Pro 9
9
Ri na'oj kan nuya' k'a oyonik chike konojel winaqi'
1Ri na'oj kan rupaban k'a q'anej jun rachoch,
y ri wuqu' raqen ri rachoch, ri xeruben kan jebel ok rujosik xuben chike.
2Xukamisaj y xupoch' ri chikop richin ri rukil,
xuxol y jebel k'a rubanik xuben chire ri vino,
y xuben k'a rutzil ri mesa richin xunaba' richin ri wa'in.
3Y kan xeruteq k'a ri rusamajela' richin chi ri winaqi' ke'apon pa wa'in,
y ri samajela' ri' kan yesik'in k'a ri pa taq jotol chire ri tinamit, richin ye'ak'axex.
4Y kere' k'a ri ch'abel ri rubin-el ri na'oj chike ri rusamajela', richin yeroyoj ri winaqi':
Rix ri man kan ta k'iy na'oj k'o iwik'in, kixanpe wik'in,
y ri man pa ruchojmilal ta yixnojin, kan kixanpe chuqa'.
5Kan utzilej ipeten chupan re wa'in re ninsuj chiwe yin, kan kixanpe k'a;
kan kixwa-kixuk'ya' wik'in; kan tiqumu' k'a ri vino ri kan iwichin rix nubanon rutzil.
6Kan tiya' k'a kan ri ik'aslen ri akuchi xa maneq na'oj, y tiwila' ri k'aslen,
y kan tichapa-el ri k'aslen ri akuchi kan k'o etamabel.
7Wi k'o ta jun wineq nuch'olij jun ri kan nim nuna-ri', xa yoq'onik ri xtiberuk'ulu-pe,
y wi nrajo' nuto' jun wineq aj-mak, xa xtiqasex-pe ruq'ij.
8Roma ri' rix kan man jun bey k'a tich'olij jun ri nim nuna-ri',
roma wi xa keri' xtiben kan xkixretzelaj k'a.
Jak'a wi nicholij jun wineq aj-na'oj, rija' kan xtuya' k'a iq'ij roma ri'.
9Kan tiya' k'a más rutzil chuwech ri aj-na'oj y xtik'oje' más runa'oj.
kan titijoj k'a ri wineq choj ruk'aslen y rija' xtinimer más retamabal.
10Ri wineq ri kan k'o rukiy ri Dios chuwech,
chiri' k'a xtipe-wi ronojel ri runa'oj ri nik'atzin chire;
Roma wi ri wineq nretamaj ruwech ri Dios
kan jari' k'a ri qitzij etamabel.
11Woma k'a yin ri na'oj, ri wineq kan xkerukochij k'iy ruq'ij chuwech re ruwach'ulew,
y ri rujuna' kan pa ruk'iyal k'a xkeruben-q'anej.
12Wi ri ibanobal rix kan nuk'ut chi k'o ina'oj, kan k'o rajel ruk'exel xtik'ul.
jak'a wi rix xa ruyon yojobenik k'o chupan ri ik'aslen, xa ja rix xkixtijo poqon roma ri'.
13Toq kan maneq na'oj iwik'in rix, xa junan ibanik rik'in jun ixoq ri nikamulun-tzij;
ri ixoq ri' kan man tz'aqet ta ninojin, kan man jun k'ix chuwech yerubanala' ri nrajo'.
14Ri ixoq ri' kan man nik'ix ta k'a nibetz'uye-pe pa ruchi' rachoch, ri nitzu'un pa bey,
nitz'uye-pe pa ch'aket, ri pa jotol richin ri tinamit.
15Yeroyola' k'a pe ri achi'a' ri yeq'ax keri',
kan yeroyola' k'a pe ri achi'a' ri xa choj ok yeq'ax keri' q'ij-q'ij.
16Ri ixoq ri' kan nubij k'a chike ri k'a e ak'uala' na, kixanpe wik'in,
y chike ri achi'a' ri man kan ta yenojin jebel, kan nubij k'a:
17Kixanpe y tiweleq'aj ri ya' ri k'o wik'in yin y tina' chi re ya' re' kan k'o ruki'il,
kixanpe y pan ewel k'a titija' ri kaxlan-wey wik'in yin y tina' chi más jebel, nicha'.
18Y ri achi'a' ri man kan ta yenojin jebel, man ketaman ta chi xa choj pa kamik ye'apon-wi;
kan man k'a ketaman ta chi toq ye'apon rik'in ri ixoq ri', xa pa q'aq' yebeqaqa-wi.
Currently Selected:
Pro 9: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Pro 9
9
Ri na'oj kan nuya' k'a oyonik chike konojel winaqi'
1Ri na'oj kan rupaban k'a q'anej jun rachoch,
y ri wuqu' raqen ri rachoch, ri xeruben kan jebel ok rujosik xuben chike.
2Xukamisaj y xupoch' ri chikop richin ri rukil,
xuxol y jebel k'a rubanik xuben chire ri vino,
y xuben k'a rutzil ri mesa richin xunaba' richin ri wa'in.
3Y kan xeruteq k'a ri rusamajela' richin chi ri winaqi' ke'apon pa wa'in,
y ri samajela' ri' kan yesik'in k'a ri pa taq jotol chire ri tinamit, richin ye'ak'axex.
4Y kere' k'a ri ch'abel ri rubin-el ri na'oj chike ri rusamajela', richin yeroyoj ri winaqi':
Rix ri man kan ta k'iy na'oj k'o iwik'in, kixanpe wik'in,
y ri man pa ruchojmilal ta yixnojin, kan kixanpe chuqa'.
5Kan utzilej ipeten chupan re wa'in re ninsuj chiwe yin, kan kixanpe k'a;
kan kixwa-kixuk'ya' wik'in; kan tiqumu' k'a ri vino ri kan iwichin rix nubanon rutzil.
6Kan tiya' k'a kan ri ik'aslen ri akuchi xa maneq na'oj, y tiwila' ri k'aslen,
y kan tichapa-el ri k'aslen ri akuchi kan k'o etamabel.
7Wi k'o ta jun wineq nuch'olij jun ri kan nim nuna-ri', xa yoq'onik ri xtiberuk'ulu-pe,
y wi nrajo' nuto' jun wineq aj-mak, xa xtiqasex-pe ruq'ij.
8Roma ri' rix kan man jun bey k'a tich'olij jun ri nim nuna-ri',
roma wi xa keri' xtiben kan xkixretzelaj k'a.
Jak'a wi nicholij jun wineq aj-na'oj, rija' kan xtuya' k'a iq'ij roma ri'.
9Kan tiya' k'a más rutzil chuwech ri aj-na'oj y xtik'oje' más runa'oj.
kan titijoj k'a ri wineq choj ruk'aslen y rija' xtinimer más retamabal.
10Ri wineq ri kan k'o rukiy ri Dios chuwech,
chiri' k'a xtipe-wi ronojel ri runa'oj ri nik'atzin chire;
Roma wi ri wineq nretamaj ruwech ri Dios
kan jari' k'a ri qitzij etamabel.
11Woma k'a yin ri na'oj, ri wineq kan xkerukochij k'iy ruq'ij chuwech re ruwach'ulew,
y ri rujuna' kan pa ruk'iyal k'a xkeruben-q'anej.
12Wi ri ibanobal rix kan nuk'ut chi k'o ina'oj, kan k'o rajel ruk'exel xtik'ul.
jak'a wi rix xa ruyon yojobenik k'o chupan ri ik'aslen, xa ja rix xkixtijo poqon roma ri'.
13Toq kan maneq na'oj iwik'in rix, xa junan ibanik rik'in jun ixoq ri nikamulun-tzij;
ri ixoq ri' kan man tz'aqet ta ninojin, kan man jun k'ix chuwech yerubanala' ri nrajo'.
14Ri ixoq ri' kan man nik'ix ta k'a nibetz'uye-pe pa ruchi' rachoch, ri nitzu'un pa bey,
nitz'uye-pe pa ch'aket, ri pa jotol richin ri tinamit.
15Yeroyola' k'a pe ri achi'a' ri yeq'ax keri',
kan yeroyola' k'a pe ri achi'a' ri xa choj ok yeq'ax keri' q'ij-q'ij.
16Ri ixoq ri' kan nubij k'a chike ri k'a e ak'uala' na, kixanpe wik'in,
y chike ri achi'a' ri man kan ta yenojin jebel, kan nubij k'a:
17Kixanpe y tiweleq'aj ri ya' ri k'o wik'in yin y tina' chi re ya' re' kan k'o ruki'il,
kixanpe y pan ewel k'a titija' ri kaxlan-wey wik'in yin y tina' chi más jebel, nicha'.
18Y ri achi'a' ri man kan ta yenojin jebel, man ketaman ta chi xa choj pa kamik ye'apon-wi;
kan man k'a ketaman ta chi toq ye'apon rik'in ri ixoq ri', xa pa q'aq' yebeqaqa-wi.
Kaqchikel Bible © Bible Society in Guatemala, 2003.