Zac 10
10
Ri Jehová xtukol ri rutinamit
1Ri Jehová nubij: Tik'utuj k'a job pa ruq'ijul,
roma yin kan xtinya' k'a pe sutz' ri kik'uan job,
richin keri' xkeraxer ri q'ayis y ri tiko'n ri ek'o pa taq juyu'.
2Ri nikikuquba' kik'u'x kik'in wachibel xa kiyon rije' nikiq'ol-qa-ki'.
Y ri nikibananej chi ketaman ri peteneq chiwech
xa kan ruyon tz'ukun taq tzij ri yekibij.
Nikibij chi k'o xk'utumej chikiwech,
jak'a ri achik' ri' xa man jun nik'atzin-wi.
Ri kich'abel richin kuqubabel-k'u'x xa man jun rejqalen.
Roma ri' ri nuwinaq xkitalula-ki',
achi'el nikiben ri tzobaj karne'l ri maneq niyuq'un kichin.
3Roma ri' yin Jehová kan janila xyakatej woyowal chikij ri yuq'unela' ri'.
Kan xtinya' k'a rutojbalil-mak pa kiwi'.
Pa kik'exel rije', ja yin Jehová ri k'o ronojel uchuq'a' wik'in
ri xkiyuq'un kichin ri winaqi' aj-Judá,
y kan xtinben chike chi xtikina-ki' achi'el ri kiej ri janila kuchuq'a' richin yebe pa labal.
4Chikikojol k'a rije' xke'el-pe e k'iy aj-raqen,
ri xke'ok achi'el abej ri achoq pa ruwi' banon qa jun jay,
o achi'el simej che' ri nichapo richin ri jay ri banon rik'in tzieq,
o achi'el jun rute-ch'ab ri k'o ruchuq'a' ri nikusex pa labal.
5Konojel rije' kan e aj-labal ri man jun xibinri'il chikiwech,
y xkekixeq' k'a kan ri e etzelanel kichin,
achi'el xa ta nikipalibej ri xeq-ulew pa taq bey.
Kan xtikiben k'a labal roma yin kan ink'o chikikojol,
y kan xkekich'ek ri achi'a' ri yech'oke' chirij kiej.
6Roma yin Jehová kan xtinya' k'a kuchuq'a' ri aj-Judá,
y kan xkenkol ri aj-Israel.
Kan xtinben chike richin xketzolej chik chupan ri kiruwach'ulew,
roma kan ninjoyowaj kiwech.
Kan xtinben chike chi achi'el xa ta man jun bey xkijech'ej kan ki' wik'in,
roma ja yin Jehová ri ki-Dios,
y ninwak'axaj ri kich'owen ri nikiben wik'in.
7Ri aj-Israel kan xtik'oje' janila kuchuq'a' chupan ri labal.
Kan janila k'a xkekikot,
achi'el xa ta janila vino ye'ajin chuqumik.
Y toq xtikitz'et k'a ri kalk'ual chi yekikot,
rije' chuqa' kan xkekikot.
Kan junan xkekikot, roma ja yin Jehová.
8Toq yin Jehová xkenwoyoj rik'in xubanik,
rije' kan xtikimol-ki'.
Toq xkenkol, kan janila k'a xkewinaqir achi'el kibanon-pe ojer.
9Stape' yin kan xentaluj k'a el pa taq tinamit,
pa taq ruwach'ulew ri ek'o nej,
jak'a chiri' xkinoqaqa chikik'u'x
y k'o k'a jun q'ij xketzolej chik pe junan kik'in ri kalk'ual.
10Roma ja yin ri xkik'amo-pe kichin k'a kela' pa ruwach'ulew Egipto.
Xkenk'en-pe ri ek'o pan Asiria,
y xkenk'uaj k'a pa ruwach'ulew Galaad y pa Líbano.
Kan e janila chi winaqi', y kan man xkeruben ta k'a ri ruwach'ulew.
11Y toq xtikik'owisaj ri palou richin ruk'ayewal, yin xtinch'ey ri ruwi' ri ya' ri nibolqo't.
y kan xtinchaqirisaj k'a ri raqen-ya' Nilo.
Chuqa' xtinwulaj ri nimirisanenri'il ri k'o kik'in ri aj-Asiria,
y xtink'is ri ruchuq'a' ri ruwach'ulew Egipto.
12Yin kan xtinya' k'a kuchuq'a' ri nuwinaq aj-Israel,
y kan pa nubi' yin xkebiyin-wi, xcha' ri Jehová.
Currently Selected:
Zac 10: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Zac 10
10
Ri Jehová xtukol ri rutinamit
1Ri Jehová nubij: Tik'utuj k'a job pa ruq'ijul,
roma yin kan xtinya' k'a pe sutz' ri kik'uan job,
richin keri' xkeraxer ri q'ayis y ri tiko'n ri ek'o pa taq juyu'.
2Ri nikikuquba' kik'u'x kik'in wachibel xa kiyon rije' nikiq'ol-qa-ki'.
Y ri nikibananej chi ketaman ri peteneq chiwech
xa kan ruyon tz'ukun taq tzij ri yekibij.
Nikibij chi k'o xk'utumej chikiwech,
jak'a ri achik' ri' xa man jun nik'atzin-wi.
Ri kich'abel richin kuqubabel-k'u'x xa man jun rejqalen.
Roma ri' ri nuwinaq xkitalula-ki',
achi'el nikiben ri tzobaj karne'l ri maneq niyuq'un kichin.
3Roma ri' yin Jehová kan janila xyakatej woyowal chikij ri yuq'unela' ri'.
Kan xtinya' k'a rutojbalil-mak pa kiwi'.
Pa kik'exel rije', ja yin Jehová ri k'o ronojel uchuq'a' wik'in
ri xkiyuq'un kichin ri winaqi' aj-Judá,
y kan xtinben chike chi xtikina-ki' achi'el ri kiej ri janila kuchuq'a' richin yebe pa labal.
4Chikikojol k'a rije' xke'el-pe e k'iy aj-raqen,
ri xke'ok achi'el abej ri achoq pa ruwi' banon qa jun jay,
o achi'el simej che' ri nichapo richin ri jay ri banon rik'in tzieq,
o achi'el jun rute-ch'ab ri k'o ruchuq'a' ri nikusex pa labal.
5Konojel rije' kan e aj-labal ri man jun xibinri'il chikiwech,
y xkekixeq' k'a kan ri e etzelanel kichin,
achi'el xa ta nikipalibej ri xeq-ulew pa taq bey.
Kan xtikiben k'a labal roma yin kan ink'o chikikojol,
y kan xkekich'ek ri achi'a' ri yech'oke' chirij kiej.
6Roma yin Jehová kan xtinya' k'a kuchuq'a' ri aj-Judá,
y kan xkenkol ri aj-Israel.
Kan xtinben chike richin xketzolej chik chupan ri kiruwach'ulew,
roma kan ninjoyowaj kiwech.
Kan xtinben chike chi achi'el xa ta man jun bey xkijech'ej kan ki' wik'in,
roma ja yin Jehová ri ki-Dios,
y ninwak'axaj ri kich'owen ri nikiben wik'in.
7Ri aj-Israel kan xtik'oje' janila kuchuq'a' chupan ri labal.
Kan janila k'a xkekikot,
achi'el xa ta janila vino ye'ajin chuqumik.
Y toq xtikitz'et k'a ri kalk'ual chi yekikot,
rije' chuqa' kan xkekikot.
Kan junan xkekikot, roma ja yin Jehová.
8Toq yin Jehová xkenwoyoj rik'in xubanik,
rije' kan xtikimol-ki'.
Toq xkenkol, kan janila k'a xkewinaqir achi'el kibanon-pe ojer.
9Stape' yin kan xentaluj k'a el pa taq tinamit,
pa taq ruwach'ulew ri ek'o nej,
jak'a chiri' xkinoqaqa chikik'u'x
y k'o k'a jun q'ij xketzolej chik pe junan kik'in ri kalk'ual.
10Roma ja yin ri xkik'amo-pe kichin k'a kela' pa ruwach'ulew Egipto.
Xkenk'en-pe ri ek'o pan Asiria,
y xkenk'uaj k'a pa ruwach'ulew Galaad y pa Líbano.
Kan e janila chi winaqi', y kan man xkeruben ta k'a ri ruwach'ulew.
11Y toq xtikik'owisaj ri palou richin ruk'ayewal, yin xtinch'ey ri ruwi' ri ya' ri nibolqo't.
y kan xtinchaqirisaj k'a ri raqen-ya' Nilo.
Chuqa' xtinwulaj ri nimirisanenri'il ri k'o kik'in ri aj-Asiria,
y xtink'is ri ruchuq'a' ri ruwach'ulew Egipto.
12Yin kan xtinya' k'a kuchuq'a' ri nuwinaq aj-Israel,
y kan pa nubi' yin xkebiyin-wi, xcha' ri Jehová.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.