2 S 13
13
Yab'xil Amnón yet' 'ix Tamar
1A win Absalón yunnal David, 'ay jun 'ix yanb' win Tamar sb'i, caw wal wach' yilx 'ix. Ax x'aji, ax junx win yunnal David tzcuch Amnón, a win xya'ch snab'en 'a 'ix. 2A win Amnón cha, til wal tzyutj win snan 'a spatc 'ix yanb' cha, 'icha xo yab'il tz'ajch 'a winac, yujto a 'ix Tamar cha, caw cob'sto 'ix, mant 'a junc winc tzc'umj 'ix, yuj cha, snan winac to caw 'ajltac schan 'ix yab' junc chi 'a winac. 3'Ay jun swach'c'ojl win caw jeln 'a stu'al, Jonadab sb'i, yunnal jun win tzcuch Simea, yu'tac sb'a win yet' David. 4'Ay jun c'ual, 'ix sc'anb'n win Jonadab chi 'a win Amnón chi 'ixtic:
—Ach yunnal rey, ¿tas yuj caw tacnc a c'ojol? 'A junjn c'u 'ipn a tz'onb' cha'an̈. ¿Tom matz tac' aln 'ayin tas yuj 'ixta tzach 'aji? xchi winac.
'Ix ta'w win Amnón chi 'ixtc 'a winac:
—Caw wal tzin nib'j 'och 'unx Tamar, 'unx yanb' ni wu'tac Absalón, xchi winac.
5'Ix ya'n Jonadab chi snab'enoc Amnón, xyaln 'a 'ixtic:
—'E'n̈ t'ocn 'a sat a ch'at, tzalni to wan a cham a'noc 'es. Ax yic tzjaw a mam ach yila', tzaln 'a 'ixtic: Tzin c'an wal yuj diosal 'ayach, comnoc tz'el a c'ojl a'n cot 'unx wanb' Tamar, yic tzwul sb'onc 'unx jac tas tzin c'uxu. A yic 'oj wilnc tas tzb'o 'unx in c'ux cha, ax wul ya'nc 'unx 'ayin, ax in nib'n in c'uxu', xa chi 'a 'a, xchi win Jonadab chi 'a Amnón.
6Schan Amnón chi yab'i', 'ix 'ec' t'ocn 'a sat sch'at, caw tzcham ya'noc 'es. Ax yic xc'och win rey chi yila', 'ix yaln win Amnón chi 'ixtc 'a smam cha:
—Tzin c'an wal yuj diosal 'ayach, comnoc tz'el a c'ojl a'n cot 'unx wanb' Tamar yic tzwul sb'onc 'unx chaquen̈c woch tzin wa'aj, ax wul ya'nc 'unx 'ayin, xchi.
7Ax yic xc'ochx David 'a yatut, 'ix yaln 'ixtc 'a 'ix Tamar:
—'Ixic, 'at b'o jac tas tzc'ux ni a nul'j Amnón 'a yatut, xchi.
8Yuj cha, 'ix 'at 'ix Tamar 'a yatut win snul'j cha. Ax xc'och 'ix, t'ocn 'ec' win 'a sat sch'at. Q'ueln 'och win 'a 'ix, 'ix yi'n cot 'ix nan̈l 'ixm harina, scalb'tan̈n 'ix, sb'on 'ix jaye yoch win cha, 'ix ya'n 'ix uyb'oc. 9'Ix sb'on 'ix tas tzc'ux win 'a yol xalten, xlajw cha, 'ix 'at ya'nc 'ix sc'ux winac. Palta ma'ix yal sc'ojl win xwa'i, yuj cha, xyalni to tz'elt smasnil eb' 'anma 'ayc' yet' 'a yol n̈a cha. 10A yic xlajw yelt eb' 'anma cha, 'ix yaln win 'ixtc 'a 'ix:
—'Ij cot tas tzin c'ux chi 'a wet'l 'aj tzin wayi, ax in a b'achn wa'oc, xchi win 'a 'ix. 'Ix yi'n 'at 'ix tas tzc'ux win chi 'a 'aj 'ay sch'at cha. 11Ax yic xc'och 'ix 'a yojltac win yet' tas tzc'ux cha, 'ix 'och la'n win 'a 'ix, 'ix yaln win 'ixtic:
—Lem wanab' to tzach way wet'oc, xchi win 'a 'ix.
12'Ix ta'w 'ix 'a win 'ixtic:
—May nul'ej, man̈ in ac' pural yic tza nib'n a b'on junc tas 'ayin, yujto a jun tic, may 'aj tzb'o 'a scal eb' quit chon̈ab'. Man̈ a b'o jun tic, caw wal q'uixweltac. 13¿'Aj wach' tzin c'och in c'ub'c 'el in b'a yet' jun in q'uixwelal cha? Ach xo tic, 'icha xoj eb' suc 'anma tzach 'ajcn 'a sat eb' quit chon̈ab'. Tzin tew wal 'ayach, 'at c'ann 'a win rey cha, ax cab' win tzin 'a'n 'ayach,#2 S 13.13 A 'a yic jun tiempoal cha, tztac' yi'n sb'a eb' yet' schab'l 'anab'. xchi 'ix.
14Palta ma'ix schaj win yab' tas xyal 'ix. 'Ix ya'n pural win sla'n 'ec' c'otn 'ix, yujto 'ec'b'al yip win 'a 'ix, yuj cha, 'ix ya'n ganar win yixtn 'ix. 15Palta a yic xlajw yixtn win 'ix, 'ix pitzw jun schichnc'ojlal winac, yel xo wal niwquil jun schichnc'ojlal win chi 'a yib'n̈ 'icha xyutj win ya'n 'och snab'en 'a 'ix. 'Ix yaln win 'ixtc 'a 'ix:
—'Eln̈ 'a tic muc'uc, tzach paxi, xchi win 'a 'ix.
16'Ix ta'w 'ix 'a win 'ixtic:
—May nul'ej, toto tzin a pechl 'a tic, yel xo wal tu tza b'o 'a yib'n̈ 'icha tas xa b'o 'ayn tic, xchi 'ix. Palta ma'ix schaj win yab' tas xyal 'ix cha. 17'Ix yawtn cot win jun schecb' tz'a'n servil, xyaln win 'a 'ixtic:
—Pechl jun 'ix tic 'a sti n̈a, tzlajw cha, caw wach' tzotj a macn can spuertail te', xchi winac.
18'Ix spechn 'el win checb' chi 'ix 'a sti n̈a cha, caw wal sin̈n̈i xyutj win smacn te puerta cha. A 'ix Tamar cha, caw wach' yilx spichl 'ix 'aychi, 'icha spichl eb' 'ix cob'stac yisl ewin rey tzya'n̈j 'ochi. 19'Ix ya'n q'ue 'ix stan̈il c'ac' 'a sjolom. Stzilnjat 'ix te spichl wach' yilx cha, xya'n q'ue 'ix sc'ab' 'a sjolom, caw ji'jmtac yoc' 'ix yic xpax 'ix 'a yol b'e. 20Yuj cha, xyaln win snul'j Absalón 'ix 'a 'ixtic:
—'Ixta cab' ach yutj a nul'j Amnón cha. Ach wanab', sictac tzach 'aji, man̈ ach 'oc'oc, yujto caw a nul'j winac. Man̈ a na yuj jun cha, xchi Absalón 'a 'ix.
—Xlajw cha, xcan 'ix 'a scal scusc'ojlal 'a yatut snul'j Absalón. 21A yic xyab'n rey David tas 'ix uj cha, caw wal 'ix cot yowl si'mb'il, palta may tas 'ix yal 'a Amnón cha, yujto sb'ab'l 'unnal, caw wal xajn pax yu'uj. 22An̈jtona Absalón may tas xyal 'a Amnón, wach'xam caw tzchichn sc'ojl Absalón chi 'a winac, yujto xyac' pural win yixtn 'ix yanb' win cha.
Milb'il cham Amnón
23Schab'l xo ab'il cha, ax ewin smoso Absalón, ata tzjoxw calnelu ewin 'a Baal-hasor, 'a stz'ey schon̈b' eb' yic Efraín. 'Ix yawtn win Absalón smasnil eb' yunnal win rey chi wac yet'oc. 24'Ix 'at yalnc 'a win rey chi 'ixtic:
—A ticnec, 'aych ewin in moso sjox e no in calnelu, yuj cha, tzin tew 'aych mamin rey to tzach 'at wac wet'oc, tze'n pax 'at eb' 'ay yopiso tic et'oc, xchi winac.
25'Ix ta'w win rey chi 'ixtc 'a Absalón:
—May ach wunnal, matz tac' qui 'at qui masnil on̈, sec man̈ niwnoc tas 'oj 'at qui laj 'aych on̈, xchi David.
—Wach'xam 'ix tew 'och wal Absalón chi 'a win rey cha, palta ma'ix 'ati, cojn to xyal wach' paxti 'a yib'an̈.
26Yuj cha, xyaln win Absalón chi 'ixtic:
—Toto caw matz ach 'at wet'oc, comnoc tz'el a c'ojl a'n 'at ni wu'tac Amnón wet'oc, xchi. 'Ix sc'anb'n win rey chi 'a 'ixtic:
—¿Tas yuj tza nib'j tz'at ni Amnón chi et'oc? xchi.
27Palta 'ix tew 'och wal Absalón chi yuj winac, yuj cha, 'ix 'ajx 'at win Amnón chi yet' smasnil eb' yunnal win rey chi yet' Absalón cha.
Xya'n 'och win jun sq'uin̈, caw lajn 'icha yic eb' rey.
28A yic mantzac wa eb' cha, 'ix yaln Absalón 'ixtc 'a eb' schecab': Tzeyiln sq'ue 'an̈ 'a sjolm Amnón, ax waln 'ayex to tze mil chamoc, cojn cha, tze miln cham muc'uc. Man̈ ex xiw e milni, yujto an tzwala. Caw te'n tzeyutj e b'a, man̈ ex xiwoc, xchi Absalón cha. 29Ax eb' schecb' cha, 'ix syiclj eb' 'icha x'aj yalx 'a cha, 'ix smiln cham eb' win Amnón. Yuj cha, 'ix q'ue wan somnjoc smasnil eb' yunnal win rey cha, junjn eb' 'ix q'ue eb' 'a yib'n̈ schej, 'ix cot eb' 'eloc.
30A yic 'ayt 'och eb' 'a yol b'e, 'ix jaw yab'xil mu'c 'a David, chajtlto 'ix smil cham win Absalón smasnil eb' yunnal win rey cha, man̈x 'a xon wal junc xcani, xchi jun 'ab'x cha. 31Yuj cha, 'ix q'ue wan win rey chi 'a yet'ul, 'ix stzilnjat win spichul yic tzch'oxn 'eli to 'ay scusc'ojlal. 'Ix sjuln 'ec' t'ocn sb'a 'a sat lu'um. An̈jtona eb' schecb' win rey 'ayc' yet'oc, locn eb' stziljat spichl chi yet' winac. 32Palta ax win Jonadab, win yunnal Simea yu'tac David, a win 'ix aln 'ixtic:
—Mamin rey, man̈ a na to xcham eb' onnal smasnil. Cojn win Amnón 'ix chami, yujto 'ixta xon xyutj Absalón chi snan 'a yib'n̈ winac, yic yixtn win chi 'unx Tamar, yanb' ni Absalón cha. 33Yuj cha, mamin rey, man̈ a na to xcham eb' onnal chi smasnil, 'icha 'ix 'aj ab'n yab'xil. Palta cojn win Amnón chi xchami, xchi win 'a David.
34Ya' sb'a cha, ax Absalón 'ix 'at 'eloc. Ax win 'aych can macwjoc cha, 'ix yilni to 'ay nan̈l eb' 'anma tz'eml 'a spa'nil lum switzl Horonaím, 'ix wul yalnc 'a win rey cha. 35Ax win Jonadab, 'ix yaln 'ixtc 'a win rey:
—Mamin rey, sjaw e co onnal, 'icha 'ix wutj waln an a checb' in tic, xchi.
36At wal slajw yaln win cha, 'ix jaw eb' yunnal win rey chi 'a 'a, xq'ue b'uynjoc eb' yoq'ui. An̈jtona', 'ix 'oc' pax win rey chi yet' eb' yit yajlil 'ayc' yet'oc, caw wal ji'jmtac yoc' eb'. 37-38Ax Absalón, 'ix 'atcn 'eloc, axta xc'och cajn 'a yatut win Talmai, win yunnal Amiud sreyl Gezur, axta xcan win 'a 'oxe ab'il. Ax rey David, 'o'ln̈ej tzb'o win 'a junjn c'u yuj win yunnal cha. 39Ax yic x'ec' scusc'ojlal cha, 'ix snib'n pax yil sb'a yet' Absalón jun 'ejm xo.
Currently Selected:
2 S 13: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
2 S 13
13
Yab'xil Amnón yet' 'ix Tamar
1A win Absalón yunnal David, 'ay jun 'ix yanb' win Tamar sb'i, caw wal wach' yilx 'ix. Ax x'aji, ax junx win yunnal David tzcuch Amnón, a win xya'ch snab'en 'a 'ix. 2A win Amnón cha, til wal tzyutj win snan 'a spatc 'ix yanb' cha, 'icha xo yab'il tz'ajch 'a winac, yujto a 'ix Tamar cha, caw cob'sto 'ix, mant 'a junc winc tzc'umj 'ix, yuj cha, snan winac to caw 'ajltac schan 'ix yab' junc chi 'a winac. 3'Ay jun swach'c'ojl win caw jeln 'a stu'al, Jonadab sb'i, yunnal jun win tzcuch Simea, yu'tac sb'a win yet' David. 4'Ay jun c'ual, 'ix sc'anb'n win Jonadab chi 'a win Amnón chi 'ixtic:
—Ach yunnal rey, ¿tas yuj caw tacnc a c'ojol? 'A junjn c'u 'ipn a tz'onb' cha'an̈. ¿Tom matz tac' aln 'ayin tas yuj 'ixta tzach 'aji? xchi winac.
'Ix ta'w win Amnón chi 'ixtc 'a winac:
—Caw wal tzin nib'j 'och 'unx Tamar, 'unx yanb' ni wu'tac Absalón, xchi winac.
5'Ix ya'n Jonadab chi snab'enoc Amnón, xyaln 'a 'ixtic:
—'E'n̈ t'ocn 'a sat a ch'at, tzalni to wan a cham a'noc 'es. Ax yic tzjaw a mam ach yila', tzaln 'a 'ixtic: Tzin c'an wal yuj diosal 'ayach, comnoc tz'el a c'ojl a'n cot 'unx wanb' Tamar, yic tzwul sb'onc 'unx jac tas tzin c'uxu. A yic 'oj wilnc tas tzb'o 'unx in c'ux cha, ax wul ya'nc 'unx 'ayin, ax in nib'n in c'uxu', xa chi 'a 'a, xchi win Jonadab chi 'a Amnón.
6Schan Amnón chi yab'i', 'ix 'ec' t'ocn 'a sat sch'at, caw tzcham ya'noc 'es. Ax yic xc'och win rey chi yila', 'ix yaln win Amnón chi 'ixtc 'a smam cha:
—Tzin c'an wal yuj diosal 'ayach, comnoc tz'el a c'ojl a'n cot 'unx wanb' Tamar yic tzwul sb'onc 'unx chaquen̈c woch tzin wa'aj, ax wul ya'nc 'unx 'ayin, xchi.
7Ax yic xc'ochx David 'a yatut, 'ix yaln 'ixtc 'a 'ix Tamar:
—'Ixic, 'at b'o jac tas tzc'ux ni a nul'j Amnón 'a yatut, xchi.
8Yuj cha, 'ix 'at 'ix Tamar 'a yatut win snul'j cha. Ax xc'och 'ix, t'ocn 'ec' win 'a sat sch'at. Q'ueln 'och win 'a 'ix, 'ix yi'n cot 'ix nan̈l 'ixm harina, scalb'tan̈n 'ix, sb'on 'ix jaye yoch win cha, 'ix ya'n 'ix uyb'oc. 9'Ix sb'on 'ix tas tzc'ux win 'a yol xalten, xlajw cha, 'ix 'at ya'nc 'ix sc'ux winac. Palta ma'ix yal sc'ojl win xwa'i, yuj cha, xyalni to tz'elt smasnil eb' 'anma 'ayc' yet' 'a yol n̈a cha. 10A yic xlajw yelt eb' 'anma cha, 'ix yaln win 'ixtc 'a 'ix:
—'Ij cot tas tzin c'ux chi 'a wet'l 'aj tzin wayi, ax in a b'achn wa'oc, xchi win 'a 'ix. 'Ix yi'n 'at 'ix tas tzc'ux win chi 'a 'aj 'ay sch'at cha. 11Ax yic xc'och 'ix 'a yojltac win yet' tas tzc'ux cha, 'ix 'och la'n win 'a 'ix, 'ix yaln win 'ixtic:
—Lem wanab' to tzach way wet'oc, xchi win 'a 'ix.
12'Ix ta'w 'ix 'a win 'ixtic:
—May nul'ej, man̈ in ac' pural yic tza nib'n a b'on junc tas 'ayin, yujto a jun tic, may 'aj tzb'o 'a scal eb' quit chon̈ab'. Man̈ a b'o jun tic, caw wal q'uixweltac. 13¿'Aj wach' tzin c'och in c'ub'c 'el in b'a yet' jun in q'uixwelal cha? Ach xo tic, 'icha xoj eb' suc 'anma tzach 'ajcn 'a sat eb' quit chon̈ab'. Tzin tew wal 'ayach, 'at c'ann 'a win rey cha, ax cab' win tzin 'a'n 'ayach,#2 S 13.13 A 'a yic jun tiempoal cha, tztac' yi'n sb'a eb' yet' schab'l 'anab'. xchi 'ix.
14Palta ma'ix schaj win yab' tas xyal 'ix. 'Ix ya'n pural win sla'n 'ec' c'otn 'ix, yujto 'ec'b'al yip win 'a 'ix, yuj cha, 'ix ya'n ganar win yixtn 'ix. 15Palta a yic xlajw yixtn win 'ix, 'ix pitzw jun schichnc'ojlal winac, yel xo wal niwquil jun schichnc'ojlal win chi 'a yib'n̈ 'icha xyutj win ya'n 'och snab'en 'a 'ix. 'Ix yaln win 'ixtc 'a 'ix:
—'Eln̈ 'a tic muc'uc, tzach paxi, xchi win 'a 'ix.
16'Ix ta'w 'ix 'a win 'ixtic:
—May nul'ej, toto tzin a pechl 'a tic, yel xo wal tu tza b'o 'a yib'n̈ 'icha tas xa b'o 'ayn tic, xchi 'ix. Palta ma'ix schaj win yab' tas xyal 'ix cha. 17'Ix yawtn cot win jun schecb' tz'a'n servil, xyaln win 'a 'ixtic:
—Pechl jun 'ix tic 'a sti n̈a, tzlajw cha, caw wach' tzotj a macn can spuertail te', xchi winac.
18'Ix spechn 'el win checb' chi 'ix 'a sti n̈a cha, caw wal sin̈n̈i xyutj win smacn te puerta cha. A 'ix Tamar cha, caw wach' yilx spichl 'ix 'aychi, 'icha spichl eb' 'ix cob'stac yisl ewin rey tzya'n̈j 'ochi. 19'Ix ya'n q'ue 'ix stan̈il c'ac' 'a sjolom. Stzilnjat 'ix te spichl wach' yilx cha, xya'n q'ue 'ix sc'ab' 'a sjolom, caw ji'jmtac yoc' 'ix yic xpax 'ix 'a yol b'e. 20Yuj cha, xyaln win snul'j Absalón 'ix 'a 'ixtic:
—'Ixta cab' ach yutj a nul'j Amnón cha. Ach wanab', sictac tzach 'aji, man̈ ach 'oc'oc, yujto caw a nul'j winac. Man̈ a na yuj jun cha, xchi Absalón 'a 'ix.
—Xlajw cha, xcan 'ix 'a scal scusc'ojlal 'a yatut snul'j Absalón. 21A yic xyab'n rey David tas 'ix uj cha, caw wal 'ix cot yowl si'mb'il, palta may tas 'ix yal 'a Amnón cha, yujto sb'ab'l 'unnal, caw wal xajn pax yu'uj. 22An̈jtona Absalón may tas xyal 'a Amnón, wach'xam caw tzchichn sc'ojl Absalón chi 'a winac, yujto xyac' pural win yixtn 'ix yanb' win cha.
Milb'il cham Amnón
23Schab'l xo ab'il cha, ax ewin smoso Absalón, ata tzjoxw calnelu ewin 'a Baal-hasor, 'a stz'ey schon̈b' eb' yic Efraín. 'Ix yawtn win Absalón smasnil eb' yunnal win rey chi wac yet'oc. 24'Ix 'at yalnc 'a win rey chi 'ixtic:
—A ticnec, 'aych ewin in moso sjox e no in calnelu, yuj cha, tzin tew 'aych mamin rey to tzach 'at wac wet'oc, tze'n pax 'at eb' 'ay yopiso tic et'oc, xchi winac.
25'Ix ta'w win rey chi 'ixtc 'a Absalón:
—May ach wunnal, matz tac' qui 'at qui masnil on̈, sec man̈ niwnoc tas 'oj 'at qui laj 'aych on̈, xchi David.
—Wach'xam 'ix tew 'och wal Absalón chi 'a win rey cha, palta ma'ix 'ati, cojn to xyal wach' paxti 'a yib'an̈.
26Yuj cha, xyaln win Absalón chi 'ixtic:
—Toto caw matz ach 'at wet'oc, comnoc tz'el a c'ojl a'n 'at ni wu'tac Amnón wet'oc, xchi. 'Ix sc'anb'n win rey chi 'a 'ixtic:
—¿Tas yuj tza nib'j tz'at ni Amnón chi et'oc? xchi.
27Palta 'ix tew 'och wal Absalón chi yuj winac, yuj cha, 'ix 'ajx 'at win Amnón chi yet' smasnil eb' yunnal win rey chi yet' Absalón cha.
Xya'n 'och win jun sq'uin̈, caw lajn 'icha yic eb' rey.
28A yic mantzac wa eb' cha, 'ix yaln Absalón 'ixtc 'a eb' schecab': Tzeyiln sq'ue 'an̈ 'a sjolm Amnón, ax waln 'ayex to tze mil chamoc, cojn cha, tze miln cham muc'uc. Man̈ ex xiw e milni, yujto an tzwala. Caw te'n tzeyutj e b'a, man̈ ex xiwoc, xchi Absalón cha. 29Ax eb' schecb' cha, 'ix syiclj eb' 'icha x'aj yalx 'a cha, 'ix smiln cham eb' win Amnón. Yuj cha, 'ix q'ue wan somnjoc smasnil eb' yunnal win rey cha, junjn eb' 'ix q'ue eb' 'a yib'n̈ schej, 'ix cot eb' 'eloc.
30A yic 'ayt 'och eb' 'a yol b'e, 'ix jaw yab'xil mu'c 'a David, chajtlto 'ix smil cham win Absalón smasnil eb' yunnal win rey cha, man̈x 'a xon wal junc xcani, xchi jun 'ab'x cha. 31Yuj cha, 'ix q'ue wan win rey chi 'a yet'ul, 'ix stzilnjat win spichul yic tzch'oxn 'eli to 'ay scusc'ojlal. 'Ix sjuln 'ec' t'ocn sb'a 'a sat lu'um. An̈jtona eb' schecb' win rey 'ayc' yet'oc, locn eb' stziljat spichl chi yet' winac. 32Palta ax win Jonadab, win yunnal Simea yu'tac David, a win 'ix aln 'ixtic:
—Mamin rey, man̈ a na to xcham eb' onnal smasnil. Cojn win Amnón 'ix chami, yujto 'ixta xon xyutj Absalón chi snan 'a yib'n̈ winac, yic yixtn win chi 'unx Tamar, yanb' ni Absalón cha. 33Yuj cha, mamin rey, man̈ a na to xcham eb' onnal chi smasnil, 'icha 'ix 'aj ab'n yab'xil. Palta cojn win Amnón chi xchami, xchi win 'a David.
34Ya' sb'a cha, ax Absalón 'ix 'at 'eloc. Ax win 'aych can macwjoc cha, 'ix yilni to 'ay nan̈l eb' 'anma tz'eml 'a spa'nil lum switzl Horonaím, 'ix wul yalnc 'a win rey cha. 35Ax win Jonadab, 'ix yaln 'ixtc 'a win rey:
—Mamin rey, sjaw e co onnal, 'icha 'ix wutj waln an a checb' in tic, xchi.
36At wal slajw yaln win cha, 'ix jaw eb' yunnal win rey chi 'a 'a, xq'ue b'uynjoc eb' yoq'ui. An̈jtona', 'ix 'oc' pax win rey chi yet' eb' yit yajlil 'ayc' yet'oc, caw wal ji'jmtac yoc' eb'. 37-38Ax Absalón, 'ix 'atcn 'eloc, axta xc'och cajn 'a yatut win Talmai, win yunnal Amiud sreyl Gezur, axta xcan win 'a 'oxe ab'il. Ax rey David, 'o'ln̈ej tzb'o win 'a junjn c'u yuj win yunnal cha. 39Ax yic x'ec' scusc'ojlal cha, 'ix snib'n pax yil sb'a yet' Absalón jun 'ejm xo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.