Núm 35
35
Ri ulew richin soq'olbel ri xtikichinaj kan ri e levita
1-2Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq ri chiri' pa Moab, chunaqaj ri raqen-ya' Jordán chuwech-pe ri Jericó y xubij: Rix kan k'o chi niya' kan juba' kulew ri e levita richin nikiben-q'anej kokoj taq kitinamit, y chuqa' juba' kulew richin nikiyuq'uj ri kawej ri ek'o chuchi' ri kitinamit. Y ri ulew ri' chikikojol ri kiruwach'ulew ri e kablajuj tzobaj winaqi'. 3Keri' xtok kan kichin rije' richin nik'oje' kitinamit y chuqa' ri juba' kulew richin akuchi nikiyuq'uj-wi ri kawej. 4-5K'o chi niwetaj chi kaji' ruchi' ri ulew y 535 jaj ri pa taq ruxikin ri k'o chi niya' kan. Y ri tinamit k'o chi nik'oje' kan pa nik'aj chire ri ulew y ri soq'olbel k'o chi nik'oje' kan chuchi' ri tinamit.
Ri ruchojmilal pa ruwi' ri kamisanel
6Xtiya' k'a kawineq waqxaqi' tinamit chike ri e levita, y chikikojol ri', waqi' k'a tinamit ri xtok kan richin tobel, richin keri' ri yekamisan, chiri' nibekito-wi-ki'. 7Ronojel ri tinamit ri xtiya' kan chike, e kawineq waqxaqi' tinamit rik'in ri ulew ri ek'o chuchi' ri richin soq'olbel. 8Y kere' ri rujachik ri xtiban chire: Ri tzobaj ri e k'iy winaqi' ek'o chupan k'o chi nikelesaj kan k'iy tinamit richin nikiya' chike ri levita y ri tzobaj ri xa e juba' ok, k'o chi nikelesaj kan juba'. Chikijujunal chike ri tzobaj nikiya' kan juba' kulew richin kitinamit ri e levita, xcha'.
9-10Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq y xubij: Toq ik'owisan chik apo ri juk'an ruchi' ri raqen-ya' Jordán, pa ruwach'ulew Canaán, 11kan ye'icha' kan tinamit richin tobel y chiri' napon-wi jun ri xkamisaj jun chik wineq, ri xa man runojin ta chi nuben. 12Y ja tinamit ri' richin tobel, ri akuchi xtuto-wi-ri' ri wineq, chuwech ri nrajo' nuben ruk'exel chire, chiri' k'a nik'oje-wi, k'a toq ri e aj-raqen richin ri tinamit xtikichojmirisaj ri kamik ri xuben. 13Y waqi' tinamit richin tobel ri nicha' kan. 14Oxi' k'a tinamit nicha' re kere-pe juk'an chire ri raqen-ya' Jordán y oxi' chik tinamit ri juk'an-apo chire ri raqen-ya' pa ruwach'ulew Canaán. 15Re waqi' tinamit re' richin tobel, chiri' nibekito-wi-ki' ri awinaq y chuqa' ri man e awinaq ta ri xa chaq k'ate' xkiben jun kamik.
16-18Xabachike ta wineq ri nisokon rik'in jun ch'ich', o rik'in jun abej o rik'in jun che' y ri wineq xsokotej y xtiken, ri xbanon keri' kan jun k'a kamisanel ri' y xtikamisex. 19Ri rach'alal ri k'o más naqaj chire ri xkamisex, jari' ri xtiya'on ruk'exel chire ri kamisanel. Toq xtril kan xtukamisaj k'a. 20Chuqa' wi k'o ta jun wineq nunim jun chik wineq, roma xa itzel nuna' chire, o wi k'o ta jun xuk'eq chirij y xa pa rubanik xuben chire y kan xken, 21o wi xa k'o etzelanik chikikojol y xuya' q'a' chire, y wi re wineq re' kan xken, ri kamisanel ri' chuqa' xtikamisex, roma jun ach'alalri'il.
22-23Jak'a wi xa chaq k'ate' xukamisaj ri wineq, y xa maneq etzelanik chikikojol, 24ri aj-raqen richin ri tinamit richin tobel, xtikiq'et-tzij pa ruwi' ri xbanon ri kamik. Y wi k'o ta jun rach'alal nrajo' nuya' ruk'exel, k'o chi nuben achi'el nuq'alajirisaj ri pixa'. 25Y ri e aj-raqen richin ri tinamit xtikikol-el ri kamisanel chuwech ri najowan niya'on ruk'exel chire y xtibek'oje' chupan ri tinamit richin tobel. Chiri' k'a xtik'oje-wi k'a toq xtiken na ri nimalej sacerdote.
26Wi ta ri kamisanel, nel ta el pa ruk'ulba't ri tinamit richin tobel ri akuchi ruto'on-wi-pe-ri', 27y ri niya'on ruk'exel chire ri kamisanel niberuk'ulu' ta pe ri kamisanel chirij-el ruk'ulba't ri tinamit ri', y ri banoy ruk'exel xtukamisaj k'a ri kamisanel, re' kan man jun xtiban chire. 28Roma kan chiri' ta pa tinamit richin tobel k'o-wi ri kamisanel, k'a ja toq xtiken ri nimalej sacerdote. K'ari' ri kamisanel xtitzolej chik pa ruwach'ulew ri akuchi eleneq-wi-pe. 29Ja pixa' re' richin chojmirisabel iwichin rix y pa kiwi' ri iwalk'ual, xabakuchi ta k'o-wi ri iwachoch.
30Wi k'o ta jun xtukamisaj jun chik wineq y wi xa ta jun ok ri xtz'eton, richin nuya' rutzij, man xtiq'at ta tzij pa ruwi' ri kamisanel ri'. Jak'a wi ka'i-oxi' ri xketz'eton ri xuben ri kamisanel, kan xtiq'at k'a tzij pa ruwi'. 31Chuqa' man jun bey tik'ul méro chuwi-ruq'a' ri kamisanel richin nukol ruk'aslen, roma rija' k'o chi xtelesex-el ri ruk'aslen. 32Chuqa' man tik'ul méro chuwi-ruq'a' ri animajineq-el chupan ri tinamit richin tobel richin nikolotej, roma rija' xtitzolej chirachoch k'a ja toq xtiken na ri nimalej sacerdote.
33Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel. 34Man tiben k'a chire ri ruwach'ulew richin nok man ch'ajch'oj ta, roma akuchi yixbek'oje-wi rix, yin kan pan inik'ajal yik'oje-wi; roma yin Jehová kan ink'o chi'ikojol rix.
Currently Selected:
Núm 35: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Núm 35
35
Ri ulew richin soq'olbel ri xtikichinaj kan ri e levita
1-2Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq ri chiri' pa Moab, chunaqaj ri raqen-ya' Jordán chuwech-pe ri Jericó y xubij: Rix kan k'o chi niya' kan juba' kulew ri e levita richin nikiben-q'anej kokoj taq kitinamit, y chuqa' juba' kulew richin nikiyuq'uj ri kawej ri ek'o chuchi' ri kitinamit. Y ri ulew ri' chikikojol ri kiruwach'ulew ri e kablajuj tzobaj winaqi'. 3Keri' xtok kan kichin rije' richin nik'oje' kitinamit y chuqa' ri juba' kulew richin akuchi nikiyuq'uj-wi ri kawej. 4-5K'o chi niwetaj chi kaji' ruchi' ri ulew y 535 jaj ri pa taq ruxikin ri k'o chi niya' kan. Y ri tinamit k'o chi nik'oje' kan pa nik'aj chire ri ulew y ri soq'olbel k'o chi nik'oje' kan chuchi' ri tinamit.
Ri ruchojmilal pa ruwi' ri kamisanel
6Xtiya' k'a kawineq waqxaqi' tinamit chike ri e levita, y chikikojol ri', waqi' k'a tinamit ri xtok kan richin tobel, richin keri' ri yekamisan, chiri' nibekito-wi-ki'. 7Ronojel ri tinamit ri xtiya' kan chike, e kawineq waqxaqi' tinamit rik'in ri ulew ri ek'o chuchi' ri richin soq'olbel. 8Y kere' ri rujachik ri xtiban chire: Ri tzobaj ri e k'iy winaqi' ek'o chupan k'o chi nikelesaj kan k'iy tinamit richin nikiya' chike ri levita y ri tzobaj ri xa e juba' ok, k'o chi nikelesaj kan juba'. Chikijujunal chike ri tzobaj nikiya' kan juba' kulew richin kitinamit ri e levita, xcha'.
9-10Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq y xubij: Toq ik'owisan chik apo ri juk'an ruchi' ri raqen-ya' Jordán, pa ruwach'ulew Canaán, 11kan ye'icha' kan tinamit richin tobel y chiri' napon-wi jun ri xkamisaj jun chik wineq, ri xa man runojin ta chi nuben. 12Y ja tinamit ri' richin tobel, ri akuchi xtuto-wi-ri' ri wineq, chuwech ri nrajo' nuben ruk'exel chire, chiri' k'a nik'oje-wi, k'a toq ri e aj-raqen richin ri tinamit xtikichojmirisaj ri kamik ri xuben. 13Y waqi' tinamit richin tobel ri nicha' kan. 14Oxi' k'a tinamit nicha' re kere-pe juk'an chire ri raqen-ya' Jordán y oxi' chik tinamit ri juk'an-apo chire ri raqen-ya' pa ruwach'ulew Canaán. 15Re waqi' tinamit re' richin tobel, chiri' nibekito-wi-ki' ri awinaq y chuqa' ri man e awinaq ta ri xa chaq k'ate' xkiben jun kamik.
16-18Xabachike ta wineq ri nisokon rik'in jun ch'ich', o rik'in jun abej o rik'in jun che' y ri wineq xsokotej y xtiken, ri xbanon keri' kan jun k'a kamisanel ri' y xtikamisex. 19Ri rach'alal ri k'o más naqaj chire ri xkamisex, jari' ri xtiya'on ruk'exel chire ri kamisanel. Toq xtril kan xtukamisaj k'a. 20Chuqa' wi k'o ta jun wineq nunim jun chik wineq, roma xa itzel nuna' chire, o wi k'o ta jun xuk'eq chirij y xa pa rubanik xuben chire y kan xken, 21o wi xa k'o etzelanik chikikojol y xuya' q'a' chire, y wi re wineq re' kan xken, ri kamisanel ri' chuqa' xtikamisex, roma jun ach'alalri'il.
22-23Jak'a wi xa chaq k'ate' xukamisaj ri wineq, y xa maneq etzelanik chikikojol, 24ri aj-raqen richin ri tinamit richin tobel, xtikiq'et-tzij pa ruwi' ri xbanon ri kamik. Y wi k'o ta jun rach'alal nrajo' nuya' ruk'exel, k'o chi nuben achi'el nuq'alajirisaj ri pixa'. 25Y ri e aj-raqen richin ri tinamit xtikikol-el ri kamisanel chuwech ri najowan niya'on ruk'exel chire y xtibek'oje' chupan ri tinamit richin tobel. Chiri' k'a xtik'oje-wi k'a toq xtiken na ri nimalej sacerdote.
26Wi ta ri kamisanel, nel ta el pa ruk'ulba't ri tinamit richin tobel ri akuchi ruto'on-wi-pe-ri', 27y ri niya'on ruk'exel chire ri kamisanel niberuk'ulu' ta pe ri kamisanel chirij-el ruk'ulba't ri tinamit ri', y ri banoy ruk'exel xtukamisaj k'a ri kamisanel, re' kan man jun xtiban chire. 28Roma kan chiri' ta pa tinamit richin tobel k'o-wi ri kamisanel, k'a ja toq xtiken ri nimalej sacerdote. K'ari' ri kamisanel xtitzolej chik pa ruwach'ulew ri akuchi eleneq-wi-pe. 29Ja pixa' re' richin chojmirisabel iwichin rix y pa kiwi' ri iwalk'ual, xabakuchi ta k'o-wi ri iwachoch.
30Wi k'o ta jun xtukamisaj jun chik wineq y wi xa ta jun ok ri xtz'eton, richin nuya' rutzij, man xtiq'at ta tzij pa ruwi' ri kamisanel ri'. Jak'a wi ka'i-oxi' ri xketz'eton ri xuben ri kamisanel, kan xtiq'at k'a tzij pa ruwi'. 31Chuqa' man jun bey tik'ul méro chuwi-ruq'a' ri kamisanel richin nukol ruk'aslen, roma rija' k'o chi xtelesex-el ri ruk'aslen. 32Chuqa' man tik'ul méro chuwi-ruq'a' ri animajineq-el chupan ri tinamit richin tobel richin nikolotej, roma rija' xtitzolej chirachoch k'a ja toq xtiken na ri nimalej sacerdote.
33Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel. 34Man tiben k'a chire ri ruwach'ulew richin nok man ch'ajch'oj ta, roma akuchi yixbek'oje-wi rix, yin kan pan inik'ajal yik'oje-wi; roma yin Jehová kan ink'o chi'ikojol rix.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.