1 S 19
19
Snib'jnac Saúl smil cham David
1'Ix yaln Saúl 'a jun yunnal atn Jonatán, yet' 'a smasnil eb' schecab', to tzmil cham eb' David. Palta a win Jonatán cha, caw chamc'ojlb'il David yuj win si'mb'il, 2yuj cha, xyaln win yab' David 'ixtic:
—A 'in mam, caw 'aych 'a snab'en ach ya'n milxoc. Yuj cha, caw tza tan̈wj a b'a masnto 'a sq'uin̈b'il q'uic'an. Tza c'ub'j 'el a b'a 'a junc lugar to c'ultac yaji. 3Yujto a q'uic'an, 'oj welt b'eyc'oc yet' in mam 'a a tz'ey 'aj 'aych 'ec' cha. 'Oj wal 'a in mam oj ach tic, cojn quilni tas 'oj 'aj 'el'chi, 'oj walx ab'i', xchi.
4'Ix yaln Jonatán 'a Saúl yuj swach'loc David. Xyaln 'ixtic:
—Mamin rey, man̈ 'och a mul 'a jun a checb' David, yujto may junc tas tu 'ix 'el sb'on 'ayach. Caw wach'n̈j tas tz'el sb'on 'ayach; 5yujto eljnac, ya'jnac sq'uinl 'a yol sc'ab' chamel yic smiln cham win Goliat. 'Ixta yutjnac Jehová on̈ scolni. Ach xo tic, caw ach tzalji yic eln jun cha. ¿Tas yuj tza'ch a b'a 'a miln cham win 'a nab'an̈ej? xchi.
6A yic xyab'n Saúl yuj tas wach' xyal Jonatán 'a 'a, 'ix yaln 'ixtic:
—Tzwac' in ti 'a Jehová, to ma'oj wac' milxoc David, xchi.
7Yuj cha, xyawtn paxt Jonatán David, 'ix yaln smasnil tas xyal smam cha. Caw a Jonatán chi 'ix 'i'n cot 'a yojltac Saúl, 'ix 'ochx munljoc 'a win 'icha xon 'a yic yalan̈.
8Xlajw cha, 'ix 'ochx owl jun 'ejm xo yet' eb' filisteo. 'Ix 'atx David yac' owl yet' eb'. Ax x'aji, caw niwn sb'isl eb' xcham yu'uj, yuj cha, x'at eb' 'elc 'a yojltac. 9Palta x'ochx jun espíritu man̈ wach'c 'a Saúl yuj Jehová, wocn 'ejm 'a yol yatut, yamb'il jun slanza yu'uj, ax David wan syucn te arpa 'a yojltac. 10'Ix sjuln 'och 'a David, sec tzcancn ch'apn David 'a yich sdespacho chi snani. Palta scol sb'a win 'a q'ue'en, ax 'a sat yich sdespacho chi 'ix 'ochcn pajn q'uen lanza cha. Yuj cha, 'ix 'at David chi 'elc 'a yatut 'a jun 'ac'wl cha. 11Yajn̈j wal cha, 'ix schecn 'at Saúl chi eb' soldado 'a yatut David cha, yic tz'at stan̈wnoc eb', sec ax yic tzsacb' 'eli tzmilx chamoc. Palta ax 'ix yistzil David cha, 'ix yaln 'ix 'a win 'ixtic:
—Toto ma'oj a col a b'a 'a jun 'ac'wl tic, q'uic'an chamnc ach xo, xchi 'ix 'a winac.
12Yuj cha, ax 'ix Mical chi 'ix 'a'n 'emt t'un̈n̈oc David chi 'a jun swentnual yatut. Xlajw cha, 'ix 'at 'eloc. 13Yajn̈j wal cha, xyi'n cot 'ix Mical chi jun comn dios, xya'n q'ue 'ix 'a sat ch'at. Xya'n q'ue 'ix nan̈l no xil chiwo 'a sjolom. Xya'n q'ue 'ix jun te sábana 'a yib'an̈. 14Ax yic schecn 'at Saúl chi eb' soldado 'at sjal cot David, ax yic xc'och eb', xyaln 'ix Mical chi 'a eb', chajtlto ya'ay winac. 15Palta 'ix schecb't Saúl chi eb' soldado chi jun 'ejm xo yic tz'at saync 'ec' eb' David cha, xyaln 'a eb' 'ixtic:
—Wach'xam t'ocn 'ec' win 'a sat sch'at, cojnto tzeyij 'elta, tzeyi'n cot 'ayin yic tzin miln chamoc, xchi.
16Ax yic x'o'ch eb' soldado chi 'a yol yatut David cha, ax xyiln eb' to a jun comn dios, a jun chi 'ayc' 'a sat te ch'at cha, 'ay q'ue no xil chiwo 'a sjolom. 17Yuj cha, xyaln Saúl 'ixtc 'a 'ix Mical cha:
—¿Tas yuj 'ixtc in otj in extni, 'ix a chan 'at jun 'ajc'ojl 'ayn chi 'eloc? xchi.
—Yujto 'ix yal win 'ixtc 'ayin: 'Oj ach in mil chamoc, toto matz in a chaj 'at 'eloc, xchi winac, xchi 'ix.
18'Ixta xyutj David scoln sb'a, 'ix 'at 'eloc. Axta xc'och 'a win Samuel 'a Ramá. 'Ix yaln 'a win yuj smasnil tas x'aj yuj Saúl. Xlajw cha, 'ix 'at yet' Samuel cha, axta xc'och cajn eb' 'a Naiot atn 'a yatut eb' schecb' Dios.
19A yic xyab'n Saúl, chajtlto ata 'ayc' David 'a Naiot cha', 20'ix schecn 'at eb' soldado cha, yic tz'at yi'nc eb' David. Ax yic xc'och eb', 'ix yiln eb' jun tzo'n̈ eb' schecb' Dios, wan yaln 'el eb' spaxti Dios cha, ax Samuel a tzjucb'tzan eb'. Yajn̈j wal cha, 'ix 'och Yespíritu Dios 'a eb' soldado cha, syamn 'och eb' yal-l spaxti Dios.
21A yic xyab'n Saúl jun cha, 'ix schecn 'at jun tzo'n̈ xo eb' soldado, an̈jtona 'ix 'och pax jun tzo'n̈ xo eb' chi alj 'el spaxti Dios. Xlajw cha, schecn 'at win eb' yoxc'ajil soldado, palta an̈jtona 'ixta pax x'aj eb'. 22Yuj cha, caw a Saúl chi 'ix 'at 'a Ramá; ax yic xc'och 'a jun a niwquil 'uc'b'il a 'ay 'a Secú, 'ix sc'anb'n 'eq'ui 'ajtil 'ayc' Samuel yet' David. 'Ix alx 'a 'a, chajtlto ata 'ayc' eb' 'a Naiot 'a yol yic Ramá. 23Yuj cha, 'ix 'at Saúl chi 'a Naiot, palta 'ix 'och pax Yespíritu Dios 'a 'a, 'ix syamn 'och yal-l spaxti Dios 'a yic wan sb'eyi, masnto xc'och 'a jun lugar cha. 24An̈jtona yic xc'och cha, xyi'n 'el spichul, syamn 'och pax yaln 'el spaxti Dios 'a yojltac Samuel 'a smasnil c'u yet' 'a smasnil 'ac'wl cha. Ata tzcot jun paxti tzalx 'ixtic: ¿Tom alm 'el spaxti Dios yaj Saúl tic? xchi.
Currently Selected:
1 S 19: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
1 S 19
19
Snib'jnac Saúl smil cham David
1'Ix yaln Saúl 'a jun yunnal atn Jonatán, yet' 'a smasnil eb' schecab', to tzmil cham eb' David. Palta a win Jonatán cha, caw chamc'ojlb'il David yuj win si'mb'il, 2yuj cha, xyaln win yab' David 'ixtic:
—A 'in mam, caw 'aych 'a snab'en ach ya'n milxoc. Yuj cha, caw tza tan̈wj a b'a masnto 'a sq'uin̈b'il q'uic'an. Tza c'ub'j 'el a b'a 'a junc lugar to c'ultac yaji. 3Yujto a q'uic'an, 'oj welt b'eyc'oc yet' in mam 'a a tz'ey 'aj 'aych 'ec' cha. 'Oj wal 'a in mam oj ach tic, cojn quilni tas 'oj 'aj 'el'chi, 'oj walx ab'i', xchi.
4'Ix yaln Jonatán 'a Saúl yuj swach'loc David. Xyaln 'ixtic:
—Mamin rey, man̈ 'och a mul 'a jun a checb' David, yujto may junc tas tu 'ix 'el sb'on 'ayach. Caw wach'n̈j tas tz'el sb'on 'ayach; 5yujto eljnac, ya'jnac sq'uinl 'a yol sc'ab' chamel yic smiln cham win Goliat. 'Ixta yutjnac Jehová on̈ scolni. Ach xo tic, caw ach tzalji yic eln jun cha. ¿Tas yuj tza'ch a b'a 'a miln cham win 'a nab'an̈ej? xchi.
6A yic xyab'n Saúl yuj tas wach' xyal Jonatán 'a 'a, 'ix yaln 'ixtic:
—Tzwac' in ti 'a Jehová, to ma'oj wac' milxoc David, xchi.
7Yuj cha, xyawtn paxt Jonatán David, 'ix yaln smasnil tas xyal smam cha. Caw a Jonatán chi 'ix 'i'n cot 'a yojltac Saúl, 'ix 'ochx munljoc 'a win 'icha xon 'a yic yalan̈.
8Xlajw cha, 'ix 'ochx owl jun 'ejm xo yet' eb' filisteo. 'Ix 'atx David yac' owl yet' eb'. Ax x'aji, caw niwn sb'isl eb' xcham yu'uj, yuj cha, x'at eb' 'elc 'a yojltac. 9Palta x'ochx jun espíritu man̈ wach'c 'a Saúl yuj Jehová, wocn 'ejm 'a yol yatut, yamb'il jun slanza yu'uj, ax David wan syucn te arpa 'a yojltac. 10'Ix sjuln 'och 'a David, sec tzcancn ch'apn David 'a yich sdespacho chi snani. Palta scol sb'a win 'a q'ue'en, ax 'a sat yich sdespacho chi 'ix 'ochcn pajn q'uen lanza cha. Yuj cha, 'ix 'at David chi 'elc 'a yatut 'a jun 'ac'wl cha. 11Yajn̈j wal cha, 'ix schecn 'at Saúl chi eb' soldado 'a yatut David cha, yic tz'at stan̈wnoc eb', sec ax yic tzsacb' 'eli tzmilx chamoc. Palta ax 'ix yistzil David cha, 'ix yaln 'ix 'a win 'ixtic:
—Toto ma'oj a col a b'a 'a jun 'ac'wl tic, q'uic'an chamnc ach xo, xchi 'ix 'a winac.
12Yuj cha, ax 'ix Mical chi 'ix 'a'n 'emt t'un̈n̈oc David chi 'a jun swentnual yatut. Xlajw cha, 'ix 'at 'eloc. 13Yajn̈j wal cha, xyi'n cot 'ix Mical chi jun comn dios, xya'n q'ue 'ix 'a sat ch'at. Xya'n q'ue 'ix nan̈l no xil chiwo 'a sjolom. Xya'n q'ue 'ix jun te sábana 'a yib'an̈. 14Ax yic schecn 'at Saúl chi eb' soldado 'at sjal cot David, ax yic xc'och eb', xyaln 'ix Mical chi 'a eb', chajtlto ya'ay winac. 15Palta 'ix schecb't Saúl chi eb' soldado chi jun 'ejm xo yic tz'at saync 'ec' eb' David cha, xyaln 'a eb' 'ixtic:
—Wach'xam t'ocn 'ec' win 'a sat sch'at, cojnto tzeyij 'elta, tzeyi'n cot 'ayin yic tzin miln chamoc, xchi.
16Ax yic x'o'ch eb' soldado chi 'a yol yatut David cha, ax xyiln eb' to a jun comn dios, a jun chi 'ayc' 'a sat te ch'at cha, 'ay q'ue no xil chiwo 'a sjolom. 17Yuj cha, xyaln Saúl 'ixtc 'a 'ix Mical cha:
—¿Tas yuj 'ixtc in otj in extni, 'ix a chan 'at jun 'ajc'ojl 'ayn chi 'eloc? xchi.
—Yujto 'ix yal win 'ixtc 'ayin: 'Oj ach in mil chamoc, toto matz in a chaj 'at 'eloc, xchi winac, xchi 'ix.
18'Ixta xyutj David scoln sb'a, 'ix 'at 'eloc. Axta xc'och 'a win Samuel 'a Ramá. 'Ix yaln 'a win yuj smasnil tas x'aj yuj Saúl. Xlajw cha, 'ix 'at yet' Samuel cha, axta xc'och cajn eb' 'a Naiot atn 'a yatut eb' schecb' Dios.
19A yic xyab'n Saúl, chajtlto ata 'ayc' David 'a Naiot cha', 20'ix schecn 'at eb' soldado cha, yic tz'at yi'nc eb' David. Ax yic xc'och eb', 'ix yiln eb' jun tzo'n̈ eb' schecb' Dios, wan yaln 'el eb' spaxti Dios cha, ax Samuel a tzjucb'tzan eb'. Yajn̈j wal cha, 'ix 'och Yespíritu Dios 'a eb' soldado cha, syamn 'och eb' yal-l spaxti Dios.
21A yic xyab'n Saúl jun cha, 'ix schecn 'at jun tzo'n̈ xo eb' soldado, an̈jtona 'ix 'och pax jun tzo'n̈ xo eb' chi alj 'el spaxti Dios. Xlajw cha, schecn 'at win eb' yoxc'ajil soldado, palta an̈jtona 'ixta pax x'aj eb'. 22Yuj cha, caw a Saúl chi 'ix 'at 'a Ramá; ax yic xc'och 'a jun a niwquil 'uc'b'il a 'ay 'a Secú, 'ix sc'anb'n 'eq'ui 'ajtil 'ayc' Samuel yet' David. 'Ix alx 'a 'a, chajtlto ata 'ayc' eb' 'a Naiot 'a yol yic Ramá. 23Yuj cha, 'ix 'at Saúl chi 'a Naiot, palta 'ix 'och pax Yespíritu Dios 'a 'a, 'ix syamn 'och yal-l spaxti Dios 'a yic wan sb'eyi, masnto xc'och 'a jun lugar cha. 24An̈jtona yic xc'och cha, xyi'n 'el spichul, syamn 'och pax yaln 'el spaxti Dios 'a yojltac Samuel 'a smasnil c'u yet' 'a smasnil 'ac'wl cha. Ata tzcot jun paxti tzalx 'ixtic: ¿Tom alm 'el spaxti Dios yaj Saúl tic? xchi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.