Pro 11
11
Ri utzilej banobel y ri itzel banobel
1Ri Dios kan man utz ta yerutz'et ri winaqi' ri ye'ukusan pajbel ri xa ye'eleq',
jak'a kan nikikot ri ránima kik'in ri winaqi' ri ye'ukusan pajbel ri kan e tz'aqet,
2Toq nipe nimirisanen pa ruk'aslen ri wineq, xa kan k'o chuqa' ri niqasan ruq'ij,
jak'a ri wineq ri xa ch'uti'n nuna-ri' kan q'alaj chi ri na'oj kan k'o rik'in.
3Ri kan tz'aqet ri ruk'aslen, ja ri ruchojmilal ri ruk'aslen ri uk'uey rubey;
jak'a ri wineq ri xa ruyon man qitzij ta ri yeruben, ja ri itzel rubanobal ri nisachon richin.
4Toq ri Dios xtuq'et-tzij, ri beyomel xa man xtukol ta ri wineq,
jak'a ri chojmilej k'aslen kan nukol ri wineq chuwech ri kamik.
5Kan ja ri chojmilej ruk'aslen ri utzilej wineq, jari' ri nibanon utz chire ri rubey;
jak'a ri wineq ri banoy etzelal, ja ri itzel rubanobal ri nitzaqo richin.
6Kan ja ri chojmilej ruk'aslen ri nikolon richin ri utzilej wineq,
jak'a ri wineq ri kan nowineq chubanik etzelal, ja ri itzel rubanobal ri nichapo kan.
7Toq ri wineq banoy etzelal niken, nik'is k'a chiri' ronojel ri xurayij,
y kan nik'is chuqa' chiri' ri rurayibel chi xril ta el beyomel chuwech re ruwach'ulew.
8Ri wineq ri choj ruk'aslen nitotej-el chuwech ri ruk'ayewal ri k'aslen,
y ri nik'oje' kan chuxe' ri ruk'ayewal ri k'aslen, ja ri banoy richin ri etzelal.
9Ri wineq ri maneq Dios chuwech, nuya' pa ruk'ayewal ri rachpochel xaxe rik'in ri ch'abel ri nubij chire;
jak'a ri choj kik'aslen, yetikir nikikol-ki' rik'in ri etamabel k'o kik'in.
10Ri kojol-jay richin ri tinamit k'o kikoten, toq ri choj kik'aslen yebe pa jotol,
y chuqa' kan k'o kikoten toq ri e banoy etzelal yebe pa xulan.
11Ri tinamit kan nibe k'a pa jotol, roma ri urtisanik ri nikik'ul ri choj kik'aslen,
ri tinamit xa nitzaq, roma ri ch'abel ri ye'el pa kichi' ri e banoy etzelal.
12Ri wineq ri xa maneq runa'oj, nuqasaj ruq'ij ri rachpochel rik'in ri ruch'abel,
jak'a ri achin ri kan k'o-wi retamabal, nuchajij-ri' rik'in ri ruch'abel.
13Ri wineq ri xaxe tzij nuben, kan man jun ri xtipa'e' chuwa ri raq',
jak'a ri wineq ri kan choj ránima, kan yeruyek ri pa ránima ri yebix chire.
14Ri tinamit k'a ri akuchi xa e maneq utzilej uk'uey bey, xa nitzaq,
jak'a xa nikolotej ri tinamit ri akuchi kan ek'o winaqi' ri k'o utzilej taq na'oj kik'in,
15Ri wineq ri kan nupaba' chuqa' ri' chuwech ruk'as jun wineq, kan jantape' k'o chuk'u'x,
jak'a ri wineq ri xa man niqa' ta chuwech ri k'as, man jun k'a achike ta xtuch'ob.
16Jun ixoq ri janila jebel ránima, kan netamex k'a ruwech koma ri winaqi',
y ri kan nikicha' k'a kik'u'x chire ri samaj, kan nikil k'a beyomel.
Ri nuk'en-pe ri banoj utzil
17Jun wineq ri kan janila jebel runa'oj, kan k'o chuqa' utzil ri nuk'ul chike ri winaqi';
jak'a ri wineq ri kan janila itzel runa'oj, kan chuwech yan re ruwach'ulew nuk'ul-el etzelal.
18Ri wineq nibanon etzelal, ri ch'akonik ri nril xa man qitzij ta;
jak'a ri kan nutik ri chojmilal, ri ch'akonik ri nril kan qitzij wi.
19Ri wineq ri nuk'uaj jun chojmilej k'aslen, jari' ri nuk'uan richin chupan ri k'aslen;
jak'a ri nuk'uaj jun itzelej k'aslen, xa jari' ri nuk'uan chupan ri kamik.
20Ri Dios kan nrixowaj k'a ri wineq ri xa banoy etzelal,
jak'a kan utz nutz'et ri rubanik ri wineq ri kan tz'aqet ri ruk'aslen.
21Kan q'alaj wi k'a chi ri wineq itzel, kan man xtril ta rukolotajik,
jak'a ri wineq ri kan choj ruk'aslen, kan jajun chuqa' ri e riy-rumam xkekolotej.
22Achi'el jun wiqobel ri banon rik'in q'anapueq y xa chirutza'n jun aq k'o-wi,
xa keri' k'a ri jun jebejoj ok jun ixoq y xa nuk'ut chi maneq retamabal.
23Xa ruyon k'a utz ri royoben-apo ri wineq ri kan chojmilej k'aslen ri ruk'uan,
jak'a ri winaqi' ri kijachon-ki' chubanik ri etzelal, xa ruyon ruk'ayewal ri peteneq ri chikiwech-apo.
24Ri winaqi' ri man nikik'ek'ej ta yesipan, kan jantape' k'iy k'o kik'in,
y ri xa kan nikipoqonaj nikisipaj ri k'o kik'in, jantape' man jun k'o kik'in.
25Ri wineq ri kan man nuk'ek'ej ta nusipaj ri k'o rik'in, kan xtuk'ul k'a rajel-ruk'exel,
y toq nuya' ruya' jun ri nichaqchi'in, rija' chuqa' kan k'o ri xtisipan ruya'.
26Ri kan k'iy k'a rujal k'o y choj ruyakon chiri', ri winaqi' xtikoyoj ri ruk'ayewal pa ruwi',
jak'a ri kan k'o rujal y nrelesaj-pe richin nuk'ayij, ri winaqi' kan xtikik'utuj urtisanik pa ruwi'.
27Ri wineq ri kan ja ri utz ri nukanoj, kan nril ri utzil;
jak'a ri jun ri xa ja ri etzelal nukanoj, kan jari' ri itzel ri xtiberuk'ulu-pe.
28Ri wineq ri kan nukuquba' ruk'u'x rik'in ri beyomel k'o rik'in, xa xtitzaq,
jak'a ri kan choj ri ruk'aslen, kan nibek'ulun-pe achi'el ri rex ruxaq-che'.
29Ri wineq ri nitz'ukun-q'anej oyowal chikikojol ri aj pa rachoch, man jun xtapon-wi;
y ri kan maneq runa'oj, xa xtibek'is pa samaj rik'in ri kan k'o-wi runa'oj.
30Ri nuk'en-pe ri utzilej ruk'aslen ri wineq, kan achi'el ri ruwech ri che' richin k'aslen;
y ri wineq ri kan k'o runa'oj, kan yeruch'ek k'aslen richin ye'ok richin ri Dios.
31Kan qitzij wi chi ri choj ruk'aslen, kan chuwech yan re ruwach'ulew nuk'ul-el rajel ruk'exel;
jak'a ri wineq itzel y ri aj-mak, kan más ruk'amon chi nikik'ul yan el rutojbalil re chuwech re ruwach'ulew.
Currently Selected:
Pro 11: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Pro 11
11
Ri utzilej banobel y ri itzel banobel
1Ri Dios kan man utz ta yerutz'et ri winaqi' ri ye'ukusan pajbel ri xa ye'eleq',
jak'a kan nikikot ri ránima kik'in ri winaqi' ri ye'ukusan pajbel ri kan e tz'aqet,
2Toq nipe nimirisanen pa ruk'aslen ri wineq, xa kan k'o chuqa' ri niqasan ruq'ij,
jak'a ri wineq ri xa ch'uti'n nuna-ri' kan q'alaj chi ri na'oj kan k'o rik'in.
3Ri kan tz'aqet ri ruk'aslen, ja ri ruchojmilal ri ruk'aslen ri uk'uey rubey;
jak'a ri wineq ri xa ruyon man qitzij ta ri yeruben, ja ri itzel rubanobal ri nisachon richin.
4Toq ri Dios xtuq'et-tzij, ri beyomel xa man xtukol ta ri wineq,
jak'a ri chojmilej k'aslen kan nukol ri wineq chuwech ri kamik.
5Kan ja ri chojmilej ruk'aslen ri utzilej wineq, jari' ri nibanon utz chire ri rubey;
jak'a ri wineq ri banoy etzelal, ja ri itzel rubanobal ri nitzaqo richin.
6Kan ja ri chojmilej ruk'aslen ri nikolon richin ri utzilej wineq,
jak'a ri wineq ri kan nowineq chubanik etzelal, ja ri itzel rubanobal ri nichapo kan.
7Toq ri wineq banoy etzelal niken, nik'is k'a chiri' ronojel ri xurayij,
y kan nik'is chuqa' chiri' ri rurayibel chi xril ta el beyomel chuwech re ruwach'ulew.
8Ri wineq ri choj ruk'aslen nitotej-el chuwech ri ruk'ayewal ri k'aslen,
y ri nik'oje' kan chuxe' ri ruk'ayewal ri k'aslen, ja ri banoy richin ri etzelal.
9Ri wineq ri maneq Dios chuwech, nuya' pa ruk'ayewal ri rachpochel xaxe rik'in ri ch'abel ri nubij chire;
jak'a ri choj kik'aslen, yetikir nikikol-ki' rik'in ri etamabel k'o kik'in.
10Ri kojol-jay richin ri tinamit k'o kikoten, toq ri choj kik'aslen yebe pa jotol,
y chuqa' kan k'o kikoten toq ri e banoy etzelal yebe pa xulan.
11Ri tinamit kan nibe k'a pa jotol, roma ri urtisanik ri nikik'ul ri choj kik'aslen,
ri tinamit xa nitzaq, roma ri ch'abel ri ye'el pa kichi' ri e banoy etzelal.
12Ri wineq ri xa maneq runa'oj, nuqasaj ruq'ij ri rachpochel rik'in ri ruch'abel,
jak'a ri achin ri kan k'o-wi retamabal, nuchajij-ri' rik'in ri ruch'abel.
13Ri wineq ri xaxe tzij nuben, kan man jun ri xtipa'e' chuwa ri raq',
jak'a ri wineq ri kan choj ránima, kan yeruyek ri pa ránima ri yebix chire.
14Ri tinamit k'a ri akuchi xa e maneq utzilej uk'uey bey, xa nitzaq,
jak'a xa nikolotej ri tinamit ri akuchi kan ek'o winaqi' ri k'o utzilej taq na'oj kik'in,
15Ri wineq ri kan nupaba' chuqa' ri' chuwech ruk'as jun wineq, kan jantape' k'o chuk'u'x,
jak'a ri wineq ri xa man niqa' ta chuwech ri k'as, man jun k'a achike ta xtuch'ob.
16Jun ixoq ri janila jebel ránima, kan netamex k'a ruwech koma ri winaqi',
y ri kan nikicha' k'a kik'u'x chire ri samaj, kan nikil k'a beyomel.
Ri nuk'en-pe ri banoj utzil
17Jun wineq ri kan janila jebel runa'oj, kan k'o chuqa' utzil ri nuk'ul chike ri winaqi';
jak'a ri wineq ri kan janila itzel runa'oj, kan chuwech yan re ruwach'ulew nuk'ul-el etzelal.
18Ri wineq nibanon etzelal, ri ch'akonik ri nril xa man qitzij ta;
jak'a ri kan nutik ri chojmilal, ri ch'akonik ri nril kan qitzij wi.
19Ri wineq ri nuk'uaj jun chojmilej k'aslen, jari' ri nuk'uan richin chupan ri k'aslen;
jak'a ri nuk'uaj jun itzelej k'aslen, xa jari' ri nuk'uan chupan ri kamik.
20Ri Dios kan nrixowaj k'a ri wineq ri xa banoy etzelal,
jak'a kan utz nutz'et ri rubanik ri wineq ri kan tz'aqet ri ruk'aslen.
21Kan q'alaj wi k'a chi ri wineq itzel, kan man xtril ta rukolotajik,
jak'a ri wineq ri kan choj ruk'aslen, kan jajun chuqa' ri e riy-rumam xkekolotej.
22Achi'el jun wiqobel ri banon rik'in q'anapueq y xa chirutza'n jun aq k'o-wi,
xa keri' k'a ri jun jebejoj ok jun ixoq y xa nuk'ut chi maneq retamabal.
23Xa ruyon k'a utz ri royoben-apo ri wineq ri kan chojmilej k'aslen ri ruk'uan,
jak'a ri winaqi' ri kijachon-ki' chubanik ri etzelal, xa ruyon ruk'ayewal ri peteneq ri chikiwech-apo.
24Ri winaqi' ri man nikik'ek'ej ta yesipan, kan jantape' k'iy k'o kik'in,
y ri xa kan nikipoqonaj nikisipaj ri k'o kik'in, jantape' man jun k'o kik'in.
25Ri wineq ri kan man nuk'ek'ej ta nusipaj ri k'o rik'in, kan xtuk'ul k'a rajel-ruk'exel,
y toq nuya' ruya' jun ri nichaqchi'in, rija' chuqa' kan k'o ri xtisipan ruya'.
26Ri kan k'iy k'a rujal k'o y choj ruyakon chiri', ri winaqi' xtikoyoj ri ruk'ayewal pa ruwi',
jak'a ri kan k'o rujal y nrelesaj-pe richin nuk'ayij, ri winaqi' kan xtikik'utuj urtisanik pa ruwi'.
27Ri wineq ri kan ja ri utz ri nukanoj, kan nril ri utzil;
jak'a ri jun ri xa ja ri etzelal nukanoj, kan jari' ri itzel ri xtiberuk'ulu-pe.
28Ri wineq ri kan nukuquba' ruk'u'x rik'in ri beyomel k'o rik'in, xa xtitzaq,
jak'a ri kan choj ri ruk'aslen, kan nibek'ulun-pe achi'el ri rex ruxaq-che'.
29Ri wineq ri nitz'ukun-q'anej oyowal chikikojol ri aj pa rachoch, man jun xtapon-wi;
y ri kan maneq runa'oj, xa xtibek'is pa samaj rik'in ri kan k'o-wi runa'oj.
30Ri nuk'en-pe ri utzilej ruk'aslen ri wineq, kan achi'el ri ruwech ri che' richin k'aslen;
y ri wineq ri kan k'o runa'oj, kan yeruch'ek k'aslen richin ye'ok richin ri Dios.
31Kan qitzij wi chi ri choj ruk'aslen, kan chuwech yan re ruwach'ulew nuk'ul-el rajel ruk'exel;
jak'a ri wineq itzel y ri aj-mak, kan más ruk'amon chi nikik'ul yan el rutojbalil re chuwech re ruwach'ulew.
Kaqchikel Bible © Bible Society in Guatemala, 2003.