Núm 6
6
Toq jun wineq nujech-ri' chire ri Jehová
1-2Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq y xubij: Wi k'o ta jun achin o jun ixoq ri nrajo' nuya' rutzij richin nuch'er-ri' richin yirusamajij, 3kan k'o chi man xtuqum ta vino, ni man jun ri ch'amirisan, chuqa' ni ta ri ruya'al uva. Chuqa' man tutej uva, ni ri uva chaqirisan chik. 4Rokik rujachon-ri' chuwe yin, man tuqum ni man tutej ronojel ri nel-pe chire ri juwi-uva, ni ri ija'tz, ni ri rij.
5Ronojel ri q'ij ri rujachon-ri' chuwe yin, man nusokaj ta ri rusumal-ruwi', jak'a nuya' q'ij richin nik'iy-qa, roma rija' kan rujachon-ri' chuwe yin. Kan k'o chi nibiyin pa ruchojmilal chinuwech k'a toq nik'is na ri q'ij ri rubin. 6Chupan ronojel ri q'ij toq rujachon-ri' chuwe yin, k'o chi man nijel ta apo chunaqaj jun kamineq, 7stape' kan ja ri rute' o ri rutata' o jun rana' o jun rach'alal ri niken. Wi nijel-apo, nok man ch'ajch'oj ta roma ri kamineq. Ri retal chi kan rujachon-ri' chinuwech yin ja ri nima'q rusumal-ruwi', 8y chupan ronojel ri q'ij ri rujachon-ri' chuwe yin, k'o chi tik'oje' ch'ajch'oj.
9Wi k'o ta jun niken chaq k'ate' chunaqaj rija', kan nuben chire ri rusumal-ruwi' chi man ch'ajch'oj ta chik chinuwech yin. Y rija' chuqa' man ch'ajch'oj ta, roma ri rusumal-ruwi' jari' ri retal chi rujachon-ri' chuwe yin. K'o k'a chi nroyobej wuqu' q'ij richin nich'ajch'ojir. K'ari' chupan ri ruk'isibel q'ij nusokaj-el ri rusumal-ruwi'. 10Y ri jun chik q'ij yeruk'en-pe chuchi' ri wachoch richin molojri'il ka'i' paloma kokoj o ka'i' e nima'q y yerujech chire ri sacerdote. 11Ri sacerdote nusuj jun chike ri ka'i' aj-xik' taq chikopi' richin nikuyutej rumak y ri jun chik niporox chijun richin nijunamatej ruwech wik'in, roma ri kamineq. Ja q'ij ri' toq rija' xtujech chik pe ri rusumal-ruwi' richin retal chi rija' rujachon-ri' chuwe yin.
12Y k'o chi nuchop chik jun bey ri janipe' q'ij ri rusujun chi nujech-ri' chuwe yin y chuqa' k'o chi nuk'en-pe jun alaj karne'l richin chi nok kamelabel richin nikuyutej rumak. Ri q'ij ri rubanon chik pe richin rujachon-ri' chuwe yin man jun xuq'ajuj roma xa xok man ch'ajch'oj ta.
13Toq jun wineq rutz'aqatisan chik ronojel ri q'ij richin rujachon-ri' chuwe yin, ri sacerdote xtuk'en k'a pe ri wineq ri' k'a chuchi' ri wachoch richin molojri'il. 14Ri wineq ri' k'o chi nuk'en-pe sipanik chuwe yin Jehová. Xtuk'en-pe oxi' chikopi': Jun ti alaj karne'l jun rujuna' ri kan tz'aqet, richin jun sipanik ri niporox chijun, jun alaj ixoq karne'l ri kan tz'aqet, richin jun kamelabel richin kuyubel-mak, y ri rox jun achij karne'l ri kan tz'aqet, richin nok sipanik richin nuq'alajirisaj chi junan ruwech wik'in. 15Pa ruwi' chik ri' k'o chi nuk'en-pe jun chakech kaxlan-wey ri maneq ch'amilej-q'or rik'in, ri banon rik'in k'ej chayun ri xolon aceite rik'in y chuqa' kaxlan-wey ri tz'ajin yuquyik rubanik y chuqa' maneq ch'amilej-q'or rik'in y su'un aceite chirij. Chuqa' nuk'en-pe ri sipanik richin ri jalajoj ruwech ixin y ri sipanik richin ri vino.
16K'ari' ri sacerdote nusuj chinuwech ri kamelabel richin kuyubel-mak y chuqa' ri sipanik ri niporox chijun. 17Chirij re' nusuj-apo ri achij karne'l ri niq'alajirisan chi ri wineq ri' junan ruwech wik'in. Chuqa' ri sacerdote nusuj-apo ri chakech ri k'o kaxlan-wey chupan y ri sipanik richin jalajoj ruwech ixin y chuqa' ri vino. 18Y k'ari' ri wineq ri' nusokaj-el ri rusumal-ruwi' ri chiri' akuchi niban-wi oken chupan ri wachoch y nuk'uaj-apo ri rusumal-ruwi' ri rujachon chuwe yin, k'a chupan ri q'aq' ri k'o chuxe' ri sipanik ri nuq'alajirisaj chi junan ruwech wik'in. 19K'ari' ri sacerdote niberuk'ama-pe ri ruche'el-rij ri karne'l toq niroqo chik y jun chike ri jalajoj ruwech kaxlan-wey ri k'o chupan ri chakech y nuya' pa ruq'a' ri wineq ri'. 20K'ari' ri wineq ri' nuya' chik chire ri sacerdote y ri sacerdote nusiloj chinuwech yin. Y ronojel ri sipanik ri' nok richin ri sacerdote y chuqa' ri ruwa-ruk'u'x y ri ra' ri chikop ri nuyek chikaj chinuwech yin. K'ari' ri wineq ri' kan utz chik nuqum vino.
21Jare' ri ruchojmilal pa ruwi' jun wineq ri rujachon-ri' chuwe yin y ri sipanik ri k'o chi nusuj chuwe, pa ruwi' ri ch'aqa' chik sipanik ri kan nitikir nuya' ri wineq ri'. Jak'a ri wineq ri rujachon-ri' chuwe yin, kan k'o chi nuben achi'el nubij chupan ri pixa'.
Ri ruchojmilal richin nikiya' urtisanik pa kiwi' ri israelita
22-23Ri Jehová xuya' chik k'a re jun ruchojmilal re' chire ri Moisés richin nuq'axaj chike ri Aarón y ri e ruk'ajol richin nikiya' urtisanik pa kiwi' ri winaqi'. Jare' ri urtisanik:
24Ja ri Jehová xturtisan y xtichajin iwichin.
25Kan xtiq'alajin ta ri rutzil ri Jehová pan iwi'
y xtujoyowaj ta iwech.
26Kan xkixrutzu' ta k'a pe ri Jehová
y xtuya' ta uxlanibel-k'u'x chiwe.
27Y ri Dios xubij chik: Keri' rije' xtikinataj ri nubi' pa ruwi' ri nutinamit Israel y yin kan xtinya' ri urtisanik pa kiwi', xcha'.
Currently Selected:
Núm 6: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Núm 6
6
Toq jun wineq nujech-ri' chire ri Jehová
1-2Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq y xubij: Wi k'o ta jun achin o jun ixoq ri nrajo' nuya' rutzij richin nuch'er-ri' richin yirusamajij, 3kan k'o chi man xtuqum ta vino, ni man jun ri ch'amirisan, chuqa' ni ta ri ruya'al uva. Chuqa' man tutej uva, ni ri uva chaqirisan chik. 4Rokik rujachon-ri' chuwe yin, man tuqum ni man tutej ronojel ri nel-pe chire ri juwi-uva, ni ri ija'tz, ni ri rij.
5Ronojel ri q'ij ri rujachon-ri' chuwe yin, man nusokaj ta ri rusumal-ruwi', jak'a nuya' q'ij richin nik'iy-qa, roma rija' kan rujachon-ri' chuwe yin. Kan k'o chi nibiyin pa ruchojmilal chinuwech k'a toq nik'is na ri q'ij ri rubin. 6Chupan ronojel ri q'ij toq rujachon-ri' chuwe yin, k'o chi man nijel ta apo chunaqaj jun kamineq, 7stape' kan ja ri rute' o ri rutata' o jun rana' o jun rach'alal ri niken. Wi nijel-apo, nok man ch'ajch'oj ta roma ri kamineq. Ri retal chi kan rujachon-ri' chinuwech yin ja ri nima'q rusumal-ruwi', 8y chupan ronojel ri q'ij ri rujachon-ri' chuwe yin, k'o chi tik'oje' ch'ajch'oj.
9Wi k'o ta jun niken chaq k'ate' chunaqaj rija', kan nuben chire ri rusumal-ruwi' chi man ch'ajch'oj ta chik chinuwech yin. Y rija' chuqa' man ch'ajch'oj ta, roma ri rusumal-ruwi' jari' ri retal chi rujachon-ri' chuwe yin. K'o k'a chi nroyobej wuqu' q'ij richin nich'ajch'ojir. K'ari' chupan ri ruk'isibel q'ij nusokaj-el ri rusumal-ruwi'. 10Y ri jun chik q'ij yeruk'en-pe chuchi' ri wachoch richin molojri'il ka'i' paloma kokoj o ka'i' e nima'q y yerujech chire ri sacerdote. 11Ri sacerdote nusuj jun chike ri ka'i' aj-xik' taq chikopi' richin nikuyutej rumak y ri jun chik niporox chijun richin nijunamatej ruwech wik'in, roma ri kamineq. Ja q'ij ri' toq rija' xtujech chik pe ri rusumal-ruwi' richin retal chi rija' rujachon-ri' chuwe yin.
12Y k'o chi nuchop chik jun bey ri janipe' q'ij ri rusujun chi nujech-ri' chuwe yin y chuqa' k'o chi nuk'en-pe jun alaj karne'l richin chi nok kamelabel richin nikuyutej rumak. Ri q'ij ri rubanon chik pe richin rujachon-ri' chuwe yin man jun xuq'ajuj roma xa xok man ch'ajch'oj ta.
13Toq jun wineq rutz'aqatisan chik ronojel ri q'ij richin rujachon-ri' chuwe yin, ri sacerdote xtuk'en k'a pe ri wineq ri' k'a chuchi' ri wachoch richin molojri'il. 14Ri wineq ri' k'o chi nuk'en-pe sipanik chuwe yin Jehová. Xtuk'en-pe oxi' chikopi': Jun ti alaj karne'l jun rujuna' ri kan tz'aqet, richin jun sipanik ri niporox chijun, jun alaj ixoq karne'l ri kan tz'aqet, richin jun kamelabel richin kuyubel-mak, y ri rox jun achij karne'l ri kan tz'aqet, richin nok sipanik richin nuq'alajirisaj chi junan ruwech wik'in. 15Pa ruwi' chik ri' k'o chi nuk'en-pe jun chakech kaxlan-wey ri maneq ch'amilej-q'or rik'in, ri banon rik'in k'ej chayun ri xolon aceite rik'in y chuqa' kaxlan-wey ri tz'ajin yuquyik rubanik y chuqa' maneq ch'amilej-q'or rik'in y su'un aceite chirij. Chuqa' nuk'en-pe ri sipanik richin ri jalajoj ruwech ixin y ri sipanik richin ri vino.
16K'ari' ri sacerdote nusuj chinuwech ri kamelabel richin kuyubel-mak y chuqa' ri sipanik ri niporox chijun. 17Chirij re' nusuj-apo ri achij karne'l ri niq'alajirisan chi ri wineq ri' junan ruwech wik'in. Chuqa' ri sacerdote nusuj-apo ri chakech ri k'o kaxlan-wey chupan y ri sipanik richin jalajoj ruwech ixin y chuqa' ri vino. 18Y k'ari' ri wineq ri' nusokaj-el ri rusumal-ruwi' ri chiri' akuchi niban-wi oken chupan ri wachoch y nuk'uaj-apo ri rusumal-ruwi' ri rujachon chuwe yin, k'a chupan ri q'aq' ri k'o chuxe' ri sipanik ri nuq'alajirisaj chi junan ruwech wik'in. 19K'ari' ri sacerdote niberuk'ama-pe ri ruche'el-rij ri karne'l toq niroqo chik y jun chike ri jalajoj ruwech kaxlan-wey ri k'o chupan ri chakech y nuya' pa ruq'a' ri wineq ri'. 20K'ari' ri wineq ri' nuya' chik chire ri sacerdote y ri sacerdote nusiloj chinuwech yin. Y ronojel ri sipanik ri' nok richin ri sacerdote y chuqa' ri ruwa-ruk'u'x y ri ra' ri chikop ri nuyek chikaj chinuwech yin. K'ari' ri wineq ri' kan utz chik nuqum vino.
21Jare' ri ruchojmilal pa ruwi' jun wineq ri rujachon-ri' chuwe yin y ri sipanik ri k'o chi nusuj chuwe, pa ruwi' ri ch'aqa' chik sipanik ri kan nitikir nuya' ri wineq ri'. Jak'a ri wineq ri rujachon-ri' chuwe yin, kan k'o chi nuben achi'el nubij chupan ri pixa'.
Ri ruchojmilal richin nikiya' urtisanik pa kiwi' ri israelita
22-23Ri Jehová xuya' chik k'a re jun ruchojmilal re' chire ri Moisés richin nuq'axaj chike ri Aarón y ri e ruk'ajol richin nikiya' urtisanik pa kiwi' ri winaqi'. Jare' ri urtisanik:
24Ja ri Jehová xturtisan y xtichajin iwichin.
25Kan xtiq'alajin ta ri rutzil ri Jehová pan iwi'
y xtujoyowaj ta iwech.
26Kan xkixrutzu' ta k'a pe ri Jehová
y xtuya' ta uxlanibel-k'u'x chiwe.
27Y ri Dios xubij chik: Keri' rije' xtikinataj ri nubi' pa ruwi' ri nutinamit Israel y yin kan xtinya' ri urtisanik pa kiwi', xcha'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.