2 R 13
13
'Ochnc Joacaz reyl 'a Israel
1A yic 'oxeschawinc ab'il xo yoch Joás, yunnal Ocozías reyl 'a Judá, 'ix schan 'el Joacaz yunnal Jehú ya'n reyl 'a chon̈b' Israel; uclajn̈e ab'il 'ix yac' reyl 'a chon̈b' Samaria. 2Caw wal maysch'olnil 'ix 'el sb'on 'a sat Jehová, an̈j sb'eyb'al Jeroboam yunnal Nabat 'ix sb'on̈ej, atn jun xjucb'tzan eb' yit israelal 'a maysch'olnil. 3Yuj wal cha, caw 'ix cot yowl sc'ojl Jehová 'a chon̈b' Israel. Niwn tiempo 'ix 'ajx 'och eb' 'a yol sc'ab' Hazael sreyl chon̈b' Siria, yet' 'a yol sc'ab' Ben-adad atn yunnal Hazael cha.
4Ax rey Joacaz 'ix leslwi 'a Jehová, 'ix 'ab'x slesl cha, yujto 'ix yil Jehová to caw 'oltac tz'aj eb' israel yixtx yuj sreyl chon̈b' Siria. 5'Ix ya'n Jehová jun mach 'ix colwj 'a eb'. 'Ixtnta 'ix 'aj yel eb' 'a yol sc'ab' eb' 'aj Siria. Tzaljc'ojlal xoj yaj eb' 'a yatut, 'icha yaj eb' 'a yaln̈taxi. 6Palta b'i'an, ma'ix yactj can eb' sb'eylb'an jun tzo'n̈ smul Jeroboam sb'ojnac, atn jun xjucb'tzan eb' 'a maysch'olnil. Ax pax jun sch'oxnb'il comn dios Asera 'ayc'n̈ej yuj eb' 'a chon̈b' Samaria.
7A Joacaz cha, man̈x niwnoc sb'isl eb' soldado win 'ix cani. Cojxn̈ej 50 soldado tz'och 'a yib'n̈ chej, lajn̈e caruaje yic owal, lajn̈e pax mil soldado tzb'ey 'a yoc, yujto a sreyl chon̈b' Siria, a 'ix satn 'el eb'.
8Palta ax jantcto yab'xil Joacaz yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl chon̈b' Israel. 9A yic 'ix cham Joacaz, ata 'ix mucx 'a 'aj mucn eb' smam yichm 'a chon̈b' Samaria. Xlajw cha, ax jun yunnal tzuch Joás, a x'ochcn reyl sjeloc.
'Ochnc Joás reyl 'a Israel
10A yic 37 ab'il xo yoch Joás reyl 'a Judá, 'ix 'och jun yunnal Joacaz reyl 'a chon̈b' Israel Joás pax sb'i, waclajn̈e ab'il 'ix yac' reyl 'a chon̈b' Samaria. 11Palta caw maysch'olnil 'ix 'el sb'on 'a sat Jehová, yujto ma'ix yactj can sb'eylb'an smasnil smul Jeroboam yunnal Nabat, atn jun xjucb'tzan eb' yit israelal 'a maysch'olnil.
12Ax jantc to yab'xil Joás yet' smasnil tas 'ix 'el sb'oni, yet' pax yic 'ix ya'n yip ya'n owl yet' Amasías sreyl Judá, ata tz'ib'b'il can 'a ch'an̈ libro 'a 'aj tz'ib'b'il can yab'xil eb' sreyl chon̈b' Israel. 13A yic 'ix cham Joás, ata 'ix mucx 'a 'aj mucn eb' smam yichm 'a chon̈b' Samaria yet' jun tzo'n̈ xo eb' ya'jnac reyl 'a chon̈b' Israel. Xlajw cha, ax jun yunnal tzuch Jeroboam, a 'ix 'och reyl sjeloc.
Slajb' spaxti', yet' schaml Eliseo
14Caw wal ya'ay Eliseo yuj jun yab'il 'ix milwj 'a 'a, yuj cha, a yic mantzac cham Joás sreyl chon̈b' Israel, 'ix 'at yila', 'ix 'oc' 'a yojltac Eliseo, 'ix 'och la'njoc 'a 'a, 'ix yaln 'ixtic:
—¡Mamin, mamin! 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a.
15—'Ij cot junc a jul-lab' yet' sjul-lab'il, xchi Eliseo 'a 'a.
'Ix 'at yi'nc cot win rey sjul-lab' cha. 16-17Xlajw cha, 'ix yaln Eliseo mu'c 'a Joás 'ixtic:
—Jac te ventnu 'ay 'a stojlal 'aj tzq'uel c'u 'a stojlal Siria, xchi.
Xlajw sjacn win rey chi jun ventnu cha, xyaln Eliseo 'ixtic: B'o a jul-lab' yic tzach julwj yet'oc, xchi.
Ya' sb'a wanto sb'on win rey sjul-lab' cha, 'ix ya'n 'at Eliseo sc'ab' 'a yib'n̈ sc'ab' winac, 'ix yaln Eliseo 'ixtic:
—Julwjan̈ ticnec, xchi.
'Ix julwj win rey, 'ix 'el yaw Eliseo, 'ix yaln 'ixtic:
—A jul-lab' yic Jehová, a tzch'oxn 'eli, to 'oj 'ajxoc ganar eb' sirio 'a Afec, ach 'oj a satl eb' smasnil, xchi Eliseo.
18Xlajw cha, 'ix yaln pax jun 'ejm xo 'ixtc 'a win rey:
—Yam jun tzo'n̈ a jul-lab' cha, xchi.
'Ix syamn win sjul-lab' chi muc'uc, 'ix yaln Eliseo 'ixtc 'a winac:
—Mac' 'ejm 'a yib'n̈ lum lum tic, xchi.
'Ox 'ejm 'ix smac' 'ejm win rey chi 'a yib'n̈ lu'um, 'ix 'och wa'an. 19Xlajw cha, 'ix cot yowl Eliseo, 'ix yaln 'ixtic:
—Octom wal xa mac' 'ejm o'ejmoc mto wac 'ejmoc 'a yib'n̈ lu'um, to 'ixta', jun 'ejmn̈ej 'oj a satcn 'el smasnil eb' sirio, man̈x 'a junc 'oj canoc, palta ax ticnec, cojn wal 'ox'ejm 'oj 'ajxc ganar eb' o'oj, xchi.
20'Ix cham Eliseo, xlajw cha, xmucxi.
'A junjn ab'il tzwulc' eb' moabita 'elc'l 'a yol smacb'en eb' israel. 21A yic jun 'el, 'ix 'at jun tzo'n̈ eb' israel smuc jun chamnc 'anma'. A yic wan sc'och eb' yet' 'aj tzmucx cha, 'ix yiln eb' sjaw nan̈l eb' moabita 'elc'al, yuj cha, toxn̈ej 'ix sb'al 'a'j 'och eb' jun chamnc chi 'aj mucn Eliseo, xlajw cha, 'ix 'at eb'. A yic 'ix c'och tennjoc jun chamnc chi 'a sb'acl Eliseo, 'ix pitzw pax jun cha, 'ix q'ue lin̈njoc.
22Caw wal x'ixtx chon̈b' Israel yuj Hazael sreyl Siria 'a yol stiempoal rey Joacaz. 23Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.
24A yic xcham Hazael sreyl Siria, ax jun yunnal tzuch Ben-adad, a 'ix 'ochcn reyl sjeloc. 25'Ix yi'n can pax 'ec' Joás jun tzo'n̈ chon̈b' yijnac 'ec' Hazael 'a Joacaz. 'Ox 'ejm 'ix 'ajx ganar Ben-adad yu'uj, 'ixtnta 'ix yutj scoln can 'el jun tzo'n̈ chon̈b' cha.
Currently Selected:
2 R 13: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
2 R 13
13
'Ochnc Joacaz reyl 'a Israel
1A yic 'oxeschawinc ab'il xo yoch Joás, yunnal Ocozías reyl 'a Judá, 'ix schan 'el Joacaz yunnal Jehú ya'n reyl 'a chon̈b' Israel; uclajn̈e ab'il 'ix yac' reyl 'a chon̈b' Samaria. 2Caw wal maysch'olnil 'ix 'el sb'on 'a sat Jehová, an̈j sb'eyb'al Jeroboam yunnal Nabat 'ix sb'on̈ej, atn jun xjucb'tzan eb' yit israelal 'a maysch'olnil. 3Yuj wal cha, caw 'ix cot yowl sc'ojl Jehová 'a chon̈b' Israel. Niwn tiempo 'ix 'ajx 'och eb' 'a yol sc'ab' Hazael sreyl chon̈b' Siria, yet' 'a yol sc'ab' Ben-adad atn yunnal Hazael cha.
4Ax rey Joacaz 'ix leslwi 'a Jehová, 'ix 'ab'x slesl cha, yujto 'ix yil Jehová to caw 'oltac tz'aj eb' israel yixtx yuj sreyl chon̈b' Siria. 5'Ix ya'n Jehová jun mach 'ix colwj 'a eb'. 'Ixtnta 'ix 'aj yel eb' 'a yol sc'ab' eb' 'aj Siria. Tzaljc'ojlal xoj yaj eb' 'a yatut, 'icha yaj eb' 'a yaln̈taxi. 6Palta b'i'an, ma'ix yactj can eb' sb'eylb'an jun tzo'n̈ smul Jeroboam sb'ojnac, atn jun xjucb'tzan eb' 'a maysch'olnil. Ax pax jun sch'oxnb'il comn dios Asera 'ayc'n̈ej yuj eb' 'a chon̈b' Samaria.
7A Joacaz cha, man̈x niwnoc sb'isl eb' soldado win 'ix cani. Cojxn̈ej 50 soldado tz'och 'a yib'n̈ chej, lajn̈e caruaje yic owal, lajn̈e pax mil soldado tzb'ey 'a yoc, yujto a sreyl chon̈b' Siria, a 'ix satn 'el eb'.
8Palta ax jantcto yab'xil Joacaz yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl chon̈b' Israel. 9A yic 'ix cham Joacaz, ata 'ix mucx 'a 'aj mucn eb' smam yichm 'a chon̈b' Samaria. Xlajw cha, ax jun yunnal tzuch Joás, a x'ochcn reyl sjeloc.
'Ochnc Joás reyl 'a Israel
10A yic 37 ab'il xo yoch Joás reyl 'a Judá, 'ix 'och jun yunnal Joacaz reyl 'a chon̈b' Israel Joás pax sb'i, waclajn̈e ab'il 'ix yac' reyl 'a chon̈b' Samaria. 11Palta caw maysch'olnil 'ix 'el sb'on 'a sat Jehová, yujto ma'ix yactj can sb'eylb'an smasnil smul Jeroboam yunnal Nabat, atn jun xjucb'tzan eb' yit israelal 'a maysch'olnil.
12Ax jantc to yab'xil Joás yet' smasnil tas 'ix 'el sb'oni, yet' pax yic 'ix ya'n yip ya'n owl yet' Amasías sreyl Judá, ata tz'ib'b'il can 'a ch'an̈ libro 'a 'aj tz'ib'b'il can yab'xil eb' sreyl chon̈b' Israel. 13A yic 'ix cham Joás, ata 'ix mucx 'a 'aj mucn eb' smam yichm 'a chon̈b' Samaria yet' jun tzo'n̈ xo eb' ya'jnac reyl 'a chon̈b' Israel. Xlajw cha, ax jun yunnal tzuch Jeroboam, a 'ix 'och reyl sjeloc.
Slajb' spaxti', yet' schaml Eliseo
14Caw wal ya'ay Eliseo yuj jun yab'il 'ix milwj 'a 'a, yuj cha, a yic mantzac cham Joás sreyl chon̈b' Israel, 'ix 'at yila', 'ix 'oc' 'a yojltac Eliseo, 'ix 'och la'njoc 'a 'a, 'ix yaln 'ixtic:
—¡Mamin, mamin! 'icha wal soldado caw 'ay yip, 'ixta aj 'a qui cal an̈ israel on̈ tic, xchi 'a 'a.
15—'Ij cot junc a jul-lab' yet' sjul-lab'il, xchi Eliseo 'a 'a.
'Ix 'at yi'nc cot win rey sjul-lab' cha. 16-17Xlajw cha, 'ix yaln Eliseo mu'c 'a Joás 'ixtic:
—Jac te ventnu 'ay 'a stojlal 'aj tzq'uel c'u 'a stojlal Siria, xchi.
Xlajw sjacn win rey chi jun ventnu cha, xyaln Eliseo 'ixtic: B'o a jul-lab' yic tzach julwj yet'oc, xchi.
Ya' sb'a wanto sb'on win rey sjul-lab' cha, 'ix ya'n 'at Eliseo sc'ab' 'a yib'n̈ sc'ab' winac, 'ix yaln Eliseo 'ixtic:
—Julwjan̈ ticnec, xchi.
'Ix julwj win rey, 'ix 'el yaw Eliseo, 'ix yaln 'ixtic:
—A jul-lab' yic Jehová, a tzch'oxn 'eli, to 'oj 'ajxoc ganar eb' sirio 'a Afec, ach 'oj a satl eb' smasnil, xchi Eliseo.
18Xlajw cha, 'ix yaln pax jun 'ejm xo 'ixtc 'a win rey:
—Yam jun tzo'n̈ a jul-lab' cha, xchi.
'Ix syamn win sjul-lab' chi muc'uc, 'ix yaln Eliseo 'ixtc 'a winac:
—Mac' 'ejm 'a yib'n̈ lum lum tic, xchi.
'Ox 'ejm 'ix smac' 'ejm win rey chi 'a yib'n̈ lu'um, 'ix 'och wa'an. 19Xlajw cha, 'ix cot yowl Eliseo, 'ix yaln 'ixtic:
—Octom wal xa mac' 'ejm o'ejmoc mto wac 'ejmoc 'a yib'n̈ lu'um, to 'ixta', jun 'ejmn̈ej 'oj a satcn 'el smasnil eb' sirio, man̈x 'a junc 'oj canoc, palta ax ticnec, cojn wal 'ox'ejm 'oj 'ajxc ganar eb' o'oj, xchi.
20'Ix cham Eliseo, xlajw cha, xmucxi.
'A junjn ab'il tzwulc' eb' moabita 'elc'l 'a yol smacb'en eb' israel. 21A yic jun 'el, 'ix 'at jun tzo'n̈ eb' israel smuc jun chamnc 'anma'. A yic wan sc'och eb' yet' 'aj tzmucx cha, 'ix yiln eb' sjaw nan̈l eb' moabita 'elc'al, yuj cha, toxn̈ej 'ix sb'al 'a'j 'och eb' jun chamnc chi 'aj mucn Eliseo, xlajw cha, 'ix 'at eb'. A yic 'ix c'och tennjoc jun chamnc chi 'a sb'acl Eliseo, 'ix pitzw pax jun cha, 'ix q'ue lin̈njoc.
22Caw wal x'ixtx chon̈b' Israel yuj Hazael sreyl Siria 'a yol stiempoal rey Joacaz. 23Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.
24A yic xcham Hazael sreyl Siria, ax jun yunnal tzuch Ben-adad, a 'ix 'ochcn reyl sjeloc. 25'Ix yi'n can pax 'ec' Joás jun tzo'n̈ chon̈b' yijnac 'ec' Hazael 'a Joacaz. 'Ox 'ejm 'ix 'ajx ganar Ben-adad yu'uj, 'ixtnta 'ix yutj scoln can 'el jun tzo'n̈ chon̈b' cha.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.