Sal 78
78
Ri rutzil ri Dios pa ruwi' ri rutinamit*f76*
1Nutinamit yin, tiwak'axaj k'a ri nutijonik,
kan tiya' k'a ixikin chire ri nuch'abel.
2Kan xkich'on k'a rik'in etamabel-tzij,
xtinq'alajirisaj ri kan e ewatel-pe ojer.
3Re' kan qak'axan k'a y kan q'axineq chiqawech,
y kan ja ri qati't-qamama' ri e tzijoyon kan chiqe.
4Man xtiqewaj ta k'a chikiwech ri qalk'ual
xa kan xtiqatzijoj chike ri sol winaqi' ri e peteneq,
ronojel ri xuben ri Jehová y ri nimalej ruchuq'a',
keri' chuqa' ri meyel taq banobel ri xuben kik'in.
5Rija' xuya' pixa' chiqe roj ri oj rijatzul kan ri Jacob.
Ri rupixa' kan xuya' k'a chiqe roj qonojel.
Y xubij k'a chike ri qate-qatata' chi tikik'utu' chikiwech ri kalk'ual,
6richin chi ri sol winaqi' ri xkepe, niketamaj,
y xtikitzijoj chik chike ri kalk'ual rije'.
Y ri kalk'ual chik re winaqi' re' kan xtikitzijoj chik chike ri kalk'ual rije'.
7Ronojel re' nik'atzin richin chi rik'in ri Dios tikikuquba-wi kik'u'x,
y richin chi man tikimestaj ronojel ri meyel taq banobel ri xuben kik'in,
y kan tikiyaka' ri pixa' ri xuya' chike.
8Richin keri' man tikiben achi'el ri xkiben ri kite-kitata' rije',
ri xa kan xaxe ri yakatajinenri'il ri xkiben y man ja ta ri xubij ri Dios chike.
Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.
9Ri tzobaj richin ri Efraín, kan e aj-ch'ab-wi,
jak'a xa xe'animej-pe chupan ri q'ij richin oyowal.
10Kan man xkiyek ta k'a pa kánima ri jikibel-tzij ri xuben ri Dios kik'in.
Y man xkajo' ta k'a xebiyin achi'el ri nubij ri rupixa'.
11Xa kan xkimestaj k'a ronojel ri xuben kik'in.
Xkimestaj ri meyel taq banobel ri xuk'ut chikiwech.
12Re meyel taq banobel re' kan xuben k'a chikiwech ri ojer qati't-qamama'
chupan k'a ri ruwach'ulew Egipto, ri chiri' pa tinamit Soan.
13Ri Dios kan xuch'er k'a ri palou y xeruq'axaj chupan.
Xuq'et k'a ri ya', y kan achi'el tz'aq xuben chire.
14Ri paq'ij xeruyuqej rik'in jun sutz' pa'el chikaj.
Y ri chi'aq'a' rik'in jun ruxaq-q'aq' pa'el chikaj.
15Xupaxij k'a ri abej pa tz'iran ruwach'ulew,
y xuya' k'a kiya' pa ruk'iyal, richin xkiqum konojel.
16Kan chupan k'a ri abej xbebiyin-wi-pe ri ya',
y ri ya' ri' kan achi'el k'a raqen taq ya' xuben chike.
17Man rik'in ri' kan xemakun chik k'a,
kan xeyakatej k'a chirij ri nimalej Dios chiri' pa tz'iran ruwach'ulew.
18Jantape' k'a xkitejtobej ri Dios,
richin xkik'utuj q'utun ri xkajo' rije'.
19Xech'on chirij ri Dios y xkibij:
¿Nitikir kami ri Dios nuya' qaq'utun wawe' pa tz'iran ruwach'ulew?
20qitzij wi chi rija' xupaxij ri abej;
chi xuben chi xbebulbu'x-pe ya' y xmu'e' ri ruwach'ulew rik'in ri ya' ri'.
Jak'a ¿kan nitikir kami nuya' chuqa' qaway?
¿Kan nitikir kami nuya' ti'ij chiqe roj ri oj rutinamit?, xecha'.
21Y ronojel re' kan xrak'axaj k'a ri Jehová y xpe royowal;
rija' kan xuya' k'a pe q'aq' pa kiwi' ri e rijatzul kan ri Jacob
kan janila k'a xnimer ri royowal chikij ri israelita.
22Kere' k'a xuben ri Dios roma kan man xkinimaj ta,
y man xkikuquba' ta k'a kik'u'x rik'in ri rukolotajik.
23Man rik'in ri', ri Dios kan xch'on k'a chike ri sutz' chila' chikaj,
richin kan chi'anin k'a xjaqatej ruchi' ri kaj.
24Y xuben k'a chi ri aj-chikajil-wey xqaqa-pe pa kiwi' rije' richin xkitej
Kan ja ri trigo aj-chikajil ri xuya-pe chike.
25Kan ja ri kiway ri aj-chikajil ri xkitej ri winaqi' ri';
kan pa ruk'iyal k'a ri xuteq-pe richin jebel xnoj kipan.
26Xujel rubey ri kaq'iq' ri peteneq pa relebel-q'ij,
y xuben chi pa xokon xpe-wi.
27Xuben chi xqaqa pa kiwi' rije', janila aj-xik' taq chikopi' achi'el ri poqolaj,
kan pa ruk'iyal k'a xuya' chike, kan achi'el ri sanayi' ri ek'o chuchi' ri palou.
28Xuben chike re aj-xik' taq chikopi' re', chi xeqaqa akuchi kimolon-wi-ki' ri israelita.
Kan xkisutij k'a kij ri kachoch ri banon rik'in tzieq.
29Ri winaqi' ri' kan xewa-xe'uk'ya' k'a y kan jebel xnoj kipan;
roma ri Dios xuya' chike ri kirayibel rije'.
30Jak'a kan k'a man jani kekolaj,
y k'a yetajin na k'a chutijik ri xkik'utuj,
31jari' toq xqaqa k'a pa kiwi' ri royowal ri Dios.
Xuben chi xeken k'a ri más jebel kuchuq'a' chikikojol rije'.
Kan xeruk'is k'a ri e cha'on chikikojol ri israelita.
32Man rik'in ri', xa xemakun chik;
stape' xuben meyel taq banobel chikikojol, man xkikuquba' ta kik'u'x rik'in.
33Roma ri' xuben chire ri kik'aslen chi xk'is achi'el nik'is-el ri kaq'iq',
xuben chike chi ri juna' ri xek'ase-el, rik'in ruk'ayewal xkik'owisaj.
34Toq nikitz'et chi k'o winaqi' nelesex-el ri kik'aslen,
k'ari' nitzolej kik'u'x rik'in rija',
k'ari' rik'in ronojel kánima nikikanoj ri Dios richin yeruto'.
35K'ari' noqaqa chikik'u'x chi ja ri Dios ri kitobal,
chuqa' noqaqa chikik'u'x chi ja ri nimalej Dios koloyon kichin.
36Jak'a xa man qitzij ta ri kich'abel ri nikibij chire,
xa kan ruyon k'a q'oloj nikibij.
37Roma ri kánima xa man choj ta chuwech rija',
ni man xkitaqej ta ri kich'abel.
38Man rik'in ri' ri Dios kan nujoyowaj kiwech,
kan nukuy k'a ri kimak y kan man yeruk'is ta;
k'iy k'a mul xuq'et ri royowal y kan man xuya' ta pe pa kiwi'.
39Roma kan xoqaqa k'a chuk'u'x chi rije' xa e relik winaqi',
xa e achi'el jun uxla' ri xbe y man nitzolin ta chik pe.
40¡Kan janipe' na k'a mul xeyakatej chirij chiri' pa tz'iran ruwach'ulew!
Kan xkiya' k'a q'axo'n rik'in chupan ri ruwach'ulew ri'.
41Kan jantape' k'a xkiyoq'oya' ri Dios
beneq ruwech xkiyek royowal ri loq'olej qa-Dios.
42Man xoqaqa ta k'a chikik'u'x ri ruq'a' ri ruya'on pa kiwi',
ri q'ij toq xerukol-pe chupan ri ximonri'il.
43Xa xkimestaj ri meyel taq banobel ri xuben pa ruwach'ulew Egipto,
man xoqaqa ta chikik'u'x ri meyel taq banobel ri xeruben ri chiri' pa Soan.
44Xuben chi ri raqen taq ya' richin Egipto xe'ok kik',
richin chi ri winaqi' man xetikir ta chik xkiqum.
45Xuteq k'a pe pa taq tzobaj amolo' chikikojol rije' richin chi xekik'is,
chuqa' xuben chi xek'iyer-pe xkalet richin chi xuyoj ri kiruwach'ulew.
46Xuben chi ri jut xkik'is ri kitiko'n
kan ronojel k'a ri ruwech ri kitiko'n xuya' chike ri sak'.
47Ronojel ri kitiko'n richin uva kan xuk'is k'a rik'in saqboch,
keri' chuqa' xuk'is ri kitiko'n richin wíkix rik'in ri chuma-tew.
48Ronojel ri kawej xerujech pa ruq'a' ri saqboch,
kan xerujech k'a chuqa' pa ruq'a' ri koyopa'.
49Xuya' pa kiwi' rije' ri rukiy ri royowal,
kan janila k'a ruk'ayewal ri xuya' pa kiwi';
jalajoj k'a ruwech ruk'ayewal ri xuteq-pe.
50Kan xuya' ronojel ri royowal pa kiwi';
kan man xujoyowaj ta k'a kiwech,
xa kan xerujech pa ruq'a' ri kamik.
51Xuben k'a chi xeken konojel ri nabey taq al alaboni' chiri' pan Egipto,
ri nabey taq uchuq'a' kichin ri e rijatzul kan ri Cam.
52K'ari' xerelesaj-pe ri qawinaq chikikojol ri aj-Egipto;
Xeruyuqej-pe pa tz'iran ruwach'ulew achi'el jun q'ataj karne'l.
53Xeruyuqej k'a rik'in kuqubabel-k'u'x richin chi man xkixibij ta ki';
y ri palou kan xerumuq k'a kan ri e etzelanel kichin.
54Rija' xeruk'en-pe chupan ri ruwach'ulew ri kan ruch'aron chik chike,
xeruk'en-pe pa ruwi' re juyu' re' ri xuch'ek rik'in ri ruchuq'a'.
55Kan xerelesaj k'a el ri winaqi' aj chiri' ri man nikitzeqelibej ta rija'.
Xuch'er k'a ri kiruwach'ulew, chikiwech ri qati't-qamama',
richin chi ri kalk'ual nikichinaj kan, chikijujunal rik'in ri kitzobaj.
56Jak'a rije' xa jantape' xkitejtobej y xkiyek royowal ri nimalej Dios,
y man xkiben ta ri nubij ri rupixa' ri ruya'on chike.
57Rije' xa xkimalij kan ri Dios,
xa xkipaba-ki' chuwech achi'el xkiben ri kite-kitata' rije'.
Xa xkiben achi'el jun rute-ch'ab ri kotokik chik.
58Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'.
Xkiyek k'a royowal roma xkiya' ruq'ij ri wachibel e toch'on.
59Toq ri Dios xutz'et ronojel re', kan janila k'a xpe royowal,
roma ri' kan xeretzelaj k'a konojel ri qawinaq.
60Xumalij k'a kan ri rachoch banon rik'in tzieq, ri paban-q'anej pa Siló,
ri jay ri akuchi xk'oje' rija', chikikojol ri qawinaq.
61Xuya' k'a q'ij chi xuk'uex-el ri káxa richin ri jikibel-tzij.
Xujech k'a pa kiq'a' ri e etzelanel qichin.
62Xuya' q'ij chi ri qati't-qamama' xekamisex chi espada,
kan janila k'a royowal xpe chikij rije'.
63Ri q'aq' kan xeruk'is k'a konojel ri alaboni';
roma ri' ri xtani' man xbixex ta chik ri bix richin k'ulubik chikij.
64Ri e sacerdote chuqa' kan xekamisex k'a chi espada.
y ri malka'n taq ixoqi' man xya'ox ta q'ij chike richin xekoq'ej ta.
65Chirij ri' ri ajaw xyakatej achi'el toq niyakatej jun wineq chire ri ruwaran,
achi'el jun ri maneq xibinri'il chuwech ri kan kow nuna-ri' roma ruqumun k'iy vino.
66Xuben k'a chi xech'akatej ri e etzelanel kichin y xe'animej.
Kan xerunojisaj rik'in k'ix richin jantape'.
67Ri Dios xerixowaj ri e rijatzul ri José;
man xrajo' ta k'a ri ruwach'ulew Efraín.*f77*
68Kan jak'a ri tzobaj richin ri Judá ri xucha';
kan ja ri juyu' Sión ri janila xrajo'.
69Chiri' k'a xupaba' chik q'anej ri rachoch, achi'el ri k'o chila' chikaj;
kan xujikiba' k'a richin q'asen, achi'el jikil ri ruwach'ulew.
70Jak'a ri David ri xucha' richin xok rusamajel.
Kan xrelesaj k'a pe chikikojol ri q'ataj karne'l.
71Chupan ri yuq'unik xrelesaj-wi-pe richin chi xeruyuq'uj ri qawinaq,
richin chi xok kiyuq'unel ri israelita.
72Keri', kan xeruyuq'uj k'a rik'in ruch'ajch'ojil ránima;
xeruyuq'uj k'a rik'in janila etamabel.
Currently Selected:
Sal 78: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Sal 78
78
Ri rutzil ri Dios pa ruwi' ri rutinamit*f76*
1Nutinamit yin, tiwak'axaj k'a ri nutijonik,
kan tiya' k'a ixikin chire ri nuch'abel.
2Kan xkich'on k'a rik'in etamabel-tzij,
xtinq'alajirisaj ri kan e ewatel-pe ojer.
3Re' kan qak'axan k'a y kan q'axineq chiqawech,
y kan ja ri qati't-qamama' ri e tzijoyon kan chiqe.
4Man xtiqewaj ta k'a chikiwech ri qalk'ual
xa kan xtiqatzijoj chike ri sol winaqi' ri e peteneq,
ronojel ri xuben ri Jehová y ri nimalej ruchuq'a',
keri' chuqa' ri meyel taq banobel ri xuben kik'in.
5Rija' xuya' pixa' chiqe roj ri oj rijatzul kan ri Jacob.
Ri rupixa' kan xuya' k'a chiqe roj qonojel.
Y xubij k'a chike ri qate-qatata' chi tikik'utu' chikiwech ri kalk'ual,
6richin chi ri sol winaqi' ri xkepe, niketamaj,
y xtikitzijoj chik chike ri kalk'ual rije'.
Y ri kalk'ual chik re winaqi' re' kan xtikitzijoj chik chike ri kalk'ual rije'.
7Ronojel re' nik'atzin richin chi rik'in ri Dios tikikuquba-wi kik'u'x,
y richin chi man tikimestaj ronojel ri meyel taq banobel ri xuben kik'in,
y kan tikiyaka' ri pixa' ri xuya' chike.
8Richin keri' man tikiben achi'el ri xkiben ri kite-kitata' rije',
ri xa kan xaxe ri yakatajinenri'il ri xkiben y man ja ta ri xubij ri Dios chike.
Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.
9Ri tzobaj richin ri Efraín, kan e aj-ch'ab-wi,
jak'a xa xe'animej-pe chupan ri q'ij richin oyowal.
10Kan man xkiyek ta k'a pa kánima ri jikibel-tzij ri xuben ri Dios kik'in.
Y man xkajo' ta k'a xebiyin achi'el ri nubij ri rupixa'.
11Xa kan xkimestaj k'a ronojel ri xuben kik'in.
Xkimestaj ri meyel taq banobel ri xuk'ut chikiwech.
12Re meyel taq banobel re' kan xuben k'a chikiwech ri ojer qati't-qamama'
chupan k'a ri ruwach'ulew Egipto, ri chiri' pa tinamit Soan.
13Ri Dios kan xuch'er k'a ri palou y xeruq'axaj chupan.
Xuq'et k'a ri ya', y kan achi'el tz'aq xuben chire.
14Ri paq'ij xeruyuqej rik'in jun sutz' pa'el chikaj.
Y ri chi'aq'a' rik'in jun ruxaq-q'aq' pa'el chikaj.
15Xupaxij k'a ri abej pa tz'iran ruwach'ulew,
y xuya' k'a kiya' pa ruk'iyal, richin xkiqum konojel.
16Kan chupan k'a ri abej xbebiyin-wi-pe ri ya',
y ri ya' ri' kan achi'el k'a raqen taq ya' xuben chike.
17Man rik'in ri' kan xemakun chik k'a,
kan xeyakatej k'a chirij ri nimalej Dios chiri' pa tz'iran ruwach'ulew.
18Jantape' k'a xkitejtobej ri Dios,
richin xkik'utuj q'utun ri xkajo' rije'.
19Xech'on chirij ri Dios y xkibij:
¿Nitikir kami ri Dios nuya' qaq'utun wawe' pa tz'iran ruwach'ulew?
20qitzij wi chi rija' xupaxij ri abej;
chi xuben chi xbebulbu'x-pe ya' y xmu'e' ri ruwach'ulew rik'in ri ya' ri'.
Jak'a ¿kan nitikir kami nuya' chuqa' qaway?
¿Kan nitikir kami nuya' ti'ij chiqe roj ri oj rutinamit?, xecha'.
21Y ronojel re' kan xrak'axaj k'a ri Jehová y xpe royowal;
rija' kan xuya' k'a pe q'aq' pa kiwi' ri e rijatzul kan ri Jacob
kan janila k'a xnimer ri royowal chikij ri israelita.
22Kere' k'a xuben ri Dios roma kan man xkinimaj ta,
y man xkikuquba' ta k'a kik'u'x rik'in ri rukolotajik.
23Man rik'in ri', ri Dios kan xch'on k'a chike ri sutz' chila' chikaj,
richin kan chi'anin k'a xjaqatej ruchi' ri kaj.
24Y xuben k'a chi ri aj-chikajil-wey xqaqa-pe pa kiwi' rije' richin xkitej
Kan ja ri trigo aj-chikajil ri xuya-pe chike.
25Kan ja ri kiway ri aj-chikajil ri xkitej ri winaqi' ri';
kan pa ruk'iyal k'a ri xuteq-pe richin jebel xnoj kipan.
26Xujel rubey ri kaq'iq' ri peteneq pa relebel-q'ij,
y xuben chi pa xokon xpe-wi.
27Xuben chi xqaqa pa kiwi' rije', janila aj-xik' taq chikopi' achi'el ri poqolaj,
kan pa ruk'iyal k'a xuya' chike, kan achi'el ri sanayi' ri ek'o chuchi' ri palou.
28Xuben chike re aj-xik' taq chikopi' re', chi xeqaqa akuchi kimolon-wi-ki' ri israelita.
Kan xkisutij k'a kij ri kachoch ri banon rik'in tzieq.
29Ri winaqi' ri' kan xewa-xe'uk'ya' k'a y kan jebel xnoj kipan;
roma ri Dios xuya' chike ri kirayibel rije'.
30Jak'a kan k'a man jani kekolaj,
y k'a yetajin na k'a chutijik ri xkik'utuj,
31jari' toq xqaqa k'a pa kiwi' ri royowal ri Dios.
Xuben chi xeken k'a ri más jebel kuchuq'a' chikikojol rije'.
Kan xeruk'is k'a ri e cha'on chikikojol ri israelita.
32Man rik'in ri', xa xemakun chik;
stape' xuben meyel taq banobel chikikojol, man xkikuquba' ta kik'u'x rik'in.
33Roma ri' xuben chire ri kik'aslen chi xk'is achi'el nik'is-el ri kaq'iq',
xuben chike chi ri juna' ri xek'ase-el, rik'in ruk'ayewal xkik'owisaj.
34Toq nikitz'et chi k'o winaqi' nelesex-el ri kik'aslen,
k'ari' nitzolej kik'u'x rik'in rija',
k'ari' rik'in ronojel kánima nikikanoj ri Dios richin yeruto'.
35K'ari' noqaqa chikik'u'x chi ja ri Dios ri kitobal,
chuqa' noqaqa chikik'u'x chi ja ri nimalej Dios koloyon kichin.
36Jak'a xa man qitzij ta ri kich'abel ri nikibij chire,
xa kan ruyon k'a q'oloj nikibij.
37Roma ri kánima xa man choj ta chuwech rija',
ni man xkitaqej ta ri kich'abel.
38Man rik'in ri' ri Dios kan nujoyowaj kiwech,
kan nukuy k'a ri kimak y kan man yeruk'is ta;
k'iy k'a mul xuq'et ri royowal y kan man xuya' ta pe pa kiwi'.
39Roma kan xoqaqa k'a chuk'u'x chi rije' xa e relik winaqi',
xa e achi'el jun uxla' ri xbe y man nitzolin ta chik pe.
40¡Kan janipe' na k'a mul xeyakatej chirij chiri' pa tz'iran ruwach'ulew!
Kan xkiya' k'a q'axo'n rik'in chupan ri ruwach'ulew ri'.
41Kan jantape' k'a xkiyoq'oya' ri Dios
beneq ruwech xkiyek royowal ri loq'olej qa-Dios.
42Man xoqaqa ta k'a chikik'u'x ri ruq'a' ri ruya'on pa kiwi',
ri q'ij toq xerukol-pe chupan ri ximonri'il.
43Xa xkimestaj ri meyel taq banobel ri xuben pa ruwach'ulew Egipto,
man xoqaqa ta chikik'u'x ri meyel taq banobel ri xeruben ri chiri' pa Soan.
44Xuben chi ri raqen taq ya' richin Egipto xe'ok kik',
richin chi ri winaqi' man xetikir ta chik xkiqum.
45Xuteq k'a pe pa taq tzobaj amolo' chikikojol rije' richin chi xekik'is,
chuqa' xuben chi xek'iyer-pe xkalet richin chi xuyoj ri kiruwach'ulew.
46Xuben chi ri jut xkik'is ri kitiko'n
kan ronojel k'a ri ruwech ri kitiko'n xuya' chike ri sak'.
47Ronojel ri kitiko'n richin uva kan xuk'is k'a rik'in saqboch,
keri' chuqa' xuk'is ri kitiko'n richin wíkix rik'in ri chuma-tew.
48Ronojel ri kawej xerujech pa ruq'a' ri saqboch,
kan xerujech k'a chuqa' pa ruq'a' ri koyopa'.
49Xuya' pa kiwi' rije' ri rukiy ri royowal,
kan janila k'a ruk'ayewal ri xuya' pa kiwi';
jalajoj k'a ruwech ruk'ayewal ri xuteq-pe.
50Kan xuya' ronojel ri royowal pa kiwi';
kan man xujoyowaj ta k'a kiwech,
xa kan xerujech pa ruq'a' ri kamik.
51Xuben k'a chi xeken konojel ri nabey taq al alaboni' chiri' pan Egipto,
ri nabey taq uchuq'a' kichin ri e rijatzul kan ri Cam.
52K'ari' xerelesaj-pe ri qawinaq chikikojol ri aj-Egipto;
Xeruyuqej-pe pa tz'iran ruwach'ulew achi'el jun q'ataj karne'l.
53Xeruyuqej k'a rik'in kuqubabel-k'u'x richin chi man xkixibij ta ki';
y ri palou kan xerumuq k'a kan ri e etzelanel kichin.
54Rija' xeruk'en-pe chupan ri ruwach'ulew ri kan ruch'aron chik chike,
xeruk'en-pe pa ruwi' re juyu' re' ri xuch'ek rik'in ri ruchuq'a'.
55Kan xerelesaj k'a el ri winaqi' aj chiri' ri man nikitzeqelibej ta rija'.
Xuch'er k'a ri kiruwach'ulew, chikiwech ri qati't-qamama',
richin chi ri kalk'ual nikichinaj kan, chikijujunal rik'in ri kitzobaj.
56Jak'a rije' xa jantape' xkitejtobej y xkiyek royowal ri nimalej Dios,
y man xkiben ta ri nubij ri rupixa' ri ruya'on chike.
57Rije' xa xkimalij kan ri Dios,
xa xkipaba-ki' chuwech achi'el xkiben ri kite-kitata' rije'.
Xa xkiben achi'el jun rute-ch'ab ri kotokik chik.
58Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'.
Xkiyek k'a royowal roma xkiya' ruq'ij ri wachibel e toch'on.
59Toq ri Dios xutz'et ronojel re', kan janila k'a xpe royowal,
roma ri' kan xeretzelaj k'a konojel ri qawinaq.
60Xumalij k'a kan ri rachoch banon rik'in tzieq, ri paban-q'anej pa Siló,
ri jay ri akuchi xk'oje' rija', chikikojol ri qawinaq.
61Xuya' k'a q'ij chi xuk'uex-el ri káxa richin ri jikibel-tzij.
Xujech k'a pa kiq'a' ri e etzelanel qichin.
62Xuya' q'ij chi ri qati't-qamama' xekamisex chi espada,
kan janila k'a royowal xpe chikij rije'.
63Ri q'aq' kan xeruk'is k'a konojel ri alaboni';
roma ri' ri xtani' man xbixex ta chik ri bix richin k'ulubik chikij.
64Ri e sacerdote chuqa' kan xekamisex k'a chi espada.
y ri malka'n taq ixoqi' man xya'ox ta q'ij chike richin xekoq'ej ta.
65Chirij ri' ri ajaw xyakatej achi'el toq niyakatej jun wineq chire ri ruwaran,
achi'el jun ri maneq xibinri'il chuwech ri kan kow nuna-ri' roma ruqumun k'iy vino.
66Xuben k'a chi xech'akatej ri e etzelanel kichin y xe'animej.
Kan xerunojisaj rik'in k'ix richin jantape'.
67Ri Dios xerixowaj ri e rijatzul ri José;
man xrajo' ta k'a ri ruwach'ulew Efraín.*f77*
68Kan jak'a ri tzobaj richin ri Judá ri xucha';
kan ja ri juyu' Sión ri janila xrajo'.
69Chiri' k'a xupaba' chik q'anej ri rachoch, achi'el ri k'o chila' chikaj;
kan xujikiba' k'a richin q'asen, achi'el jikil ri ruwach'ulew.
70Jak'a ri David ri xucha' richin xok rusamajel.
Kan xrelesaj k'a pe chikikojol ri q'ataj karne'l.
71Chupan ri yuq'unik xrelesaj-wi-pe richin chi xeruyuq'uj ri qawinaq,
richin chi xok kiyuq'unel ri israelita.
72Keri', kan xeruyuq'uj k'a rik'in ruch'ajch'ojil ránima;
xeruyuq'uj k'a rik'in janila etamabel.
Kaqchikel Bible © Bible Society in Guatemala, 2003.