Ex 22
22
Ri ruchojmilal chirij rutojik ch'a'oj
1Wi k'o ta jun achin nreleq'aj jun bóyix o jun karne'l richin nupoch' o richin nuk'ayij-el, k'o chi nuya' wo'o' bóyix roma ri jun, y roma ri jun ti karne'l k'o chi nuya' kaji'.
2Wi k'o ta jun eleq'om nilitej chaq'a' chupan ri jay ri akuchi nuben-wi eleq', y ri rajaw ri jay rik'in juba' xtukamisaj re eleq'om re' roma xril, re' kan man jun k'a xtiban chire roma ri kamik xuben. 3Jak'a wi paq'ij xukamisaj ri eleq'om, kan xtiq'alajirisex k'a chi kan kamisanel. Y toq jun eleq'om nichap, kan xtutoj k'a ronojel ri xreleq'aj y wi maneq achoq ik'in nutoj-wi, kan xtik'ayix k'a el rija' richin nutoj ri releq'. 4Y wi ta ri chikop eleq'an, k'a k'es na nibe'ilitej-pe rik'in ri eleq'om, wi bóyix, wi bur o wi jun karne'l, ri eleq'om k'o chi nutzolij-el ri releq'an y nuya' chik el jun pa ruwi'. 5Wi k'o jun niyuq'un pa juyu' y yeq'ax-apo ri rawej pa rulew o pa rutiko'n jun chik wineq y kan xubech kan, ri rajaw ri chikop kan xtuya' k'a ruk'exel y kan ja k'a ri más utz chire ri rutiko'n rija' ri xtuya-el.
6Wi k'o jun nubox q'aq' y ri q'aq' niq'ax-apo pa rulew ri rachpochel ri k'o tiko'n chuwech o napon akuchi molon chik kan ruchi' ri trigo, ri xboxon ri q'aq' kan xtutoj k'a ronojel ri xk'at.
7Wi k'o jun achin nruxqanej ruméro o ch'aqa' chik ri k'o rejqalen rik'in ri rachpochel y neleq'ex ta el, wi xtilitej ri eleq'om, kan xtutoj k'a ri xreleq'aj-el y nuya' chik jun keri' pa ruwi'. 8Jak'a wi man nilitej ta ri eleq'om, ri wineq ri achoq ik'in uxqanen-wi kan ri méro jari' ri xtuk'uex k'a chikiwech ri to'onela', richin nitz'et wi xa ja rija' ri xchapo-qa ri uxqanen kan rik'in.
9Xabachike k'a wineq wi nibe'ilitej-pe jun bóyix rik'in, jun bur, jun karne'l, tzieq o xabachike y k'o jun ri nibin chi richin rija', re ch'ojinik re' xtuk'uex k'a chikiwech ri to'onela'. Y ri xtel aj-mak xtutzolij k'a ri rubanon-qa richin chire y xtuya' chik el jun pa ruwi' y xtuya-el chire ri rachpochel.
10Wi k'o ta jun wineq nibin chire ri rachpochel, chi tubana' utzil nutzu' ta juba' ri rubur, ri rubóyix, ri rukarne'l o xabachike jun chik chikop y re chikop re' niken ta, nisokotej ta o nuk'uex ta el y man jun nitz'eton-el, 11ri wineq ri achoq ik'in k'o-wi kan ri chikop ri', kan xtuya' k'a rutzij chuwech ri Jehová chi man ja ta rija' ri xbanon chi keri' xuk'uluwachij ri chikop ri'; y roma ri' ri rajaw kan xtunimaj k'a y kan man jun ri xtutoj. 12Jak'a wi xeleq'ex-el rik'in, kan k'o chi xtutoj chire ri rajaw. 13Y wi k'o ta jun k'uxunel chikop ri xkamisan chuwech, kan xtiberuk'utu' k'a ri ruchubal ri chikop richin chi nitz'et y keri' kan man jun k'a ri xtutoj.
14Wi ta k'o jun wineq ri ruqajon ta el jun chikop chire ri rachpochel y re chikop re' nisokotej o niken ta y maneq apo ri rajaw, kan k'o k'a chi xtutoj ri chikop ri'. 15Jak'a wi ri rajaw ri chikop k'o ta apo toq keri' nik'uluwachitej, ri qajonel man xtutoj ta ri chikop, xaxe xtutoj ri qajbel chire ri rajaw.
Ri ruchojmilal ri nik'atzin pa kiwi' ri itzel taq banobel
16Wi k'o jun nuq'ol jun xten ri man jani k'utun ta y nik'oje' rik'in, re nibanon kere' kan xtuya' k'a ri méro ri nik'atzin richin chi nuya' chire ri rutata' re xten re' y chuqa' k'o chi nik'ule' rik'in. 17Jak'a wi ri rutata' ri xten man nrajo' ta nuya-el chire ri xbanon keri', kan k'o chi xtutoj janipe' ri méro ri niya'ox chire ri tata'aj, toq keri' niban chire jun xten.
18Kan man tiya' q'ij chi jun ixoq aj-itz nik'ase'.
19Wi k'o ta jun achin netz'an rik'in jun ixoq chikop o jun ixoq netz'an ta rik'in jun achij chikop, rije' kan xkekamisex k'a.
20Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.
21Man ke'iya' pa tijoj-poqonal y man ke'iya' pa bis ri winaqi' ri man e iwinaq ta ri ek'o chi'ikojol, roma rix xixok chuqa' achi'el rije' toq xixk'oje' pan Egipto.
22Man ke'iya' pa tijoj-poqonal ri meba'i' y ri malkani' taq ixoqi'. 23Roma wi rix kan xke'iya' pa tijoj-poqonal y rije' xkech'on-pe wik'in richin chi kento', kan qitzij ninbij chiwe chi yin kan xkenkol, 24y yin kan xtiyakatej k'a woyowal y xkixinkamisaj rik'in espada y ri iwixjayilal kan xkemalkanej kan y ri iwalk'ual xke'ok kan meba'i'.
25Toq niya' méro pa qajik chire jun iwinaq, ri kan man jun k'o rik'in, man tik'utuj ral chire. 26Wi nik'en kan ri tzieq ri nuq'uj ri iwachpochel, richin qajbel richin ri méro, kan titzolij k'a chire toq niqaqa ri q'ij, 27roma ri tzieq ri' jari' ri nik'atzin chire richin nukuch-ri' toq niwer. Jak'a wi rix man nitzolij ta ri rutziaq y rija' nisujun-pe wik'in, yin kan xtinjoyowaj ruwech rija', roma kan keri' ninben yin.
28Man jun bey tiqasaj nuq'ij yin ri Dios y man tiwoyoj itzel pa kiwi' ri e tata'al richin ri itinamit.
29Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin. 30Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.
31Rix kan xixinch'er k'a chuwe yin, roma ri' man titej k'a ti'ij kichin chikopi' ri e kamisan kan koma k'uxunela' taq chikopi', ri ti'ij ri' xa tiya' chikiwech tz'i'.
Currently Selected:
Ex 22: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Ex 22
22
Ri ruchojmilal chirij rutojik ch'a'oj
1Wi k'o ta jun achin nreleq'aj jun bóyix o jun karne'l richin nupoch' o richin nuk'ayij-el, k'o chi nuya' wo'o' bóyix roma ri jun, y roma ri jun ti karne'l k'o chi nuya' kaji'.
2Wi k'o ta jun eleq'om nilitej chaq'a' chupan ri jay ri akuchi nuben-wi eleq', y ri rajaw ri jay rik'in juba' xtukamisaj re eleq'om re' roma xril, re' kan man jun k'a xtiban chire roma ri kamik xuben. 3Jak'a wi paq'ij xukamisaj ri eleq'om, kan xtiq'alajirisex k'a chi kan kamisanel. Y toq jun eleq'om nichap, kan xtutoj k'a ronojel ri xreleq'aj y wi maneq achoq ik'in nutoj-wi, kan xtik'ayix k'a el rija' richin nutoj ri releq'. 4Y wi ta ri chikop eleq'an, k'a k'es na nibe'ilitej-pe rik'in ri eleq'om, wi bóyix, wi bur o wi jun karne'l, ri eleq'om k'o chi nutzolij-el ri releq'an y nuya' chik el jun pa ruwi'. 5Wi k'o jun niyuq'un pa juyu' y yeq'ax-apo ri rawej pa rulew o pa rutiko'n jun chik wineq y kan xubech kan, ri rajaw ri chikop kan xtuya' k'a ruk'exel y kan ja k'a ri más utz chire ri rutiko'n rija' ri xtuya-el.
6Wi k'o jun nubox q'aq' y ri q'aq' niq'ax-apo pa rulew ri rachpochel ri k'o tiko'n chuwech o napon akuchi molon chik kan ruchi' ri trigo, ri xboxon ri q'aq' kan xtutoj k'a ronojel ri xk'at.
7Wi k'o jun achin nruxqanej ruméro o ch'aqa' chik ri k'o rejqalen rik'in ri rachpochel y neleq'ex ta el, wi xtilitej ri eleq'om, kan xtutoj k'a ri xreleq'aj-el y nuya' chik jun keri' pa ruwi'. 8Jak'a wi man nilitej ta ri eleq'om, ri wineq ri achoq ik'in uxqanen-wi kan ri méro jari' ri xtuk'uex k'a chikiwech ri to'onela', richin nitz'et wi xa ja rija' ri xchapo-qa ri uxqanen kan rik'in.
9Xabachike k'a wineq wi nibe'ilitej-pe jun bóyix rik'in, jun bur, jun karne'l, tzieq o xabachike y k'o jun ri nibin chi richin rija', re ch'ojinik re' xtuk'uex k'a chikiwech ri to'onela'. Y ri xtel aj-mak xtutzolij k'a ri rubanon-qa richin chire y xtuya' chik el jun pa ruwi' y xtuya-el chire ri rachpochel.
10Wi k'o ta jun wineq nibin chire ri rachpochel, chi tubana' utzil nutzu' ta juba' ri rubur, ri rubóyix, ri rukarne'l o xabachike jun chik chikop y re chikop re' niken ta, nisokotej ta o nuk'uex ta el y man jun nitz'eton-el, 11ri wineq ri achoq ik'in k'o-wi kan ri chikop ri', kan xtuya' k'a rutzij chuwech ri Jehová chi man ja ta rija' ri xbanon chi keri' xuk'uluwachij ri chikop ri'; y roma ri' ri rajaw kan xtunimaj k'a y kan man jun ri xtutoj. 12Jak'a wi xeleq'ex-el rik'in, kan k'o chi xtutoj chire ri rajaw. 13Y wi k'o ta jun k'uxunel chikop ri xkamisan chuwech, kan xtiberuk'utu' k'a ri ruchubal ri chikop richin chi nitz'et y keri' kan man jun k'a ri xtutoj.
14Wi ta k'o jun wineq ri ruqajon ta el jun chikop chire ri rachpochel y re chikop re' nisokotej o niken ta y maneq apo ri rajaw, kan k'o k'a chi xtutoj ri chikop ri'. 15Jak'a wi ri rajaw ri chikop k'o ta apo toq keri' nik'uluwachitej, ri qajonel man xtutoj ta ri chikop, xaxe xtutoj ri qajbel chire ri rajaw.
Ri ruchojmilal ri nik'atzin pa kiwi' ri itzel taq banobel
16Wi k'o jun nuq'ol jun xten ri man jani k'utun ta y nik'oje' rik'in, re nibanon kere' kan xtuya' k'a ri méro ri nik'atzin richin chi nuya' chire ri rutata' re xten re' y chuqa' k'o chi nik'ule' rik'in. 17Jak'a wi ri rutata' ri xten man nrajo' ta nuya-el chire ri xbanon keri', kan k'o chi xtutoj janipe' ri méro ri niya'ox chire ri tata'aj, toq keri' niban chire jun xten.
18Kan man tiya' q'ij chi jun ixoq aj-itz nik'ase'.
19Wi k'o ta jun achin netz'an rik'in jun ixoq chikop o jun ixoq netz'an ta rik'in jun achij chikop, rije' kan xkekamisex k'a.
20Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.
21Man ke'iya' pa tijoj-poqonal y man ke'iya' pa bis ri winaqi' ri man e iwinaq ta ri ek'o chi'ikojol, roma rix xixok chuqa' achi'el rije' toq xixk'oje' pan Egipto.
22Man ke'iya' pa tijoj-poqonal ri meba'i' y ri malkani' taq ixoqi'. 23Roma wi rix kan xke'iya' pa tijoj-poqonal y rije' xkech'on-pe wik'in richin chi kento', kan qitzij ninbij chiwe chi yin kan xkenkol, 24y yin kan xtiyakatej k'a woyowal y xkixinkamisaj rik'in espada y ri iwixjayilal kan xkemalkanej kan y ri iwalk'ual xke'ok kan meba'i'.
25Toq niya' méro pa qajik chire jun iwinaq, ri kan man jun k'o rik'in, man tik'utuj ral chire. 26Wi nik'en kan ri tzieq ri nuq'uj ri iwachpochel, richin qajbel richin ri méro, kan titzolij k'a chire toq niqaqa ri q'ij, 27roma ri tzieq ri' jari' ri nik'atzin chire richin nukuch-ri' toq niwer. Jak'a wi rix man nitzolij ta ri rutziaq y rija' nisujun-pe wik'in, yin kan xtinjoyowaj ruwech rija', roma kan keri' ninben yin.
28Man jun bey tiqasaj nuq'ij yin ri Dios y man tiwoyoj itzel pa kiwi' ri e tata'al richin ri itinamit.
29Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin. 30Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.
31Rix kan xixinch'er k'a chuwe yin, roma ri' man titej k'a ti'ij kichin chikopi' ri e kamisan kan koma k'uxunela' taq chikopi', ri ti'ij ri' xa tiya' chikiwech tz'i'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.