2 R 24
24
1A 'a yol stiempoal Joacim 'ix cot Nabucodonosor sreyl Babilonia yet' eb' soldado, yic tzya'n eb' owl yet'oc. 'Ix 'och 'a yol nacion̈ cha, ax Joacim 'oxe ab'il 'ix syiclj tas xyal win Nabucodonosor cha. Palta yajn̈ej sjeln snab'en, 'ix meltzj 'och 'ajc'ojlal 'a 'a. 2Palta 'ix chec cot Jehová eb' soldado 'aj Babilonia atn eb' caldeo, eb' sirio, eb' moabita, yet' eb' amonita yic tzwul yelc'noc eb' tas 'ay 'a chon̈b' Judá, sec wach' tzjuw 'el yuj eb', 'icha yaj yaln can eb' schecb' Dios. 3Wal yel 'ix jaw jun tic 'a yib'n̈ Judá, yujto a Jehová 'ix alni, sec tz'elch can eb' israel 'a yojltac yuj smasnil smaysch'olnil 'ix 'el sb'on win Manasés, 4yet' yuj eb' 'anma may smul 'ix yac' milxoc 'a Jerusalén. Yuj cha, man̈xtoc 'ix yac' Jehová niwnc'ojlal.
5Ax jantc to yab'xil Joacim yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá. 6A yic 'ix cham Joacim, ata 'ix mucx 'a 'aj mucn eb' smam yicham, ax jun yunnal tzcuch Joaquín, a 'ix 'ochcn reyl sjeloc.
7Man̈xtoc 'ix 'elt sreyl Egipto yet' eb' soldado 'a yol snacion̈, yujto a sreyl Babilonia 'ix 'i'n can 'ec' smasnil tas 'ic'b'il 'ec' yu'uj, tzchaj cot 'a sch'olnal yic Egipto masnto 'a a niwn a Éufrates.
'Ijxnac 'at Joaquín 'icha presoal
(2 Cr 36.9-10)
8Wajxclajn̈e ab'il sq'uinl Joaquín yic 'ix schan 'el yich ya'n reyal. 'Oxen̈ej 'uj 'ix yac' reyl 'a Jerusalén. A snun Nehusta sb'i, yisl win Elnatán 'aj Jerusalén. 9Caw maysch'olnil x'el sb'on 'a sat Jehová, lajn 'icha sb'ojnac smam cha.
10A 'a yic jun tiempoal cha, 'ix cot eb' soldado win Nabucodonosor sreyl Babilonia yac' owl 'a Jerusalén, 'ix 'och oyn eb' 'a jun chon̈b' cha. 11Wanto ya'n eb' owal, 'ix jaw rey Nabucodonosor. 12Yajn̈ej 'ix ya'n 'och sb'a Joaquín sreyl Judá yet' snun, yet' eb' yit yajlil, yet' eb' schecb' 'a yol sc'ab' win rey cha. 'Ix ya'n win rey chi yamchjoc eb'. 'Ix uj jun tic 'a yic swajxquil xo ab'il yoch win Nabucodonosor reyl 'a Babilonia.
13Xlajw cha, xya'n win 'ijxoc 'elt smasnil q'uen tumn 'ay 'a yatut Jehová yet' 'a sdespacho win rey Joaquín cha. Caw choc' 'ix yutj sma'n poj jun tzo'n̈ yamc'ab' to nab'a oro b'ob'il can yuj Salomón sreyl chon̈b' Israel, jun tzo'n̈ 'ayc' 'a yatut Jehová. 'Ix 'el'ch jun tic 'icha yaj yaln can Jehová. 14'Ix ya'n win 'ijxoc 'at smasnil eb' cajn 'a Jerusalén, eb' 'aych yajlil, eb' soldado to caw wal jelan, eb' josmte' yet' eb' tenm q'ue'en. Lajn̈e mil eb' x'ijx 'at 'icha presoal yu'uj. Cojxn̈ej eb' meb'a xcan 'a jun nacion̈ cha.
15'Ix ya'n pax win 'ijxoc 'at win rey Joaquín yet' snun, yet' eb' yistzil, yet' eb' 'aych 'a yopiso yet'oc, yet' pax eb' niwn yel'ch 'a jun nacion̈ cha. 'Ix 'ijx 'at eb' 'a Babilonia cha. 16Uque mil eb' soldado jeln ya'n owal, jun mil eb' tenm q'ue'en, yet' eb' josmte', 'ix 'ijx 'at eb' 'icha presoal. 17Ax win sreyl Babilonia cha, a 'ix 'a'n 'och Matanías yu'tac smam Joaquín chi reyl 'a Judá, 'ix sjeln win sb'i winac, 'ix ya'n sb'ic Sedequías.
Ya'jnac Sedequías reyal
(2 Cr 36.11-16; Jer 52.1-3)
18Junschawinc ab'il sq'uinl Sedequías yic 'ix schan 'el yich ya'n reyal; uxlche ab'il 'ix yac' reyl 'a Jerusalén: Ax snun Hamutal sb'i, yisl Jeremías 'aj Libna. 19Caw maysch'olnil x'el sb'on 'a sat Jehová, 'icha wal sb'ojnac Joacim. 20Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac.
'Ajxnac ganar Jerusalén
(Jer 39.1-7; 52.3-11)
'Ix meltzj 'och Sedequías 'ajc'ojlal 'a sreyl Babilonia.
Currently Selected:
2 R 24: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
