusto, sec a win 'oj b'eyc'ojlanoc. Yuj cha, tzin na'a, to 'oj wa'ti. 26Palta may tas wach' in tz'ib'n 'at 'a win yajl chi yu'uj, yuj cha, xwi'n cot 'a ojltac ach rey Agripa, yet' 'a eyojltac e masnil. A ticnec, c'anb'jec eyab' 'a 'a, toq'ue 'ay junc smul tz'ilchj eyu'uj, ax in tz'ib'n 'at 'a win yajl cha. 27¿Tom 'oj stac' wa'n 'at junc mach 'aych 'a preso, toto matz in tz'ib'j 'at tas smul tz'och 'a yib'an̈? xchi win Festo cha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.