ᐱᓕᐱᔭᓇ 3
3
ᐊᓂᒪ ᑖᐺ ᑾᔭᔉ ᐃᑖᑎᓯᐎᓐ
1ᒫᒋᒡ, ᓂᒋᔖᓂᑐᒃ, ᒥᓚᐙᑎᒃ ᐅᑎᐯᓕᒋᑫᐤ᙮ ᐁᑯᔑ ᑫᔮᐸᒡ ᐁ ᒫᓯᓇᐊᒫᑕᑾᒃ ᓇᒪᐎᓚ ᓂᑦ ᐊᓕᒥᐃᑯᓐ, ᒫᑲ ᑭᓚᐗᐤ ᐅᒋ ᐱᒫᒋᑌᓕᑖᑾᓐ᙮ 2ᔮᒀᒥᔅᑖᑯᒃ ᐊᑎᒶᒃ, ᔮᒀᒥᔅᑖᑯᒃ ᑳ ᒪᒋ ᐊᑑᔅᑫᒋᒃ, ᔮᑾᒥᔅᑕᒧᒃ ᑭᔥᑲᑎᔓᐎᓐ᙮ 3ᐌᓴ ᑭᓚᓈᓇᐤ ᑭᔅᑭᓄᐙᒋᔓᐎᓐ ᑭᑦ ᐋᔮᓈᓇᐤ, ᑳ ᓇᐗᑭᔥᑕᐗᒃ ᑭᒋᒪᓂᑐ ᐊᒑᑯᐎᓂᒃ, ᓀᔥᑕ ᑳ ᒥᓚᐙᑕᔭᒃ ᙭ ᒋᓴᔅ, ᓀᔥᑕ ᐁᑳ ᐊᔅᐯᓕᒧᑐᑕᒪᒃ ᐎᔮᓯᐎᐎᓂᒃ: 4ᐋᑕ ᒫᑲ ᓂ ᑳ ᑮ ᐊᔅᐯᓕᒧᑐᑖᑖᔾ ᐎᔮᓯᐎᐎᓐ᙮ ᑮᔥᐱᓐ ᑯᑕᒃ ᐃᓕᓕᐤ ᐃᑌᓕᑕᑭ ᐁ ᐋᔮᑦ ᑫᒀᓐ ᑫ ᐅᒋ ᒪᒥᔑᑐᑕᒃ ᐎᔮᓯᐎᐎᓂᓕᐤ, ᓂᓚ ᐊᐙᓯᑌ: 5ᐁ ᑭᔅᑭᓄᐙᒋᔓᑳᐎᔮᓐ ᔮᓈᓀᐤ ᐁ ᑭᔑᑳᒃ, ᐃᔅᕃᐃᓪ ᐁ ᐅᑦ ᐊᐙᔑᒥᔑᑦ, ᐅ ᐯᔭᑯᑌᒥᒃ ᐯᓐᒋᒥᓐ ᐅᒋ, ᐁ ᐦᐃᑉᕉᐎᔮᓐ ᐦᐃᑉᕉᐗᒃ ᐅᒋ; ᐅᓚᔓᐌᐎᓐ ᐅᒋ, ᐁ ᐸᕋᓯᐎᔮᓐ; 6ᐁ ᐋᓕᒧᒋᑳᑌᒃ ᓱᑫᓕᑕᒧᐎᓐ, ᐁ ᑲᒀᑕᑭᐊᑭᒃ ᒪᒪᐎᐋᔭᒥᐊᐗᒃ; ᐁ ᐋᓕᒧᒋᑳᑌᒃ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑳ ᐃᑕᑾᒃ, ᓂ ᑮ ᒀᔭᔅᑭᑌᓕᑖᑯᓯᓐ᙮ 7ᒫᑲ ᐊᓂᐃ ᑳ ᑮ ᐅᑎᓯᔮᓐ, ᐁᐗᒀᓂᐃ ᓂ ᐗᓂᑖᓐ ᓂ ᑮ ᐊᑭᑌᓐ ᙭ ᐅᒋ᙮ 8ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭, 9ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ: 10ᑭᒋ ᑭᔅᑫᓕᒪᒃ, ᓀᔥᑕ ᐁᔅᐱᒋ ᑲᔥᑭᐅᒪᑲᓂᓕᒃ ᐅ ᐗᓂᔥᑲᐎᓐ, ᓀᔥᑕ ᐊᓂᒪ ᐎᒉᐎᐌᐎᓐ ᐅ ᐙᐎᓴᑫᓕᑕᒧᐎᓂᒃ ᑳ ᐅᒋᐸᓕᒃ, ᐁ ᐃᔑᓈᑯᐃᑲᐎᐗᒃ ᐅ ᓂᐱᐎᓐ; 11ᑮᔥᐱᓐ ᓈᓐᑕᐤ ᐃᔑ ᑭᒋ ᑮ ᐅᑎᑕᒶᒃ ᐅ ᐗᓂᔥᑲᐎᓂᐗᐤ ᐅᓂᐱᐗᒃ᙮
ᓄᔅᐱᓇᑕ ᑭᔅᑭᓄᐗᒋᒋᑲᓐ
12ᓇᒪᐎᓚ ᑖᐱᔅᑯᒡ ᐋᔕᔾ ᐁ ᑮ ᐅᑎᑕᒫᓐ, ᓀᔥᑕᐱᑯ ᐋᔕᔾ ᐁ ᒥᑐᓂᐎᓯᔮᓐ; ᒫᑲ ᓂ ᓄᔅᐱᓇᑌᓐ, ᑮᔥᐱᓐ ᑫ ᐅᑎᑎᓇᒧᐙᓀ ᐊᓂᒪ ᑳ ᑮ ᐅᒋ ᐅᑎᑎᓂᑦ ᙭ ᒋᓴᔅ᙮ 13ᓂᒋᔖᓂᑐᒃ, ᓇᒪᐎᓚ ᓂᑦ ᐃᑕᑭᒥᑎᓱᓐ ᐋᔖᔾ ᐁ ᑮ ᐅᑎᑎᓇᒫᓐ: ᒫᑲ ᐅᒪ ᐯᔭᒃ ᑫᒀᓐ ᓂ ᑐᑌᓐ; ᐁ ᐗᓂᑭᔅᑭᓯᑐᑕᒫᓐ ᐊᓂᐃ ᐅᑖᓈᒃ ᑳ ᐃᑕᑾᑭ, ᓀᔥᑕ ᐁ ᑲᑴᒋᑎᓇᒫᓐ ᐊᓂᐃ ᓂᑳᓂᒃ ᑳ ᐃᑕᑾᑭ, 14ᓂ ᓄᔅᐱᓇᑌᓐ ᐁ ᑭᔅᑭᓄᐙᒋᒋᑳᑌᒃ, ᐁ ᐎ ᐋᔮᔮᓐ ᐊᓂᒪ ᐊᔅᑣᑐᐎᓐ ᑳ ᐅᒋᐸᓕᒃ ᐅ ᑭᒋ ᓇᑐᒋᑫᐎᓂᒃ ᑭᒋᒪᓂᑐ ᙭ ᒋᓴᓯᒃ᙮
15ᐁᑯᔑ ᒫᑲ, ᒥᓯᐌ ᐁ ᐃᑕᔑᔭᒃ ᑳ ᒥᑐᓂᐎᓯᔭᒃ, ᐅᒪ ᐃᔑ ᑭ ᑳ ᒫᒥᑐᓀᓕᑌᓇᐗᐤ; ᑮᔥᐱᓐ ᒫᑲ ᓈᓐᑕᐤ ᑫᒀᓐ ᐱᑐᔥ ᐃᔑ ᒫᒥᑐᓀᓕᑕᒣᒃ, ᑭᒋᒪᓂᑐ ᐅᒪ ᐊᓯᒋ ᑭ ᑳ ᐙᐸᑎᓕᑯᐗᐤ᙮ 16ᐁᓕᐌᒃ ᒫᑲ, ᐃᑕ ᐃᓕᑯᒃ ᐋᔕᔾ ᑳ ᑮ ᐅᑎᑕᒪᒃ, ᐁᑯᔑ ᑫᔮᐸᒡ ᐃᔑ ᐱᒧᑌᑕᐤ, ᐁᑯᔑ ᐁᐗᑯ ᑫᔮᐸᒡ ᒫᒥᑐᓀᓕᑖᑕᐤ᙮
17ᓂᒋᔖᓂᑐᒃ, ᒫᒪᐎ ᓄᔅᐱᓇᔒᒃ, ᓀᔥᑕ ᑭᔅᑭᓄᐙᐸᒥᑯᒃ ᐊᓂᑭ ᑳ ᐱᒧᑌᒋᒃ ᐁ ᐃᔑ ᐋᐸᑎᓕᐌᔮᒃ ᐁ ᐱᒧᑌᔮᒃ ᓂᓚᓈᓐ᙮ 18ᐌᓴ ᒥᒉᑦ ᐱᒧᑌᐗᒃ, ᒥᒉᑡᐤ ᑳ ᑮ ᐋᓕᒧᑕᒫᑕᑾᒃ, ᐊᓄᒡ ᓀᔥᑕ ᑳ ᐋᓕᒧᑕᒫᑕᑾᒃ ᐁ ᒫᑐᔮᓐ ᐅᑎ, ᐁ ᐸᒀᑕᒸᒋᒃ ᙭ᑕ ᐅᑦ ᐋᔑᑌᐋᑎᑯᒥᓕᐤ; 19ᑫ ᐊᑎ ᓂᔑᐗᓈᑎᓯᒋᒃ, ᑳ ᐅ ᒪᓂᑐᒥᒋᒃ ᐗᑕᐗᐤ, ᑳ ᐅᒋ ᒫᒪᑖᑯᒧᒋᒃ ᐊᓂᐃ ᑫ ᐅᒋ ᓇᓀᐯᐎᓯᐙᔅᐸᓐ, ᑳ ᒫᒥᑐᓀᓕᑕᑭᒃ ᐊᔅᑭᐎ ᑫᒀᓇ᙮ 20ᐌᓴ ᑭᑦ ᐃᔑᐱᒫᑎᓯᐎᓂᓇᐤ ᑭᒋᑭᔑᑯᒃ ᐃᑕᑾᓐ; ᐃᑕ ᓀᔥᑕ ᑭᒋ ᐅᒌᑦ ᑳ ᐊᔕᐙᐸᒪᒃ ᐯᒫᒋᐃᐌᑦ, ᐅᑎᐯᓕᒋᑫᐤ ᒋᓴᔅ ᙭; 21ᐊᓇ ᑫ ᑴᔅᑭᓈᑯᑖᑦ ᑳ ᐋᐱᔅᑌᓕᑖᑾᒃ ᑭᔭᐎᓈᐤ ᑭᒋ ᐃᔑᑖᓂᐗᒃ ᑖᐱᔅᑯᒡ ᐎᔭᐤ ᑳ ᒪᓂᑐᐎᓈᑾᓂᓕᒃ, ᐁ ᐃᔑ ᐊᑑᔅᑫᒪᑲᓂᓕᒃ ᐅ ᑲᔥᑭᐅᐎᓐ ᒥᓯᐌ ᑫᒀᓇ ᑭᒋ ᔖᑯᒋᑕᒫᓱᑦ᙮
Currently Selected:
ᐱᓕᐱᔭᓇ 3: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.
ᐱᓕᐱᔭᓇ 3
3
ᐊᓂᒪ ᑖᐺ ᑾᔭᔉ ᐃᑖᑎᓯᐎᓐ
1ᒫᒋᒡ, ᓂᒋᔖᓂᑐᒃ, ᒥᓚᐙᑎᒃ ᐅᑎᐯᓕᒋᑫᐤ᙮ ᐁᑯᔑ ᑫᔮᐸᒡ ᐁ ᒫᓯᓇᐊᒫᑕᑾᒃ ᓇᒪᐎᓚ ᓂᑦ ᐊᓕᒥᐃᑯᓐ, ᒫᑲ ᑭᓚᐗᐤ ᐅᒋ ᐱᒫᒋᑌᓕᑖᑾᓐ᙮ 2ᔮᒀᒥᔅᑖᑯᒃ ᐊᑎᒶᒃ, ᔮᒀᒥᔅᑖᑯᒃ ᑳ ᒪᒋ ᐊᑑᔅᑫᒋᒃ, ᔮᑾᒥᔅᑕᒧᒃ ᑭᔥᑲᑎᔓᐎᓐ᙮ 3ᐌᓴ ᑭᓚᓈᓇᐤ ᑭᔅᑭᓄᐙᒋᔓᐎᓐ ᑭᑦ ᐋᔮᓈᓇᐤ, ᑳ ᓇᐗᑭᔥᑕᐗᒃ ᑭᒋᒪᓂᑐ ᐊᒑᑯᐎᓂᒃ, ᓀᔥᑕ ᑳ ᒥᓚᐙᑕᔭᒃ ᙭ ᒋᓴᔅ, ᓀᔥᑕ ᐁᑳ ᐊᔅᐯᓕᒧᑐᑕᒪᒃ ᐎᔮᓯᐎᐎᓂᒃ: 4ᐋᑕ ᒫᑲ ᓂ ᑳ ᑮ ᐊᔅᐯᓕᒧᑐᑖᑖᔾ ᐎᔮᓯᐎᐎᓐ᙮ ᑮᔥᐱᓐ ᑯᑕᒃ ᐃᓕᓕᐤ ᐃᑌᓕᑕᑭ ᐁ ᐋᔮᑦ ᑫᒀᓐ ᑫ ᐅᒋ ᒪᒥᔑᑐᑕᒃ ᐎᔮᓯᐎᐎᓂᓕᐤ, ᓂᓚ ᐊᐙᓯᑌ: 5ᐁ ᑭᔅᑭᓄᐙᒋᔓᑳᐎᔮᓐ ᔮᓈᓀᐤ ᐁ ᑭᔑᑳᒃ, ᐃᔅᕃᐃᓪ ᐁ ᐅᑦ ᐊᐙᔑᒥᔑᑦ, ᐅ ᐯᔭᑯᑌᒥᒃ ᐯᓐᒋᒥᓐ ᐅᒋ, ᐁ ᐦᐃᑉᕉᐎᔮᓐ ᐦᐃᑉᕉᐗᒃ ᐅᒋ; ᐅᓚᔓᐌᐎᓐ ᐅᒋ, ᐁ ᐸᕋᓯᐎᔮᓐ; 6ᐁ ᐋᓕᒧᒋᑳᑌᒃ ᓱᑫᓕᑕᒧᐎᓐ, ᐁ ᑲᒀᑕᑭᐊᑭᒃ ᒪᒪᐎᐋᔭᒥᐊᐗᒃ; ᐁ ᐋᓕᒧᒋᑳᑌᒃ ᒀᔭᔅᑭᑖᑎᓯᐎᓐ ᐅᓚᔓᐌᐎᓂᒃ ᑳ ᐃᑕᑾᒃ, ᓂ ᑮ ᒀᔭᔅᑭᑌᓕᑖᑯᓯᓐ᙮ 7ᒫᑲ ᐊᓂᐃ ᑳ ᑮ ᐅᑎᓯᔮᓐ, ᐁᐗᒀᓂᐃ ᓂ ᐗᓂᑖᓐ ᓂ ᑮ ᐊᑭᑌᓐ ᙭ ᐅᒋ᙮ 8ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭, 9ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ: 10ᑭᒋ ᑭᔅᑫᓕᒪᒃ, ᓀᔥᑕ ᐁᔅᐱᒋ ᑲᔥᑭᐅᒪᑲᓂᓕᒃ ᐅ ᐗᓂᔥᑲᐎᓐ, ᓀᔥᑕ ᐊᓂᒪ ᐎᒉᐎᐌᐎᓐ ᐅ ᐙᐎᓴᑫᓕᑕᒧᐎᓂᒃ ᑳ ᐅᒋᐸᓕᒃ, ᐁ ᐃᔑᓈᑯᐃᑲᐎᐗᒃ ᐅ ᓂᐱᐎᓐ; 11ᑮᔥᐱᓐ ᓈᓐᑕᐤ ᐃᔑ ᑭᒋ ᑮ ᐅᑎᑕᒶᒃ ᐅ ᐗᓂᔥᑲᐎᓂᐗᐤ ᐅᓂᐱᐗᒃ᙮
ᓄᔅᐱᓇᑕ ᑭᔅᑭᓄᐗᒋᒋᑲᓐ
12ᓇᒪᐎᓚ ᑖᐱᔅᑯᒡ ᐋᔕᔾ ᐁ ᑮ ᐅᑎᑕᒫᓐ, ᓀᔥᑕᐱᑯ ᐋᔕᔾ ᐁ ᒥᑐᓂᐎᓯᔮᓐ; ᒫᑲ ᓂ ᓄᔅᐱᓇᑌᓐ, ᑮᔥᐱᓐ ᑫ ᐅᑎᑎᓇᒧᐙᓀ ᐊᓂᒪ ᑳ ᑮ ᐅᒋ ᐅᑎᑎᓂᑦ ᙭ ᒋᓴᔅ᙮ 13ᓂᒋᔖᓂᑐᒃ, ᓇᒪᐎᓚ ᓂᑦ ᐃᑕᑭᒥᑎᓱᓐ ᐋᔖᔾ ᐁ ᑮ ᐅᑎᑎᓇᒫᓐ: ᒫᑲ ᐅᒪ ᐯᔭᒃ ᑫᒀᓐ ᓂ ᑐᑌᓐ; ᐁ ᐗᓂᑭᔅᑭᓯᑐᑕᒫᓐ ᐊᓂᐃ ᐅᑖᓈᒃ ᑳ ᐃᑕᑾᑭ, ᓀᔥᑕ ᐁ ᑲᑴᒋᑎᓇᒫᓐ ᐊᓂᐃ ᓂᑳᓂᒃ ᑳ ᐃᑕᑾᑭ, 14ᓂ ᓄᔅᐱᓇᑌᓐ ᐁ ᑭᔅᑭᓄᐙᒋᒋᑳᑌᒃ, ᐁ ᐎ ᐋᔮᔮᓐ ᐊᓂᒪ ᐊᔅᑣᑐᐎᓐ ᑳ ᐅᒋᐸᓕᒃ ᐅ ᑭᒋ ᓇᑐᒋᑫᐎᓂᒃ ᑭᒋᒪᓂᑐ ᙭ ᒋᓴᓯᒃ᙮
15ᐁᑯᔑ ᒫᑲ, ᒥᓯᐌ ᐁ ᐃᑕᔑᔭᒃ ᑳ ᒥᑐᓂᐎᓯᔭᒃ, ᐅᒪ ᐃᔑ ᑭ ᑳ ᒫᒥᑐᓀᓕᑌᓇᐗᐤ; ᑮᔥᐱᓐ ᒫᑲ ᓈᓐᑕᐤ ᑫᒀᓐ ᐱᑐᔥ ᐃᔑ ᒫᒥᑐᓀᓕᑕᒣᒃ, ᑭᒋᒪᓂᑐ ᐅᒪ ᐊᓯᒋ ᑭ ᑳ ᐙᐸᑎᓕᑯᐗᐤ᙮ 16ᐁᓕᐌᒃ ᒫᑲ, ᐃᑕ ᐃᓕᑯᒃ ᐋᔕᔾ ᑳ ᑮ ᐅᑎᑕᒪᒃ, ᐁᑯᔑ ᑫᔮᐸᒡ ᐃᔑ ᐱᒧᑌᑕᐤ, ᐁᑯᔑ ᐁᐗᑯ ᑫᔮᐸᒡ ᒫᒥᑐᓀᓕᑖᑕᐤ᙮
17ᓂᒋᔖᓂᑐᒃ, ᒫᒪᐎ ᓄᔅᐱᓇᔒᒃ, ᓀᔥᑕ ᑭᔅᑭᓄᐙᐸᒥᑯᒃ ᐊᓂᑭ ᑳ ᐱᒧᑌᒋᒃ ᐁ ᐃᔑ ᐋᐸᑎᓕᐌᔮᒃ ᐁ ᐱᒧᑌᔮᒃ ᓂᓚᓈᓐ᙮ 18ᐌᓴ ᒥᒉᑦ ᐱᒧᑌᐗᒃ, ᒥᒉᑡᐤ ᑳ ᑮ ᐋᓕᒧᑕᒫᑕᑾᒃ, ᐊᓄᒡ ᓀᔥᑕ ᑳ ᐋᓕᒧᑕᒫᑕᑾᒃ ᐁ ᒫᑐᔮᓐ ᐅᑎ, ᐁ ᐸᒀᑕᒸᒋᒃ ᙭ᑕ ᐅᑦ ᐋᔑᑌᐋᑎᑯᒥᓕᐤ; 19ᑫ ᐊᑎ ᓂᔑᐗᓈᑎᓯᒋᒃ, ᑳ ᐅ ᒪᓂᑐᒥᒋᒃ ᐗᑕᐗᐤ, ᑳ ᐅᒋ ᒫᒪᑖᑯᒧᒋᒃ ᐊᓂᐃ ᑫ ᐅᒋ ᓇᓀᐯᐎᓯᐙᔅᐸᓐ, ᑳ ᒫᒥᑐᓀᓕᑕᑭᒃ ᐊᔅᑭᐎ ᑫᒀᓇ᙮ 20ᐌᓴ ᑭᑦ ᐃᔑᐱᒫᑎᓯᐎᓂᓇᐤ ᑭᒋᑭᔑᑯᒃ ᐃᑕᑾᓐ; ᐃᑕ ᓀᔥᑕ ᑭᒋ ᐅᒌᑦ ᑳ ᐊᔕᐙᐸᒪᒃ ᐯᒫᒋᐃᐌᑦ, ᐅᑎᐯᓕᒋᑫᐤ ᒋᓴᔅ ᙭; 21ᐊᓇ ᑫ ᑴᔅᑭᓈᑯᑖᑦ ᑳ ᐋᐱᔅᑌᓕᑖᑾᒃ ᑭᔭᐎᓈᐤ ᑭᒋ ᐃᔑᑖᓂᐗᒃ ᑖᐱᔅᑯᒡ ᐎᔭᐤ ᑳ ᒪᓂᑐᐎᓈᑾᓂᓕᒃ, ᐁ ᐃᔑ ᐊᑑᔅᑫᒪᑲᓂᓕᒃ ᐅ ᑲᔥᑭᐅᐎᓐ ᒥᓯᐌ ᑫᒀᓇ ᑭᒋ ᔖᑯᒋᑕᒫᓱᑦ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.