1 Juan 1
1
Aju yol in tk'o'n chwinklal
1In xi ntz'ibane cyeye ti'j ju Yol te chwinklal, aju at atxix t-xe tnejel, aju o kbiye ex o kile, aju o tz'oc kque'yine tu'n tbak' kwitze ex o tz'oc kmaco'ne tu'n kk'abe. 2Porque o tzaj yec'un ju chwinklal, ex o kile, ex in xi kma'ne ax toc ti'j; ex in xi kk'o'ne tkanil cyeye ti'j ju chwinklal te jumajx, aju at tuc'il Dios Mambaj ex o tzaj yec'un keye, 3Aju ma kile ex ma kbiye, axtzunju in xi kpacba'ne cyeye tu'ntzun tten kmojbabl kib; ex aju kmojbabl kib, tuc'il Kman Dios ex tuc'il Jesucrist aju Tc'wa'l. 4In xi ntz'ibane tcyakil jlu cyeye tu'ntzun cytzalaje nimxix.
Ate Dios spic'un
5Atzunju yol lu o kbiye te Jesucrist ex in xi kpacba'ne cyeye: ate Dios spic'un ex minti' ch'in klolj at tuc'il. 6Ka in kma'n ka at kmojbabl kib tuc'il Dios ex ka cucx kbet tuj klolj, in ko nic'an yol ex minti' in ko oc lpe' ti'j ju yol axix toc. 7Pero ka in ko bet tuj spic'un ic tza'n te Dios at tuj spic'un, at kmojbabl kib kxolx, ex aju tchc'el Jesucrist aju Tc'wa'l Dios nne'l ttx'jo'n tcyakilju kil.
8Ka in kma'n ka minti' kil, in ksbun kib ku'nx kib, ex ju yol axix toc minti' tuj kanmi. 9Pero ka ma jatz kpa'n kil twitz Dios, cnajsetel kil tu'n ex c'elel ttx'jo'n tcyakil mya ba'n tuj kanmi, porque ate Dios tz'aklxix ex ba'n tu'n tke' kc'u'j ti'j. 10Ka ma kma bajx ko binchan il, nno'c kk'o'n Dios nic'al yol, ex aju tyol minti' tuj kanmi.
Currently Selected:
1 Juan 1: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993