Job 42
42
Ri ruk'isibel ruch'owen ri Job rik'in ri Dios
1K'ari' ri Job xch'on rik'in ri Jehová y xubij:
2Yin kan wetaman chi ronojel yatikir naben,
y ronojel ri nach'ob chi naben, kan nibanatej-wi.
3Rat xak'utuj chuwe, achike roma xintej nuq'ij richin xink'utuj k'iy ch'abel chawe,
stape' xa maneq wetamabal.
Yin xa xenbij k'a ch'abel ri man yeq'ax ta chinuwech,
nimalej taq banobel ri man nuq'i' ta ri nuch'obonik.
4Rat xabij chuwe chi katinwak'axaj roma rat xkach'on wik'in,
y chi rat k'o nak'utuj chuwe, y yin xtink'uluba' ri ach'abel.
5Re rubanon-pe yin xaxe wetaman awech rik'in ri wak'axan kik'in ri ch'aqa' chik.
Jak'a re wakami yin kan xinwetamaj awech kik'in re runaq' taq nuwech.
6Y roma kan xatintz'et re wakami,
kan yik'ix roma ronojel ri nubin chawij y ninwetzelaj-wi'.
Roma ri' ninqasaj-wi' chawech k'a chupan re poqolaj y re chaj, xcha'.
Ri Jehová nich'on kik'in ri e oxi' rachibil ri Job
7Y toq ri Jehová rubin chik ri ch'abel ri' chire ri Job, jari' toq xch'on-apo rik'in ri Elifaz, y xubij: Kan janila yakatajineq woyowal chawij rat y chikij ri e ka'i' awachibil; roma rix xa man ja ta ri qitzij ri xibij chuwij yin, man xiben ta achi'el xuben ri Job, ri nusamajel. 8Roma ri' wakami, rix tik'uaj k'a wuqu' nima-alaj achija' taq wákix y wuqu' achija' taq karne'l y kixbiyin k'a rik'in ri nusamajel Job, y tibesuju' poron chikopi' roma ri imak. K'ari' ri nusamajel Job xtich'on wik'in yin pan iwi' rix; y yin kan xtinwak'axaj k'a ri ruch'abel rija'. Richin keri' man jun ruk'ayewal xtinya' pan iwi', stape' kan ruk'amon ta ninya' rutojbalil ri imak, roma man qitzij ta ri xibij chuwij yin, rix kan man xiben ta achi'el xuben ri Job, ri nusamajel. 9K'ari' xbe ri Elifaz, ri Bildad y ri Zofar chi e oxi' kan xkiben k'a achi'el xubij ri Jehová chike; y ri Jehová kan xuk'ul k'a ri ruch'owen ri Job.
Ri Jehová nutzolij chik ri rubeyomel ri Job
10Y toq ri Job xtane' yan chi ch'owen rik'in ri Dios, pa kiwi' ri rachibil, ri Dios kan xuya' chik k'a ri rubeyomel. Y man xaxe ta chik k'a ri rubanik ri rubeyomel pa nabey ri xuya' chire, xa kan xuya' chik jun keri' pa ruwi' ri k'o rik'in. 11Xeri' xe'apon k'a rik'in ri Job konojel ri rach'alal, chi achi'a' chi ixoqi', chi ch'uti'q chi nima'q; y kan xe'apon k'a chuqa' konojel ri e etamayon ruwech y kan xkiben k'a jun nima-wa'in rik'in ri chiri' pa rachoch. Kan xkik'ut k'a chuwech chi kan nikijoyowaj ruwech y nikikuqubala' ruk'u'x chire ronojel ri ruk'ayewal ri xuya' ri Jehová pa ruwi'. Y chikijujunal rije' xkiya' juba' méro chire y jujun retz'aba'l rutza'n ri banon rik'in q'anapueq. 12Y ri Jehová kan más k'a xrurtisaj ri Job chupan ri ruk'isibel taq rujuna' chire ri ruk'aslen, kan más k'a k'iy ri beyomel ri xuya' chire ke chuwech ri pa nabey; kan xek'oje' e 14,000 rukarne'l, e 6,000 ru-camello, e 1,000 k'ulaj rubóyix y e 1,000 taq rubur. 13Ri Jehová kan xeruya' chuqa' ralk'ual achi'el ruya'on chire ri pa nabey, xeruya' e wuqu' ruk'ajol y e oxi' rumi'al. 14Ri nabey rumi'al xubini'aj Jemimá, ri ruka'n xubini'aj Quesiá y ri rox xubini'aj Queren-hapuc. 15Kan man jun chik k'a xtani' chuwech chijun ruwach'ulew ri kan janila e jebel ok achi'el ri e rumi'al ri Job; y ri kitata' xuben k'a chike chi xe'ichinan junan kik'in ri kixibal. 16Chirij ronojel re', ri Job xk'ase' na 140 juna' y k'a xerutz'et na kan ri ruk'ajol y ri e kixikin-mam ri ruk'ajol; jari' ri e rukaj sol. 17Y toq ri Job xken, kan jun achin ri janila ri'j chik; kan janila chik k'a k'iy rujuna'.
Currently Selected:
Job 42: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Job 42
42
Ri ruk'isibel ruch'owen ri Job rik'in ri Dios
1K'ari' ri Job xch'on rik'in ri Jehová y xubij:
2Yin kan wetaman chi ronojel yatikir naben,
y ronojel ri nach'ob chi naben, kan nibanatej-wi.
3Rat xak'utuj chuwe, achike roma xintej nuq'ij richin xink'utuj k'iy ch'abel chawe,
stape' xa maneq wetamabal.
Yin xa xenbij k'a ch'abel ri man yeq'ax ta chinuwech,
nimalej taq banobel ri man nuq'i' ta ri nuch'obonik.
4Rat xabij chuwe chi katinwak'axaj roma rat xkach'on wik'in,
y chi rat k'o nak'utuj chuwe, y yin xtink'uluba' ri ach'abel.
5Re rubanon-pe yin xaxe wetaman awech rik'in ri wak'axan kik'in ri ch'aqa' chik.
Jak'a re wakami yin kan xinwetamaj awech kik'in re runaq' taq nuwech.
6Y roma kan xatintz'et re wakami,
kan yik'ix roma ronojel ri nubin chawij y ninwetzelaj-wi'.
Roma ri' ninqasaj-wi' chawech k'a chupan re poqolaj y re chaj, xcha'.
Ri Jehová nich'on kik'in ri e oxi' rachibil ri Job
7Y toq ri Jehová rubin chik ri ch'abel ri' chire ri Job, jari' toq xch'on-apo rik'in ri Elifaz, y xubij: Kan janila yakatajineq woyowal chawij rat y chikij ri e ka'i' awachibil; roma rix xa man ja ta ri qitzij ri xibij chuwij yin, man xiben ta achi'el xuben ri Job, ri nusamajel. 8Roma ri' wakami, rix tik'uaj k'a wuqu' nima-alaj achija' taq wákix y wuqu' achija' taq karne'l y kixbiyin k'a rik'in ri nusamajel Job, y tibesuju' poron chikopi' roma ri imak. K'ari' ri nusamajel Job xtich'on wik'in yin pan iwi' rix; y yin kan xtinwak'axaj k'a ri ruch'abel rija'. Richin keri' man jun ruk'ayewal xtinya' pan iwi', stape' kan ruk'amon ta ninya' rutojbalil ri imak, roma man qitzij ta ri xibij chuwij yin, rix kan man xiben ta achi'el xuben ri Job, ri nusamajel. 9K'ari' xbe ri Elifaz, ri Bildad y ri Zofar chi e oxi' kan xkiben k'a achi'el xubij ri Jehová chike; y ri Jehová kan xuk'ul k'a ri ruch'owen ri Job.
Ri Jehová nutzolij chik ri rubeyomel ri Job
10Y toq ri Job xtane' yan chi ch'owen rik'in ri Dios, pa kiwi' ri rachibil, ri Dios kan xuya' chik k'a ri rubeyomel. Y man xaxe ta chik k'a ri rubanik ri rubeyomel pa nabey ri xuya' chire, xa kan xuya' chik jun keri' pa ruwi' ri k'o rik'in. 11Xeri' xe'apon k'a rik'in ri Job konojel ri rach'alal, chi achi'a' chi ixoqi', chi ch'uti'q chi nima'q; y kan xe'apon k'a chuqa' konojel ri e etamayon ruwech y kan xkiben k'a jun nima-wa'in rik'in ri chiri' pa rachoch. Kan xkik'ut k'a chuwech chi kan nikijoyowaj ruwech y nikikuqubala' ruk'u'x chire ronojel ri ruk'ayewal ri xuya' ri Jehová pa ruwi'. Y chikijujunal rije' xkiya' juba' méro chire y jujun retz'aba'l rutza'n ri banon rik'in q'anapueq. 12Y ri Jehová kan más k'a xrurtisaj ri Job chupan ri ruk'isibel taq rujuna' chire ri ruk'aslen, kan más k'a k'iy ri beyomel ri xuya' chire ke chuwech ri pa nabey; kan xek'oje' e 14,000 rukarne'l, e 6,000 ru-camello, e 1,000 k'ulaj rubóyix y e 1,000 taq rubur. 13Ri Jehová kan xeruya' chuqa' ralk'ual achi'el ruya'on chire ri pa nabey, xeruya' e wuqu' ruk'ajol y e oxi' rumi'al. 14Ri nabey rumi'al xubini'aj Jemimá, ri ruka'n xubini'aj Quesiá y ri rox xubini'aj Queren-hapuc. 15Kan man jun chik k'a xtani' chuwech chijun ruwach'ulew ri kan janila e jebel ok achi'el ri e rumi'al ri Job; y ri kitata' xuben k'a chike chi xe'ichinan junan kik'in ri kixibal. 16Chirij ronojel re', ri Job xk'ase' na 140 juna' y k'a xerutz'et na kan ri ruk'ajol y ri e kixikin-mam ri ruk'ajol; jari' ri e rukaj sol. 17Y toq ri Job xken, kan jun achin ri janila ri'j chik; kan janila chik k'a k'iy rujuna'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.