Aj Hebreyib 1
1
Ri Dios xujuch'abej rumal ri u c'ojol
1Ri Dios q'ui mul xebuch'abej can ri e ka mam ojer, q'ui qui ch'abexic xubano cumal ri k'axal tak tzij.
2 # 1.2-3 “Pa we q'uisbal tak k'ij ri' xujuch'abej rumal ri C'ojolaxel”: Jn 1.1-3; Col 1.15-17. Pa we q'uisbal tak k'ij ri' xujuch'abej rumal ri C'ojolaxel. Ri xucojo chi are' quechben conojel ri jastak, rumal c'u ri are' xebantaj ronojel ri uwächulew xukuje' ronojel ri c'olic.
3Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.
Ri u c'ojol ri Dios are' nim na u k'ij chquiwäch ri tako'nib aj caj
4Sibalaj xnimarisax na u k'ij chquiwäch ri tako'nib aj caj. Jeri' chi xrechbej jun bi'aj sibalaj utz na chquiwäch ri e are'.
5 # 1.5 “In quinux na jun Tataxel che, ri are' c'ut cux na jun C'ojolaxel chwe”: Sal 2.7; 2 S 2.7; 1 Cr 17.13. Mawi jumul xubij ta ri Dios che jun tako'nib aj caj:
“At ri' ri nu C'ojol,
in xatinwalc'ualaj camic;”
mawi xubij ta che jun tako'n aj caj:
“In quinux na
jun Tataxel che,
ri are' c'ut cux na
jun C'ojolaxel chwe.”
6 # 1.6 “Chi conojel ri e u tako'nib ri Dios ri e aj caj, chk'ijilax cumal”: Dt 32.43; Sal 97.7. Xukuje', aretak xucoj ri u nabeal cho ri uwächulew, xubij:
“Chi conojel
ri e u tako'nib ri Dios
ri e aj caj,
chk'ijilax cumal.”
7Cubij c'u ri Dios chquij ri e tako'nib aj caj:
“Cubano chi ri e u tako'n aj caj
quebux je ta ne quiakik',
xukuje' chi ri e pataninel rech
quebux je ta ne rak' k'ak'.”
8Che c'u ri C'ojolaxel cubij wi:
“Ri a tem re ajawibal,
oh Dios,
amak'el chbe k'ij sak
man q'uisel taj.
Bara' re suq'uil
ri u bara' ri awajawinic.
9 # 1.9 Chawila' Sal 45.7. Jujun Tz'ibatalic je cubij wa': “cha'om”. Cäcoj we tzij ri' aretak queya' aseit puwi' jun c'ac' ajawinel. Alok'ok'em ri suq'uil,
awetzelam c'u u wäch ri etzelal.
Rumal wa' ri Dios, ri a Dios,
sibalaj xuya' na quicotemal chawe at
chquiwäch ri awachil,
je ta ne xuya' aseit pawi'.”
10 # 1.10-12 “Ri at c'ut xak at je wi, ri a junab man e q'uisel taj”: Sal 102.25-27. Xukuje' cubij ri Dios:
“Ri at, Wajaw pa ri u tiquiritajic
xaban ri uwächulew,
xukuje' ri caj are u chac ri a k'ab.
11E are wa' cäsach na qui wäch,
ri at c'ut cätc'oji' na.
Conojel quek'elob na
je jas jun atz'iak.
12Quebabot na je ta ne jun c'ul,
quejal na je jas jun atz'iak.
Ri at c'ut xak at je wi,
ri a junab man e q'uisel taj.”
13 # 1.13 “Chatt'uyul pa ri nu wiquiak'ab”: Sal 110.1. Mawi c'u jumul xubij ta ri Dios che jun tako'n aj caj:
“Chatt'uyul pa ri nu wiquiak'ab,
c'ä quebenya' na ri a c'ulel
che qui tac'alibal ri e awakan.”
14 # 1.14 Chawila' He 1.7 ri junam tzij cuya' je quil cubij wa': “uxlabal” o “quiakik'”. Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.
Currently Selected:
Aj Hebreyib 1: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.