Levítico 26
26
Aju cy'iwbil ctzajel cyibaj keju ba'n che niman
Deuteronomio 7.12-24; 28.1-14
1Mi'n cub cybincha'ne ke tilbilal tu'n toc cydiosine; mi'n jaw cywalba'ne ke abj tuj cytanmiye tu'n toc cyk'o'ne te xjan, ex mi'n jatz cyc'ochine cywitz abj tu'n tcyaj ten jun tilbilal cywitz tu'n cycub ẍmeje'ye cywitz, porque akine Cymane ex Cydiose. 2Mi'n che ak'nane cyuj k'ij te ojlabl; tenx tchiylal njaye cyeye. Akine Cymane.
3Ka ma che oc lpe'ye cyi'j ke nleye, ka ma che'x cynimane ke nmandamyente ex ka ma che japun cyu'ne, 4ctzajel nsama'ne jbal cyibaje tujxix tk'ijlalil, tu'ntzun ttzaj tk'o'n tx'otx' twitz cyawale ex ke tze' tuj cojbil ctzajel cyk'o'n cywitz. 5Oc tel baj cybaju'ne triw, ya otok tzul tk'ijlalil tu'n tjaw chmet twitz uva, ex oc tjaw baj cychmo'ne twitz uva, ya otok tzul tk'ijlalil tu'n toc awat awal. Che wa'le ocxi tnoj cyc'u'je, ex tuj txubtxaj che ank'ile tuj cytanmiye. 6Tuj txubtxaj che tele tuj cytanmiye ex mi a'l jun c'oquel sec'punte cyeye oc cytane; che elex nlajo'ne ke txcup mya ba'n ate' tuj cytx'otx'e ex mlay txi nk'o'ne ambil cye xjal tu'n cytzaj k'ojlel cyi'je. 7Che elel ok aj k'oj cyi'je ex che bel cybyo'ne tu'n spad; 8tu'n jwe' cyeye cybaj che elel ok jun syent aj k'oj, ex tu'n jun syent cyeye cybaj che elel ok laj mil aj k'oj; tu'n spad che najel cyu'ne ke aj k'oj cyi'je. 9Tu'n tzalajbil che tzajel nque'yine ex cchmetel nim cybaje wu'ne, ex ccyuwsetel nyole cyuc'ile, aju o txi ntziyane cyeye. 10Nim k'ij che wa'le ti'j triw otok baj c'u't tuj abk'i otok baj, ex aju csobryil c'elex cyi'ne tu'ntzun tocx c'u't ac'aj triw.
11Chin najale cyxole ex mlay che el wic'une. 12Ax chin betele cyxole ex akine chin oquele te Cydiose, atzun cyeye che oquele te jun tnam etzan wu'ne. 13Akine Cymane ex Cydiose aju etz k'inte cyeye tuj Ejipt tu'ntzun mi'n cytentle te cymajen, cub ntokine yuw tcub cyibaje, ex o nbinchaye tu'n cybete minti' cyxobile.
Aju ctzajel cyibaj ke xjal miban che niman te Dios
Deuteronomio 28.15-68
14Katzun minti' ma chinx cynimane ex ka minti' ma che japun cycyakil ke nmandamyente lu cyu'ne, 15ka ma che el cyic'une ke nleye ex ka ma tz'oc cyk'o'ne ke nxnak'tzbile te minti' cyajben ex ka minti' ma che japun cyu'ne, ex ka minti' ma japun cyu'ne aju o cyaj bant ti'j wu'ne cyuc'ile, 16ax icxtzun weye oc nbincha'ye ke jlu cyi'je: Ctzajel nsama'ne xobtzabl cyibaje cyuc'ix ke yabil cheba in che naj xjal cyu'n, tuc'ix nim cyak ctzajel cyi'je, che belex julix tbak' cywitze ex cbajel tipun cyximlal. Nok gan che awale, porque ake aj k'oj cyi'je che wa'l ti'j twitz cyawale. 17Ctzajel nk'oje cyi'je ex cbel cyi'je cyu'n ke aj k'oj cyi'je; akeju in che ic'un cyeye che cawil cyibaje, ex akeye che elel oke masque mi a'l lepchix t-xi' cyi'je.
18Katzun minti'x ma chinx cynimane, cytzajlenxi ke jlu cyibaje, cbeltzun nk'o'ntle wuk maj cycastiwoye tu'n tlaj cyile. 19Cnajel wu'ne aju cynimbil cyibe; oc nbincha'ye tu'n mi'n ttzaj jbal twitz cya'j, ex tu'n mi'n ttzaj tk'o'n tx'otx' cyawale. 20Nokx gan cbajel cynajsa'n cyipune, porque mlay tzaj tk'o'n tx'otx' twitz cyawale ex mi ke tze' mlay tzaj cyk'o'n cywitz.
21Ka cucx ma jaw cyi'n cyibe wi'je ex ka minti' ma chinx cynimane, cbel nk'o'ntle wuk maj cycastiwoye ic tza'nx cyile. 22Che tzajel nsama'ne ke txcup te tjak' c'ul cyi'je, che xel k'i'n cyc'wa'le cyu'n, che najel cyalune cyu'n, ex nic'xi cybaje cyjel cyk'o'n tu'ntzun mi jun tu'n tbet tuj be.
23Katzun minti'x ma txi cybincha'n cytene tu'n tcyakil jlu, ex ka cucx ma jaw cyi'n cyibe wi'je, 24ax icx weye cjawil wi'n wibe cyi'je ex cbel nk'o'ntle wuk maj cycastiwoye tu'n tlaj cyile. 25Che xel nsama'ne ke xjal k'ojlel cyi'je tu'n t-xelin cyi'je, tu'nju minti' ma japun cyu'ne aju yol otok cyaj bant ti'j wu'ne cyuc'ile. Oc toc cychmon cyibe cyuj cytanmiye, cxel nsama'ne yabil cyibaje ex che bel tz'ake tuj cyk'ab ke aj k'oj cyi'je.
26Oc tel wi'ne cywaye; cabalx jun jorni tu'n ttzk'aj cywa laj ja xjal tuj, malo'n cxe'l cywaye ex mlay noj cyc'u'je tu'n.
27Ka mi'n ma chinx cynimane ttzajlenxi jlu cyi'je, ex ka cucx ma jaw cyi'n cyibe wi'je, 28ax icx weye cjawil wi'n wibe cyi'je, ex tuc'il nk'oje cbel nk'o'ntle wuk maj cycastiwoye tu'n tlaj cyile. 29Cxeltzun cychyo'ne cyc'wa'le, ke k'a ex ke txin. 30Che bel nxitune ke lugar jatum in che c'ulune cywi' ke witz ex che bel npa'ne ke cy-altare te patbil storac; che bel npalba'ne cyximlale, ya cyimnike, cyibaj ke tilbilal mya itz', akeju c'oquel cydiosine, ex che elel wic'une; 31cnajel cytanmiye wu'ne, che bel nxitune cyja cydiose, ex mlay chin tzalaje ti'j tc'oc'jal chojbil ctzajel cyk'o'ntle weye.
32Cnajel tx'otx' wu'ne ex oc cyul aj k'oj cyi'je najal tuj, che jawil labin ti'j. 33Atzun cyeye che bajel nsputune cyuj ke nasyon ex chin oquel lpe'ye cyi'je tu'n cycub nbyo'ne tu'n spad; c'oquel cytx'otx'e te tzkij wu'ne, che najel cytanmi wu'ne ex nok cytx'akan che cyjel ten. 34C'ojlaltzun tx'otx' tuj tcyakil tyemp oc minti' awal c'oquel tuj acux ate'ye tuj cytx'otx' aj k'oj cyi'je; maxitzun c'ojlal tx'otx' te t-xel minti'tok in ojlan nej. 35Tuj tcyakil tyemp oc mi'n tz'oc awal tuj, c'ojlal tx'otx' te cyxel ke k'ij te ojlabl, aju minti' xi cyk'o'ne tej najl keye tuj.
36Atzun keju che cyjel ank'in, ctzajel nimxix t-xobil cyi'j wu'ne tuj cytx'otx' aj k'oj cyi'j, ex nok tu'n tk'ajk'ajel jun t-xak tze' ctzajel tz'ak che elel ok; che elel ok mer ic tza'n lajo'n ke tu'n jun xjal k'i'n spad tu'n, ex che bel tz'ak masque mi a'l jun lajol cye; 37che jawil tolj jun ti'j juntl, mer ic tza'n in che el ok tuj k'oj, masque mi a'l lajol cye. Mi a'l jun cye jacu cub we' twitz aj k'oj ti'j. 38Che najel cyuj ke nasyon, che bel baj cyu'n aj k'oj cyi'j tujx cytanmi, 39ex akeju che cyjel ank'in tuj cytx'otx' aj k'oj cyi'je, che najel tu'n tlaj cybinchben mya ba'n ex junx cyuc'il cyman che najel tu'n tlaj cybinchben mya ba'n.
40Katzun ma jatz cypa'n cyil ex ka ma jatz cypa'n cyil cyman tu'nju minti' otok japun nyole cyu'n ex tu'nju otok jaw cyi'n cyib wi'je, 41(ex icx weye otok jaw wi'n wibe cyi'j ex otok che'x wi'ne tuj cytx'otx' aj k'oj cyi'j); katzun ma cub cymansin cyanmi mya ba'n, ex ka ma tz'el cynic' ti'j cyil, 42ctzajeltzun nna'ne aju yol cyaj bant ti'j wu'ne tuc'il Jacob, tuc'il Isaac ex tuc'il Abraham, ax icx ctzajel nna'ne cytx'otx'. 43Otok cyaj cycolin cytx'otx' ex otok ojlan tx'otx' te cyxel ke k'ij te ojlabl, acux mya najlke twitz; atzun cye, cxel cychjo'n cybinchben mya ba'n, porque otok tz'el cyic'un ke nxnak'tzbile ex ke nleye.
44Masque icju, oc cyten tuj cytx'otx' aj k'oj cyi'j, mlay che el wic'une ex mlay tzaj nlo'che cyi'j tu'n cybaj naj cycyakil, ex mlay tz'ajtz jolpaj ti'j yol cyaj bant ti'j wu'ne cyuc'il cyxe'chel, porque akine Cyman ex Cydios. 45Nok o'cx ctzajel nna'ne aju yol cyaj bant ti'j wu'ne cyuc'il cyxe'chel tej cyetz wi'ne tuj Ejipt cywitz ke nasyon tu'n woque te Cydios. Akine Cyman, chi Dios te Moisés.
46Atzun ke ley lu, cyuc'ix ke mandamyent ex ke xnak'tzbil tzaj tk'o'n Kman te Moisés twi witz Sinaí, tu'n t-xi tma'n cye aj Israel.
Currently Selected:
Levítico 26: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
Levítico 26
26
Aju cy'iwbil ctzajel cyibaj keju ba'n che niman
Deuteronomio 7.12-24; 28.1-14
1Mi'n cub cybincha'ne ke tilbilal tu'n toc cydiosine; mi'n jaw cywalba'ne ke abj tuj cytanmiye tu'n toc cyk'o'ne te xjan, ex mi'n jatz cyc'ochine cywitz abj tu'n tcyaj ten jun tilbilal cywitz tu'n cycub ẍmeje'ye cywitz, porque akine Cymane ex Cydiose. 2Mi'n che ak'nane cyuj k'ij te ojlabl; tenx tchiylal njaye cyeye. Akine Cymane.
3Ka ma che oc lpe'ye cyi'j ke nleye, ka ma che'x cynimane ke nmandamyente ex ka ma che japun cyu'ne, 4ctzajel nsama'ne jbal cyibaje tujxix tk'ijlalil, tu'ntzun ttzaj tk'o'n tx'otx' twitz cyawale ex ke tze' tuj cojbil ctzajel cyk'o'n cywitz. 5Oc tel baj cybaju'ne triw, ya otok tzul tk'ijlalil tu'n tjaw chmet twitz uva, ex oc tjaw baj cychmo'ne twitz uva, ya otok tzul tk'ijlalil tu'n toc awat awal. Che wa'le ocxi tnoj cyc'u'je, ex tuj txubtxaj che ank'ile tuj cytanmiye. 6Tuj txubtxaj che tele tuj cytanmiye ex mi a'l jun c'oquel sec'punte cyeye oc cytane; che elex nlajo'ne ke txcup mya ba'n ate' tuj cytx'otx'e ex mlay txi nk'o'ne ambil cye xjal tu'n cytzaj k'ojlel cyi'je. 7Che elel ok aj k'oj cyi'je ex che bel cybyo'ne tu'n spad; 8tu'n jwe' cyeye cybaj che elel ok jun syent aj k'oj, ex tu'n jun syent cyeye cybaj che elel ok laj mil aj k'oj; tu'n spad che najel cyu'ne ke aj k'oj cyi'je. 9Tu'n tzalajbil che tzajel nque'yine ex cchmetel nim cybaje wu'ne, ex ccyuwsetel nyole cyuc'ile, aju o txi ntziyane cyeye. 10Nim k'ij che wa'le ti'j triw otok baj c'u't tuj abk'i otok baj, ex aju csobryil c'elex cyi'ne tu'ntzun tocx c'u't ac'aj triw.
11Chin najale cyxole ex mlay che el wic'une. 12Ax chin betele cyxole ex akine chin oquele te Cydiose, atzun cyeye che oquele te jun tnam etzan wu'ne. 13Akine Cymane ex Cydiose aju etz k'inte cyeye tuj Ejipt tu'ntzun mi'n cytentle te cymajen, cub ntokine yuw tcub cyibaje, ex o nbinchaye tu'n cybete minti' cyxobile.
Aju ctzajel cyibaj ke xjal miban che niman te Dios
Deuteronomio 28.15-68
14Katzun minti' ma chinx cynimane ex ka minti' ma che japun cycyakil ke nmandamyente lu cyu'ne, 15ka ma che el cyic'une ke nleye ex ka ma tz'oc cyk'o'ne ke nxnak'tzbile te minti' cyajben ex ka minti' ma che japun cyu'ne, ex ka minti' ma japun cyu'ne aju o cyaj bant ti'j wu'ne cyuc'ile, 16ax icxtzun weye oc nbincha'ye ke jlu cyi'je: Ctzajel nsama'ne xobtzabl cyibaje cyuc'ix ke yabil cheba in che naj xjal cyu'n, tuc'ix nim cyak ctzajel cyi'je, che belex julix tbak' cywitze ex cbajel tipun cyximlal. Nok gan che awale, porque ake aj k'oj cyi'je che wa'l ti'j twitz cyawale. 17Ctzajel nk'oje cyi'je ex cbel cyi'je cyu'n ke aj k'oj cyi'je; akeju in che ic'un cyeye che cawil cyibaje, ex akeye che elel oke masque mi a'l lepchix t-xi' cyi'je.
18Katzun minti'x ma chinx cynimane, cytzajlenxi ke jlu cyibaje, cbeltzun nk'o'ntle wuk maj cycastiwoye tu'n tlaj cyile. 19Cnajel wu'ne aju cynimbil cyibe; oc nbincha'ye tu'n mi'n ttzaj jbal twitz cya'j, ex tu'n mi'n ttzaj tk'o'n tx'otx' cyawale. 20Nokx gan cbajel cynajsa'n cyipune, porque mlay tzaj tk'o'n tx'otx' twitz cyawale ex mi ke tze' mlay tzaj cyk'o'n cywitz.
21Ka cucx ma jaw cyi'n cyibe wi'je ex ka minti' ma chinx cynimane, cbel nk'o'ntle wuk maj cycastiwoye ic tza'nx cyile. 22Che tzajel nsama'ne ke txcup te tjak' c'ul cyi'je, che xel k'i'n cyc'wa'le cyu'n, che najel cyalune cyu'n, ex nic'xi cybaje cyjel cyk'o'n tu'ntzun mi jun tu'n tbet tuj be.
23Katzun minti'x ma txi cybincha'n cytene tu'n tcyakil jlu, ex ka cucx ma jaw cyi'n cyibe wi'je, 24ax icx weye cjawil wi'n wibe cyi'je ex cbel nk'o'ntle wuk maj cycastiwoye tu'n tlaj cyile. 25Che xel nsama'ne ke xjal k'ojlel cyi'je tu'n t-xelin cyi'je, tu'nju minti' ma japun cyu'ne aju yol otok cyaj bant ti'j wu'ne cyuc'ile. Oc toc cychmon cyibe cyuj cytanmiye, cxel nsama'ne yabil cyibaje ex che bel tz'ake tuj cyk'ab ke aj k'oj cyi'je.
26Oc tel wi'ne cywaye; cabalx jun jorni tu'n ttzk'aj cywa laj ja xjal tuj, malo'n cxe'l cywaye ex mlay noj cyc'u'je tu'n.
27Ka mi'n ma chinx cynimane ttzajlenxi jlu cyi'je, ex ka cucx ma jaw cyi'n cyibe wi'je, 28ax icx weye cjawil wi'n wibe cyi'je, ex tuc'il nk'oje cbel nk'o'ntle wuk maj cycastiwoye tu'n tlaj cyile. 29Cxeltzun cychyo'ne cyc'wa'le, ke k'a ex ke txin. 30Che bel nxitune ke lugar jatum in che c'ulune cywi' ke witz ex che bel npa'ne ke cy-altare te patbil storac; che bel npalba'ne cyximlale, ya cyimnike, cyibaj ke tilbilal mya itz', akeju c'oquel cydiosine, ex che elel wic'une; 31cnajel cytanmiye wu'ne, che bel nxitune cyja cydiose, ex mlay chin tzalaje ti'j tc'oc'jal chojbil ctzajel cyk'o'ntle weye.
32Cnajel tx'otx' wu'ne ex oc cyul aj k'oj cyi'je najal tuj, che jawil labin ti'j. 33Atzun cyeye che bajel nsputune cyuj ke nasyon ex chin oquel lpe'ye cyi'je tu'n cycub nbyo'ne tu'n spad; c'oquel cytx'otx'e te tzkij wu'ne, che najel cytanmi wu'ne ex nok cytx'akan che cyjel ten. 34C'ojlaltzun tx'otx' tuj tcyakil tyemp oc minti' awal c'oquel tuj acux ate'ye tuj cytx'otx' aj k'oj cyi'je; maxitzun c'ojlal tx'otx' te t-xel minti'tok in ojlan nej. 35Tuj tcyakil tyemp oc mi'n tz'oc awal tuj, c'ojlal tx'otx' te cyxel ke k'ij te ojlabl, aju minti' xi cyk'o'ne tej najl keye tuj.
36Atzun keju che cyjel ank'in, ctzajel nimxix t-xobil cyi'j wu'ne tuj cytx'otx' aj k'oj cyi'j, ex nok tu'n tk'ajk'ajel jun t-xak tze' ctzajel tz'ak che elel ok; che elel ok mer ic tza'n lajo'n ke tu'n jun xjal k'i'n spad tu'n, ex che bel tz'ak masque mi a'l jun lajol cye; 37che jawil tolj jun ti'j juntl, mer ic tza'n in che el ok tuj k'oj, masque mi a'l lajol cye. Mi a'l jun cye jacu cub we' twitz aj k'oj ti'j. 38Che najel cyuj ke nasyon, che bel baj cyu'n aj k'oj cyi'j tujx cytanmi, 39ex akeju che cyjel ank'in tuj cytx'otx' aj k'oj cyi'je, che najel tu'n tlaj cybinchben mya ba'n ex junx cyuc'il cyman che najel tu'n tlaj cybinchben mya ba'n.
40Katzun ma jatz cypa'n cyil ex ka ma jatz cypa'n cyil cyman tu'nju minti' otok japun nyole cyu'n ex tu'nju otok jaw cyi'n cyib wi'je, 41(ex icx weye otok jaw wi'n wibe cyi'j ex otok che'x wi'ne tuj cytx'otx' aj k'oj cyi'j); katzun ma cub cymansin cyanmi mya ba'n, ex ka ma tz'el cynic' ti'j cyil, 42ctzajeltzun nna'ne aju yol cyaj bant ti'j wu'ne tuc'il Jacob, tuc'il Isaac ex tuc'il Abraham, ax icx ctzajel nna'ne cytx'otx'. 43Otok cyaj cycolin cytx'otx' ex otok ojlan tx'otx' te cyxel ke k'ij te ojlabl, acux mya najlke twitz; atzun cye, cxel cychjo'n cybinchben mya ba'n, porque otok tz'el cyic'un ke nxnak'tzbile ex ke nleye.
44Masque icju, oc cyten tuj cytx'otx' aj k'oj cyi'j, mlay che el wic'une ex mlay tzaj nlo'che cyi'j tu'n cybaj naj cycyakil, ex mlay tz'ajtz jolpaj ti'j yol cyaj bant ti'j wu'ne cyuc'il cyxe'chel, porque akine Cyman ex Cydios. 45Nok o'cx ctzajel nna'ne aju yol cyaj bant ti'j wu'ne cyuc'il cyxe'chel tej cyetz wi'ne tuj Ejipt cywitz ke nasyon tu'n woque te Cydios. Akine Cyman, chi Dios te Moisés.
46Atzun ke ley lu, cyuc'ix ke mandamyent ex ke xnak'tzbil tzaj tk'o'n Kman te Moisés twi witz Sinaí, tu'n t-xi tma'n cye aj Israel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993