Pro 19
19
Ri ruk'ayewal ri nuk'owisaj ri man jun ok k'o rik'in
1Kan más jebel ri wineq ri man jun ok k'o rik'in, xaxe wi ri ruk'aslen kan choj-wi;
y mani ri wineq ri xaxe etzelal ek'o pa ruchi' y kan q'alaj chi maneq runa'oj.
2Ri wineq ri kan man nuch'ob ta jebel ri achike ri nrajo' nuben, man utz ta;
roma toq ri wineq kan anineq nrajo' nuben ronojel, xa xtibesach.
3Ri ch'obonik richin ri achin nakanik, kan nuyoj k'a rubanik ri rubey;
y k'ari' chirij ri Jehová nrelesaj-wi ri royowal ri k'o pa ránima.
4Ri beyomel kan yeroyola' k'a janila chi winaqi', richin yerachibilaj;
jak'a ri wineq ri xa man jun ok k'o rik'in, xa man jun najowan nachibilan.
5Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi';
y kan qitzij wi chi ri wineq ri nitz'ukun-tzij, man xtikolotej ta el.
6Kan janila wi e k'iy winaqi' ri yekamela'an chikiwech ri winaqi' ri k'o kiq'ij, richin nikik'utuj jun utzil;
y kan konojel winaqi' yebin chi kachibil jun wineq, xaxe roma k'o sipanik ri nuya' chike.
7Ri wineq ri kan man jun ok k'o rik'in, kan konojel ri rach'alal ye'etzelan richin;
keri' chuqa' nikiben konojel ri e rachibil, xa yejel-el nej y man nikachibilaj ta.
Kan nrajo' ta chi k'o nitzijon rik'in, y xa man jun nril.
8Ri wineq ri kan nutej ruq'ij richin nril na'oj, kan nrajo' wi ri ruk'aslen;
y chuqa' ri wineq ri kan nuben richin chire ri etamabel, kan nril-wi ri utz.
Ek'o utz taq banobel y ek'o ri man e utz ta
9Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi';
y kan qitzij wi chi ri wineq ri nitz'ukun tzij, xa pa kamik xtapon-wi.
10Kan man ruk'amon ta k'a chire ri man nich'obon ta jebel, chi k'o ta ronojel rik'in;
y chuqa' kan man ruk'amon ta chi jun loq'on samajel, ja ta ri' nik'oje' pa kiwi' ri achi'a' e tata'al.
11Ri wineq ri nuch'ob jebel ri achike nuben, nuben chire chi nok ch'uch'uj;
y ja ri ruk'ojlen ri' ri nibanon chire chi toq k'o mak niban chuwech, rija' nuben chi achi'el man jun banatajineq.
12Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal;
jak'a toq rija' nuben jun utzil, kan ch'u'ul-ch'u'ul y niwalel, achi'el toq niqaqa ri raxq'ab pa ruwi' ri q'ayis.
13Jun tata'aj kan jantape' nutej poqon toq jun alk'ualaxel xa man niniman ta tzij;
y ri ixjayilonel ri jantape' nuben oyowal, xa junan rik'in jun tz'uj ri kan man jun bey nitane'.
14Ri jay y ronojel ruwech beyomel, kan ja ri tata'aj ri yeya'on kan chike ri kalk'ual;
jak'a jun ixjayilonel ri kan k'o runa'oj, kan ja ri Jehová ri nisipan chire ri achin.
15Ri q'oral kan nuben chire ri wineq chi niken-qa chi waran.
Y ri uxlanen ri nuben ri wineq ri', xtuben chire chi xtuk'owisaj wayjal.
Yalan jebel toq ri wineq nuben ri rurayibel ri Dios
16Ri wineq ri kan nutaqej ri rupixa' ri Dios, kan q'alaj chi nuchajij ri ruk'aslen;
jak'a ri xa nretzelaj kan ri utzilej bey richin ri Jehová, xa rukamik ri xtril.
17Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová,
y ri Jehová kan nuya-wi rutzij chi kan nuya' rajel-ruk'exel chikijujunal ri utzil.
18Kan tatija' aq'ij chi napixabaj ri ak'ajol rokik nik'iy-q'anej, roma xaxe keri' k'o utz ri nawoyobej-apo;
xaxe k'a man tik'o-ruwi' ri naben chire richin natijoj, man xa tiken-el pan aq'a'.
19Ri wineq ri kan richin-wi chi k'a'el, xa tutz'eta' na k'a ri akuchi xtapon-wi rik'in ri ruk'alen;
roma wi xa nuk'ul to'onik jun bey, kan jantape' chik nrajo' ruto'ik.
20Kan taya' k'a axikin chike ri pixabanik ri yeya'ox chawe, y kan tak'ulu' toq yatijox rik'in ch'olinik;
roma jari' ri xtibanon chawe chi k'o na jun q'ij xkatok jun wineq aj-na'oj.
21Ri pa ránima ri wineq kan k'o k'iy ri nrajo' nuben,
y ri nibanatej xaxe ri nrajo' ri Jehová.
22Ri wineq ri kan nuben ri nusuj, kan ch'u'ul k'a nuna' ri ránima;
roma kan más wi jebel jun wineq ri man jun ok k'o rik'in y mani xa jun q'olonel.
23Toq k'o rukiy ri Jehová chuwech ri wineq, kan nuk'en-pe k'aslen chire;
kan nuk'ul k'a ronojel ri k'atzinel chire y ri etzelal kan man xtapon ta rik'in.
Ek'o banobel ri xa man e utz ta
24Ri wineq ri janila ruq'oral kan nuya' k'a qa ri ruq'a' chupan ri rulaq;
jak'a man nitikir ta nuk'uaj ri ruway k'a pa ruchi' roma ri ruq'oral.
25Toq nich'ay jun ri man yeruch'ob ta ri ch'abel ri yerubila', ri wineq ri man kan ta k'iy retaman, nik'astej;
y toq nich'olix jun wineq ri kan k'o retamabal, kan chi'anin niq'ax chuwech ri tijonik ri niya'ox chire.
26Ri wineq ri k'o nreleq'aj chire ri rutata' y nroqotaj-el ri rute',
xa jun alk'ualaxel ri maneq ruk'ix y xa man jun ruq'ij chikiwech ri winaqi'.
27Walk'ual alaboni', kan man kixtane' chi rak'axaxik ronojel ri tijonik,
roma ri q'ij toq xkixtane' chi rak'axaxik, chuqa' xa xtimestaj ri iwetaman.
28Ri wineq ri kan nubananej chi nitikir nuq'alajirisaj ri qitzij, xa nitze'en chirij ri q'atbel-tzij,
roma ri wineq ri' xa janila niqa' chuwech nuben etzelal chire jun chik wineq.
29Ri rutojbalil mak royoben chik ri wineq ri nitze'en chirij jun chik wineq;
y ri ch'ayibel kan royoben chik ri ruch'e'el-rij ri wineq ri kan maneq runa'oj.
Currently Selected:
Pro 19: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Pro 19
19
Ri ruk'ayewal ri nuk'owisaj ri man jun ok k'o rik'in
1Kan más jebel ri wineq ri man jun ok k'o rik'in, xaxe wi ri ruk'aslen kan choj-wi;
y mani ri wineq ri xaxe etzelal ek'o pa ruchi' y kan q'alaj chi maneq runa'oj.
2Ri wineq ri kan man nuch'ob ta jebel ri achike ri nrajo' nuben, man utz ta;
roma toq ri wineq kan anineq nrajo' nuben ronojel, xa xtibesach.
3Ri ch'obonik richin ri achin nakanik, kan nuyoj k'a rubanik ri rubey;
y k'ari' chirij ri Jehová nrelesaj-wi ri royowal ri k'o pa ránima.
4Ri beyomel kan yeroyola' k'a janila chi winaqi', richin yerachibilaj;
jak'a ri wineq ri xa man jun ok k'o rik'in, xa man jun najowan nachibilan.
5Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi';
y kan qitzij wi chi ri wineq ri nitz'ukun-tzij, man xtikolotej ta el.
6Kan janila wi e k'iy winaqi' ri yekamela'an chikiwech ri winaqi' ri k'o kiq'ij, richin nikik'utuj jun utzil;
y kan konojel winaqi' yebin chi kachibil jun wineq, xaxe roma k'o sipanik ri nuya' chike.
7Ri wineq ri kan man jun ok k'o rik'in, kan konojel ri rach'alal ye'etzelan richin;
keri' chuqa' nikiben konojel ri e rachibil, xa yejel-el nej y man nikachibilaj ta.
Kan nrajo' ta chi k'o nitzijon rik'in, y xa man jun nril.
8Ri wineq ri kan nutej ruq'ij richin nril na'oj, kan nrajo' wi ri ruk'aslen;
y chuqa' ri wineq ri kan nuben richin chire ri etamabel, kan nril-wi ri utz.
Ek'o utz taq banobel y ek'o ri man e utz ta
9Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi';
y kan qitzij wi chi ri wineq ri nitz'ukun tzij, xa pa kamik xtapon-wi.
10Kan man ruk'amon ta k'a chire ri man nich'obon ta jebel, chi k'o ta ronojel rik'in;
y chuqa' kan man ruk'amon ta chi jun loq'on samajel, ja ta ri' nik'oje' pa kiwi' ri achi'a' e tata'al.
11Ri wineq ri nuch'ob jebel ri achike nuben, nuben chire chi nok ch'uch'uj;
y ja ri ruk'ojlen ri' ri nibanon chire chi toq k'o mak niban chuwech, rija' nuben chi achi'el man jun banatajineq.
12Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal;
jak'a toq rija' nuben jun utzil, kan ch'u'ul-ch'u'ul y niwalel, achi'el toq niqaqa ri raxq'ab pa ruwi' ri q'ayis.
13Jun tata'aj kan jantape' nutej poqon toq jun alk'ualaxel xa man niniman ta tzij;
y ri ixjayilonel ri jantape' nuben oyowal, xa junan rik'in jun tz'uj ri kan man jun bey nitane'.
14Ri jay y ronojel ruwech beyomel, kan ja ri tata'aj ri yeya'on kan chike ri kalk'ual;
jak'a jun ixjayilonel ri kan k'o runa'oj, kan ja ri Jehová ri nisipan chire ri achin.
15Ri q'oral kan nuben chire ri wineq chi niken-qa chi waran.
Y ri uxlanen ri nuben ri wineq ri', xtuben chire chi xtuk'owisaj wayjal.
Yalan jebel toq ri wineq nuben ri rurayibel ri Dios
16Ri wineq ri kan nutaqej ri rupixa' ri Dios, kan q'alaj chi nuchajij ri ruk'aslen;
jak'a ri xa nretzelaj kan ri utzilej bey richin ri Jehová, xa rukamik ri xtril.
17Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová,
y ri Jehová kan nuya-wi rutzij chi kan nuya' rajel-ruk'exel chikijujunal ri utzil.
18Kan tatija' aq'ij chi napixabaj ri ak'ajol rokik nik'iy-q'anej, roma xaxe keri' k'o utz ri nawoyobej-apo;
xaxe k'a man tik'o-ruwi' ri naben chire richin natijoj, man xa tiken-el pan aq'a'.
19Ri wineq ri kan richin-wi chi k'a'el, xa tutz'eta' na k'a ri akuchi xtapon-wi rik'in ri ruk'alen;
roma wi xa nuk'ul to'onik jun bey, kan jantape' chik nrajo' ruto'ik.
20Kan taya' k'a axikin chike ri pixabanik ri yeya'ox chawe, y kan tak'ulu' toq yatijox rik'in ch'olinik;
roma jari' ri xtibanon chawe chi k'o na jun q'ij xkatok jun wineq aj-na'oj.
21Ri pa ránima ri wineq kan k'o k'iy ri nrajo' nuben,
y ri nibanatej xaxe ri nrajo' ri Jehová.
22Ri wineq ri kan nuben ri nusuj, kan ch'u'ul k'a nuna' ri ránima;
roma kan más wi jebel jun wineq ri man jun ok k'o rik'in y mani xa jun q'olonel.
23Toq k'o rukiy ri Jehová chuwech ri wineq, kan nuk'en-pe k'aslen chire;
kan nuk'ul k'a ronojel ri k'atzinel chire y ri etzelal kan man xtapon ta rik'in.
Ek'o banobel ri xa man e utz ta
24Ri wineq ri janila ruq'oral kan nuya' k'a qa ri ruq'a' chupan ri rulaq;
jak'a man nitikir ta nuk'uaj ri ruway k'a pa ruchi' roma ri ruq'oral.
25Toq nich'ay jun ri man yeruch'ob ta ri ch'abel ri yerubila', ri wineq ri man kan ta k'iy retaman, nik'astej;
y toq nich'olix jun wineq ri kan k'o retamabal, kan chi'anin niq'ax chuwech ri tijonik ri niya'ox chire.
26Ri wineq ri k'o nreleq'aj chire ri rutata' y nroqotaj-el ri rute',
xa jun alk'ualaxel ri maneq ruk'ix y xa man jun ruq'ij chikiwech ri winaqi'.
27Walk'ual alaboni', kan man kixtane' chi rak'axaxik ronojel ri tijonik,
roma ri q'ij toq xkixtane' chi rak'axaxik, chuqa' xa xtimestaj ri iwetaman.
28Ri wineq ri kan nubananej chi nitikir nuq'alajirisaj ri qitzij, xa nitze'en chirij ri q'atbel-tzij,
roma ri wineq ri' xa janila niqa' chuwech nuben etzelal chire jun chik wineq.
29Ri rutojbalil mak royoben chik ri wineq ri nitze'en chirij jun chik wineq;
y ri ch'ayibel kan royoben chik ri ruch'e'el-rij ri wineq ri kan maneq runa'oj.
Kaqchikel Bible © Bible Society in Guatemala, 2003.