2 Ti 3
3
A sb'eyb'al eb' 'anma',*r* 'a slajb' tiempoal
1Yowlal tzojquej 'eli, a 'a yic mantzac jaw jun slajb' c'ual, 'oj jawc jun tiempoal caw 'ay smay. 2Yujto 'ay eb' 'anma', mun 'oj laj schamc'ojloc sb'a. An̈j 'a q'uen tumn 'oj laj ya'ch eb' snab'en. 'Oj sb'an̈ sb'a eb', 'oj yi' chan̈ sb'a eb'. 'Oj comn b'uchwjc eb' 'a Dios. Ma'oj syiclc eb' tas tzyal smam snun. Chab'c'ojlal 'oj scha eb' junc tas. Caw maysch'olnil 'oj yutc eb' sb'eyb'al. 3May jac schamc'ojlal eb', may 'aj 'oj 'o'ch sc'ojl eb' 'a junc xo mach. Caw tu 'oj yal eb' 'a spatc yit 'anma'il. Ma'oj stac' ya'n cuenta eb' sniwnal. 'Icha junc noc' caw ow, 'ixta 'oj yutc sb'a eb'. 'Oj chichnc 'och eb' 'a jantcn̈ej tas wach'. 4A yic 'oj jawc jun tiempoal cha, 'oj ya'ch eb' 'es 'a yib'n̈ eb' swach'c'ojol. Ma'oj xiw xon eb' sb'on maysch'olnil. 'Oj cob' yalch sb'a eb' jelnal. Cojn 'a tas 'oj snib'c 'och eb' yet' sniwnal, ata 'oj ya'ch eb' snab'en. Ax 'a Dios, may jac schamc'ojlal eb'. 5'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'.
Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'. 6A eb' 'anma cha, 'ay eb' 'oj c'ultac 'och 'a yol jun tzo'n̈ n̈a. Ax yixtn paxti eb' jun tzo'n̈ eb' 'ix 'ix man̈ nab'enal yaji. A eb' 'ix 'ix cha, juwnac xon 'el snab'en eb' yuj maysch'olnil. Til wal jun tzo'n̈ maysch'olnil tznib'j 'och eb', an̈jta 'aych snab'en eb'. 7A eb' 'ix 'ix cha, smasnil tiempo tzcob' ya'lc eb' scuyn sb'a, palta may b'a'n̈ 'oj yojcoc 'el eb' jun cuynb'il caw yel. 8'Icha win Janes yet' win Jambres,#2 Ti 3.8 A Janes yet' win Jambres, atn eb' tic tzb'inax 'a Éxodo 7.11,22; 8.7,19. chichnnac 'och eb' 'a Moisés, 'ixta schichn 'och eb' 'anma chi 'a jun cuynb'il caw yel. Toxn juwnac 'el snab'en eb'. Toxn man̈xtzac ya'ch eb' sc'ojl 'a Dios. 9Palta a eb' cha, ma'oj yac' ganar eb', yujto 'oj checljoc 'el eb' 'a sat smasnil 'anma', chajtlto man̈ nab'enal yaj eb'. 'Icha 'ajnc scheclj 'el ewin chichnnac 'och 'a Moisés, 'ixta 'oj 'aj eb' scheclj 'eli.
A slajb' checnb'il Pablo 'a Timoteo
10Palta ach xo, xa b'eylb'ej jun tzo'n̈ in cuynb'il yet' in b'eyb'al. Lajn xotj a nab'en wet'oc. Lajn xotj a'n 'och a c'ojl 'a Cajlil wet'oc. Niwn xotj pax a c'ojl 'icha 'in. Lajn a chamc'ojlal wet'oc. 11An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil. 12A eb' tznib'j tojl tzyutj sb'eyb'al, junxn̈ej tz'ajcn eb' yet' Cristo Jesús, wal yel 'oj 'ajxc 'och 'a yib'n̈ eb' yuj eb' yit 'anma'il. 13Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.
14Palta ach xo, caw te'n tzotj a'n 'och a nab'en 'a jun tzo'n̈ cuynb'il a cuyjnac. Caw 'aych a c'ojl 'a jun tzo'n̈ cuynb'il cha, yujto ojtac mach cuyjnac ach. 15Yictax a cot'ch 'a yune'al, cuywnacch 'a Ch'an̈ Un̈ yic Dios. A Ch'an̈ tz'a'n jelnb'oc qui nab'en, sec tzon̈ colchji, yic tzca'n 'och qui c'ojl 'a Cristo Jesús. 16A Dios x'a'n tz'ib'xoc jantcn̈ej Ch'an̈ Un̈ 'aj 'aycn spaxti'. 'Ay yopiso ch'an̈ on̈ scuyni. 'Ay yopiso on̈ stenn 'och wa'an. A ch'an̈ tz'a'n b'o qui nab'en. Tzon̈ scuyn paxi, tas tzcutj qui tojlb'tzan qui b'eyb'al. 17'Ixta yopiso ch'an̈, sec an̈ yic on̈ xo Dios, tz'acn tznachj 'el cu'uj, tzta'n̈j qui b'on jantcn̈ej tas tznib'j Dios.
Currently Selected:
2 Ti 3: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
2 Ti 3
3
A sb'eyb'al eb' 'anma',*r* 'a slajb' tiempoal
1Yowlal tzojquej 'eli, a 'a yic mantzac jaw jun slajb' c'ual, 'oj jawc jun tiempoal caw 'ay smay. 2Yujto 'ay eb' 'anma', mun 'oj laj schamc'ojloc sb'a. An̈j 'a q'uen tumn 'oj laj ya'ch eb' snab'en. 'Oj sb'an̈ sb'a eb', 'oj yi' chan̈ sb'a eb'. 'Oj comn b'uchwjc eb' 'a Dios. Ma'oj syiclc eb' tas tzyal smam snun. Chab'c'ojlal 'oj scha eb' junc tas. Caw maysch'olnil 'oj yutc eb' sb'eyb'al. 3May jac schamc'ojlal eb', may 'aj 'oj 'o'ch sc'ojl eb' 'a junc xo mach. Caw tu 'oj yal eb' 'a spatc yit 'anma'il. Ma'oj stac' ya'n cuenta eb' sniwnal. 'Icha junc noc' caw ow, 'ixta 'oj yutc sb'a eb'. 'Oj chichnc 'och eb' 'a jantcn̈ej tas wach'. 4A yic 'oj jawc jun tiempoal cha, 'oj ya'ch eb' 'es 'a yib'n̈ eb' swach'c'ojol. Ma'oj xiw xon eb' sb'on maysch'olnil. 'Oj cob' yalch sb'a eb' jelnal. Cojn 'a tas 'oj snib'c 'och eb' yet' sniwnal, ata 'oj ya'ch eb' snab'en. Ax 'a Dios, may jac schamc'ojlal eb'. 5'Oj cob' yal eb' 'ixtic: A 'a Dios wan ca'nec 'och qui nab'en, 'oj schic cob' eb'. Palta ax sb'eyb'al eb' tzch'oxn 'eli, to man̈oc Dios 'aych yet' eb'.
Ach xo, tzej 'el a b'a 'a scal eb' 'ixta tzyutj sb'a. Man̈ junc ec' yet' eb'. 6A eb' 'anma cha, 'ay eb' 'oj c'ultac 'och 'a yol jun tzo'n̈ n̈a. Ax yixtn paxti eb' jun tzo'n̈ eb' 'ix 'ix man̈ nab'enal yaji. A eb' 'ix 'ix cha, juwnac xon 'el snab'en eb' yuj maysch'olnil. Til wal jun tzo'n̈ maysch'olnil tznib'j 'och eb', an̈jta 'aych snab'en eb'. 7A eb' 'ix 'ix cha, smasnil tiempo tzcob' ya'lc eb' scuyn sb'a, palta may b'a'n̈ 'oj yojcoc 'el eb' jun cuynb'il caw yel. 8'Icha win Janes yet' win Jambres,#2 Ti 3.8 A Janes yet' win Jambres, atn eb' tic tzb'inax 'a Éxodo 7.11,22; 8.7,19. chichnnac 'och eb' 'a Moisés, 'ixta schichn 'och eb' 'anma chi 'a jun cuynb'il caw yel. Toxn juwnac 'el snab'en eb'. Toxn man̈xtzac ya'ch eb' sc'ojl 'a Dios. 9Palta a eb' cha, ma'oj yac' ganar eb', yujto 'oj checljoc 'el eb' 'a sat smasnil 'anma', chajtlto man̈ nab'enal yaj eb'. 'Icha 'ajnc scheclj 'el ewin chichnnac 'och 'a Moisés, 'ixta 'oj 'aj eb' scheclj 'eli.
A slajb' checnb'il Pablo 'a Timoteo
10Palta ach xo, xa b'eylb'ej jun tzo'n̈ in cuynb'il yet' in b'eyb'al. Lajn xotj a nab'en wet'oc. Lajn xotj a'n 'och a c'ojl 'a Cajlil wet'oc. Niwn xotj pax a c'ojl 'icha 'in. Lajn a chamc'ojlal wet'oc. 11An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil. 12A eb' tznib'j tojl tzyutj sb'eyb'al, junxn̈ej tz'ajcn eb' yet' Cristo Jesús, wal yel 'oj 'ajxc 'och 'a yib'n̈ eb' yuj eb' yit 'anma'il. 13Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.
14Palta ach xo, caw te'n tzotj a'n 'och a nab'en 'a jun tzo'n̈ cuynb'il a cuyjnac. Caw 'aych a c'ojl 'a jun tzo'n̈ cuynb'il cha, yujto ojtac mach cuyjnac ach. 15Yictax a cot'ch 'a yune'al, cuywnacch 'a Ch'an̈ Un̈ yic Dios. A Ch'an̈ tz'a'n jelnb'oc qui nab'en, sec tzon̈ colchji, yic tzca'n 'och qui c'ojl 'a Cristo Jesús. 16A Dios x'a'n tz'ib'xoc jantcn̈ej Ch'an̈ Un̈ 'aj 'aycn spaxti'. 'Ay yopiso ch'an̈ on̈ scuyni. 'Ay yopiso on̈ stenn 'och wa'an. A ch'an̈ tz'a'n b'o qui nab'en. Tzon̈ scuyn paxi, tas tzcutj qui tojlb'tzan qui b'eyb'al. 17'Ixta yopiso ch'an̈, sec an̈ yic on̈ xo Dios, tz'acn tznachj 'el cu'uj, tzta'n̈j qui b'on jantcn̈ej tas tznib'j Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.