1 Cr 16
16
1'Ixta x'aj te scaxail strato Dios sjawi, 'ix 'ajx 'och te 'a yol jun mantiado 'ix yac' David b'o'oc, to yic xon te yaji. Xlajw cha, 'ix ya'n eb' xajmb'al to tz'a smasnil, yet' xajmb'al yic junc'ojlal 'a yojltac Dios. 2A yic 'ix lajw yajx jun tzo'n̈ xajmb'al cha, 'ix yaln David swach' paxti 'a yib'n̈ smasnil eb' chon̈b' 'a sb'i Jehová. 3Xlajw cha, xya'n win junjn pan yet' junjn xiln̈ chib'ej, yet' pax junjn pachn̈ tacn̈ uva 'a smasnil eb' winac yet' 'a eb' 'ix 'ix.
4'Ix ya'n can 'och David yopiso eb' levita, atn eb' tz'a'w servil 'a yojltac te caxa cha, sec wach' to a eb' tz'a'n yuj diosal yet' yaln eb' wach' paxti 'a Jehová sDiosal chon̈b' Israel. 5A Asaf a yajl yaj 'a eb' tzb'itn cha, ax win schab'il atn Zacarías. Tza'n sjaw Jeiel, Semiramot, Jehiel, Matatías, Eliab, Benanías, Obed-edom yet' Jeiel. Atn eb' chi 'ay syamc'ab', atn salterio yet' arpa, palta ax Asaf, a tzyucn q'uen platillo. 6An̈jtona pax eb' ya'mal 'och sti eb' 'anma 'a Dios, atn Benaía yet' Jahaziel, a eb' tz'utz'nn̈ej trompeta 'a yojltac te scaxail strato Dios.
B'it yic alj yuj diosal yuj David
(Sal 105.1-15; 96.1-13; 106.1,47-48)
7A 'a jun c'u cha, sb'ab'l to yaln David 'a Asaf, yet' 'a eb' 'aych yet'oc, to tzb'ab'l b'itnej eb' jun b'it tic yuj yaln eb' yuj diosal 'a Jehová:
8Calc yuj diosal 'a Jehová. Qui b'inoquec sb'i. Calc 'el yab'xil 'a smasnil eb' chon̈b' yuj tastc b'ob'il yu'uj.
9B'itn coyc yet' b'it yic tz'ijx chan̈ sb'i, calc wach' paxti 'a 'a, yujto satjub'tac yilx tastc b'ob'il yu'uj.
10Tzalj coyc yuj tas yaji, tzalj coyc yuj Jehová, yujto tzca'c 'och qui c'ojl 'a 'a.
11Ca'c 'och Jehová yipc qui c'ojol; c'och coyc 'a yojltac 'a smasnil tiempo.
12-13An̈ yin̈tl on̈ can Israel win schecb' Dios yaji, atn Jacob, an̈ sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.
14A Jehová a qui Diosalec yaji; a tz'a'n Yajlil 'a yib'n̈ lum lum tic smasnil.
15Wach'xam til wal smacquixtacl 'anma tz'ec' 'a sat lum lum tic, palta nann̈ej strato yu'uj.
16'Ix yac' 'el'choc strato yet' Abraham yet' sti ya'jnac 'a Isaac.
17Ley x'ajcn jun tic 'a Jacob, a jun trato tic jun 'ejmn̈ej xcan 'a qui calec,
18yic yaln can 'ixtic: 'Oj wac' lum Canaán 'ayex, a lum 'oj 'och e macloc, xchi.
19Jaywn̈ej wal nant sb'isl eb' qui mam quichmec, yic yaln can cha, ton̈j nant 'e'lb'a yec' eb' 'a sat lum lum tic.
20Tz'ec' cajn eb' 'a junc chon̈b'al jaye'oc c'u, tzlajw cha, tz'atx eb', c'uxn tz'ec' eb' 'a yol smacb'en junjn eb' rey.
21A Dios ma'ix yal sc'ojl to tz'ixtx eb', yuj cha, xya'n snab'enoc eb' rey, xyaln 'a eb' 'ixtic:
22Man̈ e tzuntzc eb' sic'b'il 'el wuj tic, man̈ eyixtc eb' in checb' tic, xchi.
23Qui masnil an̈ cajn on̈ 'a sat lum lum tic, b'itn coyc 'a Jehová. Junjn c'u tzcaln 'el yab'xil colnb'il tzyac'a.
24Calc 'el yab'xil to niwn yel'chi, yet' tas satjub'tac yilx b'ob'il yu'uj. Calc 'el 'a scal eb' chon̈ab' yet' 'a junjn nacion̈,
25yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.
26A smasnil scomn diosal eb' chon̈ab', caw may jac yel'ch eb', al pax Jehová caw niwn yel'chi yujto a b'ojnac satcha'an̈.
27Caw tzictzni yilx yuj spoder, caw 'ayc' yet' spoder chi 'a yol scajnub'.
28Ex 'anma yic junjn chon̈ab', alc wach' paxti 'a Jehová, yujto caw niwn yel'chi, caw wal 'ay spoder.
29Alc wach' paxti 'a 'a, yujto niwn yel'chi. 'Ochn̈ec yet' eyofrenda 'a yamq'uil scajnub'. 'A'c 'emmquilal 'a Dios yic tzex 'och 'a yol scajnub' wach' yilxi.
30'Ay cab' xiwc'ojlal smasnil 'anma 'a yojltac. A 'ix b'on yolyib'n̈q'uinl tic sec matz 'ib'xi.
31Tzalj cab' satcha'an̈ yet' lum lum tic. Calc yab' smasnil nacion̈, to a Jehová rey toni.
32'El cab' yaw a mar yet' smasnil tas 'ay 'a junjn c'aj. Tzalj cab' chan̈ lum lum tz'awxi yet' tas 'ay 'a sat lu'um.
33'El cab' yaw eb' te te 'ay 'a waymtac yuj tzaljc'ojlal. 'El cab' yaw te 'a yojltac Jehová, atn jun 'oj jawoc. 'Oj jawc wul yac' yajlil 'a sat lum lum tic.
34Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.
35Calc 'a 'ixtic: Mamin Jehová, qui Diosal ach, colwjan̈ quet' on̈, tzon̈ a molb'tzej paxt 'a scal eb' chuc nacion̈al, sec tzqui mol b'itnej a b'i yet' qui tzaljc'ojlal.
36Alx cab' wach' paxti 'aych 'a smasnil tiempo Mamin Jehová, qui Diosal ach an̈ israel on̈ tic, xe chi, xchi David.
'Ix yaln smasnil eb' chon̈ab': ¡B'o cab' 'ixta'! xchi eb'. Xyaln eb' wach' paxti 'a Jehová.
37Xlajw cha, xya'n can 'och David yopiso win Asaf yet' eb' ajun yet'oc, sec wach' a eb' tz'iln te scaxail strato Jehová 'a junjn c'u, a tzyal tas tzc'anx ta'. 38'Ix can pax Obed-edom yet' 68 eb' ajun yet'oc yic tzcolwj eb' yet' eb'. A pax Obed-edom yunnal Jedutún, yet' Hosa, a eb' xcan stan̈wn̈c spuertail mantiado cha. 39An̈jtona pax Sadoc yet' eb' yit ya'mal 'och sti eb' 'anma 'a Dios, 'ix 'och pax yopiso eb' yil yoch 'emmquilal 'a Jehová 'a smantiado 'a Gabaón. 40A eb' tz'a'n no xajmb'al tz'a smasnil 'a Jehová 'a yet'l xajmb'al. 'A junjn sq'uin̈b'ial, yet' 'a junjn yemc'ual tz'ajx tz'a no', 'icha wal yaj stz'ib'x can smasnil 'a sley Jehová ya'jnac 'a chon̈b' Israel. 41A yet' eb' cha, 'ix can win Hemán, win Jedutún yet' jaywn̈ eb' si'x 'eli. X'ajx can 'och 'a yib'n̈ eb' sb'itn 'ixtic: Alx cab' wach' paxti 'a Jehová, yujto 'ay schamc'ojlal 'a smasnil tiempo, xchi eb' 'a sb'it cha. 42A eb' tic, 'ix yutz'j eb' trompeta, syucn eb' platillo yet' jun tzo'n̈ xo yamc'ab', yic tzb'itn eb' 'a Dios, ax pax eb' yunnal Jedutún tan̈m puerta yaj eb'.
43Xlajw yajx can yopiso junjn eb' cha, 'ix meltzj smasnil eb' 'anma 'a yatut. An̈jtona', 'ix meltzj pax David 'a yatut jun xo, yic tz'at yalnc wach' paxti 'a yib'n̈ eb' cajn yet' 'a yatut cha.
Currently Selected:
1 Cr 16: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
1 Cr 16
16
1'Ixta x'aj te scaxail strato Dios sjawi, 'ix 'ajx 'och te 'a yol jun mantiado 'ix yac' David b'o'oc, to yic xon te yaji. Xlajw cha, 'ix ya'n eb' xajmb'al to tz'a smasnil, yet' xajmb'al yic junc'ojlal 'a yojltac Dios. 2A yic 'ix lajw yajx jun tzo'n̈ xajmb'al cha, 'ix yaln David swach' paxti 'a yib'n̈ smasnil eb' chon̈b' 'a sb'i Jehová. 3Xlajw cha, xya'n win junjn pan yet' junjn xiln̈ chib'ej, yet' pax junjn pachn̈ tacn̈ uva 'a smasnil eb' winac yet' 'a eb' 'ix 'ix.
4'Ix ya'n can 'och David yopiso eb' levita, atn eb' tz'a'w servil 'a yojltac te caxa cha, sec wach' to a eb' tz'a'n yuj diosal yet' yaln eb' wach' paxti 'a Jehová sDiosal chon̈b' Israel. 5A Asaf a yajl yaj 'a eb' tzb'itn cha, ax win schab'il atn Zacarías. Tza'n sjaw Jeiel, Semiramot, Jehiel, Matatías, Eliab, Benanías, Obed-edom yet' Jeiel. Atn eb' chi 'ay syamc'ab', atn salterio yet' arpa, palta ax Asaf, a tzyucn q'uen platillo. 6An̈jtona pax eb' ya'mal 'och sti eb' 'anma 'a Dios, atn Benaía yet' Jahaziel, a eb' tz'utz'nn̈ej trompeta 'a yojltac te scaxail strato Dios.
B'it yic alj yuj diosal yuj David
(Sal 105.1-15; 96.1-13; 106.1,47-48)
7A 'a jun c'u cha, sb'ab'l to yaln David 'a Asaf, yet' 'a eb' 'aych yet'oc, to tzb'ab'l b'itnej eb' jun b'it tic yuj yaln eb' yuj diosal 'a Jehová:
8Calc yuj diosal 'a Jehová. Qui b'inoquec sb'i. Calc 'el yab'xil 'a smasnil eb' chon̈b' yuj tastc b'ob'il yu'uj.
9B'itn coyc yet' b'it yic tz'ijx chan̈ sb'i, calc wach' paxti 'a 'a, yujto satjub'tac yilx tastc b'ob'il yu'uj.
10Tzalj coyc yuj tas yaji, tzalj coyc yuj Jehová, yujto tzca'c 'och qui c'ojl 'a 'a.
11Ca'c 'och Jehová yipc qui c'ojol; c'och coyc 'a yojltac 'a smasnil tiempo.
12-13An̈ yin̈tl on̈ can Israel win schecb' Dios yaji, atn Jacob, an̈ sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.
14A Jehová a qui Diosalec yaji; a tz'a'n Yajlil 'a yib'n̈ lum lum tic smasnil.
15Wach'xam til wal smacquixtacl 'anma tz'ec' 'a sat lum lum tic, palta nann̈ej strato yu'uj.
16'Ix yac' 'el'choc strato yet' Abraham yet' sti ya'jnac 'a Isaac.
17Ley x'ajcn jun tic 'a Jacob, a jun trato tic jun 'ejmn̈ej xcan 'a qui calec,
18yic yaln can 'ixtic: 'Oj wac' lum Canaán 'ayex, a lum 'oj 'och e macloc, xchi.
19Jaywn̈ej wal nant sb'isl eb' qui mam quichmec, yic yaln can cha, ton̈j nant 'e'lb'a yec' eb' 'a sat lum lum tic.
20Tz'ec' cajn eb' 'a junc chon̈b'al jaye'oc c'u, tzlajw cha, tz'atx eb', c'uxn tz'ec' eb' 'a yol smacb'en junjn eb' rey.
21A Dios ma'ix yal sc'ojl to tz'ixtx eb', yuj cha, xya'n snab'enoc eb' rey, xyaln 'a eb' 'ixtic:
22Man̈ e tzuntzc eb' sic'b'il 'el wuj tic, man̈ eyixtc eb' in checb' tic, xchi.
23Qui masnil an̈ cajn on̈ 'a sat lum lum tic, b'itn coyc 'a Jehová. Junjn c'u tzcaln 'el yab'xil colnb'il tzyac'a.
24Calc 'el yab'xil to niwn yel'chi, yet' tas satjub'tac yilx b'ob'il yu'uj. Calc 'el 'a scal eb' chon̈ab' yet' 'a junjn nacion̈,
25yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.
26A smasnil scomn diosal eb' chon̈ab', caw may jac yel'ch eb', al pax Jehová caw niwn yel'chi yujto a b'ojnac satcha'an̈.
27Caw tzictzni yilx yuj spoder, caw 'ayc' yet' spoder chi 'a yol scajnub'.
28Ex 'anma yic junjn chon̈ab', alc wach' paxti 'a Jehová, yujto caw niwn yel'chi, caw wal 'ay spoder.
29Alc wach' paxti 'a 'a, yujto niwn yel'chi. 'Ochn̈ec yet' eyofrenda 'a yamq'uil scajnub'. 'A'c 'emmquilal 'a Dios yic tzex 'och 'a yol scajnub' wach' yilxi.
30'Ay cab' xiwc'ojlal smasnil 'anma 'a yojltac. A 'ix b'on yolyib'n̈q'uinl tic sec matz 'ib'xi.
31Tzalj cab' satcha'an̈ yet' lum lum tic. Calc yab' smasnil nacion̈, to a Jehová rey toni.
32'El cab' yaw a mar yet' smasnil tas 'ay 'a junjn c'aj. Tzalj cab' chan̈ lum lum tz'awxi yet' tas 'ay 'a sat lu'um.
33'El cab' yaw eb' te te 'ay 'a waymtac yuj tzaljc'ojlal. 'El cab' yaw te 'a yojltac Jehová, atn jun 'oj jawoc. 'Oj jawc wul yac' yajlil 'a sat lum lum tic.
34Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.
35Calc 'a 'ixtic: Mamin Jehová, qui Diosal ach, colwjan̈ quet' on̈, tzon̈ a molb'tzej paxt 'a scal eb' chuc nacion̈al, sec tzqui mol b'itnej a b'i yet' qui tzaljc'ojlal.
36Alx cab' wach' paxti 'aych 'a smasnil tiempo Mamin Jehová, qui Diosal ach an̈ israel on̈ tic, xe chi, xchi David.
'Ix yaln smasnil eb' chon̈ab': ¡B'o cab' 'ixta'! xchi eb'. Xyaln eb' wach' paxti 'a Jehová.
37Xlajw cha, xya'n can 'och David yopiso win Asaf yet' eb' ajun yet'oc, sec wach' a eb' tz'iln te scaxail strato Jehová 'a junjn c'u, a tzyal tas tzc'anx ta'. 38'Ix can pax Obed-edom yet' 68 eb' ajun yet'oc yic tzcolwj eb' yet' eb'. A pax Obed-edom yunnal Jedutún, yet' Hosa, a eb' xcan stan̈wn̈c spuertail mantiado cha. 39An̈jtona pax Sadoc yet' eb' yit ya'mal 'och sti eb' 'anma 'a Dios, 'ix 'och pax yopiso eb' yil yoch 'emmquilal 'a Jehová 'a smantiado 'a Gabaón. 40A eb' tz'a'n no xajmb'al tz'a smasnil 'a Jehová 'a yet'l xajmb'al. 'A junjn sq'uin̈b'ial, yet' 'a junjn yemc'ual tz'ajx tz'a no', 'icha wal yaj stz'ib'x can smasnil 'a sley Jehová ya'jnac 'a chon̈b' Israel. 41A yet' eb' cha, 'ix can win Hemán, win Jedutún yet' jaywn̈ eb' si'x 'eli. X'ajx can 'och 'a yib'n̈ eb' sb'itn 'ixtic: Alx cab' wach' paxti 'a Jehová, yujto 'ay schamc'ojlal 'a smasnil tiempo, xchi eb' 'a sb'it cha. 42A eb' tic, 'ix yutz'j eb' trompeta, syucn eb' platillo yet' jun tzo'n̈ xo yamc'ab', yic tzb'itn eb' 'a Dios, ax pax eb' yunnal Jedutún tan̈m puerta yaj eb'.
43Xlajw yajx can yopiso junjn eb' cha, 'ix meltzj smasnil eb' 'anma 'a yatut. An̈jtona', 'ix meltzj pax David 'a yatut jun xo, yic tz'at yalnc wach' paxti 'a yib'n̈ eb' cajn yet' 'a yatut cha.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.