Lev 19
19
Ri nik'atzin chi niban richin ri Dios y kichin ri winaqi'
1Xch'on chik ri Jehová rik'in ri Moisés y xubij chire chi 2tubij chike ri winaqi': Kan tich'ajch'ojirisaj k'a iwi' richin niben ri utz chire ri ik'aslen roma yin Jehová ri i-Dios kan in loq'olej-wi. 3Tiya' kiq'ij ri ite-itata'; kan tiya' rejqalen ri q'ij richin uxlanen. Yin Jehová ri i-Dios ri yibin. 4Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin. 5Toq nisuj kamelabel chinuwech richin nijunamatej-iwech wik'in, k'o chi nisuj ri kamelabel ri' achi'el ri nubin, y yin kan xtink'ul. 6Ri chikop ri' k'o chi nitej ri ruch'akul ri q'ij toq nisuj, y chuqa' k'a utz nitej ri ruka'n q'ij. Jak'a wi k'a k'o nik'oje' kan richin ri rox q'ij, re' kan niporox. 7Roma wi k'o ta jun wineq nitijo ri ti'ij pa rox q'ij, re' kan xtuben chuwe chi xtinwetzelaj y man xtink'ul ta. 8Xabachike k'a ri xtitijo ri ti'ij ri' pa rox q'ij, kan ja rija' nejqalen ri rumak. Y re wineq re' kan xtelesex-el chi'ikojol, roma xuben chire chi maneq rejqalen ri jachon chuwe yin.
Jalajoj ruwech pixa'
9Toq napon ri q'ij richin nik'ol ruwech ri itiko'n, tiya' kan juba' chuchi', y chuqa' man kixpich'olin-el. 10Y toq nik'ol ruwech ri uva, chuqa' man xkixpich'olin-el. Y wi k'o ta yetzaq kan, man ke'isik'-el. Xa kan tiya' kan chike ri man jun k'o kik'in y chuqa' chike ri man e iwinaq ta ri ek'o chi'ikojol. Yin Jehová ri i-Dios ri yibin.
11Man k'a kixeleq'; man tiq'ol jun chik; y man titz'uk-tzij chiwech rix. 12Man k'a tijikiba-itzij pa nubi' ri xa man qitzij ta, roma kan nuben richin niyoq'otej ri nubi' yin, ri i-Dios. Yin Jehová ri yibin.
13Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek. 14Man tiyojobej ri tokon rik'in itzel taq ch'abel, y man tiya' pikbel pa rubey jun moy; xa kan tik'oje' nukiy chiwech. Yin Jehová ri yibin.
15Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq. 16Man k'a tikamuluj-tzij chi'ikojol rix: man k'a tiyoj-iwi' kik'in ri yekamisan kichin ri iwinaq. Yin Jehová ri yibin.
17Man k'a tipe pan iwánima richin niwetzelaj ri iwach'alal o ri iwinaq; xa kan tipixabaj k'a toq k'atzinel, richin keri' man niwejqalej ta rix ri rumak. 18Man tiben ruk'exel chike ri yebanon itzel chiwe rix, ni man k'a tich'upun ik'u'x chikij ri iwinaq; xa kan tiwajo-iwi', achi'el niwajo-qa-iwi' rix. Yin Jehová ri yibin.
19Kan ke'iyaka' k'a pa taq iwánima ri pixa' ri nuya'on chiwe. Man tiya' q'ij chike ri iwawej richin ye'etz'an kik'in ch'aqa' chik kiwech chikopi' richin ye'alex. Toq niben tiko'n man k'a titik-qa jalajoj ruwech ija'tz chupan jun ulew. Chuqa' man k'a tikusaj tzieq ri banon rik'in jalajoj ruwech betz'.
20Wi k'o ta jun achin ruloq'on jun xten, y k'o jun k'utuyun, xaxe man jani tutoj kan chire ri nabey rajaw; y wi ta jun chik achin nik'oje' ta qa rik'in ri xten ri', chi e ka'i' rije' man yekamisex ta, roma ri k'utuyun man jani rutojon kan. Jak'a rije' kan xtikejqalej ri kimak. 21Ri achin k'o chi nusuj jun achij karne'l richin jun kamelabel richin rucha'oj, y k'o chi nuk'uaj chuchi' ri wachoch. 22Rik'in k'a re achij karne'l re' nusuj ri kamelabel roma rucha'oj. Ri sacerdote nuk'utuj k'a kuyubel rumak ri achin ri' y kan xtinkuy k'a. Y keri' nijunamatej-ruwech wik'in.
23Toq xkixok k'a chupan ri ruwach'ulew ri xtinya' chiwe, y xke'itik-qa jalajoj kiwech che' ri nikiya' kiwech ri e tijel, y toq nuchop niwachin ri che' ri', oxi' k'a juna' man titej kiwech roma kan xajan. 24Chupan ri rukaj juna', ronojel ri kiwech ri che' e tijel kan xtijech k'a chuwe yin richin niya' nuq'ij. 25Jak'a chupan ri ro' juna' k'ari' utz xtitej ri kiwech ri che' ri e tijel ri e itikon-qa. Richin keri' kan yewachin ronojel ri itiko'n. Ja yin Jehová ri i-Dios ri yibin.
26Man jun ti'ij titej ri k'o kik' rik'in. Chuqa' man tibananej, y chuqa' man kixok aj-itz. 27Rix achi'a', toq nisokaj ri rusumal-iwi', man k'a tisokaj ri rusumal-iwi' xe taq ixikin, y man tisokaj ri rutza'n ri rusumal-ichi'. 28Chuqa' man tisokola-qa-iwi' toq k'o jun niken, y man k'a ke'iyala-qa iwetal roma bis, yin Jehová ri yibin.
29Man k'a tiben chike ri imi'al richin nikichop itzel k'aslen,*f6* richin chi ri ruwach'ulew man ninoj ta rik'in etzelal.
30Kan tichajij k'a ri q'ij richin uxlanen, y kan tiya' k'a rejqalen ri wachoch. Yin Jehová ri yibin.
31Man kixbe kik'in ri yekik'ulubej kaminaqi', ni rik'in ri xa nubananej chi retaman ri peteneq chiwech-apo, roma wi niben keri' xa man ix ch'ajch'oj ta chinuwech. Yin Jehová ri yibin.
32Toq nitz'et jun wineq ri kan k'o chik k'iy rujuna', wi ix tz'uyul, kan kixpa'e' richin nik'ut chi kan k'o ruq'ij, y keri' nik'ut chi yin chuqa' k'o nuq'ij. Yin Jehová ri yibin.
33Man k'a ke'iwetzelaj ri man e iwinaq ta ri ek'o chi'ikojol. 34Kan tibana' k'a chi kan e achi'el e iwinaq: Kan ke'iwajo' k'a achi'el niwajo-qa-iwi' rix, roma chuqa' rix xixk'oje' chupan ri ruwach'ulew Egipto y xa man ix aj chiri' ta. Yin Jehová ri i-Dios ri yibin.
35-36Kan pa ruchojmilal k'a tibana' rik'in ri etabel. Tikusaj k'a ri etabel choj y tz'aqet. Ja yin Jehová ri i-Dios ri xinelesan-pe iwichin pan Egipto, ri yibin chiwe. 37Ronojel re' kan tiyaka' pan iwánima, y chuqa' kan keri' tibana'. Yin Jehová ri yibin.
Currently Selected:
Lev 19: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Lev 19
19
Ri nik'atzin chi niban richin ri Dios y kichin ri winaqi'
1Xch'on chik ri Jehová rik'in ri Moisés y xubij chire chi 2tubij chike ri winaqi': Kan tich'ajch'ojirisaj k'a iwi' richin niben ri utz chire ri ik'aslen roma yin Jehová ri i-Dios kan in loq'olej-wi. 3Tiya' kiq'ij ri ite-itata'; kan tiya' rejqalen ri q'ij richin uxlanen. Yin Jehová ri i-Dios ri yibin. 4Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin. 5Toq nisuj kamelabel chinuwech richin nijunamatej-iwech wik'in, k'o chi nisuj ri kamelabel ri' achi'el ri nubin, y yin kan xtink'ul. 6Ri chikop ri' k'o chi nitej ri ruch'akul ri q'ij toq nisuj, y chuqa' k'a utz nitej ri ruka'n q'ij. Jak'a wi k'a k'o nik'oje' kan richin ri rox q'ij, re' kan niporox. 7Roma wi k'o ta jun wineq nitijo ri ti'ij pa rox q'ij, re' kan xtuben chuwe chi xtinwetzelaj y man xtink'ul ta. 8Xabachike k'a ri xtitijo ri ti'ij ri' pa rox q'ij, kan ja rija' nejqalen ri rumak. Y re wineq re' kan xtelesex-el chi'ikojol, roma xuben chire chi maneq rejqalen ri jachon chuwe yin.
Jalajoj ruwech pixa'
9Toq napon ri q'ij richin nik'ol ruwech ri itiko'n, tiya' kan juba' chuchi', y chuqa' man kixpich'olin-el. 10Y toq nik'ol ruwech ri uva, chuqa' man xkixpich'olin-el. Y wi k'o ta yetzaq kan, man ke'isik'-el. Xa kan tiya' kan chike ri man jun k'o kik'in y chuqa' chike ri man e iwinaq ta ri ek'o chi'ikojol. Yin Jehová ri i-Dios ri yibin.
11Man k'a kixeleq'; man tiq'ol jun chik; y man titz'uk-tzij chiwech rix. 12Man k'a tijikiba-itzij pa nubi' ri xa man qitzij ta, roma kan nuben richin niyoq'otej ri nubi' yin, ri i-Dios. Yin Jehová ri yibin.
13Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek. 14Man tiyojobej ri tokon rik'in itzel taq ch'abel, y man tiya' pikbel pa rubey jun moy; xa kan tik'oje' nukiy chiwech. Yin Jehová ri yibin.
15Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq. 16Man k'a tikamuluj-tzij chi'ikojol rix: man k'a tiyoj-iwi' kik'in ri yekamisan kichin ri iwinaq. Yin Jehová ri yibin.
17Man k'a tipe pan iwánima richin niwetzelaj ri iwach'alal o ri iwinaq; xa kan tipixabaj k'a toq k'atzinel, richin keri' man niwejqalej ta rix ri rumak. 18Man tiben ruk'exel chike ri yebanon itzel chiwe rix, ni man k'a tich'upun ik'u'x chikij ri iwinaq; xa kan tiwajo-iwi', achi'el niwajo-qa-iwi' rix. Yin Jehová ri yibin.
19Kan ke'iyaka' k'a pa taq iwánima ri pixa' ri nuya'on chiwe. Man tiya' q'ij chike ri iwawej richin ye'etz'an kik'in ch'aqa' chik kiwech chikopi' richin ye'alex. Toq niben tiko'n man k'a titik-qa jalajoj ruwech ija'tz chupan jun ulew. Chuqa' man k'a tikusaj tzieq ri banon rik'in jalajoj ruwech betz'.
20Wi k'o ta jun achin ruloq'on jun xten, y k'o jun k'utuyun, xaxe man jani tutoj kan chire ri nabey rajaw; y wi ta jun chik achin nik'oje' ta qa rik'in ri xten ri', chi e ka'i' rije' man yekamisex ta, roma ri k'utuyun man jani rutojon kan. Jak'a rije' kan xtikejqalej ri kimak. 21Ri achin k'o chi nusuj jun achij karne'l richin jun kamelabel richin rucha'oj, y k'o chi nuk'uaj chuchi' ri wachoch. 22Rik'in k'a re achij karne'l re' nusuj ri kamelabel roma rucha'oj. Ri sacerdote nuk'utuj k'a kuyubel rumak ri achin ri' y kan xtinkuy k'a. Y keri' nijunamatej-ruwech wik'in.
23Toq xkixok k'a chupan ri ruwach'ulew ri xtinya' chiwe, y xke'itik-qa jalajoj kiwech che' ri nikiya' kiwech ri e tijel, y toq nuchop niwachin ri che' ri', oxi' k'a juna' man titej kiwech roma kan xajan. 24Chupan ri rukaj juna', ronojel ri kiwech ri che' e tijel kan xtijech k'a chuwe yin richin niya' nuq'ij. 25Jak'a chupan ri ro' juna' k'ari' utz xtitej ri kiwech ri che' ri e tijel ri e itikon-qa. Richin keri' kan yewachin ronojel ri itiko'n. Ja yin Jehová ri i-Dios ri yibin.
26Man jun ti'ij titej ri k'o kik' rik'in. Chuqa' man tibananej, y chuqa' man kixok aj-itz. 27Rix achi'a', toq nisokaj ri rusumal-iwi', man k'a tisokaj ri rusumal-iwi' xe taq ixikin, y man tisokaj ri rutza'n ri rusumal-ichi'. 28Chuqa' man tisokola-qa-iwi' toq k'o jun niken, y man k'a ke'iyala-qa iwetal roma bis, yin Jehová ri yibin.
29Man k'a tiben chike ri imi'al richin nikichop itzel k'aslen,*f6* richin chi ri ruwach'ulew man ninoj ta rik'in etzelal.
30Kan tichajij k'a ri q'ij richin uxlanen, y kan tiya' k'a rejqalen ri wachoch. Yin Jehová ri yibin.
31Man kixbe kik'in ri yekik'ulubej kaminaqi', ni rik'in ri xa nubananej chi retaman ri peteneq chiwech-apo, roma wi niben keri' xa man ix ch'ajch'oj ta chinuwech. Yin Jehová ri yibin.
32Toq nitz'et jun wineq ri kan k'o chik k'iy rujuna', wi ix tz'uyul, kan kixpa'e' richin nik'ut chi kan k'o ruq'ij, y keri' nik'ut chi yin chuqa' k'o nuq'ij. Yin Jehová ri yibin.
33Man k'a ke'iwetzelaj ri man e iwinaq ta ri ek'o chi'ikojol. 34Kan tibana' k'a chi kan e achi'el e iwinaq: Kan ke'iwajo' k'a achi'el niwajo-qa-iwi' rix, roma chuqa' rix xixk'oje' chupan ri ruwach'ulew Egipto y xa man ix aj chiri' ta. Yin Jehová ri i-Dios ri yibin.
35-36Kan pa ruchojmilal k'a tibana' rik'in ri etabel. Tikusaj k'a ri etabel choj y tz'aqet. Ja yin Jehová ri i-Dios ri xinelesan-pe iwichin pan Egipto, ri yibin chiwe. 37Ronojel re' kan tiyaka' pan iwánima, y chuqa' kan keri' tibana'. Yin Jehová ri yibin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.