Ex 8
8
1Jari' toq ri Jehová xch'on chik jun bey rik'in ri Moisés y xubij chire: Katapon chik jun bey chuwech ri rey y tabij chire chi yin kere' ninbij: Taya' q'ij chire ri nutinamit richin nibe y yirusamajij. 2Roma wi man xtaya' ta q'ij richin ye'el-el, yin xtinya' ruk'ayewal pan awi' y xkenteq-pe xkalet pa ruwi' chijun ri aruwach'ulew. 3Y chupan ri raqen-ya' xkebetz'ukutej-pe janila chi xkalet, re' xkebe'el-pe y xke'ok pan awachoch, xke'ok akuchi yawer-wi, xkejote' pa ruwi' ri ach'at, pa kachoch ri asamajela', pa kachoch konojel ri awinaq, xke'ok chupan ri akuchi nachaq'arisaj-wi ri akaxlan-way y xkejote' pa taq aq'e'n. 4Ri xkalet ri' xkejoteyaj chawij rat, chikij ri asamajela' y chikij konojel ri awinaq, xkacha' chire ri rey, xcha' ri Jehová.
5Jari' toq ri Jehová xubij chire ri Moisés chi ri Aarón tutzeqej ri ruch'ame'y pa kiwi' ri raqen taq ya' chi ch'uti'q chi nima'q y pa kiwi' ri ya' ri e rimil pa taq ulew, richin xkebetz'ukutej-pe xkalet y nikinojisaj ri ruwach'ulew Egipto.
6Y ri Aarón xutzeqej k'a ri ruch'ame'y pa kiwi' ri ya' richin Egipto y kan chijun k'a kiruwach'ulew xnoj chi xkalet. 7Jak'a ri aj-itza' kan keri' chuqa' xkiben. Rik'in ri itzel uchuq'a' ri k'o kik'in xkiben chi kan xebek'ulun-pe chuqa' xkalet chijun ruwach'ulew Egipto. 8Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.
9Jari' toq ri Moisés xubij chire ri rey: Xaxe tabij chuwe toq xtawajo' richin nink'utuj chire ri Jehová Dios richin kerelesaj-el re xkalet pan awachoch rat, pa kachoch ri aj-raqen y pa kachoch ri awinaq. Xke'el k'a el pa taq iwachoch y xkek'oje' kan xaxe chupan ri raqen-ya', xcha' ri Moisés.
10Ja ri chua'q ninwajo' yin, xcha' ri rey.
Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj. 11Ri xkalet kan xkatkiya' k'a kan, xke'el-el chupan ri awachoch, pa kachoch ri aj-raqen, pa kachoch konojel ri awinaq y xkek'oje' kan xaxe chupan ri raqen-ya' Nilo, xcha'.
12K'ari' ri Moisés y ri Aarón xe'el-pe rik'in ri rey. Jari' toq ri Moisés kan rik'in uchuq'a' xuk'utuj chire ri Jehová Dios chi kerelesaj ri xkalet ri e rutaqon-pe chirij ri rey. 13Ri Jehová xuben k'a achi'el ri xuk'utuj ri Moisés, kan xeken k'a konojel ri xkalet ri ek'o pa taq jay, ri ek'o chuwa taq jay y ri ek'o pa taq juyu', 14y ri winaqi' xekimol k'a pa taq tzubaj y chijun ri ruwach'ulew xchuwir koma ri kaminaqi' taq xkalet. 15Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.
Ri ruk'ayewal roma ri janila chi xenen
16Xeri' ri Jehová xch'on chik jun bey rik'in ri Moisés y kere' xubij chire: Tabij chire ri Aarón: Tayaka' ri ach'ame'y y tanaqa' ruwi' la poqolaj ri k'o pa ruwi' ri ruwach'ulew, y keri' xkeyakatej janila chi xenen chupan chijun ri ruwach'ulew Egipto, xcha' ri Dios.
17Y rije' kan keri' xkiben. Ri Aarón xuneq rik'in ri ruch'ame'y ri ruwi' ri poqolaj y kan jari' ronojel ri poqolaj ri k'o pan Egipto xok xenen y kan xek'oje' k'a xenen chikij ri winaqi' y ri chikopi'. 18Jak'a ri aj-itza' richin Egipto xkajo' chuqa' xkiben keri' rik'in ri itzel uchuq'a' ri k'o kik'in y xa man xetikir ta y keri' xek'oje' k'a xenen chikij ri winaqi' y chikij ri chikopi'. 19Roma ri' ri aj-itza' xkibij chire ri rey: Re' kan rusamaj-wi ri Dios, xecha'.
Jak'a ri rey xa más xukowirisaj ri ránima, y man xerak'axaj ta chik ri Moisés y ri Aarón, kan achi'el ri rubin ri Jehová.
Ri ruk'ayewal roma janila chi amolo'
20Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij. 21Roma wi man naya' ta q'ij chike richin yebe, yin kan xtinteq-pe pa botzaj amolo' pan awi' rat, pa kiwi' ri aj-raqen, pa kiwi' ri awinaq, y pa taq iwachoch. Y kan chijun k'a ri aruwach'ulew ri akuchi ek'o-wi ri awinaq, kan xtinoj chi amolo', achi'el jun sutz' xtuben pa ruwi' ri ulew. 22Toq xtibanatej k'a keri', ri pa ruwach'ulew Gosen ri akuchi ek'o-wi ri israelita, kan man jun k'a botzaj amolo' xtapon chiri'. Y keri' xtawetamaj k'a chi yin Jehová ink'o chikikojol rije'. 23Yin kan xtinya' k'a rukojol rik'in ri nutinamit yin y ri atinamit rat; y re nimalej nubanobal richin retal, ja yan ri chua'q xtibanatej, xkacha' chire ri rey, xcha' ri Dios.
24Ri Jehová kan keri' xuben y xepe ri amolo'. Kan yejopop k'a, xe'ok pa rachoch ri rey, ri pa taq kachoch ri rusamajela' y chijun ruwach'ulew richin Egipto. Xkinojisaj k'a chijun ri ruwach'ulew y xabakuchi k'a ye'okiyaj y yeqajlan-wi.
25K'ari' ri rey xuteq chik koyoxik ri Moisés y ri Aarón y xubij chike: Kixbiyin tibesuju' kamelabel chire ri i-Dios, jak'a man yixel ta el chupan ri ruk'ulba't ri Egipto, xcha'.
26Jak'a ri Moisés xubij: Man ruk'amon ta k'a chi xa wawe' pan Egipto niqasuj ri kamelabel chire ri Jehová ri qa-Dios roj, roma man xtiqa' ta chikiwech ri winaqi' aj wawe'. Roma xa ta keri' niqaben chikiwech, xqojketzelaj y xqojkikamisaj chi abej. 27Roma ri' xa kan k'atzinel xqojbiyin na oxi' q'ij pa tz'iran ruwach'ulew. Y chiri' xtiqasuj kamelabel chire ri Jehová ri qa-Dios, kan achi'el ri rubin chiqe, xcha' ri Moisés.
28Y ri rey xubij: Yin kan xtinya' k'a q'ij chiwe richin xkixbe richin xtibesuju' kamelabel chire ri Jehová ri i-Dios pa tz'iran ruwach'ulew, jak'a man yixbe ta más nej y tibana' utzil xkixch'on rik'in ri i-Dios pa nuwi' yin, xcha'.
29Jak'a ri Moisés xubij: Kan xaxe k'a toq xkinel-el wawe' xtink'utuj chire ri Jehová chi chua'q xkerelesaj re botzaj amolo' re', pan awi' rat, pa kiwi' ri aj-raqen, pa kiwi' konojel ri awinaq. Xaxe man ta chik xqojaq'ol y man ta chik xqojaq'et richin nibeqaya' ruq'ij ri Jehová, richin nibeqasuju' kamelabel chire, xcha'.
30Xeri' ri Moisés xel-pe rik'in ri rey, y xch'on rik'in ri Jehová, 31y ri Jehová kan xuben k'a achi'el ri xuk'utuj ri Moisés. Xerelesaj k'a el ronojel ri amolo' rik'in ri rey, kik'in ri aj-raqen, kik'in konojel ri ruwinaq y kan man jun k'a amolo' xk'oje' ta kan. 32Jak'a ri rey xa xukowirisaj chik jun bey ri ránima y man xuya' ta q'ij richin xebe ri israelita.
Currently Selected:
Ex 8: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Ex 8
8
1Jari' toq ri Jehová xch'on chik jun bey rik'in ri Moisés y xubij chire: Katapon chik jun bey chuwech ri rey y tabij chire chi yin kere' ninbij: Taya' q'ij chire ri nutinamit richin nibe y yirusamajij. 2Roma wi man xtaya' ta q'ij richin ye'el-el, yin xtinya' ruk'ayewal pan awi' y xkenteq-pe xkalet pa ruwi' chijun ri aruwach'ulew. 3Y chupan ri raqen-ya' xkebetz'ukutej-pe janila chi xkalet, re' xkebe'el-pe y xke'ok pan awachoch, xke'ok akuchi yawer-wi, xkejote' pa ruwi' ri ach'at, pa kachoch ri asamajela', pa kachoch konojel ri awinaq, xke'ok chupan ri akuchi nachaq'arisaj-wi ri akaxlan-way y xkejote' pa taq aq'e'n. 4Ri xkalet ri' xkejoteyaj chawij rat, chikij ri asamajela' y chikij konojel ri awinaq, xkacha' chire ri rey, xcha' ri Jehová.
5Jari' toq ri Jehová xubij chire ri Moisés chi ri Aarón tutzeqej ri ruch'ame'y pa kiwi' ri raqen taq ya' chi ch'uti'q chi nima'q y pa kiwi' ri ya' ri e rimil pa taq ulew, richin xkebetz'ukutej-pe xkalet y nikinojisaj ri ruwach'ulew Egipto.
6Y ri Aarón xutzeqej k'a ri ruch'ame'y pa kiwi' ri ya' richin Egipto y kan chijun k'a kiruwach'ulew xnoj chi xkalet. 7Jak'a ri aj-itza' kan keri' chuqa' xkiben. Rik'in ri itzel uchuq'a' ri k'o kik'in xkiben chi kan xebek'ulun-pe chuqa' xkalet chijun ruwach'ulew Egipto. 8Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.
9Jari' toq ri Moisés xubij chire ri rey: Xaxe tabij chuwe toq xtawajo' richin nink'utuj chire ri Jehová Dios richin kerelesaj-el re xkalet pan awachoch rat, pa kachoch ri aj-raqen y pa kachoch ri awinaq. Xke'el k'a el pa taq iwachoch y xkek'oje' kan xaxe chupan ri raqen-ya', xcha' ri Moisés.
10Ja ri chua'q ninwajo' yin, xcha' ri rey.
Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj. 11Ri xkalet kan xkatkiya' k'a kan, xke'el-el chupan ri awachoch, pa kachoch ri aj-raqen, pa kachoch konojel ri awinaq y xkek'oje' kan xaxe chupan ri raqen-ya' Nilo, xcha'.
12K'ari' ri Moisés y ri Aarón xe'el-pe rik'in ri rey. Jari' toq ri Moisés kan rik'in uchuq'a' xuk'utuj chire ri Jehová Dios chi kerelesaj ri xkalet ri e rutaqon-pe chirij ri rey. 13Ri Jehová xuben k'a achi'el ri xuk'utuj ri Moisés, kan xeken k'a konojel ri xkalet ri ek'o pa taq jay, ri ek'o chuwa taq jay y ri ek'o pa taq juyu', 14y ri winaqi' xekimol k'a pa taq tzubaj y chijun ri ruwach'ulew xchuwir koma ri kaminaqi' taq xkalet. 15Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.
Ri ruk'ayewal roma ri janila chi xenen
16Xeri' ri Jehová xch'on chik jun bey rik'in ri Moisés y kere' xubij chire: Tabij chire ri Aarón: Tayaka' ri ach'ame'y y tanaqa' ruwi' la poqolaj ri k'o pa ruwi' ri ruwach'ulew, y keri' xkeyakatej janila chi xenen chupan chijun ri ruwach'ulew Egipto, xcha' ri Dios.
17Y rije' kan keri' xkiben. Ri Aarón xuneq rik'in ri ruch'ame'y ri ruwi' ri poqolaj y kan jari' ronojel ri poqolaj ri k'o pan Egipto xok xenen y kan xek'oje' k'a xenen chikij ri winaqi' y ri chikopi'. 18Jak'a ri aj-itza' richin Egipto xkajo' chuqa' xkiben keri' rik'in ri itzel uchuq'a' ri k'o kik'in y xa man xetikir ta y keri' xek'oje' k'a xenen chikij ri winaqi' y chikij ri chikopi'. 19Roma ri' ri aj-itza' xkibij chire ri rey: Re' kan rusamaj-wi ri Dios, xecha'.
Jak'a ri rey xa más xukowirisaj ri ránima, y man xerak'axaj ta chik ri Moisés y ri Aarón, kan achi'el ri rubin ri Jehová.
Ri ruk'ayewal roma janila chi amolo'
20Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij. 21Roma wi man naya' ta q'ij chike richin yebe, yin kan xtinteq-pe pa botzaj amolo' pan awi' rat, pa kiwi' ri aj-raqen, pa kiwi' ri awinaq, y pa taq iwachoch. Y kan chijun k'a ri aruwach'ulew ri akuchi ek'o-wi ri awinaq, kan xtinoj chi amolo', achi'el jun sutz' xtuben pa ruwi' ri ulew. 22Toq xtibanatej k'a keri', ri pa ruwach'ulew Gosen ri akuchi ek'o-wi ri israelita, kan man jun k'a botzaj amolo' xtapon chiri'. Y keri' xtawetamaj k'a chi yin Jehová ink'o chikikojol rije'. 23Yin kan xtinya' k'a rukojol rik'in ri nutinamit yin y ri atinamit rat; y re nimalej nubanobal richin retal, ja yan ri chua'q xtibanatej, xkacha' chire ri rey, xcha' ri Dios.
24Ri Jehová kan keri' xuben y xepe ri amolo'. Kan yejopop k'a, xe'ok pa rachoch ri rey, ri pa taq kachoch ri rusamajela' y chijun ruwach'ulew richin Egipto. Xkinojisaj k'a chijun ri ruwach'ulew y xabakuchi k'a ye'okiyaj y yeqajlan-wi.
25K'ari' ri rey xuteq chik koyoxik ri Moisés y ri Aarón y xubij chike: Kixbiyin tibesuju' kamelabel chire ri i-Dios, jak'a man yixel ta el chupan ri ruk'ulba't ri Egipto, xcha'.
26Jak'a ri Moisés xubij: Man ruk'amon ta k'a chi xa wawe' pan Egipto niqasuj ri kamelabel chire ri Jehová ri qa-Dios roj, roma man xtiqa' ta chikiwech ri winaqi' aj wawe'. Roma xa ta keri' niqaben chikiwech, xqojketzelaj y xqojkikamisaj chi abej. 27Roma ri' xa kan k'atzinel xqojbiyin na oxi' q'ij pa tz'iran ruwach'ulew. Y chiri' xtiqasuj kamelabel chire ri Jehová ri qa-Dios, kan achi'el ri rubin chiqe, xcha' ri Moisés.
28Y ri rey xubij: Yin kan xtinya' k'a q'ij chiwe richin xkixbe richin xtibesuju' kamelabel chire ri Jehová ri i-Dios pa tz'iran ruwach'ulew, jak'a man yixbe ta más nej y tibana' utzil xkixch'on rik'in ri i-Dios pa nuwi' yin, xcha'.
29Jak'a ri Moisés xubij: Kan xaxe k'a toq xkinel-el wawe' xtink'utuj chire ri Jehová chi chua'q xkerelesaj re botzaj amolo' re', pan awi' rat, pa kiwi' ri aj-raqen, pa kiwi' konojel ri awinaq. Xaxe man ta chik xqojaq'ol y man ta chik xqojaq'et richin nibeqaya' ruq'ij ri Jehová, richin nibeqasuju' kamelabel chire, xcha'.
30Xeri' ri Moisés xel-pe rik'in ri rey, y xch'on rik'in ri Jehová, 31y ri Jehová kan xuben k'a achi'el ri xuk'utuj ri Moisés. Xerelesaj k'a el ronojel ri amolo' rik'in ri rey, kik'in ri aj-raqen, kik'in konojel ri ruwinaq y kan man jun k'a amolo' xk'oje' ta kan. 32Jak'a ri rey xa xukowirisaj chik jun bey ri ránima y man xuya' ta q'ij richin xebe ri israelita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.