Sal 40
40
Bix richin kolotajik*f39*
1Yin xinwoyobej rik'in koch'onik ri Jehová.
Y rija' kan xrak'axaj ri nuch'owen.
2Jari' k'a toq xirelesaj chupan ri jul richin ri q'axo'n.
Xirukol chupan ri puq'upik ch'abeq.
Xiruya' pa ruwi' jun abej richin chi chiri' man jun nink'uluwachij,
y xuya' k'a el wuchuq'a'.
3Rija' xuk'ut jun k'ak'a' bix chinuwech,
jun bix richin ninya' ruq'ij rija'.
Re' kan xtikitz'et k'a e k'iy, y xtikixibij-ki',
y kan xtikikuquba' kik'u'x rik'in ri Jehová.
4Jebel ruwa-ruq'ij ri wineq ri nukuquba' ruk'u'x awik'in rat Jehová,
y man nukuquba' ta ruk'u'x kik'in winaqi' ri kinimirisan-ki',
ni man nutzeqelibej ta ch'aqa' chik dios.
5Kan janila k'a k'iy ri meyel taq abanobal.
Ri ach'obonik pa qawi' roj kan k'iy-wi.
Kan man jun k'a achoq ik'in ta xkitikir xkatinjunamaj-wi.
Yin man yitikir ta nintzijoj ronojel re', roma janila k'iy.
6Rat kan man yakikot ta k'a rik'in ri jalajoj kiwech sipanik.
Man ak'utun ta ri chikop ri niporox jumul, ni ta ri kamelabel richin kuyubel-mak.
Pa ruk'exel re', xaben chuwe richin xinwak'axaj ri ach'abel.
7Roma ri' xinbij: Jare' ink'o nu-Dios richin yatinsamajij,
kan achi'el ri tz'ibatel chuwij chupan ri wuj.
8Yin kan niqa' chinuwech richin niben ri arayibel rat nu-Dios yin.
Ri apixa' kan nuyakon k'a pa wánima.
9Toq ninya' aq'ij, ninq'alajirisaj k'a chikiwech konojel winaqi' chi rat yinakol.
Rat awetaman Jehová chi yin man xinq'et ta wi' richin xinq'alajirisaj re'.
10Kan man xinya' ta kan re' xaxe ta wichin yin,
jak'a xinwelesaj rutzijol chi rat yojakol y man yojamalij ta kan.
Man jun bey k'a xinwewaj chikiwech ri winaqi' ri qitzijri'il y ri awajowabal ri man k'isel ta.
11Jehová, tabana' utzil man naq'et ri awutzil pa nuwi' yin.
Man yinamalij kan, y ri awajowabal chuwe kan man ta xtik'is.
12Roma janila ruk'ayewal ri nuk'uluwachin kan man yitikir ta ninwajlaj.
Ri numak kan xiruq'i' yan, y roma ri' kan man yitikir ta chik yitzu'un.
Kan más k'a xek'iyer ke chuwech ri rusumal-nuwi', y kan janila xinmalij-qa nuk'u'x.
13Jehová, tabana' utzil kinakolo'.
Tabana' utzil kinato' chi'anin.
14Ek'o yekanon richin nikelesaj ri nuk'aslen.
Roma ri' rat xtaben chike chi xkek'ixbitej y xtisach kik'u'x,
Chuqa' ek'o yekanon richin niqaqa itzel chuwij.
Roma ri' xtikitzolij ta k'a ki' chikij y xkek'ixbitej ta k'a.
15Rije' kan janila yetze'en, y yesik'in chuwij.
Tabana' chike chi xke'animej ta k'a roma k'ix.
16Jak'a ri yekanon awichin, kan kekikot y kenimaq'ijun awik'in rat.
Y konojel ri yematioxin roma ri kolotajik kan jantape' xtikinimirisaj ri abi'.
17Jak'a yin k'a ink'o na pa q'axo'n,
y kan k'a k'o na ri nik'atzin chuwe.
Ninwoyobej chi rat nawak'axaj ri nuch'owen.
Ja rat at nuto'onel y nukolonel, nu-Dios yin.
Y roma ri' kinato' chi'anin.
Currently Selected:
Sal 40: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Sal 40
40
Bix richin kolotajik*f39*
1Yin xinwoyobej rik'in koch'onik ri Jehová.
Y rija' kan xrak'axaj ri nuch'owen.
2Jari' k'a toq xirelesaj chupan ri jul richin ri q'axo'n.
Xirukol chupan ri puq'upik ch'abeq.
Xiruya' pa ruwi' jun abej richin chi chiri' man jun nink'uluwachij,
y xuya' k'a el wuchuq'a'.
3Rija' xuk'ut jun k'ak'a' bix chinuwech,
jun bix richin ninya' ruq'ij rija'.
Re' kan xtikitz'et k'a e k'iy, y xtikixibij-ki',
y kan xtikikuquba' kik'u'x rik'in ri Jehová.
4Jebel ruwa-ruq'ij ri wineq ri nukuquba' ruk'u'x awik'in rat Jehová,
y man nukuquba' ta ruk'u'x kik'in winaqi' ri kinimirisan-ki',
ni man nutzeqelibej ta ch'aqa' chik dios.
5Kan janila k'a k'iy ri meyel taq abanobal.
Ri ach'obonik pa qawi' roj kan k'iy-wi.
Kan man jun k'a achoq ik'in ta xkitikir xkatinjunamaj-wi.
Yin man yitikir ta nintzijoj ronojel re', roma janila k'iy.
6Rat kan man yakikot ta k'a rik'in ri jalajoj kiwech sipanik.
Man ak'utun ta ri chikop ri niporox jumul, ni ta ri kamelabel richin kuyubel-mak.
Pa ruk'exel re', xaben chuwe richin xinwak'axaj ri ach'abel.
7Roma ri' xinbij: Jare' ink'o nu-Dios richin yatinsamajij,
kan achi'el ri tz'ibatel chuwij chupan ri wuj.
8Yin kan niqa' chinuwech richin niben ri arayibel rat nu-Dios yin.
Ri apixa' kan nuyakon k'a pa wánima.
9Toq ninya' aq'ij, ninq'alajirisaj k'a chikiwech konojel winaqi' chi rat yinakol.
Rat awetaman Jehová chi yin man xinq'et ta wi' richin xinq'alajirisaj re'.
10Kan man xinya' ta kan re' xaxe ta wichin yin,
jak'a xinwelesaj rutzijol chi rat yojakol y man yojamalij ta kan.
Man jun bey k'a xinwewaj chikiwech ri winaqi' ri qitzijri'il y ri awajowabal ri man k'isel ta.
11Jehová, tabana' utzil man naq'et ri awutzil pa nuwi' yin.
Man yinamalij kan, y ri awajowabal chuwe kan man ta xtik'is.
12Roma janila ruk'ayewal ri nuk'uluwachin kan man yitikir ta ninwajlaj.
Ri numak kan xiruq'i' yan, y roma ri' kan man yitikir ta chik yitzu'un.
Kan más k'a xek'iyer ke chuwech ri rusumal-nuwi', y kan janila xinmalij-qa nuk'u'x.
13Jehová, tabana' utzil kinakolo'.
Tabana' utzil kinato' chi'anin.
14Ek'o yekanon richin nikelesaj ri nuk'aslen.
Roma ri' rat xtaben chike chi xkek'ixbitej y xtisach kik'u'x,
Chuqa' ek'o yekanon richin niqaqa itzel chuwij.
Roma ri' xtikitzolij ta k'a ki' chikij y xkek'ixbitej ta k'a.
15Rije' kan janila yetze'en, y yesik'in chuwij.
Tabana' chike chi xke'animej ta k'a roma k'ix.
16Jak'a ri yekanon awichin, kan kekikot y kenimaq'ijun awik'in rat.
Y konojel ri yematioxin roma ri kolotajik kan jantape' xtikinimirisaj ri abi'.
17Jak'a yin k'a ink'o na pa q'axo'n,
y kan k'a k'o na ri nik'atzin chuwe.
Ninwoyobej chi rat nawak'axaj ri nuch'owen.
Ja rat at nuto'onel y nukolonel, nu-Dios yin.
Y roma ri' kinato' chi'anin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.