1 Co 11
11
1Yuj cha, caw tze b'eylb'ej in b'eyb'al, 'icha tzwutj in b'eylb'an sb'eyb'al Cristo.
A tas tzb'eylb'ej eb' 'ix 'ix 'a culto
2Ex wu'tac, ex wanab', tzex wal wach'l ta', yujto smasnil tiempo tzin e na coti. Wan e b'eylb'an pax jun tzo'n̈ cuynb'il waljnac can 'ayex. 3Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo. 4Tzann̈j junc winac, a yic tzleslwi, mto tzyaln 'el spaxti Dios, toto c'oxb'il junc tas yuj 'a sjolom, a tzyac' sq'uixwloc. 5Ax eb' 'ix 'ix, toto may jac tas 'ay q'ue 'a sjolm eb',#1 Co 11.5 A 'a scal eb' griego, a eb' 'ix 'ix wach' sb'eyb'al, tzyac' q'ue eb' nip 'a sjolom, tzmacn pax eb' sat yet' te nip chxayyi yic tzch'oxn 'el eb' to 'ay yel'ch yichmil eb' 'a sat. Q'uinloc matz mac eb' 'ix creyente sat, tu tzalx 'a evangelio yuj eb' 'ix. tzleslwi eb', tzyaln 'el eb' spaxti Dios, a sjolm eb' chi tzyac' sq'uixwloc. 'Icha to joxb'il 'el sjolm eb' cha. 6Toto 'ay eb' 'ix 'ix matz yal sc'ojl tzyac' q'ue junc tas 'a sjolom, wach' joxx cab' 'el sjolm eb' cha. Toto tzq'uixw eb', yic tzjoxx 'el sjolm eb' cha, yac' cab' q'ue eb' junc tas 'a sjolm cha. 7An̈ winc on̈ec, man̈ smojc tzca'c q'ue junc tas 'a qui jolom, yujto 'icha to yechl Dios cajec, tzqui ch'oxnec 'eli, chajtl yaji. Ax eb' 'ix 'ix, a eb' tzon̈ ch'oxnec 'el an̈ winc on̈ tic. 8Yujto a yic sb'on Dios win b'ab'l winac, man̈oc 'a 'ix 'ix chi 'elnc ta winac. A 'ix 'ix cha, a 'a win winc chi 'elnc ta 'ix. 9A 'ix 'ix cha, b'ob'il 'ix, sec wach' yic win winac. Man̈ yujoc swach'l yic 'ix, sb'o winac. 10Yuj cha, smoj tzyac' q'ue eb' 'ix junc tas 'a sjolom. 'Ixta tzyutj eb' sch'oxn 'eli, to 'aych eb' 'a yol sc'ab' yichmil. Smoj 'ixta tzyutj sb'a eb', yujto q'ueln 'och eb' ángel 'a eb'. 11Palta tznib'j Cajlilec, to 'ay cab' yel'ch eb' 'ix 'a qui sat an̈ winc on̈c tic. Tznib'n paxi, to 'ay pax cab' quel'ch 'a sat eb' 'ix 'ix cha. 12Yel toni, a 'a win winc cha, ata 'elnc ta 'ix b'ab'l 'ix. Palta a ticnec, a 'a eb' 'ix 'ix, ata tzon̈ pitzwec 'eli. Palta qui masnilec, a Dios b'ojnacn̈ec.
13Ax xo, tze na wal si'mb'il, ¿tom smoj tzleslwi junc 'ix 'a Dios, toto may tas 'ay q'ue 'a sjolom? 14'In yojc eb' 'anma smasnil, an̈ winc on̈c tic, toto niwc xil qui jolm 'icha junc 'ix, tzon̈ q'uixwec. 15Ax eb' 'ix 'ix, yujto niwc xil sjolm eb', yel xo wach' yilx eb'. A yopiso xil sjolm eb' cha, tzch'oxo, to smoj 'ay tas 'ay q'ue 'a sjolm eb'. 16Toto 'ay ex, tzcot eyowl yuj jun tzo'n̈ cuynb'il tic, yowlal tznachj cab' 'el eyu'uj, chajtlto an̈ tic on̈, toxn matz qui chaj junc xo chuc b'eyb'al on̈. An̈jtona', 'ixta pax eb' creyente 'a junjn yiglesia Dios, matz chaj eb' junc xo chuc b'eyb'alil.
A eb' man̈ wach'c sb'eyb'al 'a Cena
17'Ay jun tzo'n̈ xo tas 'oj wal't 'ayex. Palta matz tac' tzex wal wach'il, yujto 'ayx 'ayt e paltail. Yujto a yic tzeyamn e b'a ta', may jac swach'l tze cha'aj. Ton̈j tzex juw 'el yu'uj. 18Yuj cha, a jun tic 'oj in b'ab'l alc 'at 'ayex. Tzwab'i, a 'ajtc tzeyam e b'a 'a culto, 'ayx ab' tze nib'j tze pojl e b'a ta'. Palta tzin na'a, tecn yel jun tzo'n̈ chi tzwab' cha. 19Tecn yowlal 'oj e poj e b'a, sec 'oj checljoc 'eli, machx yel creyente ex. 20Yuj cha, a yic tzeyamn e b'a, man̈ yico'oc Cajlil jun Cena#1 Co 11.20 A yic pecti', tz'em oyn eb' creyente swa 'a tzaljc'ojlal, tzlajw cha, tzwan eb' Santa Cena. Atn jun wal chi tzyal Pablo 'a eb' to tu tzyutj sb'a. chi tzex wa yet' cha. 21Yujto a yic wan sc'och yorail jun cena cha, ton̈j tze comn yamj 'och e wan eyic junjn ex muc'uc. Yuj cha, 'ayx matz e chaj eyico', tz'och e wejel. 'Ayx pax caw tzex 'och 'u'm 'an̈il yu'uj. 22¿Tom may eyatut junjn ex, 'aj tztac' tzex wacni, tzeyu'n can tas ta'? A yic tze b'on jun tzo'n̈ cha, ax eb' eyit creyenteal, tze patquilj can 'el eb', palta yiglesia Dios pax yaj eb' eyet'oc. A eb' 'ixta tzeyutj cha, may tas tzc'ux eb' eyet'oc. Yuj cha, ton̈j tzeyac' q'uixwc can 'el eb'. ¿Tasm tze na'a? ¿Tom 'oj stac' ex waln wach'l yuj jun e b'eyb'al cha? Caw matz tac'a.
A Cena yic Cajlil
(Mt 26.26-29; Mr 14.22-25; Lc 22.14-20)
23A jun tzo'n̈ cuynb'il yic cena waljnac 'ayex, a Cajlilec 'a'jnac 'ayin. Atn jun tzo'n̈ tic 'oj wal't 'ayx tic: 'Ay jun 'ac'wal, 'ix 'ajx 'och Cajlil Jesús 'a yol sc'ab' eb' xmilni. A yic mantzac yamchji, 'ix yi'n chan̈ 'ixm pan. 24Ax yic xlajw ya'n yuj diosal 'a Dios, 'ix sch'iyn 'ixm pan cha. 'Ix yaln 'a eb' scuywum 'ixtic: [Wan̈ec.] A jun tic, atn in niwnal 'oj yab' syal e jeloc. Nachji, tze b'o jun tic, yic tzin e nan coti, xchi. 25An̈jtona', 'ixta 'ix yutj yi'n pax chan̈ jun vaso, yic xlajw swa eb'. 'Ix yaln pax 'ixtc 'a eb': A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc jun strato tic. A yic tzeyu'n jun tic 'a junjn 'ejem, 'ixtc 'oj e b'o', sec 'oj in e na coti,#1 Co 11.25 'Ilt nota 'a Mateo 26.28. xchi Jesucristo. 26Yuj cha, a yic tzqui wanec jun pan tic, tzcu'lb'anec jun vaso tic 'a junjn 'ejem, tzqui ch'oxnec 'el schaml Cajlilec. 'Ixtc 'oj qui b'o'ec, masnto 'oj jawc pax Cajlilec cha.
A tas tzqui b'eylb'ejc 'a Cena
27Yuj cha, toto 'ay mach man̈ wach'c tzyutj swan jun pan tic, tzyu'lb'an pax jun vaso yic Cajlil tic, caw tz'och smul 'a sniwnal Cajlilec, yet' 'a schiq'uil. 28Yuj cha, junjn on̈ec, a yic mantzac qui wajec jun pan tic, tzcu'lb'anec jun vaso tic, yowlal tzqui b'eyc'ojlejec can qui b'a b'ab'el. 29Yujto a yic tzqui wanec, tzcu'nec jun tic, toto matz cham qui nanec sniwnal Cajlilec, caw tzquijec cot yailal 'a quib'an̈. 30Yuj wal jun tzo'n̈ tic, til wal eb' ya'ay, til wal eb' tz'on 'a e cal, 'ay pax eb' chamnc xo. 31Palta toto tzqui b'eyc'ojlej qui b'a junjn on̈ec, toto 'ixta', ax Cajlilec, man̈x yowlalc 'oj on̈ sb'eyc'ojloquec. 32A yic tzon̈ b'eyc'ojlax yuj Cajlilec cha, a tz'a'n yailal 'a quib'n̈ec, sec wach' man̈x 'oj qui 'atcn 'a junx niwn yailal yet' eb' yic yolyib'n̈q'uinl tic.
33Yuj cha, ex wu'tac, ex wanab', a yic tzeyamn e b'a yuj jun cena tic, tzlaj e tan̈wc e b'a, sec moln tze waj e masnil. 34Toto 'ayx caw 'ay e wejel, yowlal tzex wacn 'a eyatut. Toto 'ixta', wach' 'oj eyutc e b'eyb'al, yic tzeyamn e b'a ta'. Ax Dios, ma'oj ya' cot yailal 'a eyib'an̈. Ax jun tzo'n̈ xo tas tzat yac' palta 'ayex, 'ojt in b'oyaji, yic 'oj in c'och 'ayx ta'.
Currently Selected:
1 Co 11: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
1 Co 11
11
1Yuj cha, caw tze b'eylb'ej in b'eyb'al, 'icha tzwutj in b'eylb'an sb'eyb'al Cristo.
A tas tzb'eylb'ej eb' 'ix 'ix 'a culto
2Ex wu'tac, ex wanab', tzex wal wach'l ta', yujto smasnil tiempo tzin e na coti. Wan e b'eylb'an pax jun tzo'n̈ cuynb'il waljnac can 'ayex. 3Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo. 4Tzann̈j junc winac, a yic tzleslwi, mto tzyaln 'el spaxti Dios, toto c'oxb'il junc tas yuj 'a sjolom, a tzyac' sq'uixwloc. 5Ax eb' 'ix 'ix, toto may jac tas 'ay q'ue 'a sjolm eb',#1 Co 11.5 A 'a scal eb' griego, a eb' 'ix 'ix wach' sb'eyb'al, tzyac' q'ue eb' nip 'a sjolom, tzmacn pax eb' sat yet' te nip chxayyi yic tzch'oxn 'el eb' to 'ay yel'ch yichmil eb' 'a sat. Q'uinloc matz mac eb' 'ix creyente sat, tu tzalx 'a evangelio yuj eb' 'ix. tzleslwi eb', tzyaln 'el eb' spaxti Dios, a sjolm eb' chi tzyac' sq'uixwloc. 'Icha to joxb'il 'el sjolm eb' cha. 6Toto 'ay eb' 'ix 'ix matz yal sc'ojl tzyac' q'ue junc tas 'a sjolom, wach' joxx cab' 'el sjolm eb' cha. Toto tzq'uixw eb', yic tzjoxx 'el sjolm eb' cha, yac' cab' q'ue eb' junc tas 'a sjolm cha. 7An̈ winc on̈ec, man̈ smojc tzca'c q'ue junc tas 'a qui jolom, yujto 'icha to yechl Dios cajec, tzqui ch'oxnec 'eli, chajtl yaji. Ax eb' 'ix 'ix, a eb' tzon̈ ch'oxnec 'el an̈ winc on̈ tic. 8Yujto a yic sb'on Dios win b'ab'l winac, man̈oc 'a 'ix 'ix chi 'elnc ta winac. A 'ix 'ix cha, a 'a win winc chi 'elnc ta 'ix. 9A 'ix 'ix cha, b'ob'il 'ix, sec wach' yic win winac. Man̈ yujoc swach'l yic 'ix, sb'o winac. 10Yuj cha, smoj tzyac' q'ue eb' 'ix junc tas 'a sjolom. 'Ixta tzyutj eb' sch'oxn 'eli, to 'aych eb' 'a yol sc'ab' yichmil. Smoj 'ixta tzyutj sb'a eb', yujto q'ueln 'och eb' ángel 'a eb'. 11Palta tznib'j Cajlilec, to 'ay cab' yel'ch eb' 'ix 'a qui sat an̈ winc on̈c tic. Tznib'n paxi, to 'ay pax cab' quel'ch 'a sat eb' 'ix 'ix cha. 12Yel toni, a 'a win winc cha, ata 'elnc ta 'ix b'ab'l 'ix. Palta a ticnec, a 'a eb' 'ix 'ix, ata tzon̈ pitzwec 'eli. Palta qui masnilec, a Dios b'ojnacn̈ec.
13Ax xo, tze na wal si'mb'il, ¿tom smoj tzleslwi junc 'ix 'a Dios, toto may tas 'ay q'ue 'a sjolom? 14'In yojc eb' 'anma smasnil, an̈ winc on̈c tic, toto niwc xil qui jolm 'icha junc 'ix, tzon̈ q'uixwec. 15Ax eb' 'ix 'ix, yujto niwc xil sjolm eb', yel xo wach' yilx eb'. A yopiso xil sjolm eb' cha, tzch'oxo, to smoj 'ay tas 'ay q'ue 'a sjolm eb'. 16Toto 'ay ex, tzcot eyowl yuj jun tzo'n̈ cuynb'il tic, yowlal tznachj cab' 'el eyu'uj, chajtlto an̈ tic on̈, toxn matz qui chaj junc xo chuc b'eyb'al on̈. An̈jtona', 'ixta pax eb' creyente 'a junjn yiglesia Dios, matz chaj eb' junc xo chuc b'eyb'alil.
A eb' man̈ wach'c sb'eyb'al 'a Cena
17'Ay jun tzo'n̈ xo tas 'oj wal't 'ayex. Palta matz tac' tzex wal wach'il, yujto 'ayx 'ayt e paltail. Yujto a yic tzeyamn e b'a ta', may jac swach'l tze cha'aj. Ton̈j tzex juw 'el yu'uj. 18Yuj cha, a jun tic 'oj in b'ab'l alc 'at 'ayex. Tzwab'i, a 'ajtc tzeyam e b'a 'a culto, 'ayx ab' tze nib'j tze pojl e b'a ta'. Palta tzin na'a, tecn yel jun tzo'n̈ chi tzwab' cha. 19Tecn yowlal 'oj e poj e b'a, sec 'oj checljoc 'eli, machx yel creyente ex. 20Yuj cha, a yic tzeyamn e b'a, man̈ yico'oc Cajlil jun Cena#1 Co 11.20 A yic pecti', tz'em oyn eb' creyente swa 'a tzaljc'ojlal, tzlajw cha, tzwan eb' Santa Cena. Atn jun wal chi tzyal Pablo 'a eb' to tu tzyutj sb'a. chi tzex wa yet' cha. 21Yujto a yic wan sc'och yorail jun cena cha, ton̈j tze comn yamj 'och e wan eyic junjn ex muc'uc. Yuj cha, 'ayx matz e chaj eyico', tz'och e wejel. 'Ayx pax caw tzex 'och 'u'm 'an̈il yu'uj. 22¿Tom may eyatut junjn ex, 'aj tztac' tzex wacni, tzeyu'n can tas ta'? A yic tze b'on jun tzo'n̈ cha, ax eb' eyit creyenteal, tze patquilj can 'el eb', palta yiglesia Dios pax yaj eb' eyet'oc. A eb' 'ixta tzeyutj cha, may tas tzc'ux eb' eyet'oc. Yuj cha, ton̈j tzeyac' q'uixwc can 'el eb'. ¿Tasm tze na'a? ¿Tom 'oj stac' ex waln wach'l yuj jun e b'eyb'al cha? Caw matz tac'a.
A Cena yic Cajlil
(Mt 26.26-29; Mr 14.22-25; Lc 22.14-20)
23A jun tzo'n̈ cuynb'il yic cena waljnac 'ayex, a Cajlilec 'a'jnac 'ayin. Atn jun tzo'n̈ tic 'oj wal't 'ayx tic: 'Ay jun 'ac'wal, 'ix 'ajx 'och Cajlil Jesús 'a yol sc'ab' eb' xmilni. A yic mantzac yamchji, 'ix yi'n chan̈ 'ixm pan. 24Ax yic xlajw ya'n yuj diosal 'a Dios, 'ix sch'iyn 'ixm pan cha. 'Ix yaln 'a eb' scuywum 'ixtic: [Wan̈ec.] A jun tic, atn in niwnal 'oj yab' syal e jeloc. Nachji, tze b'o jun tic, yic tzin e nan coti, xchi. 25An̈jtona', 'ixta 'ix yutj yi'n pax chan̈ jun vaso, yic xlajw swa eb'. 'Ix yaln pax 'ixtc 'a eb': A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc jun strato tic. A yic tzeyu'n jun tic 'a junjn 'ejem, 'ixtc 'oj e b'o', sec 'oj in e na coti,#1 Co 11.25 'Ilt nota 'a Mateo 26.28. xchi Jesucristo. 26Yuj cha, a yic tzqui wanec jun pan tic, tzcu'lb'anec jun vaso tic 'a junjn 'ejem, tzqui ch'oxnec 'el schaml Cajlilec. 'Ixtc 'oj qui b'o'ec, masnto 'oj jawc pax Cajlilec cha.
A tas tzqui b'eylb'ejc 'a Cena
27Yuj cha, toto 'ay mach man̈ wach'c tzyutj swan jun pan tic, tzyu'lb'an pax jun vaso yic Cajlil tic, caw tz'och smul 'a sniwnal Cajlilec, yet' 'a schiq'uil. 28Yuj cha, junjn on̈ec, a yic mantzac qui wajec jun pan tic, tzcu'lb'anec jun vaso tic, yowlal tzqui b'eyc'ojlejec can qui b'a b'ab'el. 29Yujto a yic tzqui wanec, tzcu'nec jun tic, toto matz cham qui nanec sniwnal Cajlilec, caw tzquijec cot yailal 'a quib'an̈. 30Yuj wal jun tzo'n̈ tic, til wal eb' ya'ay, til wal eb' tz'on 'a e cal, 'ay pax eb' chamnc xo. 31Palta toto tzqui b'eyc'ojlej qui b'a junjn on̈ec, toto 'ixta', ax Cajlilec, man̈x yowlalc 'oj on̈ sb'eyc'ojloquec. 32A yic tzon̈ b'eyc'ojlax yuj Cajlilec cha, a tz'a'n yailal 'a quib'n̈ec, sec wach' man̈x 'oj qui 'atcn 'a junx niwn yailal yet' eb' yic yolyib'n̈q'uinl tic.
33Yuj cha, ex wu'tac, ex wanab', a yic tzeyamn e b'a yuj jun cena tic, tzlaj e tan̈wc e b'a, sec moln tze waj e masnil. 34Toto 'ayx caw 'ay e wejel, yowlal tzex wacn 'a eyatut. Toto 'ixta', wach' 'oj eyutc e b'eyb'al, yic tzeyamn e b'a ta'. Ax Dios, ma'oj ya' cot yailal 'a eyib'an̈. Ax jun tzo'n̈ xo tas tzat yac' palta 'ayex, 'ojt in b'oyaji, yic 'oj in c'och 'ayx ta'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.