Ex 4
4
Ri retal ri xbanatej rik'in ri Moisés
1K'ari' ri Moisés xch'on y xubij chire ri Dios: Ri nuwinaq xa man xkinkinimaj ta y man xtikak'axaj ta ri nuch'abel. Rije' xa xtikibij: Ri Jehová maneq xuk'ut-ri' chawech rat, xkecha' chuwe, xcha' ri Moisés chire ri Dios. 2Y ri Jehová xuk'utuj chire chi achike ruk'uan pa ruq'a'. Y ri Moisés xubij: Jun nuch'ame'y, xcha'.
3Y ri Jehová xubij chire: Tak'aqa-qa pan ulew, xcha'. Y ri Moisés xuk'eq-qa ri ruch'ame'y pan ulew, y ri ch'ame'y ri' xok kumetz y rija' nanimej k'a chuwech. 4K'ari' ri Jehová xubij chire: Tachapa' la kumetz chi rujey, xcha' chire. Y rija' kan xuchop k'a chi rujey ri kumetz y xok chik jun bey ch'ame'y pa ruq'a'.
5Rik'in k'a re xtaben chikiwech, kan xtikinimaj chi yin Jehová Dios kan xink'ut-wi' chawech. Yin ri Dios ri kichin ri awati't-amama', ri Abraham, ri Isaac y ri Jacob, xcha' ri Dios chire. 6Chuqa' ri Jehová xubij chire: Taju-apo la aq'a' chuwa-ak'u'x, xcha'. Ri Moisés kan xuju' na wi apo ri ruq'a' chuwa-ruk'u'x, y toq xrelesaj-pe, kan seq-seq rubanon achi'el ri chuma-tew, roma xutz'em jun yabil richin ch'akulaj. 7Y ri Dios xubij k'a chire: Taju' chik apo jun bey la aq'a' chuwa-ak'u'x, xcha'. Y rija' xuju' chik apo jun bey ri ruq'a', y toq xrelesaj-pe ri ruq'a', kan utz chik, achi'el ri pa nabey. 8K'ari' ri Dios xubij chire ri Moisés: Wi rik'in ri nabey nimalej nubanobal ri richin retal, man yatkinimaj ta y man nikak'axaj ta ri ach'abel, k'ari' xtaben ri ruka'n nimalej banobel richin retal. 9Jak'a wi rik'in re ka'i' nima'q taq banobel richin retal re', man yatkinimaj ta y man nikak'axaj ta ri ach'abel, k'ari' xtabek'ama-pe juba' ya' richin ri raqen-ya' Nilo, y xtaq'ej pa ruwi' ri ulew. Jari' toq ri ya' xtok kik', xcha' ri Dios.
10K'ari' ri Moisés xubij chire ri Jehová: ¡Ajaw! Yin xa man xkitikir ta xtinben ri nawajo' rat, roma yin xa kan wichin wi chi man nel ta ok ri nuch'abel. Xa kan keri' ri rubanon kan y man k'a ta re wakami toq rat achapon-pe ch'owen rik'in re asamajel re', xcha'.
11Jak'a ri Jehová xubij chire: Ja yin ri yibanon chire ri wineq chi nich'on, o richin man nich'on ta; richin nak'ex, richin nitzu'un o richin man nitzu'un ta. 12Wakami k'a kabiyin y yin xkik'oje' awik'in, y yin xtinbij chawe ri k'o chi xtabij, xcha' ri Dios chire.
13Ri Moisés xubij chik jun bey: ¡Ajaw! Tabana' utzil tataqa' jun chik, richin nuben ri samaj ri', xcha'.
14Jari' toq ri Jehová xpe royowal chire ri Moisés y xubij chire: Wakami k'a, ja ri animal Aarón, jari' xtawachibilaj roma rija' kan nitikir nich'on jebel. Tatz'eta' na pe, rija' xtipe richin yatoruk'ulu', y toq xkarutz'et, kan janila xtikikot ránima. 15Rat xkach'on k'a rik'in y xtabij chire ri xinbij chawe, y yin kan xkik'oje' awik'in rat y rik'in rija', y xtink'ut k'a chiwech ri k'o chi xtiben. 16Rija' xtich'on k'a pan ak'exel rat chike ri winaqi', y xtubij ri xtabij rat chire, y rat xkatok nuk'exel yin chuwech rija'. 17Tak'uaj-el re ach'ame'y, roma rik'in re' xtaben nima'q taq banobel, xcha' ri Dios chire ri Moisés.
Ri Moisés nitzolej pan Egipto
18Xeri' ri Moisés xtzolin pa rachoch ri Jetro, ri rujinan, y xubij chire: Yin nik'atzin richin yitzolin pan Egipto, richin yenbentz'eta' ri nuwinaq. Ninwajo' ninwetamaj wi kan k'a e k'es na o xa e maneq chik, xcha'.
Y ri Jetro xubij k'a chire: Kabiyin k'a rik'in uxlanen, xcha'.
19Ri Jehová kan ch'owineq chik k'a rik'in ri Moisés, toq kan k'a k'o na ri chiri' pa Madián chi k'o chi nitzolin pan Egipto, roma ri xe'ajowan ri rukamik xa xeken yan k'a, xcha'.
20Y ri Moisés xuk'uaj-el ri rixjayil y ri e ka'i' ruk'ajol y xeruch'okoba-el chirij jun bur y xuchop k'a el bey richin nitzolin pan Egipto, y chuqa' xuk'uaj-el ri ruch'ame'y, ri richin ri Dios. 21K'ari' ri Jehová xubij chire ri Moisés: Toq xatapon yan k'a ri chiri' pan Egipto, kan tabana' k'a chuwech ri rey ronojel ri meyel taq banobel ri xinbij-el chawe; jak'a yin kan xtinkowirisaj k'a ri ránima ri rey y rik'in ri keri' rija' kan man xkerisq'opej ta pe ri nutinamit. 22Y xtabij k'a chire ri rey: Ri Jehová kere' ri rubin-pe: Ri tinamit Israel kan achi'el ri nabey nuk'ajol. 23Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.
Ri Séfora xuya' retal ri ti ral
24Y ri Moisés xuchop k'a el bey, y toq xe'apon akuchi niban-wi waran, xek'oje-qa chiri'. Y ri Jehová xuk'ut chik ri' chuwech jun bey y xrajo' ta chi xukamisaj. 25Y ri Séfora chi'anin xq'ax chuwech, xuchop jun qupibel y xuqupij ri ti ral richin jun retal chi rija' kan jun israelita.*f3* Y ri rutz'umal ri xuqupij xuya' chiraqen ri rachijil y xubij: Roma at wachijil, roma ri' xinben chi xbiyin rukik'el ri ti wal, xcha'.
26Y ri Jehová man jun k'a xuben chire ri Moisés, y ri Séfora xubij chi roma ri Moisés jun israelita, roma ri' xuqupij ri ti ral richin jun retal.
Ri Aarón xberila' ri Moisés
27Jak'a ri chiri' pan Egipto, ri Dios xch'on k'a rik'in ri Aarón y xubij chire: Kabiyin pa tz'iran ruwach'ulew richin nabek'ulu' ri Moisés, xuche'ex. Y ri Aarón kan xbe na wi chuk'ulik ri Moisés akuchi k'o-wi ri juyu' richin ri Dios, ri nibix Horeb chire y richin xuq'ejela' xutz'ubaj rupalej ri ruchaq'. 28Jari' toq ri Moisés xutzijoj chire ri rach'alal ronojel ri rubin-pe ri Jehová chire y chuqa' ri nima'q taq banobel richin retal ri k'o chi nuben. 29Ri Moisés y ri Aarón junan k'a xebe. Y toq xe'apon chila' pan Egipto, xekimol ri e aj-raqen ri ek'o pa kiwi' ri kiwinaq, 30y ri Aarón xutzijoj k'a ronojel ri rubin-pe ri Jehová chire ri Moisés, y xuben chuqa' ri nima'q taq banobel richin retal chikiwech ri winaqi'.
31Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.
Currently Selected:
Ex 4: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Ex 4
4
Ri retal ri xbanatej rik'in ri Moisés
1K'ari' ri Moisés xch'on y xubij chire ri Dios: Ri nuwinaq xa man xkinkinimaj ta y man xtikak'axaj ta ri nuch'abel. Rije' xa xtikibij: Ri Jehová maneq xuk'ut-ri' chawech rat, xkecha' chuwe, xcha' ri Moisés chire ri Dios. 2Y ri Jehová xuk'utuj chire chi achike ruk'uan pa ruq'a'. Y ri Moisés xubij: Jun nuch'ame'y, xcha'.
3Y ri Jehová xubij chire: Tak'aqa-qa pan ulew, xcha'. Y ri Moisés xuk'eq-qa ri ruch'ame'y pan ulew, y ri ch'ame'y ri' xok kumetz y rija' nanimej k'a chuwech. 4K'ari' ri Jehová xubij chire: Tachapa' la kumetz chi rujey, xcha' chire. Y rija' kan xuchop k'a chi rujey ri kumetz y xok chik jun bey ch'ame'y pa ruq'a'.
5Rik'in k'a re xtaben chikiwech, kan xtikinimaj chi yin Jehová Dios kan xink'ut-wi' chawech. Yin ri Dios ri kichin ri awati't-amama', ri Abraham, ri Isaac y ri Jacob, xcha' ri Dios chire. 6Chuqa' ri Jehová xubij chire: Taju-apo la aq'a' chuwa-ak'u'x, xcha'. Ri Moisés kan xuju' na wi apo ri ruq'a' chuwa-ruk'u'x, y toq xrelesaj-pe, kan seq-seq rubanon achi'el ri chuma-tew, roma xutz'em jun yabil richin ch'akulaj. 7Y ri Dios xubij k'a chire: Taju' chik apo jun bey la aq'a' chuwa-ak'u'x, xcha'. Y rija' xuju' chik apo jun bey ri ruq'a', y toq xrelesaj-pe ri ruq'a', kan utz chik, achi'el ri pa nabey. 8K'ari' ri Dios xubij chire ri Moisés: Wi rik'in ri nabey nimalej nubanobal ri richin retal, man yatkinimaj ta y man nikak'axaj ta ri ach'abel, k'ari' xtaben ri ruka'n nimalej banobel richin retal. 9Jak'a wi rik'in re ka'i' nima'q taq banobel richin retal re', man yatkinimaj ta y man nikak'axaj ta ri ach'abel, k'ari' xtabek'ama-pe juba' ya' richin ri raqen-ya' Nilo, y xtaq'ej pa ruwi' ri ulew. Jari' toq ri ya' xtok kik', xcha' ri Dios.
10K'ari' ri Moisés xubij chire ri Jehová: ¡Ajaw! Yin xa man xkitikir ta xtinben ri nawajo' rat, roma yin xa kan wichin wi chi man nel ta ok ri nuch'abel. Xa kan keri' ri rubanon kan y man k'a ta re wakami toq rat achapon-pe ch'owen rik'in re asamajel re', xcha'.
11Jak'a ri Jehová xubij chire: Ja yin ri yibanon chire ri wineq chi nich'on, o richin man nich'on ta; richin nak'ex, richin nitzu'un o richin man nitzu'un ta. 12Wakami k'a kabiyin y yin xkik'oje' awik'in, y yin xtinbij chawe ri k'o chi xtabij, xcha' ri Dios chire.
13Ri Moisés xubij chik jun bey: ¡Ajaw! Tabana' utzil tataqa' jun chik, richin nuben ri samaj ri', xcha'.
14Jari' toq ri Jehová xpe royowal chire ri Moisés y xubij chire: Wakami k'a, ja ri animal Aarón, jari' xtawachibilaj roma rija' kan nitikir nich'on jebel. Tatz'eta' na pe, rija' xtipe richin yatoruk'ulu', y toq xkarutz'et, kan janila xtikikot ránima. 15Rat xkach'on k'a rik'in y xtabij chire ri xinbij chawe, y yin kan xkik'oje' awik'in rat y rik'in rija', y xtink'ut k'a chiwech ri k'o chi xtiben. 16Rija' xtich'on k'a pan ak'exel rat chike ri winaqi', y xtubij ri xtabij rat chire, y rat xkatok nuk'exel yin chuwech rija'. 17Tak'uaj-el re ach'ame'y, roma rik'in re' xtaben nima'q taq banobel, xcha' ri Dios chire ri Moisés.
Ri Moisés nitzolej pan Egipto
18Xeri' ri Moisés xtzolin pa rachoch ri Jetro, ri rujinan, y xubij chire: Yin nik'atzin richin yitzolin pan Egipto, richin yenbentz'eta' ri nuwinaq. Ninwajo' ninwetamaj wi kan k'a e k'es na o xa e maneq chik, xcha'.
Y ri Jetro xubij k'a chire: Kabiyin k'a rik'in uxlanen, xcha'.
19Ri Jehová kan ch'owineq chik k'a rik'in ri Moisés, toq kan k'a k'o na ri chiri' pa Madián chi k'o chi nitzolin pan Egipto, roma ri xe'ajowan ri rukamik xa xeken yan k'a, xcha'.
20Y ri Moisés xuk'uaj-el ri rixjayil y ri e ka'i' ruk'ajol y xeruch'okoba-el chirij jun bur y xuchop k'a el bey richin nitzolin pan Egipto, y chuqa' xuk'uaj-el ri ruch'ame'y, ri richin ri Dios. 21K'ari' ri Jehová xubij chire ri Moisés: Toq xatapon yan k'a ri chiri' pan Egipto, kan tabana' k'a chuwech ri rey ronojel ri meyel taq banobel ri xinbij-el chawe; jak'a yin kan xtinkowirisaj k'a ri ránima ri rey y rik'in ri keri' rija' kan man xkerisq'opej ta pe ri nutinamit. 22Y xtabij k'a chire ri rey: Ri Jehová kere' ri rubin-pe: Ri tinamit Israel kan achi'el ri nabey nuk'ajol. 23Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.
Ri Séfora xuya' retal ri ti ral
24Y ri Moisés xuchop k'a el bey, y toq xe'apon akuchi niban-wi waran, xek'oje-qa chiri'. Y ri Jehová xuk'ut chik ri' chuwech jun bey y xrajo' ta chi xukamisaj. 25Y ri Séfora chi'anin xq'ax chuwech, xuchop jun qupibel y xuqupij ri ti ral richin jun retal chi rija' kan jun israelita.*f3* Y ri rutz'umal ri xuqupij xuya' chiraqen ri rachijil y xubij: Roma at wachijil, roma ri' xinben chi xbiyin rukik'el ri ti wal, xcha'.
26Y ri Jehová man jun k'a xuben chire ri Moisés, y ri Séfora xubij chi roma ri Moisés jun israelita, roma ri' xuqupij ri ti ral richin jun retal.
Ri Aarón xberila' ri Moisés
27Jak'a ri chiri' pan Egipto, ri Dios xch'on k'a rik'in ri Aarón y xubij chire: Kabiyin pa tz'iran ruwach'ulew richin nabek'ulu' ri Moisés, xuche'ex. Y ri Aarón kan xbe na wi chuk'ulik ri Moisés akuchi k'o-wi ri juyu' richin ri Dios, ri nibix Horeb chire y richin xuq'ejela' xutz'ubaj rupalej ri ruchaq'. 28Jari' toq ri Moisés xutzijoj chire ri rach'alal ronojel ri rubin-pe ri Jehová chire y chuqa' ri nima'q taq banobel richin retal ri k'o chi nuben. 29Ri Moisés y ri Aarón junan k'a xebe. Y toq xe'apon chila' pan Egipto, xekimol ri e aj-raqen ri ek'o pa kiwi' ri kiwinaq, 30y ri Aarón xutzijoj k'a ronojel ri rubin-pe ri Jehová chire ri Moisés, y xuben chuqa' ri nima'q taq banobel richin retal chikiwech ri winaqi'.
31Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.