Núm 28
28
1Y ri Jehová xch'on chik k'a rik'in ri Moisés y xubij chire: 2Tabij chike ri awinaq israelita chi man tikimestaj rubanik ri k'o chi nikisuj-pe chuwe pa ruq'ijul, ri kaxlan-wey y ri sipanik ri yeporox ri kan yejubulin chinuwech.
3Chuqa' xtabij chike chi ja sipanik re' ri xtikisuj chinuwech yin: Q'ij q'ij kan tikisuju' k'a ka'i' nima-alaj achij taq karne'l ri jun kijuna', ri kan e tz'aqet. Jari' k'a ri xtikiporoj chijun chinuwech. 4Jun k'a chike ri karne'l ri' nikisuj ri nimaq'a', y ri jun chik nikisuj ri tiqaq'ij. 5Y re' junan yesuj rik'in ri sipanik richin ri jalajoj ruwech ixin. K'o chi xtikisuj chuwe, ka'i' libra k'ej chayun xolon rik'in jun litro aceite richin olivo ri kan jebel ch'ajch'oj. 6Re' kan jantape' k'a xtiporoj chinuwech, achi'el xsuj ri chiri' pa ruwi' ri juyu' Sinaí richin xjubulin chinuwech yin Jehová. 7Y chuqa' k'o chi nisuj ri sipanik ri richin vino. Kan niq'ej k'a chirij ri kamelabel y jun litro k'a ri niq'ej pa ruwi' jujun nima-alaj achij karne'l. Ronojel re' kan ja ri pa wachoch yin niban-wi; re' kan richin k'a chi niya'ox nuq'ij yin Jehová. 8Ri ruka'n karne'l ri nisuj ri tiqaq'ij, kan rik'in k'a chuqa' k'ej y vino nisuj; kan junan rubanik rik'in ri nisuj ri nimaq'a'. Re jun sipanik re' kan niporox chijun richin nijubulin chinuwech y richin chi niya'ox nuq'ij yin Jehová.
Ri sipanik richin ri q'ij richin uxlanenri'il
9Chupan ri q'ij richin uxlanenri'il kan ruk'amon nikik'uaj-apo ka'i' nima-alaj achij karne'l ri k'o jun kijuna' y ri kan e tz'aqet. Y ka'i' libra k'ej chayun xolon aceite rik'in, kere' rubanik ri sipanik, kan rachibilan chuqa' ri vino. 10Jare' ri sipanik ri yeporox chijun ri yesuj ri q'ij richin uxlanenri'il, rachibilan chuqa' ri sipanik ri nisuj q'ij-q'ij.
Ri sipanik ri yeya'ox ik'-ik'
11Ri nabey q'ij chire ri ik' xtikisuj chinuwech yin, ka'i' nima-alaj achij wákix, jun achij karne'l y wuqu' achij karne'l ri jujun kijuna' y konojel re' kan e tz'aqet. 12Chikijujunal ri wákix rachibilan waqi' libra k'ej chayun xolon rik'in aceite. Chikijujunal ri achij karne'l rachibilan kaji' libra k'ej chayun xolon rik'in aceite. 13Chirij ri jujun nima-alaj achij karne'l niya' ka'i' libra k'ej chayun xolon rik'in aceite. Y re' niporox chijun richin jun sipanik ri nijubulin chinuwech yin Jehová. 14Ri sipanik richin ri vino, ka'i' litro ri niya'ox chirij ri jujun nima-alaj achij wákix y jun litro rik'in nik'aj chirij ri jun achij karne'l, y jun litro chirij jujun karne'l ri k'o jun kijuna'. Ja sipanik re' ri k'o chi yeporox chijun chinuwech yin ronojel ik' chire ri juna'. 15Y toq isujun chik re taq chikopi' re' rachibilan ri vino, k'o chi nisuj-apo chinuwech yin richin kuyubel-mak, jun achij tzuntzun.
Ri sipanik toq ninatex chi ri Jehová xuya' ri Solbelri'il
(Lev 23:5-8)
16Chupan ri q'ij kajlajuj richin ri nabey ik' chire ri juna', jari' toq ninimaq'ijuj ri aq'a' toq yin choj xinik'o-el pan iwi' richin xixinkol-pe. 17Y chupan chik ri jun q'ij jari' toq nitikeriba' yixnimaq'ijun wuqu' q'ij nitej kaxlan-wey ri maneq ch'amilej-q'or rik'in. 18Ri nabey q'ij chire ri wuqu' q'ij niben jun molojri'il, y re' jun q'ij ri kan man jun kowilej samaj ri xtiben. 19K'o chi nisuj chikopi' richin yeporox chijun ri kan nijubulin chinuwech. Ka'i' nima-alaji' achija' taq wákix, jun achij karne'l y wuqu' achija' karne'l ri jujun kijuna' y konojel re' kan e tz'aqet. 20Chuqa' nisuj richin sipanik k'ej chayun xolon rik'in aceite, nisuj k'a waqi' libra k'ej chayun rachibilan ri wákix, y kaji' libra k'ej rachibilan ri achij karne'l, 21ka'i' libra k'ej rik'in ri jujun nima-alaj achij karne'l. 22Y chuqa' nisuj jun achij tzuntzun richin kuyubel-mak richin nijunamatej iwech wik'in. 23Y ronojel re sipanik re' kachibilan ri chikopi' ri ye'isuj q'ij-q'ij ronojel nimaq'a'. 24Keri' niben chi wuqu' q'ij chire ri nimaq'ij, richin nijubulin chinuwech ri sipanik ri yeporox chijun. Y ronojel ri sipanik ri' kachibilan ri chikopi' ri ye'isuj q'ij-q'ij ronojel nimaq'a' kachibilan ri vino. 25Pa ruwuq q'ij k'o chi niben ri imolojri'il richin niya' nuq'ij, y ri q'ij ri' man jun kowilej samaj ri xtiben.
Sipanik richin ri nabey ruwech tiko'n
(Lev 23:9-22)
26Chuqa' yixnimaq'ijun toq napon ri nimaq'ij richin Pentecostés, toq nisuj ri nabey jalajoj ruwech ixin. Y chupan ri q'ij ri' k'o chi nimol-iwi' richin niya' nuq'ij y man jun kowilej samaj niben. 27Xtisuj k'a sipanik ri yeporox chijun, richin nijubulin chinuwech yin Jehová. Xtisuj k'a ka'i' nima-alaji' achija' taq wákix, jun achij karne'l y e wuqu' alaji' achija' karne'l ri jun kijuna'. 28Ri wákix rachibilan waqi' libra k'ej ri xolon rik'in aceite. Y rik'in ri achij karne'l, k'o chi niya' kaji' libra k'ej chayun ri xolon rik'in aceite. 29Y chikij ri jujun ri nima-alaj achij karne'l, k'o chi niya' kaka' libra k'ej chayun ri xolon aceite rik'in. 30Chuqa' k'o chi nisuj jun achij tzuntzun richin nikuyutej imak y keri' nijunamatej iwech wik'in. 31Y ronojel re sipanik re' rachibilan ri vino y ri chikopi' ri ye'isuj q'ij-q'ij ronojel nimaq'a' kachibilan ri jalajoj ruwech ixin. Y konojel k'a ri taq chikopi' k'o chi kan e tz'aqet.
Ri nimaq'ij kichin ri trompeta
(Lev 23:23-25)
Currently Selected:
Núm 28: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Núm 28
28
1Y ri Jehová xch'on chik k'a rik'in ri Moisés y xubij chire: 2Tabij chike ri awinaq israelita chi man tikimestaj rubanik ri k'o chi nikisuj-pe chuwe pa ruq'ijul, ri kaxlan-wey y ri sipanik ri yeporox ri kan yejubulin chinuwech.
3Chuqa' xtabij chike chi ja sipanik re' ri xtikisuj chinuwech yin: Q'ij q'ij kan tikisuju' k'a ka'i' nima-alaj achij taq karne'l ri jun kijuna', ri kan e tz'aqet. Jari' k'a ri xtikiporoj chijun chinuwech. 4Jun k'a chike ri karne'l ri' nikisuj ri nimaq'a', y ri jun chik nikisuj ri tiqaq'ij. 5Y re' junan yesuj rik'in ri sipanik richin ri jalajoj ruwech ixin. K'o chi xtikisuj chuwe, ka'i' libra k'ej chayun xolon rik'in jun litro aceite richin olivo ri kan jebel ch'ajch'oj. 6Re' kan jantape' k'a xtiporoj chinuwech, achi'el xsuj ri chiri' pa ruwi' ri juyu' Sinaí richin xjubulin chinuwech yin Jehová. 7Y chuqa' k'o chi nisuj ri sipanik ri richin vino. Kan niq'ej k'a chirij ri kamelabel y jun litro k'a ri niq'ej pa ruwi' jujun nima-alaj achij karne'l. Ronojel re' kan ja ri pa wachoch yin niban-wi; re' kan richin k'a chi niya'ox nuq'ij yin Jehová. 8Ri ruka'n karne'l ri nisuj ri tiqaq'ij, kan rik'in k'a chuqa' k'ej y vino nisuj; kan junan rubanik rik'in ri nisuj ri nimaq'a'. Re jun sipanik re' kan niporox chijun richin nijubulin chinuwech y richin chi niya'ox nuq'ij yin Jehová.
Ri sipanik richin ri q'ij richin uxlanenri'il
9Chupan ri q'ij richin uxlanenri'il kan ruk'amon nikik'uaj-apo ka'i' nima-alaj achij karne'l ri k'o jun kijuna' y ri kan e tz'aqet. Y ka'i' libra k'ej chayun xolon aceite rik'in, kere' rubanik ri sipanik, kan rachibilan chuqa' ri vino. 10Jare' ri sipanik ri yeporox chijun ri yesuj ri q'ij richin uxlanenri'il, rachibilan chuqa' ri sipanik ri nisuj q'ij-q'ij.
Ri sipanik ri yeya'ox ik'-ik'
11Ri nabey q'ij chire ri ik' xtikisuj chinuwech yin, ka'i' nima-alaj achij wákix, jun achij karne'l y wuqu' achij karne'l ri jujun kijuna' y konojel re' kan e tz'aqet. 12Chikijujunal ri wákix rachibilan waqi' libra k'ej chayun xolon rik'in aceite. Chikijujunal ri achij karne'l rachibilan kaji' libra k'ej chayun xolon rik'in aceite. 13Chirij ri jujun nima-alaj achij karne'l niya' ka'i' libra k'ej chayun xolon rik'in aceite. Y re' niporox chijun richin jun sipanik ri nijubulin chinuwech yin Jehová. 14Ri sipanik richin ri vino, ka'i' litro ri niya'ox chirij ri jujun nima-alaj achij wákix y jun litro rik'in nik'aj chirij ri jun achij karne'l, y jun litro chirij jujun karne'l ri k'o jun kijuna'. Ja sipanik re' ri k'o chi yeporox chijun chinuwech yin ronojel ik' chire ri juna'. 15Y toq isujun chik re taq chikopi' re' rachibilan ri vino, k'o chi nisuj-apo chinuwech yin richin kuyubel-mak, jun achij tzuntzun.
Ri sipanik toq ninatex chi ri Jehová xuya' ri Solbelri'il
(Lev 23:5-8)
16Chupan ri q'ij kajlajuj richin ri nabey ik' chire ri juna', jari' toq ninimaq'ijuj ri aq'a' toq yin choj xinik'o-el pan iwi' richin xixinkol-pe. 17Y chupan chik ri jun q'ij jari' toq nitikeriba' yixnimaq'ijun wuqu' q'ij nitej kaxlan-wey ri maneq ch'amilej-q'or rik'in. 18Ri nabey q'ij chire ri wuqu' q'ij niben jun molojri'il, y re' jun q'ij ri kan man jun kowilej samaj ri xtiben. 19K'o chi nisuj chikopi' richin yeporox chijun ri kan nijubulin chinuwech. Ka'i' nima-alaji' achija' taq wákix, jun achij karne'l y wuqu' achija' karne'l ri jujun kijuna' y konojel re' kan e tz'aqet. 20Chuqa' nisuj richin sipanik k'ej chayun xolon rik'in aceite, nisuj k'a waqi' libra k'ej chayun rachibilan ri wákix, y kaji' libra k'ej rachibilan ri achij karne'l, 21ka'i' libra k'ej rik'in ri jujun nima-alaj achij karne'l. 22Y chuqa' nisuj jun achij tzuntzun richin kuyubel-mak richin nijunamatej iwech wik'in. 23Y ronojel re sipanik re' kachibilan ri chikopi' ri ye'isuj q'ij-q'ij ronojel nimaq'a'. 24Keri' niben chi wuqu' q'ij chire ri nimaq'ij, richin nijubulin chinuwech ri sipanik ri yeporox chijun. Y ronojel ri sipanik ri' kachibilan ri chikopi' ri ye'isuj q'ij-q'ij ronojel nimaq'a' kachibilan ri vino. 25Pa ruwuq q'ij k'o chi niben ri imolojri'il richin niya' nuq'ij, y ri q'ij ri' man jun kowilej samaj ri xtiben.
Sipanik richin ri nabey ruwech tiko'n
(Lev 23:9-22)
26Chuqa' yixnimaq'ijun toq napon ri nimaq'ij richin Pentecostés, toq nisuj ri nabey jalajoj ruwech ixin. Y chupan ri q'ij ri' k'o chi nimol-iwi' richin niya' nuq'ij y man jun kowilej samaj niben. 27Xtisuj k'a sipanik ri yeporox chijun, richin nijubulin chinuwech yin Jehová. Xtisuj k'a ka'i' nima-alaji' achija' taq wákix, jun achij karne'l y e wuqu' alaji' achija' karne'l ri jun kijuna'. 28Ri wákix rachibilan waqi' libra k'ej ri xolon rik'in aceite. Y rik'in ri achij karne'l, k'o chi niya' kaji' libra k'ej chayun ri xolon rik'in aceite. 29Y chikij ri jujun ri nima-alaj achij karne'l, k'o chi niya' kaka' libra k'ej chayun ri xolon aceite rik'in. 30Chuqa' k'o chi nisuj jun achij tzuntzun richin nikuyutej imak y keri' nijunamatej iwech wik'in. 31Y ronojel re sipanik re' rachibilan ri vino y ri chikopi' ri ye'isuj q'ij-q'ij ronojel nimaq'a' kachibilan ri jalajoj ruwech ixin. Y konojel k'a ri taq chikopi' k'o chi kan e tz'aqet.
Ri nimaq'ij kichin ri trompeta
(Lev 23:23-25)
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.