2 Awakorintho 6
6
1Ki awantu awakola emirimo alala ni Katonda, tuwaisasaama mbwe mutaaza mwatoola owusiza owua Katonda ari nawuo ni inywe wutono. 2Aeniki Katonda awoola mu endagano otino,
“Na amiire agawurikaane gaatuuka, nyakuwurra,
kandi mu owuire owua owuinunuzi, nyakutunzia.”#Isaa 49:8
Nkulaga mbwe zino nizio enyinga ezia Katonda eziwurikaane. Ee, wuno niwuo owuire owua owuinunuzi.#Luuk 4:19–21
Emidambo ogia Paulo yawona mu emirimo giae
3Ngatuagala okuteera omuntu-umuntu ekigazio ku engira, kugere emirimo giifu gitagambwa-gambwako uwiiwi. 4Aa okukola otio, tukola wukalu ino kugere awantu wamanye mbwe turi *awakurumu awa Katonda kuwuene ku okukola olutuunyo mu emidambo, okuwona eminyako-nyaako kandi okuwita mu amangʼana amakalu.#2Kori 4:2 5Lwona tumiire okuwa ni tukubwa, ni tuingiziwua mu owusiwe kandi kangi no omurima gukola ni ifwe erioga. Tukola emirimo emikalu, tuwona owuire owulamba endoolo ni zitatugiako mu amiiso kandi tuwa ne enzala. 6Tumenyere owulamu owueru, tuwurra amangʼana, tusikia omwoyo kandi turi awa-aani. Tukangatiirwe no *Omwoyo Omweru ogwa Katonda kandi turi no olugonzi olwa kuwuene.#Awaru 12:9 7Tuwoola amangʼana agari kuwuene kandi amaani aga Katonda gaturimo. Tugingre ewia-iiye ewia owuigolovu nyakukono okumosi ni nyakukono okusaaza.#6:7 Okuganya kutoolwa ki engawo egingwa nyakukono okumosi. Na amangʼana aga Katonda gatoolwa ki omwambe ogwa iiye ogugingwa nyakukono okusaaza. Warra lwona Efee 6:13–18.#2Kori 10:4–5 8Awandi watu-aa owunene, na awandi watutoola wutono. Awandi watugamba-gambako geeza, na awandi watugamba-gambako uwiiwi. Turi kuwuene, na awandi watutoola ki awasemerezia awantu. 9Tumanyikaane geeza ni tutoolwa ki awatamanyiike. Tuwonekana awafwa ni tukiari awalamu, kandi tukubwa ni tukiari okufwa yaaya.#2Kori 4:10–11 10Tuwona uwiiwi ni turi awasangaavu enyinga ziona. Turi awataka ni tugera awantu awangi ni wawa awanyazi. Turi amakono amasa kukawa mbwe ewintu wiona wiri ewiifu.#2Kori 11:23–29#Filiip 4:12–13
11Tumiire okugamba-gamba ni inywe owuyanga kandi ni tuwaiguriireo emioyo giifu, inywe Awakorintho. 12Ifwe tuwalaga olugonzi olwa turi nalwo ku inywe, ni inywe mutuima olugonzi lwinyu. 13Waana wange, kuagalana mbwe mwona mukole owufwanani ku okutuigurrao emioyo giinyu owuyanga.#1Kori 4:14
Paulo agaaniizie okuwa mu owulala na awakiari okuganya
14Mutawa owulala na awantu awawula no okuganya ku Katonda. Kane ekia owuigolovu wuri nawuo owufwanani no owuoni niki? Kusi no owulalaaki owua owueru wuri nawuo ne ekierema? 15Empurizanioki eya *Kristo ari nayo ni *Sataani? Omuntu ori no okuganya ku Katonda akareeta otie okukola alala no omuntu owula no okuganya ku Katonda? 16Empurizanio agati ya *ekaalu eya Katonda ne ekaalu eya katonda ensaasa eriai? Aeniki ifwe ni ifwe ekaalu eya Katonda omulamu. Kuri mala kiomo Katonda omwene yawoola mbwe, “Nyiza okumenya nawo kandi nyiza okugenda-genda agati yaawu. Lwona nyiza okuwa Katonda waawu kandi woona wawe awantu wange.”#Awal 26:12; Ezek 37:27#Ezek 37:26–28; 1Kori 3:16 17Omwami awoola otino,
“Kutio muwaememo,
kandi mugawukane nawo.
Muta-amba ekintu ekitari ekieru
kandi nyiza okuwaingizia.”#Isaa 52:11; Yere 51:45; Ezek 20:34, 41
18Omwami oesa wiona awoola otino,
“Nyiza okuwa Soinyu
ni inywe muuza okuwa awazia na awaala wange”#2Sam 7:8, 14; Isaa 43:6; Yere 31:19; 32:38; Osea 1:10; Amo 4:13
Currently Selected:
2 Awakorintho 6: sxb
Highlight
Share
Copy
Want to have your highlights saved across all your devices? Sign up or sign in
© 2010, Bibe Translation and Literacy.
