Lv 26
26
Yaxilal yuj ikemal
(Dt 7.12-24; 28.1-14)
1Max yal c'apax Jehová axca ti':
Manchak e watx'nej yechelej e diosalok. Manchak e wabaj aj ch'en chi ali txojal, tamwal ch'en ch'en josbil axca yechelej ayoc yin. C'am chex ay nojan yin ayilal bay, yujtol ayin ton Jehová e Diosal in. 2Mimanokab yelapnok yul e sat jun c'ual xewilal max wal ayex. Mimanokab c'apax yelapnok in cajlobal yul e sat, tol ayin wal caw Jehová in chi wala'.
3Ta ok e beybalnejc'al in ley, cax che yiken in chekbanil, 4ok watek nab yin is tiempoal, axa yak'on tx'otx' tx'otx' sat yawojal tu', c'al te te' ok yak' c'apax sat. 5Lanantoc'al yoc jooj trigo, tiempoxa pax yoc wajoj uva. Lanantoc'al yoc wajoj uva tu', mayal jay pax tiempo yawlay trigo junelxa, xan ok ex lowok, masantac'al ok yal noj e c'ul. Caw wal ok e yak' tzalojbok e c'ul bay yul e nación. 6Caw wal watx'xac'al ok yun e yayji bay yul e nación. Ok ex way yin tol c'am mactxel ok ex xibtenok. Ok ex in colil bay no chiwajwom no', c'al bay owal. 7Ok elaj eb ajc'ul oc e yin ayex; yuj e yespada ok ayc'ay eb e satak. 8A bay owanok ex, ok elaj 100 eb tu'. A bay junok 100 ex, ok elaj 10,000 eb tu'. A eb ajc'ul tu', ok ayc'ay eb e satak yuj e yespada. 9Caw wal yin watx'c'ulalil ok yun ex wilon ocok. Caw wal ok wiaj can e bisil, cax ok ayjokc'al ec' in trato e yetok. 10Lanantoc'al e loon ixim trigo wajbilcan e yuj yettax junabitok, toltax okto e bescan el ixim yet ok e latz'on pax ixim ac' trigo.
11Ok in cajayc'al ec' e yetok, manc'al ok ex in cabc'ulnej elok. 12Cac'al ti' wec'jab e xol. Ayin e Diosal in, axa ex ayex ti' in conob e yayji ocok. 13Ayin Jehová e Diosal in chi wala', max ex wieltek bay Egipto, yet watx' c'amc'al chex canc'al can yin mosejal bay eb tu'. Ayin max wiel jun mulnajil manxa yailok ayoc e yiban. Yuj wal tu' xan manxa nojanok ex ayok chex ec'jabi.
Yailal yuj tenomtakil
(Dt 28.15-68)
14Tatol man ok e yikej ayin xin, cax man ok e beybalnej in chekbanil, 15ta ok e yintaknej el in ley ti', cax man ok e yikej juntzan in chekbanil ti', cax ok e yetnentok in trato, 16ayin ti', ay c'apax tzet ok wun e yetok. Ok watok xiwc'ulal e yiban, c'al owal ilya' tol ok ex cam yuj, c'al k'ak'al ilya' ok tit e yin, c'al yilya'il e bak' sat, cax ok pax yip e mimanil. Nabaxac'al ok ex awwok, yujtol a eb ajc'ul oc e yin ok loontok sat e yawoj tu'. 17Ayin ok in oc ajc'ulal e yin, cax ok ex ayc'ay yuj eb e yajc'ul tu'. Ok ex can yalan yuj eb. Toxac'al ok ex elajok, caxc'al c'am mactxel chex ukteni.
18Ta c'amc'al che yikej ayin, caxc'al mayal jayoc juntzan ti' e yiban, miman ok yun yajc'al can e yailal wuj yuj e mul. 19Ok wak' lajwok ay e maynejbail tu'. Manxa ok yak' nab, ok cawbok el tx'otx' tx'otx'. 20Nabaxac'al ok e yetnej e c'ul e mulnaji, c'amxa tzet ok yak' tx'otx' tx'otx', tamwal okto yak' te te' sat.
21Tatol ok e yutc'al e ba tenomtakil ayin, manc'al ok e yikej, miman ok yun yaj can yailal e yiban wuj, atac'ala' jantak yayji oc e mul. 22Ok watok no chiwajwom no' e xol, cax ok chiontok no' e yuninal, cax ok yak'on lajwok el no' e jobbejal no', axa yaytek e bisil yuj no' tu', xan c'amxa wal mactxel ok ec'jab bay yulak be.
23Ta manc'al ok jay e nabal yuj masanil juntzan ti', palta tenomtakc'al ok e yut e ba ayin, 24cay in c'apax tu' ayin ti', miman ok yun yaj can e yailal wuj yuj e mul. 25Ok watok owal e yin e yailalok, yuj in paktzen ayex yuj c'am che yikej in trato. Toxac'al ok ex tok lemnaj e colon e ba bay e conobal, palta a bay tu' ok watok owal ilya', caytu' ok yun e yayc'ay yul k'ab eb e yajc'ul.
26A yet ok wion aytek yel e lobej, lajonwan wal eb ix ix, junnej ok watx'nej lobej bay junok k'ak'ej. Yinxac'al yechbalil ok yun yec' e lobej tu' e yin. Ok ex lowok, palta man ok noj e c'ul.
27Ta manc'al ok e yikej ayin yuj juntzan ti', tatol ok e yutc'al e ba tenomtakil, 28ayin ti' c'apaxok, ok wak' yowalil ayex, yetok wal yowal in c'ul, miman ok yun yaj can e yailal wuj yuj e mul. 29Catawal tu' ok e chion aytok e c'ajol c'al e cutz'in. 30Ok wuchtok juntzan lugar bay chex oc ayilal bay e diosal, ok in mak' poj e yaltar yet incienso. Toxac'al ok in wajbaj oc bulan e mimanil bay yiban juntzan e diosal man iquisok tu', yujtol c'amxa chex wochej. 31Toxac'al ok wuchcantok e conoblak, c'al nail e diosal tu'. C'amxac'al yopiso sumumial e xajanbal wuj.
32Ok wak' lajwok ay e nación tu', axa eb ajc'ul ok jaycan oc cajanok. Toxac'al ok c'aycan aj c'ul eb. 33Cax ok ex wak'on saklemtok xol masanil nacionlak, tol tzakan espada e yintak. A e nación ti', tz'inan tx'otx'xac'al ok yuncanok, xiwc'ulaltakxac'al ok yun yuchajcantok e conoblak. 34-35Catawal tu' watx'xac'al ok yun cancan tx'otx' tx'oklil yin masanil tiempo yet ayexto ec' bay juntzan nacionlak tol ajc'ul oc e yin tu'. Caywal tu' ok yun xewcan tx'otx', axca tiempoal tol maj xew tx'otx' e yuj yet yalantok, yet cajan ex ec' bay tu'.
36A eb e yinatil iquisto ec' bay is tx'otx'al e yajc'ul tu', tol ok wawal oc junok xiwc'ulal yiban eb. Toxac'al ok elaj lemnaj eb yet ok yaben eb yayc'ay junok xak te'. Toxac'al ok elaj eb axcaxac'al tol ay junok mactxel tzakan oc yintak yetok espada. Toxac'al ok telc'oj eb, tokwal ay pax mactxel tzakan oc yintak eb. 37Toxac'al ok telc'ojtok eb junjun axcaxac'al tol owal ayocok, caxc'al c'am mactxel chi ukten eb. C'amxac'al junok okto tec'baj ba satak eb ajc'ul. 38Ok lajwok ay eb bay xolak juntzan nacionlak tu', axca tol a is tx'otx'al eb ajc'ul tu' ok c'ayon el eb. 39A mac xol e yinatil chito iquisbi can ec' bay yul tx'otx'al e yajc'ul tu', a bay tu' ok camxac'al yujc'al is yobtakil, c'al yuj is mul eb yichmam eb.
40-41A yet mayal in oc ajc'ulal e yin ayex ti', cax mayal ex wacantok bay is conobal eb e yajc'ul yujtol max ex oc yin tenomtakil ayin, ta a yet tu' ok na ba c'ul eb e yinatil bay pit ok yut ba eb ayin, cax ok yion ay ba eb in satak yin yalon ajtek eb is yobtakil c'al e yobtakilal ayex ti', 42cata wal tu' ok in naontek in trato yetok Jacob, yetok Isaac, c'al yetok Abraham, cax ok in naontek yin wak'on pax tx'otx' tx'otx' bay eb. 43Palta a yet yalantok tu' elnak ex bay e conob, cannakcan tz'inan tx'otx', tol chi xew tx'otx' yet c'am ex ec' bay tu', yak'ban tz'akan chi yun e tojlanen el e mul, yuj wal tol max e yintaknej el in ley c'al in chekbanil.
44Caxc'al mi axca tu' chex wutej, a yet ayic' eb e yinatil bay tx'otx'al eb yajc'ul eb, man ok wintaknej el eb, tamwal ok wak'xac'al lajwok ay eb. Tamwal ok lajwok ec' in trato max wak' yetok eb yujtol ayin Jehová in, is Diosal in eb. 45Axa ok yunej, tol yuj is watx'ilok eb, ok in natek in trato max in watx'nej e yetok yet max ex wion eltek bay Egipto. Satak wal juntzanxa nacionlak max ex wion eltek, yet watx' chin oc e Diosalok. Ayin ton Jehová in chi wala', ẍi Jehová, cachi bay eb, ẍi Cham.
46A bay jolom witz Sinaí max yak' Jehová juntzan ley yetok chekbanilej, c'al cuybanilej ti' bay cham Moisés tol yet conob Israel yayji.
Currently Selected:
Lv 26: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
Lv 26
26
Yaxilal yuj ikemal
(Dt 7.12-24; 28.1-14)
1Max yal c'apax Jehová axca ti':
Manchak e watx'nej yechelej e diosalok. Manchak e wabaj aj ch'en chi ali txojal, tamwal ch'en ch'en josbil axca yechelej ayoc yin. C'am chex ay nojan yin ayilal bay, yujtol ayin ton Jehová e Diosal in. 2Mimanokab yelapnok yul e sat jun c'ual xewilal max wal ayex. Mimanokab c'apax yelapnok in cajlobal yul e sat, tol ayin wal caw Jehová in chi wala'.
3Ta ok e beybalnejc'al in ley, cax che yiken in chekbanil, 4ok watek nab yin is tiempoal, axa yak'on tx'otx' tx'otx' sat yawojal tu', c'al te te' ok yak' c'apax sat. 5Lanantoc'al yoc jooj trigo, tiempoxa pax yoc wajoj uva. Lanantoc'al yoc wajoj uva tu', mayal jay pax tiempo yawlay trigo junelxa, xan ok ex lowok, masantac'al ok yal noj e c'ul. Caw wal ok e yak' tzalojbok e c'ul bay yul e nación. 6Caw wal watx'xac'al ok yun e yayji bay yul e nación. Ok ex way yin tol c'am mactxel ok ex xibtenok. Ok ex in colil bay no chiwajwom no', c'al bay owal. 7Ok elaj eb ajc'ul oc e yin ayex; yuj e yespada ok ayc'ay eb e satak. 8A bay owanok ex, ok elaj 100 eb tu'. A bay junok 100 ex, ok elaj 10,000 eb tu'. A eb ajc'ul tu', ok ayc'ay eb e satak yuj e yespada. 9Caw wal yin watx'c'ulalil ok yun ex wilon ocok. Caw wal ok wiaj can e bisil, cax ok ayjokc'al ec' in trato e yetok. 10Lanantoc'al e loon ixim trigo wajbilcan e yuj yettax junabitok, toltax okto e bescan el ixim yet ok e latz'on pax ixim ac' trigo.
11Ok in cajayc'al ec' e yetok, manc'al ok ex in cabc'ulnej elok. 12Cac'al ti' wec'jab e xol. Ayin e Diosal in, axa ex ayex ti' in conob e yayji ocok. 13Ayin Jehová e Diosal in chi wala', max ex wieltek bay Egipto, yet watx' c'amc'al chex canc'al can yin mosejal bay eb tu'. Ayin max wiel jun mulnajil manxa yailok ayoc e yiban. Yuj wal tu' xan manxa nojanok ex ayok chex ec'jabi.
Yailal yuj tenomtakil
(Dt 28.15-68)
14Tatol man ok e yikej ayin xin, cax man ok e beybalnej in chekbanil, 15ta ok e yintaknej el in ley ti', cax man ok e yikej juntzan in chekbanil ti', cax ok e yetnentok in trato, 16ayin ti', ay c'apax tzet ok wun e yetok. Ok watok xiwc'ulal e yiban, c'al owal ilya' tol ok ex cam yuj, c'al k'ak'al ilya' ok tit e yin, c'al yilya'il e bak' sat, cax ok pax yip e mimanil. Nabaxac'al ok ex awwok, yujtol a eb ajc'ul oc e yin ok loontok sat e yawoj tu'. 17Ayin ok in oc ajc'ulal e yin, cax ok ex ayc'ay yuj eb e yajc'ul tu'. Ok ex can yalan yuj eb. Toxac'al ok ex elajok, caxc'al c'am mactxel chex ukteni.
18Ta c'amc'al che yikej ayin, caxc'al mayal jayoc juntzan ti' e yiban, miman ok yun yajc'al can e yailal wuj yuj e mul. 19Ok wak' lajwok ay e maynejbail tu'. Manxa ok yak' nab, ok cawbok el tx'otx' tx'otx'. 20Nabaxac'al ok e yetnej e c'ul e mulnaji, c'amxa tzet ok yak' tx'otx' tx'otx', tamwal okto yak' te te' sat.
21Tatol ok e yutc'al e ba tenomtakil ayin, manc'al ok e yikej, miman ok yun yaj can yailal e yiban wuj, atac'ala' jantak yayji oc e mul. 22Ok watok no chiwajwom no' e xol, cax ok chiontok no' e yuninal, cax ok yak'on lajwok el no' e jobbejal no', axa yaytek e bisil yuj no' tu', xan c'amxa wal mactxel ok ec'jab bay yulak be.
23Ta manc'al ok jay e nabal yuj masanil juntzan ti', palta tenomtakc'al ok e yut e ba ayin, 24cay in c'apax tu' ayin ti', miman ok yun yaj can e yailal wuj yuj e mul. 25Ok watok owal e yin e yailalok, yuj in paktzen ayex yuj c'am che yikej in trato. Toxac'al ok ex tok lemnaj e colon e ba bay e conobal, palta a bay tu' ok watok owal ilya', caytu' ok yun e yayc'ay yul k'ab eb e yajc'ul.
26A yet ok wion aytek yel e lobej, lajonwan wal eb ix ix, junnej ok watx'nej lobej bay junok k'ak'ej. Yinxac'al yechbalil ok yun yec' e lobej tu' e yin. Ok ex lowok, palta man ok noj e c'ul.
27Ta manc'al ok e yikej ayin yuj juntzan ti', tatol ok e yutc'al e ba tenomtakil, 28ayin ti' c'apaxok, ok wak' yowalil ayex, yetok wal yowal in c'ul, miman ok yun yaj can e yailal wuj yuj e mul. 29Catawal tu' ok e chion aytok e c'ajol c'al e cutz'in. 30Ok wuchtok juntzan lugar bay chex oc ayilal bay e diosal, ok in mak' poj e yaltar yet incienso. Toxac'al ok in wajbaj oc bulan e mimanil bay yiban juntzan e diosal man iquisok tu', yujtol c'amxa chex wochej. 31Toxac'al ok wuchcantok e conoblak, c'al nail e diosal tu'. C'amxac'al yopiso sumumial e xajanbal wuj.
32Ok wak' lajwok ay e nación tu', axa eb ajc'ul ok jaycan oc cajanok. Toxac'al ok c'aycan aj c'ul eb. 33Cax ok ex wak'on saklemtok xol masanil nacionlak, tol tzakan espada e yintak. A e nación ti', tz'inan tx'otx'xac'al ok yuncanok, xiwc'ulaltakxac'al ok yun yuchajcantok e conoblak. 34-35Catawal tu' watx'xac'al ok yun cancan tx'otx' tx'oklil yin masanil tiempo yet ayexto ec' bay juntzan nacionlak tol ajc'ul oc e yin tu'. Caywal tu' ok yun xewcan tx'otx', axca tiempoal tol maj xew tx'otx' e yuj yet yalantok, yet cajan ex ec' bay tu'.
36A eb e yinatil iquisto ec' bay is tx'otx'al e yajc'ul tu', tol ok wawal oc junok xiwc'ulal yiban eb. Toxac'al ok elaj lemnaj eb yet ok yaben eb yayc'ay junok xak te'. Toxac'al ok elaj eb axcaxac'al tol ay junok mactxel tzakan oc yintak yetok espada. Toxac'al ok telc'oj eb, tokwal ay pax mactxel tzakan oc yintak eb. 37Toxac'al ok telc'ojtok eb junjun axcaxac'al tol owal ayocok, caxc'al c'am mactxel chi ukten eb. C'amxac'al junok okto tec'baj ba satak eb ajc'ul. 38Ok lajwok ay eb bay xolak juntzan nacionlak tu', axca tol a is tx'otx'al eb ajc'ul tu' ok c'ayon el eb. 39A mac xol e yinatil chito iquisbi can ec' bay yul tx'otx'al e yajc'ul tu', a bay tu' ok camxac'al yujc'al is yobtakil, c'al yuj is mul eb yichmam eb.
40-41A yet mayal in oc ajc'ulal e yin ayex ti', cax mayal ex wacantok bay is conobal eb e yajc'ul yujtol max ex oc yin tenomtakil ayin, ta a yet tu' ok na ba c'ul eb e yinatil bay pit ok yut ba eb ayin, cax ok yion ay ba eb in satak yin yalon ajtek eb is yobtakil c'al e yobtakilal ayex ti', 42cata wal tu' ok in naontek in trato yetok Jacob, yetok Isaac, c'al yetok Abraham, cax ok in naontek yin wak'on pax tx'otx' tx'otx' bay eb. 43Palta a yet yalantok tu' elnak ex bay e conob, cannakcan tz'inan tx'otx', tol chi xew tx'otx' yet c'am ex ec' bay tu', yak'ban tz'akan chi yun e tojlanen el e mul, yuj wal tol max e yintaknej el in ley c'al in chekbanil.
44Caxc'al mi axca tu' chex wutej, a yet ayic' eb e yinatil bay tx'otx'al eb yajc'ul eb, man ok wintaknej el eb, tamwal ok wak'xac'al lajwok ay eb. Tamwal ok lajwok ec' in trato max wak' yetok eb yujtol ayin Jehová in, is Diosal in eb. 45Axa ok yunej, tol yuj is watx'ilok eb, ok in natek in trato max in watx'nej e yetok yet max ex wion eltek bay Egipto. Satak wal juntzanxa nacionlak max ex wion eltek, yet watx' chin oc e Diosalok. Ayin ton Jehová in chi wala', ẍi Jehová, cachi bay eb, ẍi Cham.
46A bay jolom witz Sinaí max yak' Jehová juntzan ley yetok chekbanilej, c'al cuybanilej ti' bay cham Moisés tol yet conob Israel yayji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989