Ester 6
6
Ri rey nunimirisaj-q'anej ruq'ij ri Mardoqueo
1Chupan k'a ri aq'a' ri' ri rey man nok ta qa ruwaran, y roma ri' xubij chi tik'amer-pe chire ri wuj ri akuchi e tz'ibatel-wi ri e banatajineq chupan ri ruwach'ulew, y tisik'ix chuwech. 2Chupan k'a ri wuj ri' tz'ibatajineq kan ri jun banobel richin ri Mardoqueo, toq xerunabej ri e ka'i' eunuco ri xkich'ob nikikamisaj ri rey Asuero. 3K'ari' xubij ri rey: ¿Achike k'a rutojbalil y ruq'ij ruk'ulun ri Mardoqueo roma ri jun utzilej banobel ri'?, xcha' chike ri rusamajela'. Y rije' xkibij chi kan man jun rutojbalil ruk'ulun. 4Y jari' toq xok k'a apo ri Amán pa ruwa-jay richin niberuk'utuj utzil chire ri rey chi titzeqebex ri Mardoqueo chire ri che' ri runaban kan. K'ari' ri rey xuk'utuj: ¿Achike k'a ri nibiyajilan chuwa-jay?, xcha'. 5Y ri rusamajela' xkibij chi ja ri Amán. Y ri rey xubij chi tikusex-apo rik'in. 6Xok k'a apo ri Amán. Y ri rey xubij chire: ¿Achike ta ruk'amon richin niban chire ri achin ri ninwajo' yin chi ninimirisex ruq'ij?, xcha'.
Y ri Amán xubij-qa pa ránima, ¿achike ta k'a ri más qajineq chuwech ri rey richin nuya' ruq'ij? ¡Xa kan xaxe wi yin!, xcha-qa. 7Y roma ri' xubij k'a apo chire ri rey: Chire ri achin ri nawajo' nanimirisaj ruq'ij, 8ruk'amon chi nik'amer-pe ri tzieq ri nakusaj rat y ri kiej ri nach'okolibej. Y keri' chuqa' tik'amer-pe ri a-corona richin niya'ox-el pa rujolon ri achin ri'. 9Y ri tzieq y ri kiej tijach pa ruq'a' jun chike ri e tata'al ri k'o más ruq'ij. Y rija' tuwiqa-el ri achin ri nanimirisaj ruq'ij rat, y k'ari' tich'okobex-el chirij ri kiej. Chirij ri' tuyuqej-el ri kiej y tuk'uaj-el chupan ri nima-ruwech bey richin molojri'il, y xtisik'in y xtubij: Kere' niban chire ri achin ri ninimirisex ruq'ij roma ri rey, xticha', xcha' ri Amán.
10K'ari' ri rey xubij chire: Kabiyin k'a chi'anin y tabek'ama-pe ri tzieq y ri kiej, achi'el ri xabij-qa. Tabana' rik'in ri Mardoqueo ri judío ronojel ri xabij. Tatz'eta' chi man jun namestaj chire ri xabij, xcha'.
11Ri Amán xberuk'ama' k'a pe ri tzieq y xujel-el ri Mardoqueo. Chuqa' xberuk'ama-pe ri kiej y xuch'okoba-el chirij, y k'ari' xuyuqej-el ri kiej richin xebe chupan ri nima-ruwech bey richin molojri'il. Y nisik'in k'a beneq, y nubij: Kere' niban chire ri achin ri ninimirisex ruq'ij roma ri rey, nicha'. 12Chirij k'a ronojel re' ri Mardoqueo xtzolej chik chupan ri rusamaj chuchi' ri rachoch ri rey; jak'a ri Amán xbe junanin chirachoch rik'in janila bis y rukuchun-el rujolon roma ri ruk'ix.
13K'ari' xutzijoj chire ri Zeres ri rixjayil y chike konojel ri rachibil ronojel ri xbanatej. Y rije' xkibij chire: Rat xa kan xqasex k'a aq'ij roma ri Mardoqueo. Y roma rija' judío, kan man xkatikir ta chirij; xa xkabetzaq k'a pa ruq'a', xecha'. 14Man jani ketane-qa chi ch'owen rik'in ri Amán toq xe'apon ri eunuco chuk'amik rija' richin chi chi'anin xapon chupan ri nima-wa'in ri rubanon ri reina Ester.
Currently Selected:
Ester 6: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Ester 6
6
Ri rey nunimirisaj-q'anej ruq'ij ri Mardoqueo
1Chupan k'a ri aq'a' ri' ri rey man nok ta qa ruwaran, y roma ri' xubij chi tik'amer-pe chire ri wuj ri akuchi e tz'ibatel-wi ri e banatajineq chupan ri ruwach'ulew, y tisik'ix chuwech. 2Chupan k'a ri wuj ri' tz'ibatajineq kan ri jun banobel richin ri Mardoqueo, toq xerunabej ri e ka'i' eunuco ri xkich'ob nikikamisaj ri rey Asuero. 3K'ari' xubij ri rey: ¿Achike k'a rutojbalil y ruq'ij ruk'ulun ri Mardoqueo roma ri jun utzilej banobel ri'?, xcha' chike ri rusamajela'. Y rije' xkibij chi kan man jun rutojbalil ruk'ulun. 4Y jari' toq xok k'a apo ri Amán pa ruwa-jay richin niberuk'utuj utzil chire ri rey chi titzeqebex ri Mardoqueo chire ri che' ri runaban kan. K'ari' ri rey xuk'utuj: ¿Achike k'a ri nibiyajilan chuwa-jay?, xcha'. 5Y ri rusamajela' xkibij chi ja ri Amán. Y ri rey xubij chi tikusex-apo rik'in. 6Xok k'a apo ri Amán. Y ri rey xubij chire: ¿Achike ta ruk'amon richin niban chire ri achin ri ninwajo' yin chi ninimirisex ruq'ij?, xcha'.
Y ri Amán xubij-qa pa ránima, ¿achike ta k'a ri más qajineq chuwech ri rey richin nuya' ruq'ij? ¡Xa kan xaxe wi yin!, xcha-qa. 7Y roma ri' xubij k'a apo chire ri rey: Chire ri achin ri nawajo' nanimirisaj ruq'ij, 8ruk'amon chi nik'amer-pe ri tzieq ri nakusaj rat y ri kiej ri nach'okolibej. Y keri' chuqa' tik'amer-pe ri a-corona richin niya'ox-el pa rujolon ri achin ri'. 9Y ri tzieq y ri kiej tijach pa ruq'a' jun chike ri e tata'al ri k'o más ruq'ij. Y rija' tuwiqa-el ri achin ri nanimirisaj ruq'ij rat, y k'ari' tich'okobex-el chirij ri kiej. Chirij ri' tuyuqej-el ri kiej y tuk'uaj-el chupan ri nima-ruwech bey richin molojri'il, y xtisik'in y xtubij: Kere' niban chire ri achin ri ninimirisex ruq'ij roma ri rey, xticha', xcha' ri Amán.
10K'ari' ri rey xubij chire: Kabiyin k'a chi'anin y tabek'ama-pe ri tzieq y ri kiej, achi'el ri xabij-qa. Tabana' rik'in ri Mardoqueo ri judío ronojel ri xabij. Tatz'eta' chi man jun namestaj chire ri xabij, xcha'.
11Ri Amán xberuk'ama' k'a pe ri tzieq y xujel-el ri Mardoqueo. Chuqa' xberuk'ama-pe ri kiej y xuch'okoba-el chirij, y k'ari' xuyuqej-el ri kiej richin xebe chupan ri nima-ruwech bey richin molojri'il. Y nisik'in k'a beneq, y nubij: Kere' niban chire ri achin ri ninimirisex ruq'ij roma ri rey, nicha'. 12Chirij k'a ronojel re' ri Mardoqueo xtzolej chik chupan ri rusamaj chuchi' ri rachoch ri rey; jak'a ri Amán xbe junanin chirachoch rik'in janila bis y rukuchun-el rujolon roma ri ruk'ix.
13K'ari' xutzijoj chire ri Zeres ri rixjayil y chike konojel ri rachibil ronojel ri xbanatej. Y rije' xkibij chire: Rat xa kan xqasex k'a aq'ij roma ri Mardoqueo. Y roma rija' judío, kan man xkatikir ta chirij; xa xkabetzaq k'a pa ruq'a', xecha'. 14Man jani ketane-qa chi ch'owen rik'in ri Amán toq xe'apon ri eunuco chuk'amik rija' richin chi chi'anin xapon chupan ri nima-wa'in ri rubanon ri reina Ester.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.