Zac 12
12
Ri rutzil ri Jehová pa ruwi' ri tinamit Jerusalem
1Ri Dios xuya' chik jun rutzijol chuwe, y jare' ri xubij: Yin Jehová ri xibanon ri kaj y ri ruwach'ulew. Ja yin ri yiya'on ruk'aslen ri wineq. 2Yin xtinben chi roma ri Jerusalem, konojel ri ruwach'ulew ri ek'o chunaqaj xtisach kik'u'x achi'el nikiben ri q'abarela'. Chupan ri q'ij ri' ri Jerusalem xtikisutij-rij, y chuqa' xkeq'ijux ri ch'aqa' chik tinamit richin Judá. 3Y xtinben chike ri ch'aqa' chik ruwach'ulew chi xtikipajk'ij kaqen chirij ri Jerusalem, achi'el xa ta chirij jun nimalej abej. Y konojel ri xtikajo' richin xkeyakatej chirij, yin chuqa' kan xkenwulaj k'a rije'.
4Chuqa' xtinben chike chi konojel kiej xtikixibij-ki', y xkench'ujirisaj ri achi'a' ri e ch'okol chikij. Kan xkenchajij k'a ri e aj pa rachoch ri Judá y xkenmoyirisaj konojel kiej kichin ri ch'aqa' chik ruwach'ulew. 5Y ri e aj-raqen ri ek'o pa kiwi' ri winaqi' aj-Judá xtikibij-qa pa taq kánima chi yin kan ink'o chikikojol ri ek'o pa Jerusalem, y chi yin ri yiya'on kuchuq'a'.
6Chupan k'a ri q'ij ri' xkik'oje' kik'in ri aj-raqen ri' richin xkekik'is konojel ri ajawaren ri ek'o chikinaqaj, achi'el xa ta racheq-q'aq' chukojol si', y achi'el xa ta q'aq' chikikojol boraj trigo. Jak'a ri aj-Jerusalem xkejike' ri akuchi ek'o-wi. 7Jak'a yin Jehová, kan xkenkol nabey ri ek'o pa Judá, richin keri' ri kiruwaq'ijaj ri winaqi' aj-Jerusalem y ri rajawaren kan ri David man xtikinimirisaj ta ki' pa kiwi' ri aj-Judá. 8Chupan ri q'ij ri' kan xkento' ri aj-Jerusalem ri maneq kuchuq'a', richin xtik'oje' kuchuq'a' achi'el xk'oje' rik'in ri David ojer kan. Y ri rajawaren kan xtik'oje' k'a uchuq'a' rik'in achi'el k'o wik'in yin, y achi'el xa ta ri nu-ángel. 9Chuqa' chupan ri q'ij ri', xkenk'is konojel ruwach'ulew ri xkeyakatej chirij ri Jerusalem.
Ri koq'ej ri aj-Israel
10Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual. 11Chupan ri q'ij ri' xtibanatej jun nimalej oq'ej pa Jerusalem, achi'el ri oq'ej ri xkiben ri winaqi' aj-Hadad-rimón ri pa taq'aj kojol juyu' richin Meguido. 12Chikijujunal ri winaqi' israelita xtikijiq' k'a oq'ej, y ri ixoqi' kiyon xke'oq'. Chuqa' xke'oq' ri e rijatzul kan ri David, ri Natán, 13ri Leví, ri Simei, y ri kixjayilal, 14y ri ch'aqa' chik aj-Israel keri' xtikiben.
Currently Selected:
Zac 12: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Zac 12
12
Ri rutzil ri Jehová pa ruwi' ri tinamit Jerusalem
1Ri Dios xuya' chik jun rutzijol chuwe, y jare' ri xubij: Yin Jehová ri xibanon ri kaj y ri ruwach'ulew. Ja yin ri yiya'on ruk'aslen ri wineq. 2Yin xtinben chi roma ri Jerusalem, konojel ri ruwach'ulew ri ek'o chunaqaj xtisach kik'u'x achi'el nikiben ri q'abarela'. Chupan ri q'ij ri' ri Jerusalem xtikisutij-rij, y chuqa' xkeq'ijux ri ch'aqa' chik tinamit richin Judá. 3Y xtinben chike ri ch'aqa' chik ruwach'ulew chi xtikipajk'ij kaqen chirij ri Jerusalem, achi'el xa ta chirij jun nimalej abej. Y konojel ri xtikajo' richin xkeyakatej chirij, yin chuqa' kan xkenwulaj k'a rije'.
4Chuqa' xtinben chike chi konojel kiej xtikixibij-ki', y xkench'ujirisaj ri achi'a' ri e ch'okol chikij. Kan xkenchajij k'a ri e aj pa rachoch ri Judá y xkenmoyirisaj konojel kiej kichin ri ch'aqa' chik ruwach'ulew. 5Y ri e aj-raqen ri ek'o pa kiwi' ri winaqi' aj-Judá xtikibij-qa pa taq kánima chi yin kan ink'o chikikojol ri ek'o pa Jerusalem, y chi yin ri yiya'on kuchuq'a'.
6Chupan k'a ri q'ij ri' xkik'oje' kik'in ri aj-raqen ri' richin xkekik'is konojel ri ajawaren ri ek'o chikinaqaj, achi'el xa ta racheq-q'aq' chukojol si', y achi'el xa ta q'aq' chikikojol boraj trigo. Jak'a ri aj-Jerusalem xkejike' ri akuchi ek'o-wi. 7Jak'a yin Jehová, kan xkenkol nabey ri ek'o pa Judá, richin keri' ri kiruwaq'ijaj ri winaqi' aj-Jerusalem y ri rajawaren kan ri David man xtikinimirisaj ta ki' pa kiwi' ri aj-Judá. 8Chupan ri q'ij ri' kan xkento' ri aj-Jerusalem ri maneq kuchuq'a', richin xtik'oje' kuchuq'a' achi'el xk'oje' rik'in ri David ojer kan. Y ri rajawaren kan xtik'oje' k'a uchuq'a' rik'in achi'el k'o wik'in yin, y achi'el xa ta ri nu-ángel. 9Chuqa' chupan ri q'ij ri', xkenk'is konojel ruwach'ulew ri xkeyakatej chirij ri Jerusalem.
Ri koq'ej ri aj-Israel
10Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual. 11Chupan ri q'ij ri' xtibanatej jun nimalej oq'ej pa Jerusalem, achi'el ri oq'ej ri xkiben ri winaqi' aj-Hadad-rimón ri pa taq'aj kojol juyu' richin Meguido. 12Chikijujunal ri winaqi' israelita xtikijiq' k'a oq'ej, y ri ixoqi' kiyon xke'oq'. Chuqa' xke'oq' ri e rijatzul kan ri David, ri Natán, 13ri Leví, ri Simei, y ri kixjayilal, 14y ri ch'aqa' chik aj-Israel keri' xtikiben.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.