Ri Amos 1
1
K'atan tak tzij paquiwi' ri c'ulja nimak tak tinimit
1 # 1.1 Pa tak ri u k'ijol ri Uziy, ajawinel re Juda xukuje' pa ri u k'ijol ri Jeroboam ajawinel re Israel: 2 R 15.1-7; 2 Ch 26.1-23; 2 R 14.23-29. Are tzijol wa' ri xuya' ri Amos jun yuk'ul chij pa ri tinimit Teco ri xya' u bixic che rumal ri Dios ri cuc'ulmaj na ri Israel, quieb junab majok ri nimalaj cabrakan, pa tak ri u k'ijol ri Uziy, ajawinel re Juda xukuje' pa ri u k'ijol ri Jeroboam ajawinel re Israel (ri Joas are' ri u tat ri Jeroboam).
2Aretak ri Ajawaxel cubano
chi cätataj ri u ch'abal
jacha' cakulja c'ä
chupam ri juyub Sion,
ri c'o pa Jerusalen,
quechaki'jar c'ut ri ulew
jawije' ri e c'o wi tak ri echa'
cächaki'jar c'ut ri u wi' ri Carmel.
Ri e aj Damasc
3 # 1.3-5 Ri e aj Damasc: Is 17.1-3; Jr 49.23-27; Zac 9.1. # 1.3 Ri e aj Galaad: 2 R 10.32-33. Jewa' cubij ri Ajawaxel:
“Ri e aj Damasc
e q'ui tak etzelal e qui banom
man quebenya' ta canok
chi ma ta chinsachisaj qui wäch;
xequic'äjij ri aj Galaad
cuc' tak c'ajibal re räx ch'ich'.
4 # 1.4 Tak ri rachoch ri Ben-hadad: 2 R 13.3. Rumal ri' quincoj na k'ak'
che ri rachoch ri ajawinel Hazael,
are c'u we k'ak' ri'
cusachisaj na qui wäch
tak ri rachoch ri Ben-hadad.
5 # 1.5 Pa Kir: 2 R 16.9. # 1.5 Ri tzij “Bicat-aben” pa hebrey quel cubij “beya' re etzelal”. Craj ne quibixic we tzij ri' che u pixbexic ri tinimit aj “Bit Adin” ri c'o pa Siriy. # 1.5 Ri bi'aj “Bet-eden” pa hebrey quel cubij “ja rech quicotemal”. Quebenjak tak na ri e u chi'
ri tinimit Damasc
pune' man cäcaj;
quinsachisaj na u wäch
ri cajawin pa Bicat-aben
xukuje' ri cajawin pa Bet-Eden,
e are' tak c'ut ri e aj Siriy
rech e yutum quec'am na bic pa Kir.”
Cächa' ri Ajawaxel.
Ri e aj Gaz
6 # 1.6 Xquic'ayij c'u pa Edom jacha' lok'om pataninel: 2 Ch 21.16-17; Jl 3.4-8. Jewa' cubij ri Ajawaxel:
“Ri e aj Gaz e q'ui tak ri etzelal
ri e qui banom
ri man quebenya' ta canok
chi ma ta chinc'äjisaj qui wäch;
xquichap c'u bic ronojel jun tinimit
xquic'ayij c'u pa Edom
jacha' lok'om pataninel.
7Rumal ri' quincoj na k'ak'
chque ri nimak tak u tapia ri Gaz,
are c'u we k'ak'
ri' cusachisaj na qui wäch
tak ri e nimak tak rachoch.
8 # 1.8 “Cacäm c'u ne na ri q'uisbal aj pilistey”: Is 14.29-31; Jr 47; Ez 25.15-17; Jl 3.4-8; Sof 2.4-7; Zac 9.5-7. Quinsachisaj na u wäch
ri cajawin pa Asdod
xukuje' ri cajawin pa Ascalon.
¡Ruc' ronojel ri nu cuinem
quinq'uiak na wib chrij ri Ecron,
cacäm c'u ne na
ri q'uisbal aj pilistey!”
Cächa' ri Ajawaxel.
Ri e aj Tir
9 # 1.9-10 Ri e aj Tir: Is 23; Ez 26.1—28.19; Jl 3.4-8; Zac 9.1-4; Mt 11.21-22; Lc 10.13-14. Jewa' cubij ri Ajawaxel:
“Ri e aj Tir e q'ui tak ri etzelal
ri e qui banom
ri man quebenya' ta canok
chi ma ta chinc'äjisaj qui wäch;
xjach c'u che lok'om pataninel
pa u k'ab ri Edom
ronojel jun tinimit ri u banom wi'
jun c'ulwächinic ruc', aj achalaxic.
10Rumal ri' quincoj na k'ak' chque
tak ri nimak tak u tapia ri Tir,
are c'u we k'ak' ri' cusachisaj na
qui wäch tak ri e nimak tak rachoch.”
Ri e aj Edom
11 # 1.11-12 Ri e aj Edom: Is 34.5-17; 63.1-6; Jr 49.7-22; Ez 25.12-14; 35.1-15; Abd 1-14; Mal 1.2-5. Jewa' cubij ri Ajawaxel:
“Ri e aj Edom e q'ui tak ri etzelal
ri e qui banom
ri man quebenya' ta canok
chi ma ta chinc'äjisaj qui wäch;
e c'o c'u ne ch'ich' re ch'o'j
pa qui k'ab
man ruc' ta c'u tok'obisam wächaj,
xquitakej u banic c'ax
chque tak ri aj israelib ri e cachalal.
Xquitzokopij ronojel ri coyowal,
ri qui c'ax na'ic c'ut man xjamartaj.
12Rumal ri' quincoj k'ak' pa Teman,
are c'u we k'ak'
ri cusachisaj na qui wäch
tak ri nimak tak ja
ri e c'o pa Bosra.”
Ri e aj Amon
13 # 1.13-15 Ri e aj Amon: Jr 49.1-6; Ez 21.28-32; 25.1-7; Sof 2.8-11. Jewa' cubij ri Ajawaxel:
“Ri e aj Amon e q'ui tak ri etzelal
ri e qui banom
ri man quebenya' ta canok
chi ma ta chinc'äjisaj qui wäch;
xa' c'u rumal rech chi quebel ch'u'j
che u nimarisaxic u wäch ri culew,
xequipoch'ola' tak ri ixokib
ri e yawab tak winak
pa ri ulew re Galaad.
14Rumal ri' quincoj na k'ak'
chque ri nimak tak u tapia ri Raba,
are c'u we k'ak'
ri' cusachisaj qui wäch
tak ri nimak tak cachoch
querachilaj rakoj tak chi'aj re ch'o'j
xukuje' tininem quech u k'ijol cakulja.
15Are c'u ri rajawinel cac'am na bic
pa jun ulew chic,
junam quebe tak ri rachijab
cuc' ri e nimak tak qui k'ij.”
Cächa' ri Ajawaxel.
Currently Selected:
Ri Amos 1: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.