Pro 5
5
Ri na'oj yixruto' chuwech ri ixoq ri itzel ruk'aslen
1Rix walk'ual alaboni', kan tiwak'axaj k'a re na'oj wichin yin, re ninya' chiwe;
kan tilukuba-iwi' y ri ixikin kan trak'axaj k'a jebel toq ninq'alajirisaj ri nuna'oj.
2Y keri' ri na'oj kan xkixruq'et k'a richin chi man ye'ibila' tzij ri ch'obon man ch'obon,
y chuqa' ri na'oj kan xtuchajij jebel ri ichi',
3Ri ixoq itzel ruk'aslen kan nujaluj ri ruch'abel y ki-ki' nuben chire, achi'el ri kab ri nikiya' ri taq chikopi',
kan buyul-buyul nuben chire ri ruch'abel, achi'el xa ta ruya'on aceite chikij.
4Jak'a ri akuchi yaruk'uaj-wi ri ki' taq ruch'abel ri ixoq ri', xa k'ey-k'ey achi'el xaqixaq,
y ri buyul taq ruch'abel, xa xkesokon achi'el nisokon ri espada ri ka'i' rey k'o.
5Roma ri raqen rija' xa choj beneq pa xulan k'a pa kamik
y ri ruxaka'l xa choj ruk'uan, richin chi napon k'a pa jul richin kamineq.
6Ri bey ri ruk'uan ri ixoq ri' xa man nakuquba' ta ak'u'x rik'in,
y rija' xa man retaman ta chuqa',
ni man nuchop ta juba ri bey richin k'aslen.
7Wakami k'a, rix walk'ual alaboni', kan ja yin k'a ri kiniwak'axaj,
kan man k'a tijech'ej-el-iwi' chire ri ch'abel ri ninbij yin.
8Roma ri' ninbij k'a chiwe chi man jun bey kixk'oje-apo naqaj chire ri ixoq ri',
y chuqa' man jun bey kixk'oje-apo naqaj chire ri ruchi' rachoch ri ixoq ri'.
9Man xa rik'in jun ixoq keri' tibek'isa' kan ri iwuchuq'a'
man xa tibeya' kan ri utzilej taq ijuna' pa ruq'a' jun itzel ixoq.
10Man xa pa kiq'a' ch'aqa' chik winaqi' tibek'oje-wi kan ri ibeyomel;
man xa pa rachoch jun chik wineq tibek'oje-wi kan ronojel ri ich'akon roma ri isamaj.
11Richin chi pa ruk'isibel chire ri ik'aslen man tipe bis chiwe roma ri niq'axaj,
toq ri ich'akul y ri iti'ojil xa xk'is-xk'is yan qa.
12Richin man xkepe ta ri ch'obonik iwik'in y xtibij ta:
¿Achike roma toq xa xqetzelaj ri ch'olinik ri xban chiqe?
¿Achike roma toq xqach'ob pa taq qánima chi xqixowaj ri tijonik ri xya'ox chiqe?
13¿Achike roma toq man xeqak'axaj ta ri qatijonela'?
¿Achike roma toq man xqaya' ta qaxikin chike ri xetijon qichin?
14Xa roma ri' jubama xojbek'is pa ruk'ayewal ri chiri' chikiwech y chikikojol ri winaqi', man xkixcha' ta.
Pixabanik chike ri k'ulan taq winaqi'
15Rix achi'a' kan kik'in k'a ri iwixjayilal kixk'oje-wi, man tirayij ruwech jun chik ixoq,
roma wi kan kik'in ri iwixjayilal yixk'oje-wi,
kan junan k'a rik'in ri niqum ta iya' chupan ri alaxibel-ya' iwichin rix.
16Rix achi'a' man k'a tiya' q'ij chi ri alaxibel-ya' ri k'o iwik'in choj nibiyin-el pa bey,
man tichoxij-el choj keri' pa taq bey.
17Kan tichajij k'a jebel ri alaxibel-ya' ri'
y man tiya' q'ij chi ch'aqa' chik ixoqi' ye'ilon chire ri ya' ri'.
18Kan kixkikot k'a kik'in ri iwixjayilal,
kan kixkikot k'a kik'in rije', ri kan k'a e xtani' na toq xixk'ule' kik'in.
19Ri iwixjayilal rix, xa kan e junan k'a kik'in ri taq masati', e jebejoj ok y janila ye'ajowan,
xaxe ta ri ruwa taq kik'u'x rije' ri noqaqa chi'ik'u'x y ri nirayij
y kan ta ix qajineq pa ruq'a' ri ajowabel kichin rije'.
20Rat walk'ual xa maneq achike roma chi yaqaqa pa ruq'a' jun k'ulan ixoq ri yerukanola' achi'a',
maneq achike roma chi xa xerupan rixjayil jun chik achin ri naq'etej.
21Ri rubey ruk'aslen ri achin kan pa ruwech k'a ri Jehová k'o-wi,
rija' kan nitikir-wi nunik'oj chikijujunal ri ruxaka'l ri yeruya' ri achin pa ruk'aslen.
22Ri achin aj-mak, xa ja ri itzel rubanobal ri nibanon chire chi man nitikir ta nel-pe chupan ri mak ri',
xa ruyon k'a rija' nusuq' kan ri' chupan.
23Rija' xa xtapon pa kamik roma xa man xuq'et ta ri',
xa ja ri itzel bey ri xuk'uaj roma xa ch'obon man ch'obon ri xeruben.
Currently Selected:
Pro 5: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Pro 5
5
Ri na'oj yixruto' chuwech ri ixoq ri itzel ruk'aslen
1Rix walk'ual alaboni', kan tiwak'axaj k'a re na'oj wichin yin, re ninya' chiwe;
kan tilukuba-iwi' y ri ixikin kan trak'axaj k'a jebel toq ninq'alajirisaj ri nuna'oj.
2Y keri' ri na'oj kan xkixruq'et k'a richin chi man ye'ibila' tzij ri ch'obon man ch'obon,
y chuqa' ri na'oj kan xtuchajij jebel ri ichi',
3Ri ixoq itzel ruk'aslen kan nujaluj ri ruch'abel y ki-ki' nuben chire, achi'el ri kab ri nikiya' ri taq chikopi',
kan buyul-buyul nuben chire ri ruch'abel, achi'el xa ta ruya'on aceite chikij.
4Jak'a ri akuchi yaruk'uaj-wi ri ki' taq ruch'abel ri ixoq ri', xa k'ey-k'ey achi'el xaqixaq,
y ri buyul taq ruch'abel, xa xkesokon achi'el nisokon ri espada ri ka'i' rey k'o.
5Roma ri raqen rija' xa choj beneq pa xulan k'a pa kamik
y ri ruxaka'l xa choj ruk'uan, richin chi napon k'a pa jul richin kamineq.
6Ri bey ri ruk'uan ri ixoq ri' xa man nakuquba' ta ak'u'x rik'in,
y rija' xa man retaman ta chuqa',
ni man nuchop ta juba ri bey richin k'aslen.
7Wakami k'a, rix walk'ual alaboni', kan ja yin k'a ri kiniwak'axaj,
kan man k'a tijech'ej-el-iwi' chire ri ch'abel ri ninbij yin.
8Roma ri' ninbij k'a chiwe chi man jun bey kixk'oje-apo naqaj chire ri ixoq ri',
y chuqa' man jun bey kixk'oje-apo naqaj chire ri ruchi' rachoch ri ixoq ri'.
9Man xa rik'in jun ixoq keri' tibek'isa' kan ri iwuchuq'a'
man xa tibeya' kan ri utzilej taq ijuna' pa ruq'a' jun itzel ixoq.
10Man xa pa kiq'a' ch'aqa' chik winaqi' tibek'oje-wi kan ri ibeyomel;
man xa pa rachoch jun chik wineq tibek'oje-wi kan ronojel ri ich'akon roma ri isamaj.
11Richin chi pa ruk'isibel chire ri ik'aslen man tipe bis chiwe roma ri niq'axaj,
toq ri ich'akul y ri iti'ojil xa xk'is-xk'is yan qa.
12Richin man xkepe ta ri ch'obonik iwik'in y xtibij ta:
¿Achike roma toq xa xqetzelaj ri ch'olinik ri xban chiqe?
¿Achike roma toq xqach'ob pa taq qánima chi xqixowaj ri tijonik ri xya'ox chiqe?
13¿Achike roma toq man xeqak'axaj ta ri qatijonela'?
¿Achike roma toq man xqaya' ta qaxikin chike ri xetijon qichin?
14Xa roma ri' jubama xojbek'is pa ruk'ayewal ri chiri' chikiwech y chikikojol ri winaqi', man xkixcha' ta.
Pixabanik chike ri k'ulan taq winaqi'
15Rix achi'a' kan kik'in k'a ri iwixjayilal kixk'oje-wi, man tirayij ruwech jun chik ixoq,
roma wi kan kik'in ri iwixjayilal yixk'oje-wi,
kan junan k'a rik'in ri niqum ta iya' chupan ri alaxibel-ya' iwichin rix.
16Rix achi'a' man k'a tiya' q'ij chi ri alaxibel-ya' ri k'o iwik'in choj nibiyin-el pa bey,
man tichoxij-el choj keri' pa taq bey.
17Kan tichajij k'a jebel ri alaxibel-ya' ri'
y man tiya' q'ij chi ch'aqa' chik ixoqi' ye'ilon chire ri ya' ri'.
18Kan kixkikot k'a kik'in ri iwixjayilal,
kan kixkikot k'a kik'in rije', ri kan k'a e xtani' na toq xixk'ule' kik'in.
19Ri iwixjayilal rix, xa kan e junan k'a kik'in ri taq masati', e jebejoj ok y janila ye'ajowan,
xaxe ta ri ruwa taq kik'u'x rije' ri noqaqa chi'ik'u'x y ri nirayij
y kan ta ix qajineq pa ruq'a' ri ajowabel kichin rije'.
20Rat walk'ual xa maneq achike roma chi yaqaqa pa ruq'a' jun k'ulan ixoq ri yerukanola' achi'a',
maneq achike roma chi xa xerupan rixjayil jun chik achin ri naq'etej.
21Ri rubey ruk'aslen ri achin kan pa ruwech k'a ri Jehová k'o-wi,
rija' kan nitikir-wi nunik'oj chikijujunal ri ruxaka'l ri yeruya' ri achin pa ruk'aslen.
22Ri achin aj-mak, xa ja ri itzel rubanobal ri nibanon chire chi man nitikir ta nel-pe chupan ri mak ri',
xa ruyon k'a rija' nusuq' kan ri' chupan.
23Rija' xa xtapon pa kamik roma xa man xuq'et ta ri',
xa ja ri itzel bey ri xuk'uaj roma xa ch'obon man ch'obon ri xeruben.
Kaqchikel Bible © Bible Society in Guatemala, 2003.