2 Co 6
6
1An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex. 2Yujto a tzaln 'ixtc 'a Ch'an̈ U'un̈:
Xc'och stiempoal in ch'oxn in wach'c'ojlal yic tzin pacn tas tza c'an 'ayin. Xc'och stiempoal wa'n a colnb'il, xchi Dios.
A ticnec, tox 'ix jaw jun tiempoal wach' yaljnac tic. Tox 'ix jaw stiempoal tz'ajx qui colnb'ilec ticnec.
3Tzqui nib'j on̈, may mach tzb'uchwj 'a spatc qui munljel on̈. Yuj cha, may jun 'ejmoc palta tzcutj qui b'a 'a sat junc xo mach on̈. 4Smasnil tiempo tzqui ch'oxl qui wach' b'eyb'al on̈, yujto ya'mal on̈ servil Dios on̈. Caw te'n tzcutj qui b'a ca'n techjoc yailal on̈, 'ay 'aj 'ay tas caw sc'a'l tz'och cuj on̈, 'ay 'aj caw tz'och oyn yailal 'ayn̈ on̈. 5'Ay 'aj on̈ ma'x on̈, on̈ 'och 'a preso on̈. 'Ay 'aj x'och somnjoc eb' 'anma 'ayn̈ on̈. 'Ay 'aj x'el quip qui munlj on̈. Man̈xtzac on̈ way on̈. 'Ay 'aj caw tz'och qui wejl on̈. 6Palta caw tojln̈ej tzcutj qui nab'en on̈. Cojc xo on̈ 'aj 'ay yel. Niwn tzcutj qui c'ojl on̈. Wach' tzcutj qui nab'en on̈. A Yespíritu Dios 'aych 'ayn̈ on̈. Yelc'ojlal caw 'ay qui chamc'ojlal on̈. 7A jun cuynb'il caw yel, an̈j tzcal-l on̈. Caw 'aych Dios quet' on̈. 'Icha junc soldado tzcol sb'a yet' jun tzo'n̈ syamc'ab', tzya'n pax owl yet'oc, 'ixta tzcutj qui b'a on̈, yujto caw tojl tzcutj qui nab'en on̈. 8'Ay 'aj niwn quel'ch on̈, 'ay 'aj may jac quel'ch on̈. 'Ay 'aj tzon̈ alx wach'l on̈, 'ay 'aj ton̈j tzon̈ b'uchx on̈. 'Ay 'aj ton̈j tzcac' 'es snan eb' on̈, palta yel tas tzcal on̈. 9'Ay 'aj tzyal eb' 'anma', to man̈ on̈ yojcoc eb' on̈. 'Ay 'aj tzyal pax eb', to yojc on̈ eb' on̈. 'Ay 'aj tzon̈ cob' 'ajxc 'och 'a yol sc'ab' chaml on̈, palta an̈ja pitzn on̈ ticnec on̈. Caw tz'ajx 'och 'a quib'n̈ on̈, palta matz on̈ cham on̈. 10Wach'xam tz'ajx qui cusc'ojlal on̈, palta smasnil tiempo tzon̈ tzalj on̈. Wach'xam caw meb'a on̈ on̈, palta til wal eb' tz'och ricoal 'a sat Dios cuj on̈. Wach'xam may xon jac tas 'ayn̈ on̈, palta a 'a sat Dios, 'ay smasnil tas 'ayn̈ on̈.
11Ax xo ex 'aj Corinto, c'uxn xcalb't qui nab'en 'ayx on̈. Smasnil tas 'ay 'a qui pixn on̈, c'uxn xcalb't 'ayx on̈. 12Caw man̈x 'a junc tas xqui c'ub'j 'el 'ayx on̈. Palta ax xo, 'ay jun tzo'n̈ tas xe c'ub'j 'el 'ayn̈ on̈. 13'Icha junc mamb'il, yelc'ojlal tztew 'och 'a eb' yunnal, 'ixta tzwutj in tew 'at 'ayex. Caw tzeyal cot e nab'en 'ayin, 'icha xwutj waln 'at wic 'ayex.
Yatut on̈ec Dios pitzan
14Matz tac' junn̈j tzon̈ 'aj yet' eb' man̈ creyenteoc, yujto caw man̈ smojc 'ixta'. A jun wach' b'eyb'al, may yaln yic 'a maysch'olnil. Ax jun sacq'uinl 'aych 'a qui pixnec, man̈ yitb'eymoc sb'a yet' q'uic'q'uinal. 15A Cristo, caw matz chaj sb'a snab'en yet' win Satanás. An̈ creyente on̈c tic, man̈ lajnoc quic yet' eb' man̈ creyenteoc. 16A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic:
'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.
17Yuj cha, yaljnac can pax Cajlil 'ixtic:
'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.
18'Oj woch e Mamoc.
Ax eyoch wunnaloc, wisloc, xchi Cajlilec, atn jun tzta'n̈j yuj smasnil.
Currently Selected:
2 Co 6: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
2 Co 6
6
1An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex. 2Yujto a tzaln 'ixtc 'a Ch'an̈ U'un̈:
Xc'och stiempoal in ch'oxn in wach'c'ojlal yic tzin pacn tas tza c'an 'ayin. Xc'och stiempoal wa'n a colnb'il, xchi Dios.
A ticnec, tox 'ix jaw jun tiempoal wach' yaljnac tic. Tox 'ix jaw stiempoal tz'ajx qui colnb'ilec ticnec.
3Tzqui nib'j on̈, may mach tzb'uchwj 'a spatc qui munljel on̈. Yuj cha, may jun 'ejmoc palta tzcutj qui b'a 'a sat junc xo mach on̈. 4Smasnil tiempo tzqui ch'oxl qui wach' b'eyb'al on̈, yujto ya'mal on̈ servil Dios on̈. Caw te'n tzcutj qui b'a ca'n techjoc yailal on̈, 'ay 'aj 'ay tas caw sc'a'l tz'och cuj on̈, 'ay 'aj caw tz'och oyn yailal 'ayn̈ on̈. 5'Ay 'aj on̈ ma'x on̈, on̈ 'och 'a preso on̈. 'Ay 'aj x'och somnjoc eb' 'anma 'ayn̈ on̈. 'Ay 'aj x'el quip qui munlj on̈. Man̈xtzac on̈ way on̈. 'Ay 'aj caw tz'och qui wejl on̈. 6Palta caw tojln̈ej tzcutj qui nab'en on̈. Cojc xo on̈ 'aj 'ay yel. Niwn tzcutj qui c'ojl on̈. Wach' tzcutj qui nab'en on̈. A Yespíritu Dios 'aych 'ayn̈ on̈. Yelc'ojlal caw 'ay qui chamc'ojlal on̈. 7A jun cuynb'il caw yel, an̈j tzcal-l on̈. Caw 'aych Dios quet' on̈. 'Icha junc soldado tzcol sb'a yet' jun tzo'n̈ syamc'ab', tzya'n pax owl yet'oc, 'ixta tzcutj qui b'a on̈, yujto caw tojl tzcutj qui nab'en on̈. 8'Ay 'aj niwn quel'ch on̈, 'ay 'aj may jac quel'ch on̈. 'Ay 'aj tzon̈ alx wach'l on̈, 'ay 'aj ton̈j tzon̈ b'uchx on̈. 'Ay 'aj ton̈j tzcac' 'es snan eb' on̈, palta yel tas tzcal on̈. 9'Ay 'aj tzyal eb' 'anma', to man̈ on̈ yojcoc eb' on̈. 'Ay 'aj tzyal pax eb', to yojc on̈ eb' on̈. 'Ay 'aj tzon̈ cob' 'ajxc 'och 'a yol sc'ab' chaml on̈, palta an̈ja pitzn on̈ ticnec on̈. Caw tz'ajx 'och 'a quib'n̈ on̈, palta matz on̈ cham on̈. 10Wach'xam tz'ajx qui cusc'ojlal on̈, palta smasnil tiempo tzon̈ tzalj on̈. Wach'xam caw meb'a on̈ on̈, palta til wal eb' tz'och ricoal 'a sat Dios cuj on̈. Wach'xam may xon jac tas 'ayn̈ on̈, palta a 'a sat Dios, 'ay smasnil tas 'ayn̈ on̈.
11Ax xo ex 'aj Corinto, c'uxn xcalb't qui nab'en 'ayx on̈. Smasnil tas 'ay 'a qui pixn on̈, c'uxn xcalb't 'ayx on̈. 12Caw man̈x 'a junc tas xqui c'ub'j 'el 'ayx on̈. Palta ax xo, 'ay jun tzo'n̈ tas xe c'ub'j 'el 'ayn̈ on̈. 13'Icha junc mamb'il, yelc'ojlal tztew 'och 'a eb' yunnal, 'ixta tzwutj in tew 'at 'ayex. Caw tzeyal cot e nab'en 'ayin, 'icha xwutj waln 'at wic 'ayex.
Yatut on̈ec Dios pitzan
14Matz tac' junn̈j tzon̈ 'aj yet' eb' man̈ creyenteoc, yujto caw man̈ smojc 'ixta'. A jun wach' b'eyb'al, may yaln yic 'a maysch'olnil. Ax jun sacq'uinl 'aych 'a qui pixnec, man̈ yitb'eymoc sb'a yet' q'uic'q'uinal. 15A Cristo, caw matz chaj sb'a snab'en yet' win Satanás. An̈ creyente on̈c tic, man̈ lajnoc quic yet' eb' man̈ creyenteoc. 16A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic:
'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.
17Yuj cha, yaljnac can pax Cajlil 'ixtic:
'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.
18'Oj woch e Mamoc.
Ax eyoch wunnaloc, wisloc, xchi Cajlilec, atn jun tzta'n̈j yuj smasnil.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.