2 R 4
4
Jun milagro yuj aceite
1'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic:
—A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.
2'Ix yaln Eliseo 'a 'ix 'ixtic:
—¿Tas pax tza nib'j tzin b'o 'ayach? Al 'ayin tastc 'ay 'a atut, xchi win 'a 'ix.
—A wal an a checb' in tic, caw wal may jac tas 'ay 'a watut, cojn wal jun yune xalu aceite 'ayc' 'ayin, xchi 'ix.
3—'Ixc 'at c'an a majnc nan̈loc xalu to may sb'al 'a eb' cajn 'a a tz'ey, a tzyal jantc tz'ilchj o'oj. 4Yajn̈ej tzach 'och mu'c yet' eb' one chi 'a yol atut, tza macn 'elt smac atut cha, tza b'ut'n smasnil jun tzo'n̈ xalu chi yet' aceite, chuc tza'cn jun tzo'n̈ tzb'ut'j cha, xchi 'a 'ix.
5Xlajw cha, 'ix 'at 'ix, 'ix smacn 'och sb'a 'ix yet' eb' yune chi 'a yol yatut, syamn 'och 'ix sb'ut'n jun tzo'n̈ xalu chi yet' aceite, atn jun tzo'n̈ xalu xit' smajnoc cot 'ix. 6A yic 'ix lajw sb'ut'j smasnil jun tzo'n̈ xalu cha, 'ix yaln 'a junc eb' yune 'ixtic:
—'Ij cot junc xo in xalu cha, xchi.
—Man̈x 'a tas, xchi jun yune 'ix cha.
Xlajw xoj cha, 'ix 'och wan yel jun aceite cha. 7Yuj cha, 'ix 'at 'ix 'at yal 'a Eliseo. 'Ix yaln win 'a 'ix 'ixtic:
—A ticnec 'ixc chon̈j aceite, tzlajw cha, tza'n pax q'uen a majn tumn cha, ax jantc to q'uen tzyac' sobra, tza c'an yet' eb' one cha, xchi Eliseo 'a 'ix.
A Eliseo yet' 'ix 'aj Sunem
8'Ay jun c'ual 'ix 'ec' Eliseo 'a chon̈b' Sunem, ata 'ay jun 'ix 'ix caw wal rico si'mb'il, 'ix yac' pural 'ix win Eliseo chi swa yet' 'a yatut. Yuj cha, ax yic tz'ec' 'a jun lugar chi 'a junjn 'ejem, tz'e'n̈j wac 'a yatut 'ix. 9Xlajw cha, 'ix yaln 'ix 'a win yichmil chi 'ixtic:
—A ticnec tznachj 'el wu'uj, to a jun tz'e'n̈j 'ayn̈ 'a catut 'a junjn 'ejem, caw schecb' Dios yaji. 10A tzin na'a, wach' to tzqui b'o junc yune cuarto 'a yib'n̈ catut tic, tz'och yich, tzca'n 'och junc ch'at 'a yojol, junc mexa, junc xila, yet' junc cantil, sec a yic tzjaw 'ayon̈, ata tzcani, xchi 'ix.
11'Ay jun 'ejem 'ix 'e'x Eliseo yet' jun schecb' tzcuch Giezi ta'; 'ix can wayc eb' 'a jun cuarto cha. 12Xlajw cha, 'ix yaln Eliseo 'ixtc 'a jun schecb' cha:
—'Awtj cot 'ix sunamita cha, xchi.
A yic 'ix 'awtx cot 'ix, xjaw 'ix. 13'Ix yaln Eliseo 'a Giezi, to tzyal 'ixtc 'a 'ix: Wach' xotj a ch'oxn 'el a wach' nab'enal 'ayon̈, ¿tas tza nib'j tzqui b'o 'ayach? ¿Tzyal am a c'ojl tzon̈ paxtin yet' win rey mto yet' win syajlil eb' soldado o'oj? xa chi 'a 'ix, xchi Eliseo 'a winac.
—Wach' waj 'a yol in chon̈b' tic, xchi 'ix 'a win checb' cha, 'ix pax 'ix.
14Xlajw cha, 'ix yaln pax Eliseo 'ixtc 'a Giezi: ¿Tas wal wach' tzqui b'o 'a 'ix tzyal cha? xchi.
—Matz nachj 'el wu'uj. Palta a tzwila to may yune 'ix, 'ichm winc xo pax yichmil 'ix, xchi Giezi cha.
15—'Awtj cot pax 'ix, xchi Eliseo.
'Ix 'at win checb' chi 'at yawtc cot 'ix jun 'ejm xo, 'ix jaw lin̈n 'ix 'a sti puerta. 16Xlajw cha, 'ix yaln Eliseo 'a 'ix 'ixtic:
—Yab'n 'ixtc junab', mec'b'ilx chan̈ junc one o'oj, xchi 'a 'ix.
—May mamin, ach schecb' Dios, man̈ ach b'uchwjoc 'ayin, xchi 'ix.
17Palta scuch chan̈ 'ix yune', ax 'a junx ab'il cha, 'ix 'alj yune 'ix, 'icha 'ix yutj Eliseo yalni. 18'Ix q'uib'n̈j jun 'unn cha. 'Ay jun c'ual 'ix 'at yil smam, yujto 'ay't yil eb' smoso 'aych polj trigo, 19'ix yaln jun 'unn chi 'a smam 'ixtic:
—¡'Ay, caw wal ya in jolom! ¡Caw wal ya in jolom! xchi jun 'unn cha.
Xlajw cha, 'ix yaln win mamb'il chi 'ixtc 'a junc eb' schecb' cha.
—'Ij 'at win 'a snun, xchi.
20'Ix 'ijx 'at jun 'unn chi 'a snun yuj win checb' cha, wocn 'ejm 'a sat xub' 'ix x'och chimc'ual. Ax x'aji 'ix cham jun 'unn cha. 21Xlajw cha, x'at sc'otnc can 'ec' 'ix 'a sat sch'at win schecb' Dios cha, 'ix 'el paxt 'ix, smacn can 'ix jun cuarto cha. 22Yajn̈ej 'ix yawtn cot 'ix win yichmil chi muc'uc, 'ix yaln 'ix 'a win 'ixtic:
—Tzin tew 'ayach, to tza checb't junc eb' a checb' tic wet'oc yet' junc no axna, to tz'at wil win schecb' Dios, wal in japx tic, xchi 'ix.
23—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha.
—Man̈ ach 'och 'il, xchi 'ix 'a winac.
24'Ix ya'n 'ix 'ajxoc 'och stz'um no axna cha, 'ix yaln 'ix 'a win checb' chi 'ixtic:
—Con̈ b'i'an, tza pech no 'ayin, man̈ a cha 'och wan no 'a yol b'e, masnto an 'oj wal 'ayach, xchi 'ix 'a winac.
25'Ixta x'aj 'ix sati, masnto 'ix c'och 'ix 'a lum jolm witz yic Carmelo, 'a 'aj 'ayc' win schecb' Dios cha. Najtto 'ay 'ix, xyiln 'at win Eliseo 'ix, 'ix yaln 'a win Giezi chi 'ixtic:
—'Ilto, 'in a 'ix sunamita tzjawi. 26Tzin tew 'ayach, 'ixc 'at chaj 'ix, carela a 'ati, tzlajw cha, tza c'anb'n 'a 'a, wach'm a c'ojol, wach'm sc'ojl win echmil, wach'm pax sc'ojl win a yune 'unin, xa chi 'a 'ix, xchi Eliseo 'a winac. 'Ixtnta 'ix yutj win Giezi yaln 'a 'ix. 'Ix yaln 'ix chajtlto wach'n̈ej.
27Yajn̈ej 'ix c'och 'ix mu'c 'a 'aj 'ayc' Eliseo win schecb' Dios 'a lum jolm witz cha, 'ix 'och la'njoc 'ix 'a yoc winac. 'Ix 'och yamn Giezi 'a 'ix yic tzyi'n 'eli, palta ax win schecb' Dios cha, 'ix yaln win 'ixtic:
—Yilx 'ix, yujto cusc'ojlal yaj 'ix, mantzac yal Jehová 'ayin tas yuj 'ix cot 'ix, xchi winac.
28Yuj cha, 'ix yaln 'ix 'ixtic:
—Mamin, ¿tom an 'ix in c'an 'ayach to tz'alj junc wune'? ¿Tom ma'ix wal 'ayach to matz ach b'uchwj 'ayin? xchi 'ix.
29Yuj cha, 'ix yaln Eliseo 'a win Giezi chi 'ixtic:
—'Ac' lista a b'a, 'ij 'at te in c'occh tic et'oc, tzlajw cha, carela tzach 'ati. Toto 'ay mach tza chaj a b'a yet'oc, man̈ ac' stzatzl sc'ojol. Toto 'ay mach tz'a'n stzatzl a c'ojol, man̈ ach ta'wc 'a 'a. A yic tzach c'och cha, tza'n 'ejm te in c'occh tic 'a sat win yune 'unn cha, xchi.
30'Ix yaln snun jun 'unn chi 'a Eliseo 'ixtic:
—Tzwac' in ti 'a yojltac Jehová yet' 'ayach, matz in 'ati, toto matz ach 'at wet'oc, xchi 'ix. 31Yuj cha, 'ix 'at Eliseo yet' 'ix, ax Giezi tox xb'ab'lj 'a eb', tox 'ix yac' 'ejm te c'occh chi 'a sat jun 'unn cha, palta ma'ix pitzwi. Yuj cha, 'ix meltzji yic tz'at schanoc Eliseo, 'ix yaln 'a 'ixtic:
—A win 'unn cha, ma'ix jaw sc'ojl winac, xchi.
32'Ix c'och Eliseo 'a te n̈a cha, ax jun 'unn cha chamnac; t'ocn 'ec' 'a sat sch'at Eliseo cha. 33Yuj cha, 'ix 'och 'a yojl jun cuarto cha, smacn 'elt spuertail, 'ix leslwi 'a Jehová. 34Xlajw cha, 'ix q'ue 'a sat ch'at cha, 'ix 'at pacn 'a yib'n̈ jun 'unn cha, 'ix ya'n 'ejm sti', yet' sat, yet' sc'ab' 'a yib'n̈ yic jun 'unn cha. 'Ix q'uixnj chan̈ sniwnal win 'unn cha. 35Xlajw cha, 'ix 'el Eliseo 'a yib'an̈, 'ix b'eyc' 'a yol n̈a cha, 'ix 'atx pacn 'a yib'n̈ jun 'unn chi jun 'ejm xo. Ax jun 'unn cha, uc 'ejm 'ix 'at'isjwji, 'ixta to b'i'an 'ix 'el 'a sat. 36Xlajw cha, 'ix yawtn cot Eliseo win Giezi, 'ix yaln 'ixtic:
—'Awtj cot 'ix sunamita cha, xchi.
'Ix 'at yawtn cot win 'ix, ax yic xc'och 'ix 'a 'aj 'ayc' Eliseo cha, 'ix yaln 'a 'ix 'ixtic:
—Yaj win one tic, xchi Eliseo.
37'Ix snitzn 'o'ch sb'a 'ix 'a stz'ey Eliseo, squiln 'ejm 'ix snan̈l sat 'a sat lum 'a yojltac; xlajw cha, xyi'n pax 'elt 'ix jun yune cha.
A jun milagro yuj tas tzc'uxxi
38'Ix 'at Eliseo 'a Gilgal, yic caw ow ya'n jun niwquil wejl 'a jun chon̈b' cha, ax eb' schecb' Dios 'ayc' eb' yet'oc, yuj cha, 'ix yaln 'a jun schecb' chi 'ixtic: 'Ac' q'ue junc niwquil chen 'a yib'n̈ c'ac', tza b'on tas tzc'ux eb' schecb' Dios tic, xchi.
39'Ix 'at jun 'a eb' sayj 'itaj, 'ix 'ilchj jun te calte'al 'itj yu'uj, lajn yilx te 'icha te q'uixtan, 'ay sat te', 'ix ch'inn cot sat te cha, 'ix yi'n cot 'a yol spotil. A yic 'ix jawi, 'ix scotc tzu'n 'at 'a yol jun schenl schib'l wa'il, palta man̈ yojcoc tas jun cha. 40Xlajw cha, 'ix ya'n wa win eb' schecb' Dios cha, palta ax x'aji, at wal schan 'el eb' yich sc'uxn jun schib'l wal cha, 'ix 'awj chan̈ eb', xyaln eb' 'ixtic:
—Mamin, ach schecb' Dios, a jun schib'l wal tzqui c'ux tic on̈, 'ay't veneno 'a scal, xchi eb'.
Man̈x 'ic stac' xon sc'uxn eb'. 41Xlajw cha, 'ix yaln Eliseo 'ixtic:
—'Ijc cot jac 'ixm harina 'ayin, xchi.
'Ix ya'n 'ejm 'ixm harina chi 'a yol chen, 'ix yaln 'ixtic:
—A ticnec 'ac' wa eb' 'anma tic jun 'ejm xo, xchi.
'Ix sc'uxn pax eb' 'anma jun cha, caw wach' xo xyab' eb'.
42Xlajw cha, 'ix c'och jun win 'aj Baal-salisá 'a Eliseo, yet' win junc'l pan cebada 'a 'ixm b'ab'l sat cebada cha, yet' 'ixm sjolm trigo to 'unn to sat. 'Ix yaln Eliseo 'a win schecb' chi 'ixtic:
—'Ac' wa eb' 'anma tic, xchi 'a winac.
43—¿Toc wal 'oj stac' wa'n jab' tic 'a jun ciente 'anma tic? xchi win schecb' cha.
—'Ac' swa eb' 'anma tic 'ixim, yujto 'ixtc 'ix yutj Jehová yalni, 'oj wa eb', caw 'ayt 'oj ya'cn sobra, xchi Dios, xchi Eliseo.
44Xlajw cha, xya'n wa win eb' 'anma cha, 'ix wa eb', caw 'ayt xya'cn sobra, 'icha xyutj Jehová yalni.
Currently Selected:
2 R 4: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
2 R 4
4
Jun milagro yuj aceite
1'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic:
—A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.
2'Ix yaln Eliseo 'a 'ix 'ixtic:
—¿Tas pax tza nib'j tzin b'o 'ayach? Al 'ayin tastc 'ay 'a atut, xchi win 'a 'ix.
—A wal an a checb' in tic, caw wal may jac tas 'ay 'a watut, cojn wal jun yune xalu aceite 'ayc' 'ayin, xchi 'ix.
3—'Ixc 'at c'an a majnc nan̈loc xalu to may sb'al 'a eb' cajn 'a a tz'ey, a tzyal jantc tz'ilchj o'oj. 4Yajn̈ej tzach 'och mu'c yet' eb' one chi 'a yol atut, tza macn 'elt smac atut cha, tza b'ut'n smasnil jun tzo'n̈ xalu chi yet' aceite, chuc tza'cn jun tzo'n̈ tzb'ut'j cha, xchi 'a 'ix.
5Xlajw cha, 'ix 'at 'ix, 'ix smacn 'och sb'a 'ix yet' eb' yune chi 'a yol yatut, syamn 'och 'ix sb'ut'n jun tzo'n̈ xalu chi yet' aceite, atn jun tzo'n̈ xalu xit' smajnoc cot 'ix. 6A yic 'ix lajw sb'ut'j smasnil jun tzo'n̈ xalu cha, 'ix yaln 'a junc eb' yune 'ixtic:
—'Ij cot junc xo in xalu cha, xchi.
—Man̈x 'a tas, xchi jun yune 'ix cha.
Xlajw xoj cha, 'ix 'och wan yel jun aceite cha. 7Yuj cha, 'ix 'at 'ix 'at yal 'a Eliseo. 'Ix yaln win 'a 'ix 'ixtic:
—A ticnec 'ixc chon̈j aceite, tzlajw cha, tza'n pax q'uen a majn tumn cha, ax jantc to q'uen tzyac' sobra, tza c'an yet' eb' one cha, xchi Eliseo 'a 'ix.
A Eliseo yet' 'ix 'aj Sunem
8'Ay jun c'ual 'ix 'ec' Eliseo 'a chon̈b' Sunem, ata 'ay jun 'ix 'ix caw wal rico si'mb'il, 'ix yac' pural 'ix win Eliseo chi swa yet' 'a yatut. Yuj cha, ax yic tz'ec' 'a jun lugar chi 'a junjn 'ejem, tz'e'n̈j wac 'a yatut 'ix. 9Xlajw cha, 'ix yaln 'ix 'a win yichmil chi 'ixtic:
—A ticnec tznachj 'el wu'uj, to a jun tz'e'n̈j 'ayn̈ 'a catut 'a junjn 'ejem, caw schecb' Dios yaji. 10A tzin na'a, wach' to tzqui b'o junc yune cuarto 'a yib'n̈ catut tic, tz'och yich, tzca'n 'och junc ch'at 'a yojol, junc mexa, junc xila, yet' junc cantil, sec a yic tzjaw 'ayon̈, ata tzcani, xchi 'ix.
11'Ay jun 'ejem 'ix 'e'x Eliseo yet' jun schecb' tzcuch Giezi ta'; 'ix can wayc eb' 'a jun cuarto cha. 12Xlajw cha, 'ix yaln Eliseo 'ixtc 'a jun schecb' cha:
—'Awtj cot 'ix sunamita cha, xchi.
A yic 'ix 'awtx cot 'ix, xjaw 'ix. 13'Ix yaln Eliseo 'a Giezi, to tzyal 'ixtc 'a 'ix: Wach' xotj a ch'oxn 'el a wach' nab'enal 'ayon̈, ¿tas tza nib'j tzqui b'o 'ayach? ¿Tzyal am a c'ojl tzon̈ paxtin yet' win rey mto yet' win syajlil eb' soldado o'oj? xa chi 'a 'ix, xchi Eliseo 'a winac.
—Wach' waj 'a yol in chon̈b' tic, xchi 'ix 'a win checb' cha, 'ix pax 'ix.
14Xlajw cha, 'ix yaln pax Eliseo 'ixtc 'a Giezi: ¿Tas wal wach' tzqui b'o 'a 'ix tzyal cha? xchi.
—Matz nachj 'el wu'uj. Palta a tzwila to may yune 'ix, 'ichm winc xo pax yichmil 'ix, xchi Giezi cha.
15—'Awtj cot pax 'ix, xchi Eliseo.
'Ix 'at win checb' chi 'at yawtc cot 'ix jun 'ejm xo, 'ix jaw lin̈n 'ix 'a sti puerta. 16Xlajw cha, 'ix yaln Eliseo 'a 'ix 'ixtic:
—Yab'n 'ixtc junab', mec'b'ilx chan̈ junc one o'oj, xchi 'a 'ix.
—May mamin, ach schecb' Dios, man̈ ach b'uchwjoc 'ayin, xchi 'ix.
17Palta scuch chan̈ 'ix yune', ax 'a junx ab'il cha, 'ix 'alj yune 'ix, 'icha 'ix yutj Eliseo yalni. 18'Ix q'uib'n̈j jun 'unn cha. 'Ay jun c'ual 'ix 'at yil smam, yujto 'ay't yil eb' smoso 'aych polj trigo, 19'ix yaln jun 'unn chi 'a smam 'ixtic:
—¡'Ay, caw wal ya in jolom! ¡Caw wal ya in jolom! xchi jun 'unn cha.
Xlajw cha, 'ix yaln win mamb'il chi 'ixtc 'a junc eb' schecb' cha.
—'Ij 'at win 'a snun, xchi.
20'Ix 'ijx 'at jun 'unn chi 'a snun yuj win checb' cha, wocn 'ejm 'a sat xub' 'ix x'och chimc'ual. Ax x'aji 'ix cham jun 'unn cha. 21Xlajw cha, x'at sc'otnc can 'ec' 'ix 'a sat sch'at win schecb' Dios cha, 'ix 'el paxt 'ix, smacn can 'ix jun cuarto cha. 22Yajn̈ej 'ix yawtn cot 'ix win yichmil chi muc'uc, 'ix yaln 'ix 'a win 'ixtic:
—Tzin tew 'ayach, to tza checb't junc eb' a checb' tic wet'oc yet' junc no axna, to tz'at wil win schecb' Dios, wal in japx tic, xchi 'ix.
23—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha.
—Man̈ ach 'och 'il, xchi 'ix 'a winac.
24'Ix ya'n 'ix 'ajxoc 'och stz'um no axna cha, 'ix yaln 'ix 'a win checb' chi 'ixtic:
—Con̈ b'i'an, tza pech no 'ayin, man̈ a cha 'och wan no 'a yol b'e, masnto an 'oj wal 'ayach, xchi 'ix 'a winac.
25'Ixta x'aj 'ix sati, masnto 'ix c'och 'ix 'a lum jolm witz yic Carmelo, 'a 'aj 'ayc' win schecb' Dios cha. Najtto 'ay 'ix, xyiln 'at win Eliseo 'ix, 'ix yaln 'a win Giezi chi 'ixtic:
—'Ilto, 'in a 'ix sunamita tzjawi. 26Tzin tew 'ayach, 'ixc 'at chaj 'ix, carela a 'ati, tzlajw cha, tza c'anb'n 'a 'a, wach'm a c'ojol, wach'm sc'ojl win echmil, wach'm pax sc'ojl win a yune 'unin, xa chi 'a 'ix, xchi Eliseo 'a winac. 'Ixtnta 'ix yutj win Giezi yaln 'a 'ix. 'Ix yaln 'ix chajtlto wach'n̈ej.
27Yajn̈ej 'ix c'och 'ix mu'c 'a 'aj 'ayc' Eliseo win schecb' Dios 'a lum jolm witz cha, 'ix 'och la'njoc 'ix 'a yoc winac. 'Ix 'och yamn Giezi 'a 'ix yic tzyi'n 'eli, palta ax win schecb' Dios cha, 'ix yaln win 'ixtic:
—Yilx 'ix, yujto cusc'ojlal yaj 'ix, mantzac yal Jehová 'ayin tas yuj 'ix cot 'ix, xchi winac.
28Yuj cha, 'ix yaln 'ix 'ixtic:
—Mamin, ¿tom an 'ix in c'an 'ayach to tz'alj junc wune'? ¿Tom ma'ix wal 'ayach to matz ach b'uchwj 'ayin? xchi 'ix.
29Yuj cha, 'ix yaln Eliseo 'a win Giezi chi 'ixtic:
—'Ac' lista a b'a, 'ij 'at te in c'occh tic et'oc, tzlajw cha, carela tzach 'ati. Toto 'ay mach tza chaj a b'a yet'oc, man̈ ac' stzatzl sc'ojol. Toto 'ay mach tz'a'n stzatzl a c'ojol, man̈ ach ta'wc 'a 'a. A yic tzach c'och cha, tza'n 'ejm te in c'occh tic 'a sat win yune 'unn cha, xchi.
30'Ix yaln snun jun 'unn chi 'a Eliseo 'ixtic:
—Tzwac' in ti 'a yojltac Jehová yet' 'ayach, matz in 'ati, toto matz ach 'at wet'oc, xchi 'ix. 31Yuj cha, 'ix 'at Eliseo yet' 'ix, ax Giezi tox xb'ab'lj 'a eb', tox 'ix yac' 'ejm te c'occh chi 'a sat jun 'unn cha, palta ma'ix pitzwi. Yuj cha, 'ix meltzji yic tz'at schanoc Eliseo, 'ix yaln 'a 'ixtic:
—A win 'unn cha, ma'ix jaw sc'ojl winac, xchi.
32'Ix c'och Eliseo 'a te n̈a cha, ax jun 'unn cha chamnac; t'ocn 'ec' 'a sat sch'at Eliseo cha. 33Yuj cha, 'ix 'och 'a yojl jun cuarto cha, smacn 'elt spuertail, 'ix leslwi 'a Jehová. 34Xlajw cha, 'ix q'ue 'a sat ch'at cha, 'ix 'at pacn 'a yib'n̈ jun 'unn cha, 'ix ya'n 'ejm sti', yet' sat, yet' sc'ab' 'a yib'n̈ yic jun 'unn cha. 'Ix q'uixnj chan̈ sniwnal win 'unn cha. 35Xlajw cha, 'ix 'el Eliseo 'a yib'an̈, 'ix b'eyc' 'a yol n̈a cha, 'ix 'atx pacn 'a yib'n̈ jun 'unn chi jun 'ejm xo. Ax jun 'unn cha, uc 'ejm 'ix 'at'isjwji, 'ixta to b'i'an 'ix 'el 'a sat. 36Xlajw cha, 'ix yawtn cot Eliseo win Giezi, 'ix yaln 'ixtic:
—'Awtj cot 'ix sunamita cha, xchi.
'Ix 'at yawtn cot win 'ix, ax yic xc'och 'ix 'a 'aj 'ayc' Eliseo cha, 'ix yaln 'a 'ix 'ixtic:
—Yaj win one tic, xchi Eliseo.
37'Ix snitzn 'o'ch sb'a 'ix 'a stz'ey Eliseo, squiln 'ejm 'ix snan̈l sat 'a sat lum 'a yojltac; xlajw cha, xyi'n pax 'elt 'ix jun yune cha.
A jun milagro yuj tas tzc'uxxi
38'Ix 'at Eliseo 'a Gilgal, yic caw ow ya'n jun niwquil wejl 'a jun chon̈b' cha, ax eb' schecb' Dios 'ayc' eb' yet'oc, yuj cha, 'ix yaln 'a jun schecb' chi 'ixtic: 'Ac' q'ue junc niwquil chen 'a yib'n̈ c'ac', tza b'on tas tzc'ux eb' schecb' Dios tic, xchi.
39'Ix 'at jun 'a eb' sayj 'itaj, 'ix 'ilchj jun te calte'al 'itj yu'uj, lajn yilx te 'icha te q'uixtan, 'ay sat te', 'ix ch'inn cot sat te cha, 'ix yi'n cot 'a yol spotil. A yic 'ix jawi, 'ix scotc tzu'n 'at 'a yol jun schenl schib'l wa'il, palta man̈ yojcoc tas jun cha. 40Xlajw cha, 'ix ya'n wa win eb' schecb' Dios cha, palta ax x'aji, at wal schan 'el eb' yich sc'uxn jun schib'l wal cha, 'ix 'awj chan̈ eb', xyaln eb' 'ixtic:
—Mamin, ach schecb' Dios, a jun schib'l wal tzqui c'ux tic on̈, 'ay't veneno 'a scal, xchi eb'.
Man̈x 'ic stac' xon sc'uxn eb'. 41Xlajw cha, 'ix yaln Eliseo 'ixtic:
—'Ijc cot jac 'ixm harina 'ayin, xchi.
'Ix ya'n 'ejm 'ixm harina chi 'a yol chen, 'ix yaln 'ixtic:
—A ticnec 'ac' wa eb' 'anma tic jun 'ejm xo, xchi.
'Ix sc'uxn pax eb' 'anma jun cha, caw wach' xo xyab' eb'.
42Xlajw cha, 'ix c'och jun win 'aj Baal-salisá 'a Eliseo, yet' win junc'l pan cebada 'a 'ixm b'ab'l sat cebada cha, yet' 'ixm sjolm trigo to 'unn to sat. 'Ix yaln Eliseo 'a win schecb' chi 'ixtic:
—'Ac' wa eb' 'anma tic, xchi 'a winac.
43—¿Toc wal 'oj stac' wa'n jab' tic 'a jun ciente 'anma tic? xchi win schecb' cha.
—'Ac' swa eb' 'anma tic 'ixim, yujto 'ixtc 'ix yutj Jehová yalni, 'oj wa eb', caw 'ayt 'oj ya'cn sobra, xchi Dios, xchi Eliseo.
44Xlajw cha, xya'n wa win eb' 'anma cha, 'ix wa eb', caw 'ayt xya'cn sobra, 'icha xyutj Jehová yalni.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.