1 Co 2
2
Yaljnac 'el Pablo yab'xil Cristo
1Ex wu'tac, ex wanab', yic 'ec' walnc 'el yab'xil Dios caw yel 'a e cal, man̈ jelnoc wutjnac in paxtin 'ayex. Man̈oc jun tzo'n̈ paxti tzyal eb' jelan, man̈oc 'ec' waljnac 'ayex. 2Yujto a yic wec' 'ayx ta', may junc xo tas tzin nib'j tzwojquej 'eli. Cojn yab'xil Jesucristo 'ec' waljnac 'el 'ayex, chajtlto chamnc 'a spenc culus. 3A yic wec' ta', may wel'ch 'a sat junc 'anma'. 'Ib'xnacn yuj xiwlal. 4In nib'ej, ma'ex in montej. Yuj cha, a yic in paxtin eyet'oc, man̈ jelnoc wutjnac in b'a yic waln 'el 'ayex. A Yespíritu Dios, a montjnacx yet' spoder. 5Yuj cha, man̈ yujoc sjelnal 'anma', wan eya'n 'och e c'ojl 'a Dios ticnec, palta yujn̈ej spoder Dios.
A Espíritu tz'a'n cojcoc 'el Dios
6Palta ax eb' creyente 'ayx ste'nal, 'ay jun jelnal tzwal-l 'a scal eb'. A jun jelnal tzwal-l tic, man̈ yico'oc yolyib'n̈q'uinl tic. Man̈oc 'a eb' yajl 'a yolyib'n̈q'uinl tic tzcoti, yujto a eb' cha, jab'xoj wal 'oj satl eb'. 7Palta a jun jelnal tzwal-l tic, atn sjelnal Dios. A jun jelnal tic, matz nachj xon 'el yuj eb' 'anma', yujto c'ub'b'il 'el 'a eb'. A Dios najnac can jun tic, yic mantzac sb'o yolyib'n̈q'uinl tic, sec wach' 'oj qui c'ochc 'a 'aj 'ay swach'il. 8May junc eb' yajl yic yolyib'n̈q'uinl tic tznachj 'el jun tic yu'uj. Octom xnachj 'el yuj eb', to 'ixta', ma'ix yac' q'ue eb' Cajlilc 'a spenc culus, atn Cajlilec caw niwn yel'chi. 9Palta tzyal 'ixtc 'a Ch'an̈ U'un̈:
'Ay wal jun tas sb'ojnac Dios, yic tzya'n 'a eb' 'ay schamc'ojlal 'a 'a. Mant 'a junc mach tz'iln junc chi 'ixta', mant 'a mach tz'ab'ni. May pax junc mach xnan 'el jun cha, xchi 'a Ch'an̈.
10Palta a Dios tz'a'n cojcoquec 'el jun tic yuj Yespíritu. Yujto a Yespíritu tic, tzyojquej 'el smasnil tas. 'Ay jun tzo'n̈ tas yic Dios yaji, matz nachj 'el yuj eb' 'anma', palta ax Yespíritu yojtac.
11A 'a scal eb' 'anma', may junc mach 'ojtnac, tas yaj snab'en junc xo mach. Yujto mun cojc junjn on̈ec, tas 'ay 'a qui nab'enec. 'Ixta pax Dios, cojxn Yespíritu 'ojtnac, tas 'ay 'a 'a. 12An̈ec tic, man̈oc junc espíritu yic yolyib'n̈q'uinl tic chab'il cujec. Palta a jun Espíritu cotnc 'a Dios, a chab'il cujec. Yuj cha, tznachj 'el cujec, tas jun tzo'n̈ tzyac' Dios 'ayn̈ec yuj swach'c'ojlal. 13A jun tzo'n̈ paxti tzcal tic on̈, man̈ yujoc qui jelnal on̈ tznachj 'el cuj on̈. Palta a Yespíritu Dios tz'a'n nachjc 'el jun tzo'n̈ tic cuj on̈. A jun tzo'n̈ cuynb'il tic, yic Yespíritu Dios. Yuj cha, atn eb' 'aych Yespíritu tic 'a 'a, atn eb' 'aj tztac' qui cuywj pax on̈.
14A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli. 15Palta an̈ec 'ayx 'och Yespíritu Dios 'ayn̈ec, tztac' qui b'eyc'ojlanec smasnil tas, toto wach' 'a sat Dios, mto ma'ay. Palta may junc 'anma tztac' tzon̈ b'eyc'ojlani. 16Yujto tz'ib'b'il can 'ixtc 'a Ch'an̈ U'un̈: Toc 'ay mach x'ojcan 'el snab'en Cajlil, ¿tom 'ay mach x'a'n snab'enoc? xchi 'a Ch'an̈. Palta an̈ec xo tic, lajn tz'aj qui nab'enec yet' Cristo.
Currently Selected:
1 Co 2: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
1 Co 2
2
Yaljnac 'el Pablo yab'xil Cristo
1Ex wu'tac, ex wanab', yic 'ec' walnc 'el yab'xil Dios caw yel 'a e cal, man̈ jelnoc wutjnac in paxtin 'ayex. Man̈oc jun tzo'n̈ paxti tzyal eb' jelan, man̈oc 'ec' waljnac 'ayex. 2Yujto a yic wec' 'ayx ta', may junc xo tas tzin nib'j tzwojquej 'eli. Cojn yab'xil Jesucristo 'ec' waljnac 'el 'ayex, chajtlto chamnc 'a spenc culus. 3A yic wec' ta', may wel'ch 'a sat junc 'anma'. 'Ib'xnacn yuj xiwlal. 4In nib'ej, ma'ex in montej. Yuj cha, a yic in paxtin eyet'oc, man̈ jelnoc wutjnac in b'a yic waln 'el 'ayex. A Yespíritu Dios, a montjnacx yet' spoder. 5Yuj cha, man̈ yujoc sjelnal 'anma', wan eya'n 'och e c'ojl 'a Dios ticnec, palta yujn̈ej spoder Dios.
A Espíritu tz'a'n cojcoc 'el Dios
6Palta ax eb' creyente 'ayx ste'nal, 'ay jun jelnal tzwal-l 'a scal eb'. A jun jelnal tzwal-l tic, man̈ yico'oc yolyib'n̈q'uinl tic. Man̈oc 'a eb' yajl 'a yolyib'n̈q'uinl tic tzcoti, yujto a eb' cha, jab'xoj wal 'oj satl eb'. 7Palta a jun jelnal tzwal-l tic, atn sjelnal Dios. A jun jelnal tic, matz nachj xon 'el yuj eb' 'anma', yujto c'ub'b'il 'el 'a eb'. A Dios najnac can jun tic, yic mantzac sb'o yolyib'n̈q'uinl tic, sec wach' 'oj qui c'ochc 'a 'aj 'ay swach'il. 8May junc eb' yajl yic yolyib'n̈q'uinl tic tznachj 'el jun tic yu'uj. Octom xnachj 'el yuj eb', to 'ixta', ma'ix yac' q'ue eb' Cajlilc 'a spenc culus, atn Cajlilec caw niwn yel'chi. 9Palta tzyal 'ixtc 'a Ch'an̈ U'un̈:
'Ay wal jun tas sb'ojnac Dios, yic tzya'n 'a eb' 'ay schamc'ojlal 'a 'a. Mant 'a junc mach tz'iln junc chi 'ixta', mant 'a mach tz'ab'ni. May pax junc mach xnan 'el jun cha, xchi 'a Ch'an̈.
10Palta a Dios tz'a'n cojcoquec 'el jun tic yuj Yespíritu. Yujto a Yespíritu tic, tzyojquej 'el smasnil tas. 'Ay jun tzo'n̈ tas yic Dios yaji, matz nachj 'el yuj eb' 'anma', palta ax Yespíritu yojtac.
11A 'a scal eb' 'anma', may junc mach 'ojtnac, tas yaj snab'en junc xo mach. Yujto mun cojc junjn on̈ec, tas 'ay 'a qui nab'enec. 'Ixta pax Dios, cojxn Yespíritu 'ojtnac, tas 'ay 'a 'a. 12An̈ec tic, man̈oc junc espíritu yic yolyib'n̈q'uinl tic chab'il cujec. Palta a jun Espíritu cotnc 'a Dios, a chab'il cujec. Yuj cha, tznachj 'el cujec, tas jun tzo'n̈ tzyac' Dios 'ayn̈ec yuj swach'c'ojlal. 13A jun tzo'n̈ paxti tzcal tic on̈, man̈ yujoc qui jelnal on̈ tznachj 'el cuj on̈. Palta a Yespíritu Dios tz'a'n nachjc 'el jun tzo'n̈ tic cuj on̈. A jun tzo'n̈ cuynb'il tic, yic Yespíritu Dios. Yuj cha, atn eb' 'aych Yespíritu tic 'a 'a, atn eb' 'aj tztac' qui cuywj pax on̈.
14A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli. 15Palta an̈ec 'ayx 'och Yespíritu Dios 'ayn̈ec, tztac' qui b'eyc'ojlanec smasnil tas, toto wach' 'a sat Dios, mto ma'ay. Palta may junc 'anma tztac' tzon̈ b'eyc'ojlani. 16Yujto tz'ib'b'il can 'ixtc 'a Ch'an̈ U'un̈: Toc 'ay mach x'ojcan 'el snab'en Cajlil, ¿tom 'ay mach x'a'n snab'enoc? xchi 'a Ch'an̈. Palta an̈ec xo tic, lajn tz'aj qui nab'enec yet' Cristo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.