Núm 25
25
Ri israelita nikiya' ruq'ij ri dios Baal-peor
1Y rokik ri tinamit Israel k'o-qa ri chiri' pa ruwach'ulew Sitim, ri achi'a' xkichop k'a yemakun kik'in ri ixoqi' aj-Moab, 2roma kan ja k'a ri ixoqi' ri xe'oyon kichin ri winaqi' richin ri tinamit Israel richin nikisuj kamelabel chikiwech ri ki-dios, y rije' kan xewa-xe'uk'ya' kik'in. 3Y keri' ri winaqi' kan xkiju-apo-ki' richin nikiya' ruq'ij ri Baal-peor. Y ri Jehová xyakatej k'a janila royowal chikij ri winaqi' israelita.
4K'ari' ri Jehová xubij chire ri Moisés: Ke'amolo' konojel ri e aj-raqen ri ek'o pa kiwi' ri awinaq y ke'akamisaj chinuwech yin Jehová y kan paq'ij k'a toq xke'akamisaj. Richin keri' ri woyowal ri yakatajineq chiwij xtik'is-el, xcha'. 5K'ari' ri Moisés xubij chike ri to'onela' ri ek'o chikikojol ri kiwinaq, chi chikijujunal kekikamisaj ri achi'a' richin ri kitzobaj ri kan xebe chuya'ik ruq'ij ri Baal-peor.
6Y k'o k'a jun achin israelita ri ruk'uan-apo jun ixoq aj-Madián y choj xq'ax-el chuwech ri Moisés y chikiwech konojel ri israelita, rokik rije' ye'oq' chuchi' ri rachoch ri Dios richin molojri'il. 7Y toq ri Finees, ri rumam kan ri Aarón xutz'et ri', xbeyakatej-pe chikikojol ri israelita ri kimolon-ki' chiri' y xuk'uaj-el ri rukum, 8y xutzeqelibej-el ri achin ri' k'a pa rachoch. Chiri' xuju-wi ri rukamisabal pa kipan, ri ixoq y ri achin. Y k'ari' toq xtane' ri kamik chikikojol ri winaqi' israelita. 9Konojel k'a ri winaqi' ri xeken chupan ri ruk'ayewal ri' e 24,000.
10K'ari' ri Jehová xch'on chik rik'in ri Moisés y xubij: 11Ri Finees ri ruk'ajol ri Eleazar, ri rumam kan ri nimalej sacerdote Aarón, kan xuben k'a chuwe chi xqaqa ruwi' ri woyowal chikij ri awinaq israelita. Rija' chuqa' kan xyakatej royowal achi'el yin, roma ri mak ri', y roma ri' yin man xink'is ta re tinamit. 12Roma ri' tabij chire chi yin ninjikiba-nutzij chire, chi yin man xtipe ta woyowal chire rija'. 13Chuqa' chire ri Finees y chike ri e rijatzul ninjech-wi kan ri samaj richin sacerdote. Y re' jun jikibel-tzij richin q'asen, roma rija' kan xirajo' y xuben chi xkuyutej-kimak ri awinaq, xcha'.
14Ri achin ri xkamisex rachibilan ri ixoq aj-Madián, rubini'an Zimrí, ruk'ajol ri Salú. Y ri Zimrí jun aj-raqen pa kiwi' jun jay winaqi' richin ri tzobaj richin kan ri Simeón. 15Y ri ixoq aj-Madián ri xkamisex, rubini'an Cozbí, rumi'al ri Sur. Y ri Sur jun aj-raqen pa kiwi' jun jay winaqi' ri chiri' pa ruwach'ulew Madián.
16K'ari' ri Jehová xch'on chik rik'in ri Moisés y xubij: 17Kan ke'ikamisaj k'a ri winaqi' aj-Madián roma rije' e etzelanel iwichin. 18Keri' tibana' chike, roma rije' kan xixkiq'ol roma xkiben chiwe chi xiya' ruq'ij ri Baal-peor y koma rije' xkamisex ri Cozbí ri rumi'al ri Sur, xcha'.
Currently Selected:
Núm 25: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Núm 25
25
Ri israelita nikiya' ruq'ij ri dios Baal-peor
1Y rokik ri tinamit Israel k'o-qa ri chiri' pa ruwach'ulew Sitim, ri achi'a' xkichop k'a yemakun kik'in ri ixoqi' aj-Moab, 2roma kan ja k'a ri ixoqi' ri xe'oyon kichin ri winaqi' richin ri tinamit Israel richin nikisuj kamelabel chikiwech ri ki-dios, y rije' kan xewa-xe'uk'ya' kik'in. 3Y keri' ri winaqi' kan xkiju-apo-ki' richin nikiya' ruq'ij ri Baal-peor. Y ri Jehová xyakatej k'a janila royowal chikij ri winaqi' israelita.
4K'ari' ri Jehová xubij chire ri Moisés: Ke'amolo' konojel ri e aj-raqen ri ek'o pa kiwi' ri awinaq y ke'akamisaj chinuwech yin Jehová y kan paq'ij k'a toq xke'akamisaj. Richin keri' ri woyowal ri yakatajineq chiwij xtik'is-el, xcha'. 5K'ari' ri Moisés xubij chike ri to'onela' ri ek'o chikikojol ri kiwinaq, chi chikijujunal kekikamisaj ri achi'a' richin ri kitzobaj ri kan xebe chuya'ik ruq'ij ri Baal-peor.
6Y k'o k'a jun achin israelita ri ruk'uan-apo jun ixoq aj-Madián y choj xq'ax-el chuwech ri Moisés y chikiwech konojel ri israelita, rokik rije' ye'oq' chuchi' ri rachoch ri Dios richin molojri'il. 7Y toq ri Finees, ri rumam kan ri Aarón xutz'et ri', xbeyakatej-pe chikikojol ri israelita ri kimolon-ki' chiri' y xuk'uaj-el ri rukum, 8y xutzeqelibej-el ri achin ri' k'a pa rachoch. Chiri' xuju-wi ri rukamisabal pa kipan, ri ixoq y ri achin. Y k'ari' toq xtane' ri kamik chikikojol ri winaqi' israelita. 9Konojel k'a ri winaqi' ri xeken chupan ri ruk'ayewal ri' e 24,000.
10K'ari' ri Jehová xch'on chik rik'in ri Moisés y xubij: 11Ri Finees ri ruk'ajol ri Eleazar, ri rumam kan ri nimalej sacerdote Aarón, kan xuben k'a chuwe chi xqaqa ruwi' ri woyowal chikij ri awinaq israelita. Rija' chuqa' kan xyakatej royowal achi'el yin, roma ri mak ri', y roma ri' yin man xink'is ta re tinamit. 12Roma ri' tabij chire chi yin ninjikiba-nutzij chire, chi yin man xtipe ta woyowal chire rija'. 13Chuqa' chire ri Finees y chike ri e rijatzul ninjech-wi kan ri samaj richin sacerdote. Y re' jun jikibel-tzij richin q'asen, roma rija' kan xirajo' y xuben chi xkuyutej-kimak ri awinaq, xcha'.
14Ri achin ri xkamisex rachibilan ri ixoq aj-Madián, rubini'an Zimrí, ruk'ajol ri Salú. Y ri Zimrí jun aj-raqen pa kiwi' jun jay winaqi' richin ri tzobaj richin kan ri Simeón. 15Y ri ixoq aj-Madián ri xkamisex, rubini'an Cozbí, rumi'al ri Sur. Y ri Sur jun aj-raqen pa kiwi' jun jay winaqi' ri chiri' pa ruwach'ulew Madián.
16K'ari' ri Jehová xch'on chik rik'in ri Moisés y xubij: 17Kan ke'ikamisaj k'a ri winaqi' aj-Madián roma rije' e etzelanel iwichin. 18Keri' tibana' chike, roma rije' kan xixkiq'ol roma xkiben chiwe chi xiya' ruq'ij ri Baal-peor y koma rije' xkamisex ri Cozbí ri rumi'al ri Sur, xcha'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.