2 Crón 25
25
1Ri Amasías juwineq wo'o' rujuna' toq xok kan rey y juwineq beleje' juna' xq'aton-tzij ri chiri' pa Jerusalem. Ri rute' rija' rubini'an Joadán aj chiri' pa Jerusalem. 2Ri Amasías kan xutaqej k'a ri nubij ri pixa' richin ri Jehová, stape' man kan ta rik'in ronojel ránima.
3Toq ri Amasías xjike' yan chupan ri ruq'atbal-tzij, jari' toq xerukamisaj ri aj-raqen ri xekamisan richin ri rutata'. 4Jak'a man xerukamisaj ta k'a ri kalk'ual rije'; xa kan xuben achi'el ri tz'ibatel kan chupan ri wuj richin ri pixa' ri ruya'on kan ri Moisés, akuchi nubij-wi ri Jehová, chi man yeken ta ri te'ej-tata'aj roma ri kimak ri alk'ualaxela', ni ri alk'ualaxela' roma ri kimak ri te'ej-tata'aj; xa kan chikijujunal k'a xkeken roma ri kimak.
5K'ari' ri Amasías xerumol k'a konojel achi'a' ri e richin ri rajawaren, y xerunuk' k'a achi'el ri kitzobaj richin xe'ok aj-labal. K'ari' xeruya' aj-raqen pa kiwi' rije'. Xuben k'a chi xtz'ibex kibi' ri k'o juwineq kijuna' pa jotol, y ri kajlabal konojel e 300,000 aj-labal, ri kan kik'uan kitobal y ri kikum. 6Chuqa' xeroyoj e 100,000 aj-labal ri maneq xibinri'il chikiwech ri e richin ri ruwach'ulew Israel ri k'o pa xaman, y xerutoj rik'in jubama oxk'al wolajuj quintal saqipueq.
7Jak'a jun q'alajirisey ruch'abel ri Dios ri xapon rik'in, y xubij chire: Wajaw, man ke'awachibilaj-el ri achi'a' ri' ri e richin ri tzobaj Efraín, roma ri Jehová xa man k'o ta kik'in ri aj-Israel. 8Wi rije' xkebe iwik'in rix, ri Dios kan xtuben chiwe richin yixtzaq pa kiq'a' ri e etzelanel iwichin, stape' kan xtitej iq'ij rix; roma pa ruq'a' ri Dios k'o-wi ri uchuq'a' richin yixruto' o richin yixch'akatej, xcha'.
9K'ari' ri Amasías xuk'utuj chire ri q'alajirisey ruch'abel ri Dios y xubij: ¿Y achike k'a xtiban rik'in ri jubama oxk'al wolajuj quintal saqipueq ri xinya' yan chike ri aj-labal aj-Israel?, xcha'. K'ari' ri q'alajirisey ruch'abel ri Dios xubij chi ri Dios k'o janila chi beyomel rik'in richin nutzolij chik chire más k'iy chuwech ri xuya-el ri Amasías.
10K'ari' ri Amasías xuben chike ri aj-labal aj-Efraín chi xa xerutzolij-el chi taq kachoch. Jak'a rije' janila xpe koyowal chike ri aj-Judá y kan janila k'a koyowal xetzolin-el chi taq kachoch. 11Ri Amasías kan xk'oje' k'a el ruchuq'a' chikiwech ri ruwinaq y xebe k'a pa taq'aj ri nibix Atz'an chire, y xerukamisaj k'a kan e 10,000 achi'a' ri e rijatzul kan ri Seir. 12Chirij re', xekichop chik el e 10,000 achi'a' aj-Seir, y xekik'uaj-el pa ruwi' jun nimalej juyu' y chiri' xebekinima' k'a pe pan abej, y kan xeq'aj k'a y xeken.
13Rokik ri' ri tzobaj ri xerutzolij-el chi taq kachoch ri Amasías richin man xebe ta chik pan oyowal, xe'el-pe pa tinamit Samaria, xe'apon k'a pa Bet-horón y xe'ok chupan ri Judá. Xekikamisaj k'a kan e 3,000 winaqi' aj-Judá y xkimej-el chuwi-kiq'a' ri janila chi beyomel ri k'o kik'in.
14Toq ri Amasías xtzolin-pe chikikamisaxik ri aj-Seir, xeruk'en-pe ri ki-dios ri winaqi' ri', y xe'ok-qa richin rija'. Kan xuya' k'a kiq'ij y xuporoj pom chikiwech. 15Roma ri' ri Dios xpe royowal chire ri Amasías y xuteq chik k'a jun q'alajirisey ri ruch'abel rik'in y xubij chire: ¿Achike roma xe'akanoj ri dios ri xa e kichin ri winaqi' richin jun chik ruwach'ulew, y ri dios ri' xa man xetikir ta xekikol ri kiwinaq pan aq'a'?, xcha'.
16Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'.
K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.
17Chirij re' ri Amasías, rey richin Judá xa xutzeqelibej ri kipixabanik ri e ya'ol runa'oj rija', y xuteq rubixik chire ri rey richin Israel ri k'o pa xaman, ri rubini'an Joás, ruk'ajol kan ri Joacaz, y rumam kan ri Jehú, y xubij-el chire: Katanpe wawe' rat, richin niqachop-qi' chi oyowal, xcha-el.
18Jak'a ri Joás kere' xubij-pe: Jun ti k'ix ri k'o chiri' pa Líbano nuteq rubixik chire jun nimalej tiox-che' chi tuya' ri rumi'al chire ri ruk'ajol richin nok rixjayil. Jak'a xa xik'o jun chikop richin pa k'echelaj y xq'ax chirij ri k'ix ri' y xuq'ej kan jumul. 19Rat nabij chi xe'atzeq jumul ri aj-Edom, y roma ri' kan xpe pan awánima richin xanimirisaj-q'anej-awi', y kan nakanoj chi niya'ox más aq'ij. Jak'a más utz kak'oje' pan awachoch. Yin nintz'et chi xa kan ayon rat nakanoj ri ruk'ayewal pan awi' y chuqa' pa ruwi' ri awajawaren, xcha'.
20Jak'a ri Amasías man xniman ta chire re ch'abel re', roma ri Dios kan rubanon chik chire chi nich'akatej koma ri israelita ri ek'o pa xaman, roma xa xuya' kiq'ij ri dios kichin ri aj-Edom. 21K'ari' ri Joás xbe richin niberuchapa' oyowal rik'in ri Amasías pa tinamit Bet-semes, ri k'o pa ruwach'ulew Judá. 22Y ri aj-Judá kan xech'akatej k'a koma ri aj-Israel, y xa xe'animej-el richin xebe chi taq kachoch. 23Y ri Joás, rey richin Israel, xuchop k'a ri Amasías, rey richin Judá, chiri' pa Bet-semes; k'ari' xuk'uaj-el pa Jerusalem, y xuwulaj k'a el 108 jaj chire ri tz'aq, nitiker-el akuchi niban-wi oken ri rubini'an Efraín y napon k'a rik'in ri jun chik ruchi' ri k'o akuchi nusutij-el ri' ri tz'aq. 24Xe'ok k'a apo pa Jerusalem y xkik'uaj-el ri q'anapueq, saqipueq y ronojel ri samajibel ri xkil-el pa rachoch ri Dios ri ek'o kan pa ruq'a' ri Obed-edom, y chuqa' ri beyomel ri e yakel pa rachoch ri rey. Chuqa' xekik'uaj-el jun tzobaj winaqi' y k'ari' xetzolin pa Samaria.
25Ri Amasías ruk'ajol kan ri Joás, rey richin Judá, xk'ase' na kan wolajuj juna' chirij ri rukamik ri Joás, ruk'ajol kan ri Joacaz, rey richin Israel. 26Ri ch'aqa' chik rubanobal ri Amasías xtz'ibatej kan chupan ri wuj kichin ri rey ri e richin ri Judá y ri Israel; nuchop-pe pa rutikeribel k'a pa ruk'isibel chire ri ruk'aslen. 27Kan xaxe toq ri Amasías xuch'er kan ri' rik'in ri Jehová, kan jari' toq jujun chike ri tinamit Jerusalem xkich'ob richin yeyakatej chirij. Y rija' kan xanimej-el y xbe pa tinamit Laquis, jak'a xa kan xkitzeqelibej-el, y chiri' xkikamisaj-wi. 28K'ari' xkik'en-pe chirij kiej y xkimuq akuchi e muqun-wi ri rati't-rumama' pa rutinamit kan ri rey David.
Ri Ozías xutaqej ri rupixa' ri Jehová
(2 Rey 14:21-22; 15:1-7)
Currently Selected:
2 Crón 25: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
2 Crón 25
25
1Ri Amasías juwineq wo'o' rujuna' toq xok kan rey y juwineq beleje' juna' xq'aton-tzij ri chiri' pa Jerusalem. Ri rute' rija' rubini'an Joadán aj chiri' pa Jerusalem. 2Ri Amasías kan xutaqej k'a ri nubij ri pixa' richin ri Jehová, stape' man kan ta rik'in ronojel ránima.
3Toq ri Amasías xjike' yan chupan ri ruq'atbal-tzij, jari' toq xerukamisaj ri aj-raqen ri xekamisan richin ri rutata'. 4Jak'a man xerukamisaj ta k'a ri kalk'ual rije'; xa kan xuben achi'el ri tz'ibatel kan chupan ri wuj richin ri pixa' ri ruya'on kan ri Moisés, akuchi nubij-wi ri Jehová, chi man yeken ta ri te'ej-tata'aj roma ri kimak ri alk'ualaxela', ni ri alk'ualaxela' roma ri kimak ri te'ej-tata'aj; xa kan chikijujunal k'a xkeken roma ri kimak.
5K'ari' ri Amasías xerumol k'a konojel achi'a' ri e richin ri rajawaren, y xerunuk' k'a achi'el ri kitzobaj richin xe'ok aj-labal. K'ari' xeruya' aj-raqen pa kiwi' rije'. Xuben k'a chi xtz'ibex kibi' ri k'o juwineq kijuna' pa jotol, y ri kajlabal konojel e 300,000 aj-labal, ri kan kik'uan kitobal y ri kikum. 6Chuqa' xeroyoj e 100,000 aj-labal ri maneq xibinri'il chikiwech ri e richin ri ruwach'ulew Israel ri k'o pa xaman, y xerutoj rik'in jubama oxk'al wolajuj quintal saqipueq.
7Jak'a jun q'alajirisey ruch'abel ri Dios ri xapon rik'in, y xubij chire: Wajaw, man ke'awachibilaj-el ri achi'a' ri' ri e richin ri tzobaj Efraín, roma ri Jehová xa man k'o ta kik'in ri aj-Israel. 8Wi rije' xkebe iwik'in rix, ri Dios kan xtuben chiwe richin yixtzaq pa kiq'a' ri e etzelanel iwichin, stape' kan xtitej iq'ij rix; roma pa ruq'a' ri Dios k'o-wi ri uchuq'a' richin yixruto' o richin yixch'akatej, xcha'.
9K'ari' ri Amasías xuk'utuj chire ri q'alajirisey ruch'abel ri Dios y xubij: ¿Y achike k'a xtiban rik'in ri jubama oxk'al wolajuj quintal saqipueq ri xinya' yan chike ri aj-labal aj-Israel?, xcha'. K'ari' ri q'alajirisey ruch'abel ri Dios xubij chi ri Dios k'o janila chi beyomel rik'in richin nutzolij chik chire más k'iy chuwech ri xuya-el ri Amasías.
10K'ari' ri Amasías xuben chike ri aj-labal aj-Efraín chi xa xerutzolij-el chi taq kachoch. Jak'a rije' janila xpe koyowal chike ri aj-Judá y kan janila k'a koyowal xetzolin-el chi taq kachoch. 11Ri Amasías kan xk'oje' k'a el ruchuq'a' chikiwech ri ruwinaq y xebe k'a pa taq'aj ri nibix Atz'an chire, y xerukamisaj k'a kan e 10,000 achi'a' ri e rijatzul kan ri Seir. 12Chirij re', xekichop chik el e 10,000 achi'a' aj-Seir, y xekik'uaj-el pa ruwi' jun nimalej juyu' y chiri' xebekinima' k'a pe pan abej, y kan xeq'aj k'a y xeken.
13Rokik ri' ri tzobaj ri xerutzolij-el chi taq kachoch ri Amasías richin man xebe ta chik pan oyowal, xe'el-pe pa tinamit Samaria, xe'apon k'a pa Bet-horón y xe'ok chupan ri Judá. Xekikamisaj k'a kan e 3,000 winaqi' aj-Judá y xkimej-el chuwi-kiq'a' ri janila chi beyomel ri k'o kik'in.
14Toq ri Amasías xtzolin-pe chikikamisaxik ri aj-Seir, xeruk'en-pe ri ki-dios ri winaqi' ri', y xe'ok-qa richin rija'. Kan xuya' k'a kiq'ij y xuporoj pom chikiwech. 15Roma ri' ri Dios xpe royowal chire ri Amasías y xuteq chik k'a jun q'alajirisey ri ruch'abel rik'in y xubij chire: ¿Achike roma xe'akanoj ri dios ri xa e kichin ri winaqi' richin jun chik ruwach'ulew, y ri dios ri' xa man xetikir ta xekikol ri kiwinaq pan aq'a'?, xcha'.
16Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'.
K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.
17Chirij re' ri Amasías, rey richin Judá xa xutzeqelibej ri kipixabanik ri e ya'ol runa'oj rija', y xuteq rubixik chire ri rey richin Israel ri k'o pa xaman, ri rubini'an Joás, ruk'ajol kan ri Joacaz, y rumam kan ri Jehú, y xubij-el chire: Katanpe wawe' rat, richin niqachop-qi' chi oyowal, xcha-el.
18Jak'a ri Joás kere' xubij-pe: Jun ti k'ix ri k'o chiri' pa Líbano nuteq rubixik chire jun nimalej tiox-che' chi tuya' ri rumi'al chire ri ruk'ajol richin nok rixjayil. Jak'a xa xik'o jun chikop richin pa k'echelaj y xq'ax chirij ri k'ix ri' y xuq'ej kan jumul. 19Rat nabij chi xe'atzeq jumul ri aj-Edom, y roma ri' kan xpe pan awánima richin xanimirisaj-q'anej-awi', y kan nakanoj chi niya'ox más aq'ij. Jak'a más utz kak'oje' pan awachoch. Yin nintz'et chi xa kan ayon rat nakanoj ri ruk'ayewal pan awi' y chuqa' pa ruwi' ri awajawaren, xcha'.
20Jak'a ri Amasías man xniman ta chire re ch'abel re', roma ri Dios kan rubanon chik chire chi nich'akatej koma ri israelita ri ek'o pa xaman, roma xa xuya' kiq'ij ri dios kichin ri aj-Edom. 21K'ari' ri Joás xbe richin niberuchapa' oyowal rik'in ri Amasías pa tinamit Bet-semes, ri k'o pa ruwach'ulew Judá. 22Y ri aj-Judá kan xech'akatej k'a koma ri aj-Israel, y xa xe'animej-el richin xebe chi taq kachoch. 23Y ri Joás, rey richin Israel, xuchop k'a ri Amasías, rey richin Judá, chiri' pa Bet-semes; k'ari' xuk'uaj-el pa Jerusalem, y xuwulaj k'a el 108 jaj chire ri tz'aq, nitiker-el akuchi niban-wi oken ri rubini'an Efraín y napon k'a rik'in ri jun chik ruchi' ri k'o akuchi nusutij-el ri' ri tz'aq. 24Xe'ok k'a apo pa Jerusalem y xkik'uaj-el ri q'anapueq, saqipueq y ronojel ri samajibel ri xkil-el pa rachoch ri Dios ri ek'o kan pa ruq'a' ri Obed-edom, y chuqa' ri beyomel ri e yakel pa rachoch ri rey. Chuqa' xekik'uaj-el jun tzobaj winaqi' y k'ari' xetzolin pa Samaria.
25Ri Amasías ruk'ajol kan ri Joás, rey richin Judá, xk'ase' na kan wolajuj juna' chirij ri rukamik ri Joás, ruk'ajol kan ri Joacaz, rey richin Israel. 26Ri ch'aqa' chik rubanobal ri Amasías xtz'ibatej kan chupan ri wuj kichin ri rey ri e richin ri Judá y ri Israel; nuchop-pe pa rutikeribel k'a pa ruk'isibel chire ri ruk'aslen. 27Kan xaxe toq ri Amasías xuch'er kan ri' rik'in ri Jehová, kan jari' toq jujun chike ri tinamit Jerusalem xkich'ob richin yeyakatej chirij. Y rija' kan xanimej-el y xbe pa tinamit Laquis, jak'a xa kan xkitzeqelibej-el, y chiri' xkikamisaj-wi. 28K'ari' xkik'en-pe chirij kiej y xkimuq akuchi e muqun-wi ri rati't-rumama' pa rutinamit kan ri rey David.
Ri Ozías xutaqej ri rupixa' ri Jehová
(2 Rey 14:21-22; 15:1-7)
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.