1 Cr 2
2
Eb' yunnal Israel
(Gn 35.22-26)
1-2A eb' yunnal Israel: atn Rubén, Simeón, Leví, Judá, Isacar, Zabulón, Dan, José, Benjamín, Neftalí, Gad yet' Aser.
En yin̈tl Judá
3Eb' yunnal Judá: atn Er, Onán yet' Sela. A snun eb' 'oxwn̈ tic, atn 'ix yisl Súa, 'aj Canaán 'ix. Palta a Er cha, win sb'ab'l 'unnal Judá, caw wal tu sb'eyb'al, yuj cha, 'ix satx 'el yuj Jehová. 4Ax 'ix Tamar, 'ix yalb' Judá cha, 'ay chawn̈ yune 'ix yet' winac, atn Fares yet' Zera. Yuj cha, own̈ sb'ey eb' yunnal Judá chi 'a smasnil.
5A eb' yunnal Fares: atn Hezrón yet' Hamul. 6Ax eb' yunnal Zera: atn Zimri, Etán Hemán, Calcol yet' Dara, own̈ sb'ey eb' 'a smasnil.
7A jun win yunnal Carmi, atn Acán,#1 Cr 2.7 Acán, tzyal 'el'chi "tzyij cot yailal". a win 'ix 'i'n cot yailal 'a yib'n̈ chon̈b' Israel, yujto 'ix yij cot jun tzo'n̈ tas 'a scal tas 'ix yal Dios to tzsatl 'a jun 'ejmn̈ej. 8A yunnal Etán, atn Azarías.
Eb' smam yichm David
9Eb' yunnal Hezrón: atn Jerameel, Ram yet' Quelubai.#1 Cr 2.9 Quelubai, atn tzcuch pax Caleb (v.18,42). Man̈oc Quelub tzalxi.
10A Ram, a 'ay yunnal Aminadab, ax Aminadab cha, a 'ay yunnal Naasón, atn yajl x'aj 'a scal eb' yin̈tl Judá. 11A Naasón a 'ay yunnal Salma, ax Salma a 'ay yunnal Booz, 12ax Booz a 'ay yunnal Obed, atn smam Isaí. 13-15A eb' yunnal Isaí, atn stzol-l eb' tic: Eliab, Abinadab, Simea, Natanael, Radai, Ozem, yet' David. 16Yanb' ewin tic 'ix Sarvia yet' 'ix Abigail. Ax eb' yune 'ix Sarvia, 'oxwn̈ sb'ey eb': atn Abisai, Joab yet' Asael. 17Ax 'ix Abigail, 'ay jun yune 'ix, atn Amasa, ax smam Amasa cha, atn Jeter ismaelita winac.
Eb' yin̈tl Hezrón
18Ax Caleb, yunnal Hezrón 'ay jun yunnal yet' 'ix Azuba, Jeriot sb'i. 'Ay jun tzo'n̈ xo yune 'ix: atn Jeser, Sobab, yet' Ardón. 19Ax yic 'ix cham 'ix Azuba, xyi'n pax Caleb chi 'ix Efrata, x'alj jun yunnal yet' 'ix, atn win Hur. 20A Hur cha, a 'ay yunnal Uri, ax Uri a 'ay yunnal Bezaleel.
21A yic 'ayx 60 ab'il sq'uinl Hezrón, 'ix nupn yet' 'ix yisl win Maquir, atn smam Galaad, 'ay jun yunnal Hezrón chi yet' 'ix, atn win Segub. 22A Segub cha, a 'ay yunnal Jair, a Jair chi 'aych yajlil 'a yib'n̈ 23 chon̈b' 'a yol yic Galaad. 23Palta ax eb' 'aj Gesur yet' eb' 'aj Aram, a eb' x'i'n can 'ec' scamplamento Jair, yet' pax chon̈b' Quenat, yet' smasnil yaldeail, a 'a smasnil 'ay 60 chon̈ab', yin̈tln̈ej Maquir eb', atn smam Galaad.
24A yic tox 'ix cham Hezrón, a Caleb 'ix yij sb'a win yet' 'ix Efrata, 'ix 'alj yune 'ix yet' winac, atn Asur smam win Tecoa.
Eb' yin̈tl Jerameel
25A sb'ab'l 'unnal Hezrón, atn Jerameel. Ax eb' yunnal Jerameel, a jun sb'ab'l 'unnal, atn Ram. X'alj pax Buna, Oren, Osem yet' Ahías. 26'Ay junx yistl Jerameel cha, Atara sb'i, atn snun Onam.
27A eb' yunnal Ram, win sb'ab'l 'unnal Jerameel: atn Maaz, Jamín yet' Equer. 28Ax eb' yunnal Onam, atn Samai yet' Jada.
Ax eb' yunnal Samai, atn Nadab yet' Abisur. 29A yistzil Abisur, Abihail sb'i 'ix, atn snun Ahbán yet' Molid.
30Ax eb' yunnal Nadab, atn Seled yet' Apaim. A Seled cha, may junc yunnal. 31Ax Apaim, a 'ay yunnal Isi, ax Isi cha, a 'ay yunnal Sesán, ax Sesán cha, a 'ay yunnal Ahlai.
32A eb' yunnal Jada, yu'tac Samai, atn Jeter yet' Jonatán. A Jeter cha, may junc yunnal. 33A eb' yunnal Jonatán, atn Pelet yet' Zaza.
Atn jun tzo'n̈ eb' yin̈tl Jerameel tic.
34A Sesán may junc yunnal, cojn yisl 'ay. Palta 'ay jun schecab', Jarha sb'i, 'aj Egipto winac.
35A Sesán cha, 'ix yac' jun yisl yistloc winac. A 'ix cha, x'alj jun swinc 'une 'ix, Atai sb'i jun 'unn cha. 36A Atai a 'ay yunnal Natán, ax Natán a 'ay yunnal Zabad, 37a Zabad a 'ay yunnal Eflal, ax Eflal a 'ay yunnal Obed. 38A Obed a 'ay yunnal Jehú, ax Jehú a 'ay yunnal Azarías. 39A Azarías a 'ay yunnal Heles, ax Heles a 'ay yunnal Helasa. 40A Helasa a 'ay yunnal Sismai, ax Sismai a 'ay yunnal Salum. 41A Salum a 'ay yunnal Jecamías, ax Jecamías a 'ay yunnal Elisama.
42A eb' yunnal Caleb, yu'tac Jerameel, a sb'ab'l 'unnal, atn Mesa, ax Mesa a 'ay yunnal Zif. 'Ay junx yunnal, atn Maresa, a Maresa a 'ay yunnal Hebrón. 43Ax eb' yunnal Hebrón, atn Coré Tapúa, Requem yet' Sema. 44A Sema a 'ay yunnal Raham, ax Raham a 'ay yunnal Jorcoam; ax Requem a 'ay yunnal Samai. 45A Samai a 'ay yunnal Maón, ax Maón a 'ay yunnal Bet-sur.
46A 'ix schab'l 'istzil Caleb, atn 'ix Efa, atn 'ix chi snun Harán, Mosa yet' Gazez. Ax Harán a 'ay yunnal junx win Gazez.
47Ax eb' yunnal Jahdai, atn Regem, Jotam, Gesám, Pelet, Efa yet' Saaf.
48A 'ix Maaca, atn junx 'ix yistzil Caleb, atn snun Seber yet' Tirhana, 49yet' pax Saaf. A Saaf cha, a 'ay yunnal Madmana, a pax 'ay yunnal Seva. A Seva chi 'ay yunnal Macbena yet' Gibea. A Caleb cha, 'ay pax jun yisl Acsa sb'i.
50Atn jun tzo'n̈ eb' yin̈tl Caleb tic.
A Hur, atn sb'ab'l 'une 'ix Efrata, a 'ay yunnal Sobal, smam 'ichm eb' 'aj Quiriat-jearim; 51yet' Salma, atn smam 'ichm eb' 'aj Belén, yet' Haref, atn smam 'ichm eb' 'aj Bet-gader.
52Ax eb' yunnal Sobal, win smam 'ichm eb' 'aj Quiriat-jearim: atn eb' Reaía yet' spacl eb' manahetita, 53yet' junjn macn̈ eb' 'aj Quiriat-jearim, atn eb' itrita, eb' futita, eb' sumatita yet' eb' misraita, atn 'a eb' 'aj cotnc yin̈tl eb' zoratita yet' eb' estaolita.
54Ax eb' yin̈tl Salma, atn eb' 'aj chon̈b' Belén, eb' netofatita, eb' 'aj Atrot-bet-joab, yet' pax spacl xo eb' manahetita, eb' zoreíta, 55yet' pax junjn macn̈ eb' 'ajtz'ib' 'e'nc cajn 'a chon̈b' Jabes, atn eb' tirateo, simeateo yet' eb' sucateo. Atn eb' quenita tic cotnc 'a yin̈tl Hamat, atn smam 'ichm can Recab.
Currently Selected:
1 Cr 2: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
