ᐅᐸᓓᑭᔅ ᓘᒃ 23
23
ᒋᓴᔅ ᐅᑎᔥᑳᐤ ᐹᐃᓚᑕ
(ᒫᑎᐤ 27:1–2, 11–14; ᒫᕐᒃ 15:1–5; ᒑᓐ 18:28–38)
1ᒥᓯᐌ ᐁ ᐃᑕᓯᒋᒃ ᒫᑲ ᐁ ᒫᒪᐎᒥᒉᑎᒋᒃ ᑮ ᐸᓯᑯᐗᒃ ᓀᔥᑕ ᑮ ᐃᑐᑕᑕᒪᐌᐗᒃ ᐹᐃᓚᑕ᙮ 2ᑮ ᒫᒋ ᒫᒥᔑᒣᐗᒃ ᒫᑲ, ᐁ ᐃᑗᒋᒃ, ᓂ ᑮ ᒥᔅᑲᐙᓈᓐ ᐊᐗ ᐁ ᒪᒋ ᑲᑫᔅᑭᒫᑦ ᐃᓕᓕᐗ ᓀᔥᑕ ᐁ ᑭᑕᐊᒫᑫᑦ ᑭᒋ ᒥᓕᒥᒋ ᓯᓴᕋ ᑎᐱᓕᒋᑫᐎ ᔔᓕᐋᓇ, ᐁ ᐃᑗᑦ ᐎᓚ ᑫᒋᐙᒃ ᐁ ᙭ᑎᐎᑦ ᐁ ᑭᒋᐅᑭᒫᐎᑦ᙮
3ᐹᐃᓚᑦ ᒫᑲ ᑮ ᑲᑴᒋᒣᐤ, ᐁ ᐃᑗᑦ, ᑭᓚ ᓈ ᒎᐗᒃ ᐅ ᑭᒋᐅᑭᒫᒥᐙᐗ?
ᑮ ᓇᔥᑴᐗᔑᐃᑯ ᒫᑲ, ᐁ ᐃᑗᓕᒋ, ᑭᓚ ᑭᑦ ᐃᑣᓐ᙮
4ᐁᑯ ᐹᐃᓚᑦ ᐁᑖᑦ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐃᓕᓕᐗ, ᓇᒪᐎᓚ ᓂ ᒥᔅᑲᒸᓐ ᒪᒋᑣᐎᓂᓕᐤ ᐁ ᐋᔮᑦ ᐊᐗ ᐃᓕᓕᐤ᙮
5ᐊᐙᓯᑌ ᒫᑲ ᑮ ᐋᑯᓚᐌᓯᐗᒃ, ᐁ ᐃᑗᒋᒃ, ᐗᔦᔑᑌᓕᑕᒥᐁ ᐃᓕᓕᐗ, ᐁ ᑭᔅᑭᓄᐊᒫᑫᑦ ᒥᓯᐌ ᐁᔅᐱᔖᒃ ᒎᑎᐊᐃᒃ, ᓃᔥᑕᒻ ᑳᓕᓕᒃ ᐱᓕᔥ ᐅᑕ᙮
ᒋᓴᔅ ᐅᑎᔥᑳᐤ ᐦᐁᕋᑕ
6ᐃᔅᐱ ᐹᐃᓚᑦ ᐱᐁᑕᒃ ᑳᓕᓕ ᐁ ᐋᓕᒧᒋᑳᑌᓕᒃ, ᑮ ᑲᑴᒋᑫᒧ, ᑳᓕᓕᐎᓕᓕᐎᐤ ᓈ ᐊᐗ ᐃᓕᓕᐤ? 7ᐎᐸᒡ ᒫᑲ ᑫᔅᑫᓕᑕᒃ ᐁ ᐅᒋᓕᒋ ᐃᑕ ᐁ ᑎᐯᓕᒋᑫᓕᒋ ᐦᐁᕋᑕ, ᑮ ᐃᔑᑎᔕᐊᒪᐌᐤ ᐦᐁᕋᑕ, ᐁᑯᔅᐱ ᓀᔥᑕ ᒋᕉᓴᓚᒥᒃ ᑳ ᐃᑖᓕᒋ᙮ 8ᐃᔅᐱ ᒫᑲ ᐦᐁᕋᑦ ᐎᐋᐸᒫᑦ ᒋᓴᓴ, ᓈᔅᐱᒡ ᑮ ᓯᑭᓓᓯᐤ: ᐌᓴ ᑭᓉᔥ ᑮ ᐎ ᐙᐸᒣᐤ, ᐁ ᑮ ᐯᑕᒃ ᒥᒉᑦ ᑫᒀᓇ ᐁ ᐃᑖᒋᒥᒥᒋ; ᑮ ᓇᑕᐌᓕᑕᒻ ᒫᑲ ᑭᒋ ᐗᐸᑕᒃ ᒫᒪᑖᐎᐃᔑᒋᑫᐎᓂᓕᐤ ᑭᒋ ᑐᑕᒥᓕᒋ᙮ 9ᐁᑯ ᑫᑴᒋᒫᑦ ᒥᒉᑦ ᑫᒀᓇ: ᒫᑲ ᓇᒪᐎᓚ ᐙᔦᔥ ᐅᒋ ᓇᔥᑴᐗᔑᐃᑯ᙮ 10ᑭᒋ ᓵᓵᑭᐎᓕᐌᐎᓕᓕᐊᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᑮ ᓂᐸᐎᐗᒃ ᓀᔥᑕ ᓱᑭ ᑮ ᒫᒥᔑᒣᐗᒃ᙮ 11ᐦᐁᕋᑦ ᒫᑲ ᐊᓯᒋ ᐅ ᓇᑐᐸᓕᐎᓕᓕᒪ ᑮ ᒫᓓᓕᒣᐗᒃ, ᓀᔥᑕ ᑮ ᐋᔭᓵᒋᐁᐗᒃ, ᑮ ᐳᔅᑕᑯᐸᐁᐗᒃ ᒫᑲ ᐁ ᒥᓗᓈᑾᓂᓕᒃ ᐊᑯᐅᓂᓕᐤ, ᑮ ᑭᐌᑎᔕᐊᒪᐌᐤ ᒫᑲ ᐹᐃᓚᑕ᙮ 12ᐁᐗᑯ ᐁ ᑭᔑᑳᓕᒃ ᒫᑲ ᐹᐃᓚᑦ ᓀᔥᑕ ᐦᐁᕋᑦ ᑮ ᐅᑐᑌᒥᒥᑐᐗᒃ; ᐌᓴ ᐸᒧᔑ ᐅᒣᓕᐤ ᑮ ᐸᒀᑎᑐᐗᒃ᙮
ᒋᓴᔅ ᐸᑭᑎᓇᑲᓂᐎᐤ ᑭᒋ ᓂᐱᑦ
(ᒫᑎᐤ 27:15–26; ᒫᕐᒃ 15:6–15; ᒑᓐ 18:39—19:16)
13ᐹᐃᓚᑦ ᒫᑲ, ᐃᔅᐱ ᑳ ᒫᒪᐎ ᓇᑐᒫᑦ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐅᑭᒫᐗ, ᓀᔥᑕ ᐃᓕᓕᐗ, 14ᑮ ᐃᑌᐤ, ᑭ ᑮ ᐯᑐᐎᓈᐗᐤ ᐊᐗ ᐃᓕᓕᐤ, ᑖᐱᔅᑯᒡ ᐊᐌᓇ ᐁ ᒪᒋ ᑲᑫᔅᑭᒫᑦ ᐃᓕᓕᐗ: ᒫᑎᑲ, ᒫᑲ, ᓂᓚ, ᐁ ᑮ ᑎᐹᔅᑯᓇᒃ ᐁ ᐙᐸᒥᔦᒃ, ᓇᒪᐎᓚ ᓂ ᒥᔅᑾᒸᓐ ᒪᒋᑣᐎᓂᓕᐤ ᐁ ᐋᔮᑦ ᐊᐗ ᐃᓕᓕᐤ ᐊᓂᐃ ᑫᒀᓇ ᑳ ᐅᒋ ᒫᒥᔑᒣᒃ: 15ᓇᒪ, ᓇᒪ ᓀᔥᑕ ᐦᐁᕋᑦ; ᐌᓴ ᑭ ᑮ ᐃᔑᑎᔕᐅᑎᓇᐗᐤ ᑭᒋ ᓈᑌᒃ; ᒫᑎᑲ, ᒫᑲ, ᓇᒪᐎᓚ ᑫᒀᓕᐤ ᑐᑕᐙᑲᓂᐎᐤ ᑭᒋ ᐅᒋ ᐃᑌᓕᑖᑯᓯᑦ ᑭᒋ ᓇᐸᐋᑲᓂᐎᑦ᙮ 16ᐁᐗᑯ ᐅᒋ ᓂ ᑳ ᐸᓴᔅᑌᐗᐤ, ᐁᑯ ᒫᑲ ᑫ ᐸᑭᑎᓇᒃ᙮ 17(ᐌᓴ ᔮᓕᑌᓪ ᑲᑕ ᐸᑭᑎᓇᒪᐌᐸᓐ ᐯᔭᒃ ᐊᐌᓕᐗ ᐊᓂᒪ ᒪᑯᔐᐎᓂᒃ᙮)
18ᒥᓯᐌ ᒫᑲ ᒫᒪᐤ ᑮ ᑌᐺᐗᒃ ᐁ ᐃᑗᒋᒃ, ᑭᑐᑖᔾ ᐊᐗ ᐃᓕᓕᐤ, ᐸᑭᑎᓇᒪᐎᓈᓐ ᒫᑲ ᐸᕌᐸᔅ: 19(ᐁᐗᑯ ᐁ ᑮ ᓂᔑᐗᓈᑕᑲᒥᑭᓯᑦ ᐃᑖᐎᓂᒃ, ᓀᔥᑕ ᐁ ᑮ ᓂᐹᔨᐌᑦ, ᑮ ᐃᔑ ᐌᐱᓇᐤ ᑭᐸᐅᑐᐃᑲᒥᑯᒃ᙮)
20ᐹᐃᓚᑦ ᒫᑲ ᐁ ᐎ ᐸᑭᑎᓈᑦ ᒋᓴᓴ, ᒥᓇ ᑮ ᐋᔭᒥᐁᐤ, 21ᒫᑲ ᑮ ᑌᐺᐗᒃ, ᒌᔅᑖᔅᑾᐤ, ᒋᔅᑖᔅᑾᐤ᙮
22ᑮ ᐃᑌᐤ ᒫᑲ, ᐁᑯ ᓂᔅᑡᐤ, ᑖᓀᑭ ᐌᒋ, ᑫᒀᓕᐤ ᑳ ᒪᒋᑐᑕᒃ? ᓇᒪᐎᓚ ᓂ ᐅᒋ ᒥᔅᑲᒸᓐ ᑫᒀᓕᐤ ᐁ ᐋᔮᑦ ᑭᒋ ᐅᒋ ᓂᐸᐋᑲᓂᐎᑦ: ᐁᐗᑯ ᐅᒋ ᓂ ᑳ ᐸᓴᔅᑌᐗᐤ, ᐁᑯ ᒫᑲ ᑫ ᐸᑭᑎᓇᒃ᙮
23ᑭᒋᐌ ᒫᑲ ᐁᓕᑯᒃ ᑮ ᑌᐺᐗᒃ, ᐁ ᓇᑐᑕᒫᒋᒃ ᑭᒋ ᒌᔅᑖᔅᑾᐙᑲᓂᐎᓕᒋ: ᐎᓚᐗᐤ ᒫᑲ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗᒃ ᐅ ᐯᑖᑯᓯᐎᓂᐙᐗ ᑮ ᔖᑯᒋᐃᐌᒪᑲᓂᓕᐗ᙮ 24ᐹᐃᓚᑦ ᒫᑲ ᑮ ᐃᑗᐤ ᑭᒋ ᑐᒋᑳᑌᓕᒃ ᐁ ᐃᔑ ᓇᑐᑕᒫᓕᒋ᙮ 25ᑮ ᐸᑭᑎᓇᒪᐌᐤ ᒫᑲ ᐊᓂᐃ ᐁ ᓂᔑᐗᓈᑕᑲᒥᑭᓯᓕᒋ ᓀᔥᑕ ᐁ ᓂᐹᔨᐌᓕᒋ ᑳ ᐅᒋ ᐃᔑ ᐌᐱᓈᑲᓂᐎᓕᒋ ᑭᐸᐅᑐᐎᑲᒥᑯᒃ, ᑳ ᑮ ᓇᑕᐌᓕᑕᒫᓕᒋ; ᒫᑲ ᑮ ᐸᑭᑎᓀᐤ ᒋᓴᓴ ᑭᒋ ᑐᑕᐙᑲᓂᐎᓕᒋ ᐁ ᐃᔑ ᓇᑕᐌᓕᑕᒥᓕᒋ᙮
ᒋᓴᔅ ᒋᔅᑖᔅᑾᑲᓂᐎᐤ
(ᒫᑎᐤ 27:32–44; ᒫᕐᒃ 15:21–32; ᒑᓐ 19:17–27)
26ᐁ ᐊᑎ ᑭᑐᑕᐋᒋᒃ ᒫᑲ, ᑮ ᒫᑯᓀᐗᒃ ᐊᐌᓕᐗ ᓵᐃᒪᓐ ᐁ ᐃᔑᓂᑳᓱᓕᒋ, ᓴᐃᕆᓂᐎᓕᓕᐗ, ᐱᑐᔥ ᐃᑕ ᐁ ᐅᑐᑌᓕᒋ, ᑮ ᑌᑖᔅᑐᐌᐗᒃ ᒫᑲ ᐋᔑᑌᐋᑎᑯᓕᐤ, ᑭᒋ ᐱᒥᐎᑖᓕᒋ ᐅᑖᓈᒃ ᒋᓴᓴ᙮
27ᑮ ᓄᔅᐱᓈᑎᑯ ᒫᑲ ᓈᔅᐱᒡ ᒥᒉᑦ ᐃᓕᓕᐗ, ᓀᔥᑕ ᐃᔅᑴᐗ, ᐁ ᒪᐎᑳᑎᑯᑦ ᓀᔥᑕ ᐁ ᒧᔅᑲᐙᑎᑯᑦ᙮ 28ᒫᑲ ᒋᓴᔅ, ᐁ ᑴᔅᑭᑳᐸᐎᔅᑕᐙᑦ, ᑮ ᐃᑗᐤ, ᐌᑖᓂᓯᒥᑖᒃ ᒋᕉᓴᓚᒻ, ᐁᑳᐎᓚ ᒪᐎᑳᔒᒃ ᓂᓚ, ᒫᑲ ᒪᐎᑳᑎᓱᒃ, ᓀᔥᑕ ᑭᑦ ᐊᐙᔑᒥᔑᐙᐗᒃ᙮ 29ᐌᓴ, ᒫᑎᑲ, ᐹᐸᓕᐗ ᑭᔑᑳᐗ, ᐃᔅᐱ ᑫ ᐃᑣᓂᐗᒃ, ᔕᐌᓕᑖᑯᓯᐗᒃ ᐊᓂᑭ ᐁᑳ ᑳ ᓂᑖᐅᔐᒋᒃ, ᓀᔥᑕ ᐊᓂᐃ ᒥᔅᐹᔭᐗ ᐁᑳ ᑳ ᓂᑖᐎᑭᐃᐌᒪᑲᑭ, ᓀᔥᑕ ᐊᓂᑭ ᒍᒍᔑᒪᒃ ᐁᑳ ᑳ ᓂᑕ ᓄᔖᓂᐃᐌᒋᒃ᙮ 30ᐁᑯ ᑫ ᒫᒋ ᐃᑕᑭᒃ ᐗᒋᐊ, ᐸᑕᔅᑕᐅᓈᓐ; ᓀᔥᑕ ᐗᒋᔕ, ᐊᑾᓇᐅᓈᓐ᙮ 31ᐌᓴ ᑮᔥᐱᓐ ᐅᐅ ᐁᑐᑕᐙᐙᑴ ᑭᑲᔑᔥᑳᑎᑾ, ᑫᒀᓐ ᑫ ᑐᑕᐙᑲᓂᐎᑦ ᐹᑯᑕᒃ?
32ᑮ ᐃᑖᓕᐗ ᓀᔥᑕ ᓂᔓ ᑯᑕᑭᔭ ᑳ ᒪᒋᑎᔅᑭᓕᒋ, ᑳ ᐃᑐᑕᐋᑲᓂᐎᓕᒋ ᐊᓯᒋ ᐎᓚ ᑭᒋ ᓂᐸᐋᑲᓂᐎᓕᒋ᙮ 33ᐃᔅᐱ ᒫᑲ ᐌᑎᑕᑭᒃ ᐃᑕ ᑳᓪᐸᕆ ᐁ ᐃᔑᓂᑳᑌᒃ, ᐁᑯᑕ ᑳ ᒌᔅᑖᔅᑾᐙᒋᒃ, ᓀᔥᑕ ᐊᓂᐃ ᒪᒋᑎᔅᑭᐗ: ᐯᔭᒃ ᑭᒋᓂᔉ ᐃᑌᑫ, ᑯᑕᒃ ᒫᑲ ᓇᒪᑎᓂᔉ ᐃᑌᑫ᙮ 34ᐁᑯ ᐁᑗᑦ ᒋᓴᔅ, ᓄᑖ, ᐌᐯᓕᑕᒪᐎᒃ; ᐌᓴ ᓇᒪᐎᓚ ᑭᔅᑫᓕᑕᒶᒃ ᑫᒀᓕᐤ ᑳ ᑐᑕᑭᒃ᙮
ᑮ ᒫᑎᓇᒫᑐᐗᒃ ᒫᑲ ᐅ ᐎᓛᒋᑲᓂᓕᐗ ᓀᔥᑕ ᑮ ᒪᐃᑲᓈᑎᑯᑫᐗᒃ᙮ 35ᐃᓕᓕᐗᒃ ᒫᑲ ᑮ ᓂᐸᐎᐗᒃ ᐁ ᑲᓇᐙᐱᒋᒃ: ᐅᑭᒫᐗᒃ ᓀᔥᑕ ᑮ ᐊᒋᐁᐗᒃ ᐁ ᐹᐱᓄᑕᐙᒋᒃ, ᐁ ᐃᑗᒋᒃ, ᑮ ᐱᒫᒋᐁᐤ ᑯᑕᑭᔭ; ᐁᑯᔑ ᑲᑕ ᐱᒫᒋᐃᑎᓱ, ᑮᔥᐱᓐ ᐃᔮᐎᑴ ᙭, ᑳ ᐙᐌᓛᐸᒥᑯᑦ ᑭᒋᒪᓂᑐᐗ᙮
36ᓇᑐᐸᓕᐎᓕᓕᐗᒃ ᓀᔥᑕ ᑮ ᐋᔭᓵᒋᐁᐗᒃ, ᐁ ᐯᒋ ᓈᑖᒋᒃ, ᓀᔥᑕ ᐁ ᓂᒥᓇᒪᐙᒋᒃ ᔑᐎᑳᐳᓕᐤ᙮ 37ᓀᔥᑕ ᐁ ᐃᑗᒋᒃ, ᑮᔥᐱᓐ ᐃᔮᐎᐗᓀ ᒎᐗᒃ ᐅ ᑭᒋᐅᑭᒫᒥᐙᐗ, ᐱᒫᒋᐃᑎᓱ᙮
38ᒪᓯᓇᐃᑫᐎᓐ ᒫᑲ ᑮ ᒪᓯᓇᐃᑳᑌᓕᐤ ᐃᔥᐱᒥᒃ ᐅᔅᑎᒀᓂᒃ, ᒃᕇᒃ ᐃᔑᑭᔗᐎᓂᒃ, ᓀᔥᑕ ᓛᑎᓐ ᐃᔑᑭᔗᐎᓂᒃ, ᓀᔥᑕ ᐦᐃᑉᕉ ᐃᔑᑭᔗᐎᓂᒃ, ᐁᐗᑯ ᐊᐗ ᒎᐗᒃ ᐅ ᑭᒋᐅᑭᒫᒥᐗᐗ᙮
39ᐯᔭᒃ ᒫᑲ ᐊᓂᑭ ᒪᒋᑎᔅᑭᐗᒃ ᑳ ᐊᑯᓛᑲᓂᐎᒋᒃ, ᑮ ᒫᓓᓕᒣᐤ, ᐁ ᐃᑗᑦ, ᑮᔥᐱᓐ ᐃᔮᐎᐗᓀ ᙭, ᐱᒫᒋᐃᑎᓱ, ᓀᔥᑕ ᓂᓚᓈᓐ᙮
40ᒫᑲ ᑯᑕᒃ ᐁ ᓇᔥᑴᐗᔑᐋᑦ ᑮ ᑭᑐᑌᐤ, ᐁ ᐃᑗᑦ, ᓇᒪ ᓇ ᑭ ᑯᔅᑕᐤ ᑭᒋᒪᓂᑐ, ᐁ ᐙᐸᑕᒪᓐ ᑭᓚ ᓀᔥᑕ ᑖᐱᔅᑯᒡ ᐁ ᓂᔑᐗᓈᒋᒥᑲᐎᔭᓐ? 41ᑭᓚᓈᓇᐤ ᓀᔥᑕ ᑖᐺ ᑭ ᒀᔭᔅᑯ ᑐᑖᑲᐎᓈᓇᐤ; ᐌᓴ ᑭ ᒥᓕᑲᐎᓈᓇᐤ ᒀᔭᔉ ᑎᐸᐊᒫᑯᓯᐎᓐ ᑭᑦ ᐋᔨᑎᐎᓂᓇᐗ ᐅᒋ: ᒫᑲ ᐊᐗ ᐃᓕᓕᐤ ᓇᒪᐎᓚ ᑮ ᑐᑕᒻ ᑫᒀᓕᐤ ᑳ ᒫᓛᑕᓂᓕᒃ᙮ 42ᑮ ᐃᑌᐤ ᒫᑲ ᒋᓴᓴ, ᑌᐯᓕᒋᑫᔭᓐ, ᑫᔅᑭᓯᑐᑖᐎᓐ ᐯᒋ ᐃᑐᑌᔭᓀ ᑭᑦ ᐅᑭᒫᐎᐎᓂᒃ᙮
43ᒋᓴᔅ ᒫᑲ ᑮ ᐃᑌᐤ, ᑖᐺ ᑭᑦ ᐃᑎᓐ, ᐊᓄᒡ ᐁ ᑭᔑᑳᒃ ᑭ ᑳ ᐎᒉᐎᓐ ᐹᕋᑕᐃᓯᒃ᙮
ᐅᓂᐱᐎᓐ ᒋᓴᔅ
(ᒫᑎᐤ 27:45–56; ᒫᕐᒃ 15:33–41; ᒑᓐ 19:28–30)
44ᐁᑯᔅᐱ ᒫᑲ ᓈᓐᑕᐤ ᓂᑯᑣᔅ ᑎᐹᔨᑲᓐ ᐱᓯᒧᑳᓂᒃ, ᑮ ᑳᔥᑭᑎᐱᔅᑲᐤ ᒫᑲ ᒥᓯᐌ ᐊᔅᑮᒃ ᐱᓕᔥ ᔖᑭᑖᑦ ᑎᐹᔨᑲᓐ ᐱᓯᒧᑳᓂᒃ᙮ 45ᐱᓯᒻ ᒫᑲ ᑮ ᐋᐎᑳᔅᑌᓯᐤ, ᐊᑯᐃᑲᓐ ᒫᑲ ᑭᒋᐋᔭᒥᐁᐎᑲᒥᑯᒃ ᑌᑖᐎᒡ ᑮ ᑖᑐᐸᓕᐤ᙮ 46ᐃᔅᐱ ᒫᑲ ᒋᓴᔅ ᑳ ᑮ ᑌᐺᑦ ᐁ ᑭᔗᐌᑦ, ᑮ ᐃᑗᐤ, ᓄᑖ, ᑭᒋᒌᒃ ᑭ ᑲᓇᐌᓕᑎᓕᓐ ᓂᑦ ᐊᒑᒃ: ᐅᒣᓕᐤ ᒫᑲ ᑳ ᑮ ᐃᑗᑦ, ᑮ ᐸᑭᑎᓀᐤ ᐅᑦ ᐊᒑᑾ᙮
47ᐃᔅᐱ ᒫᑲ ᓇᑐᐸᓕᐎᑭᒪᐤ ᐎᐋᐸᑕᒃ ᑫᒀᓕᐤ ᐁᑭᓂᓕᒃ, ᑮ ᑭᔅᑖᒋᒣᐤ ᑭᒋᒪᓂᑐᐗ, ᐁ ᐃᑗᑦ, ᑖᐺ ᐊᐗ ᐃᓕᓕᐤ ᑮ ᒀᔭᔅᑭᑖᑎᓯᑯᐸᓐ᙮
48ᓀᔥᑕ ᒥᓯᐌ ᐃᓕᓕᐗᒃ ᑳ ᐯᒋ ᒪᐗᒋᐃᑐᒋᒃ ᐊᓂᒣᓕᐤ ᑭᒋ ᑲᓇᐙᐸᑕᑭᒃ, ᐁ ᐙᐸᑕᑭᒃ ᐊᓂᐃ ᑫᒀᓇ ᑳ ᐃᑭᓂᓕᑭ, ᑮ ᐅᑖᒫᔅᑭᑲᓀᐅᑎᓱᐗᒃ, ᓀᔥᑕ ᑮ ᑭᐌᐗᒃ᙮ 49ᓀᔥᑕ ᒥᓯᐌ ᐅᑐᑌᒪ, ᓀᔥᑕ ᐊᓂᐃ ᐃᔅᑴᐗ ᑳ ᓄᔅᐱᓈᑎᑯᑦ ᑳᓕᓖᒃ ᐅᒋ, ᐗᓚᐤ ᑮ ᓂᐸᐎᓕᐗ, ᐁ ᑲᓇᐙᐸᑕᒥᓕᒋ ᐅᐅ ᑫᒀᓇ᙮
ᐁ ᓇᐃᑲᐗᑲᓂᐎᑦ ᒋᓴᔅ
(ᒫᑎᐤ 27:57–61; ᒫᕐᒃ 15:42–47; ᒑᓐ 19:38–42)
50ᒫᑎᑲ, ᒫᑲ, ᑮ ᐃᑖᐤ ᐃᓕᓕᐤ ᒍᓯᑉ ᐁ ᐃᔑᓂᑳᓱᑦ, ᐅᑲᑫᔅᑭᒥᐌᐤ; ᑮ ᒥᓗ ᐃᓕᓕᐎᐤ ᒫᑲ, ᓀᔥᑕ ᑮ ᒀᔭᔅᑭᑎᐤ: 51(ᐁᐗᑯ ᐊᐗ ᓇᒪᐎᓚ ᑮ ᒥᓜᓕᑕᒬᐤ ᐅ ᑲᑫᔅᑭᒥᑐᐎᓂᓕᐤ ᓀᔥᑕ ᐅᑦ ᐋᔨᑎᐎᓂᓕᐤ:) ᑮ ᐅᒋᐤ ᐋᕆᒪᑎᔭᐃᒃ, ᐯᔭᒃ ᐅᑦ ᐃᑖᐎᓂᐙᐗ ᒎᐗᒃ: ᐎᓚ ᓀᔥᑕ ᑮ ᐁᔑᓇᐙᑕᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮ 52ᐊᐗ ᐃᓕᓕᐤ ᑮ ᓈᑌᐤ ᐹᐃᓚᑕ, ᓀᔥᑕ ᑮ ᓇᑐᑕᒪᐌᐤ ᒋᓴᓴ ᐎᔭᐎᓕᐤ᙮ 53ᑮ ᓂᑎᓇᒬᐤ ᒫᑲ, ᓀᔥᑕ ᑮ ᐌᐌᑭᓇᒬᐤ ᐸᐸᑭᐙᔮᓀᑭᓄᒃ, ᓀᔥᑕ ᑮ ᐱᒥᑎᑕᐌᐤ ᒋᐹᔨᑲᒥᑯᒃ ᑳ ᒧᓇᐱᔅᑲᐃᑳᑌᒃ ᐊᓯᓂᒃ, ᐃᑕ ᐁᑳ ᐊᐌᓇ ᐁ ᓂᑕ ᐱᒥᔑᒫᑲᓂᐎᑦ᙮ 54ᐊᓂᒪ ᒫᑲ ᐁᐗᑯ ᐋᔦᔅᑲᐎ ᑭᔑᑲᐤ, ᐋᔭᒥᐁᑭᔑᑲᐤ ᒫᑲ ᑮ ᐯᔓᓈᑾᓐ᙮
55ᐊᓂᑭ ᐃᔅᑴᐗᒃ ᓀᔥᑕ, ᑳ ᐯᒋ ᐎᒉᐙᒋᒃ ᑳᓕᓖᒃ ᐅᒋ, ᑮ ᓄᔅᐱᓇᔑᐌᐗᒃ, ᓀᔥᑕ ᑮ ᑲᓇᐙᐸᑕᒶᒃ ᒋᐹᔨᑲᒥᑯᓕᐤ, ᓀᔥᑕ ᑳ ᐃᔑ ᐱᒥᑎᑖᓂᐗᓂᓕᒃ ᐎᔭᐎᓕᐤ᙮ 56ᑮ ᑭᐌᐗᒃ ᒫᑲ, ᓀᔥᑕ ᑮ ᐋᔦᔅᑲᐎᑖᐗᒃ ᒪᔥᑭᑭᔭ ᓀᔥᑕ ᑕᒪᔅᑯᐎᓇ;
ᑮ ᐋᓓᐱᐗᒃ ᒫᑲ ᐁ ᐋᔭᒥᐁᑭᔑᑳᓕᒃ, ᐁ ᐃᑕᔓᐙᓂᐗᒃ᙮
Currently Selected:
ᐅᐸᓓᑭᔅ ᓘᒃ 23: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.
ᐅᐸᓓᑭᔅ ᓘᒃ 23
23
ᒋᓴᔅ ᐅᑎᔥᑳᐤ ᐹᐃᓚᑕ
(ᒫᑎᐤ 27:1–2, 11–14; ᒫᕐᒃ 15:1–5; ᒑᓐ 18:28–38)
1ᒥᓯᐌ ᐁ ᐃᑕᓯᒋᒃ ᒫᑲ ᐁ ᒫᒪᐎᒥᒉᑎᒋᒃ ᑮ ᐸᓯᑯᐗᒃ ᓀᔥᑕ ᑮ ᐃᑐᑕᑕᒪᐌᐗᒃ ᐹᐃᓚᑕ᙮ 2ᑮ ᒫᒋ ᒫᒥᔑᒣᐗᒃ ᒫᑲ, ᐁ ᐃᑗᒋᒃ, ᓂ ᑮ ᒥᔅᑲᐙᓈᓐ ᐊᐗ ᐁ ᒪᒋ ᑲᑫᔅᑭᒫᑦ ᐃᓕᓕᐗ ᓀᔥᑕ ᐁ ᑭᑕᐊᒫᑫᑦ ᑭᒋ ᒥᓕᒥᒋ ᓯᓴᕋ ᑎᐱᓕᒋᑫᐎ ᔔᓕᐋᓇ, ᐁ ᐃᑗᑦ ᐎᓚ ᑫᒋᐙᒃ ᐁ ᙭ᑎᐎᑦ ᐁ ᑭᒋᐅᑭᒫᐎᑦ᙮
3ᐹᐃᓚᑦ ᒫᑲ ᑮ ᑲᑴᒋᒣᐤ, ᐁ ᐃᑗᑦ, ᑭᓚ ᓈ ᒎᐗᒃ ᐅ ᑭᒋᐅᑭᒫᒥᐙᐗ?
ᑮ ᓇᔥᑴᐗᔑᐃᑯ ᒫᑲ, ᐁ ᐃᑗᓕᒋ, ᑭᓚ ᑭᑦ ᐃᑣᓐ᙮
4ᐁᑯ ᐹᐃᓚᑦ ᐁᑖᑦ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐃᓕᓕᐗ, ᓇᒪᐎᓚ ᓂ ᒥᔅᑲᒸᓐ ᒪᒋᑣᐎᓂᓕᐤ ᐁ ᐋᔮᑦ ᐊᐗ ᐃᓕᓕᐤ᙮
5ᐊᐙᓯᑌ ᒫᑲ ᑮ ᐋᑯᓚᐌᓯᐗᒃ, ᐁ ᐃᑗᒋᒃ, ᐗᔦᔑᑌᓕᑕᒥᐁ ᐃᓕᓕᐗ, ᐁ ᑭᔅᑭᓄᐊᒫᑫᑦ ᒥᓯᐌ ᐁᔅᐱᔖᒃ ᒎᑎᐊᐃᒃ, ᓃᔥᑕᒻ ᑳᓕᓕᒃ ᐱᓕᔥ ᐅᑕ᙮
ᒋᓴᔅ ᐅᑎᔥᑳᐤ ᐦᐁᕋᑕ
6ᐃᔅᐱ ᐹᐃᓚᑦ ᐱᐁᑕᒃ ᑳᓕᓕ ᐁ ᐋᓕᒧᒋᑳᑌᓕᒃ, ᑮ ᑲᑴᒋᑫᒧ, ᑳᓕᓕᐎᓕᓕᐎᐤ ᓈ ᐊᐗ ᐃᓕᓕᐤ? 7ᐎᐸᒡ ᒫᑲ ᑫᔅᑫᓕᑕᒃ ᐁ ᐅᒋᓕᒋ ᐃᑕ ᐁ ᑎᐯᓕᒋᑫᓕᒋ ᐦᐁᕋᑕ, ᑮ ᐃᔑᑎᔕᐊᒪᐌᐤ ᐦᐁᕋᑕ, ᐁᑯᔅᐱ ᓀᔥᑕ ᒋᕉᓴᓚᒥᒃ ᑳ ᐃᑖᓕᒋ᙮ 8ᐃᔅᐱ ᒫᑲ ᐦᐁᕋᑦ ᐎᐋᐸᒫᑦ ᒋᓴᓴ, ᓈᔅᐱᒡ ᑮ ᓯᑭᓓᓯᐤ: ᐌᓴ ᑭᓉᔥ ᑮ ᐎ ᐙᐸᒣᐤ, ᐁ ᑮ ᐯᑕᒃ ᒥᒉᑦ ᑫᒀᓇ ᐁ ᐃᑖᒋᒥᒥᒋ; ᑮ ᓇᑕᐌᓕᑕᒻ ᒫᑲ ᑭᒋ ᐗᐸᑕᒃ ᒫᒪᑖᐎᐃᔑᒋᑫᐎᓂᓕᐤ ᑭᒋ ᑐᑕᒥᓕᒋ᙮ 9ᐁᑯ ᑫᑴᒋᒫᑦ ᒥᒉᑦ ᑫᒀᓇ: ᒫᑲ ᓇᒪᐎᓚ ᐙᔦᔥ ᐅᒋ ᓇᔥᑴᐗᔑᐃᑯ᙮ 10ᑭᒋ ᓵᓵᑭᐎᓕᐌᐎᓕᓕᐊᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᑮ ᓂᐸᐎᐗᒃ ᓀᔥᑕ ᓱᑭ ᑮ ᒫᒥᔑᒣᐗᒃ᙮ 11ᐦᐁᕋᑦ ᒫᑲ ᐊᓯᒋ ᐅ ᓇᑐᐸᓕᐎᓕᓕᒪ ᑮ ᒫᓓᓕᒣᐗᒃ, ᓀᔥᑕ ᑮ ᐋᔭᓵᒋᐁᐗᒃ, ᑮ ᐳᔅᑕᑯᐸᐁᐗᒃ ᒫᑲ ᐁ ᒥᓗᓈᑾᓂᓕᒃ ᐊᑯᐅᓂᓕᐤ, ᑮ ᑭᐌᑎᔕᐊᒪᐌᐤ ᒫᑲ ᐹᐃᓚᑕ᙮ 12ᐁᐗᑯ ᐁ ᑭᔑᑳᓕᒃ ᒫᑲ ᐹᐃᓚᑦ ᓀᔥᑕ ᐦᐁᕋᑦ ᑮ ᐅᑐᑌᒥᒥᑐᐗᒃ; ᐌᓴ ᐸᒧᔑ ᐅᒣᓕᐤ ᑮ ᐸᒀᑎᑐᐗᒃ᙮
ᒋᓴᔅ ᐸᑭᑎᓇᑲᓂᐎᐤ ᑭᒋ ᓂᐱᑦ
(ᒫᑎᐤ 27:15–26; ᒫᕐᒃ 15:6–15; ᒑᓐ 18:39—19:16)
13ᐹᐃᓚᑦ ᒫᑲ, ᐃᔅᐱ ᑳ ᒫᒪᐎ ᓇᑐᒫᑦ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐅᑭᒫᐗ, ᓀᔥᑕ ᐃᓕᓕᐗ, 14ᑮ ᐃᑌᐤ, ᑭ ᑮ ᐯᑐᐎᓈᐗᐤ ᐊᐗ ᐃᓕᓕᐤ, ᑖᐱᔅᑯᒡ ᐊᐌᓇ ᐁ ᒪᒋ ᑲᑫᔅᑭᒫᑦ ᐃᓕᓕᐗ: ᒫᑎᑲ, ᒫᑲ, ᓂᓚ, ᐁ ᑮ ᑎᐹᔅᑯᓇᒃ ᐁ ᐙᐸᒥᔦᒃ, ᓇᒪᐎᓚ ᓂ ᒥᔅᑾᒸᓐ ᒪᒋᑣᐎᓂᓕᐤ ᐁ ᐋᔮᑦ ᐊᐗ ᐃᓕᓕᐤ ᐊᓂᐃ ᑫᒀᓇ ᑳ ᐅᒋ ᒫᒥᔑᒣᒃ: 15ᓇᒪ, ᓇᒪ ᓀᔥᑕ ᐦᐁᕋᑦ; ᐌᓴ ᑭ ᑮ ᐃᔑᑎᔕᐅᑎᓇᐗᐤ ᑭᒋ ᓈᑌᒃ; ᒫᑎᑲ, ᒫᑲ, ᓇᒪᐎᓚ ᑫᒀᓕᐤ ᑐᑕᐙᑲᓂᐎᐤ ᑭᒋ ᐅᒋ ᐃᑌᓕᑖᑯᓯᑦ ᑭᒋ ᓇᐸᐋᑲᓂᐎᑦ᙮ 16ᐁᐗᑯ ᐅᒋ ᓂ ᑳ ᐸᓴᔅᑌᐗᐤ, ᐁᑯ ᒫᑲ ᑫ ᐸᑭᑎᓇᒃ᙮ 17(ᐌᓴ ᔮᓕᑌᓪ ᑲᑕ ᐸᑭᑎᓇᒪᐌᐸᓐ ᐯᔭᒃ ᐊᐌᓕᐗ ᐊᓂᒪ ᒪᑯᔐᐎᓂᒃ᙮)
18ᒥᓯᐌ ᒫᑲ ᒫᒪᐤ ᑮ ᑌᐺᐗᒃ ᐁ ᐃᑗᒋᒃ, ᑭᑐᑖᔾ ᐊᐗ ᐃᓕᓕᐤ, ᐸᑭᑎᓇᒪᐎᓈᓐ ᒫᑲ ᐸᕌᐸᔅ: 19(ᐁᐗᑯ ᐁ ᑮ ᓂᔑᐗᓈᑕᑲᒥᑭᓯᑦ ᐃᑖᐎᓂᒃ, ᓀᔥᑕ ᐁ ᑮ ᓂᐹᔨᐌᑦ, ᑮ ᐃᔑ ᐌᐱᓇᐤ ᑭᐸᐅᑐᐃᑲᒥᑯᒃ᙮)
20ᐹᐃᓚᑦ ᒫᑲ ᐁ ᐎ ᐸᑭᑎᓈᑦ ᒋᓴᓴ, ᒥᓇ ᑮ ᐋᔭᒥᐁᐤ, 21ᒫᑲ ᑮ ᑌᐺᐗᒃ, ᒌᔅᑖᔅᑾᐤ, ᒋᔅᑖᔅᑾᐤ᙮
22ᑮ ᐃᑌᐤ ᒫᑲ, ᐁᑯ ᓂᔅᑡᐤ, ᑖᓀᑭ ᐌᒋ, ᑫᒀᓕᐤ ᑳ ᒪᒋᑐᑕᒃ? ᓇᒪᐎᓚ ᓂ ᐅᒋ ᒥᔅᑲᒸᓐ ᑫᒀᓕᐤ ᐁ ᐋᔮᑦ ᑭᒋ ᐅᒋ ᓂᐸᐋᑲᓂᐎᑦ: ᐁᐗᑯ ᐅᒋ ᓂ ᑳ ᐸᓴᔅᑌᐗᐤ, ᐁᑯ ᒫᑲ ᑫ ᐸᑭᑎᓇᒃ᙮
23ᑭᒋᐌ ᒫᑲ ᐁᓕᑯᒃ ᑮ ᑌᐺᐗᒃ, ᐁ ᓇᑐᑕᒫᒋᒃ ᑭᒋ ᒌᔅᑖᔅᑾᐙᑲᓂᐎᓕᒋ: ᐎᓚᐗᐤ ᒫᑲ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗᒃ ᐅ ᐯᑖᑯᓯᐎᓂᐙᐗ ᑮ ᔖᑯᒋᐃᐌᒪᑲᓂᓕᐗ᙮ 24ᐹᐃᓚᑦ ᒫᑲ ᑮ ᐃᑗᐤ ᑭᒋ ᑐᒋᑳᑌᓕᒃ ᐁ ᐃᔑ ᓇᑐᑕᒫᓕᒋ᙮ 25ᑮ ᐸᑭᑎᓇᒪᐌᐤ ᒫᑲ ᐊᓂᐃ ᐁ ᓂᔑᐗᓈᑕᑲᒥᑭᓯᓕᒋ ᓀᔥᑕ ᐁ ᓂᐹᔨᐌᓕᒋ ᑳ ᐅᒋ ᐃᔑ ᐌᐱᓈᑲᓂᐎᓕᒋ ᑭᐸᐅᑐᐎᑲᒥᑯᒃ, ᑳ ᑮ ᓇᑕᐌᓕᑕᒫᓕᒋ; ᒫᑲ ᑮ ᐸᑭᑎᓀᐤ ᒋᓴᓴ ᑭᒋ ᑐᑕᐙᑲᓂᐎᓕᒋ ᐁ ᐃᔑ ᓇᑕᐌᓕᑕᒥᓕᒋ᙮
ᒋᓴᔅ ᒋᔅᑖᔅᑾᑲᓂᐎᐤ
(ᒫᑎᐤ 27:32–44; ᒫᕐᒃ 15:21–32; ᒑᓐ 19:17–27)
26ᐁ ᐊᑎ ᑭᑐᑕᐋᒋᒃ ᒫᑲ, ᑮ ᒫᑯᓀᐗᒃ ᐊᐌᓕᐗ ᓵᐃᒪᓐ ᐁ ᐃᔑᓂᑳᓱᓕᒋ, ᓴᐃᕆᓂᐎᓕᓕᐗ, ᐱᑐᔥ ᐃᑕ ᐁ ᐅᑐᑌᓕᒋ, ᑮ ᑌᑖᔅᑐᐌᐗᒃ ᒫᑲ ᐋᔑᑌᐋᑎᑯᓕᐤ, ᑭᒋ ᐱᒥᐎᑖᓕᒋ ᐅᑖᓈᒃ ᒋᓴᓴ᙮
27ᑮ ᓄᔅᐱᓈᑎᑯ ᒫᑲ ᓈᔅᐱᒡ ᒥᒉᑦ ᐃᓕᓕᐗ, ᓀᔥᑕ ᐃᔅᑴᐗ, ᐁ ᒪᐎᑳᑎᑯᑦ ᓀᔥᑕ ᐁ ᒧᔅᑲᐙᑎᑯᑦ᙮ 28ᒫᑲ ᒋᓴᔅ, ᐁ ᑴᔅᑭᑳᐸᐎᔅᑕᐙᑦ, ᑮ ᐃᑗᐤ, ᐌᑖᓂᓯᒥᑖᒃ ᒋᕉᓴᓚᒻ, ᐁᑳᐎᓚ ᒪᐎᑳᔒᒃ ᓂᓚ, ᒫᑲ ᒪᐎᑳᑎᓱᒃ, ᓀᔥᑕ ᑭᑦ ᐊᐙᔑᒥᔑᐙᐗᒃ᙮ 29ᐌᓴ, ᒫᑎᑲ, ᐹᐸᓕᐗ ᑭᔑᑳᐗ, ᐃᔅᐱ ᑫ ᐃᑣᓂᐗᒃ, ᔕᐌᓕᑖᑯᓯᐗᒃ ᐊᓂᑭ ᐁᑳ ᑳ ᓂᑖᐅᔐᒋᒃ, ᓀᔥᑕ ᐊᓂᐃ ᒥᔅᐹᔭᐗ ᐁᑳ ᑳ ᓂᑖᐎᑭᐃᐌᒪᑲᑭ, ᓀᔥᑕ ᐊᓂᑭ ᒍᒍᔑᒪᒃ ᐁᑳ ᑳ ᓂᑕ ᓄᔖᓂᐃᐌᒋᒃ᙮ 30ᐁᑯ ᑫ ᒫᒋ ᐃᑕᑭᒃ ᐗᒋᐊ, ᐸᑕᔅᑕᐅᓈᓐ; ᓀᔥᑕ ᐗᒋᔕ, ᐊᑾᓇᐅᓈᓐ᙮ 31ᐌᓴ ᑮᔥᐱᓐ ᐅᐅ ᐁᑐᑕᐙᐙᑴ ᑭᑲᔑᔥᑳᑎᑾ, ᑫᒀᓐ ᑫ ᑐᑕᐙᑲᓂᐎᑦ ᐹᑯᑕᒃ?
32ᑮ ᐃᑖᓕᐗ ᓀᔥᑕ ᓂᔓ ᑯᑕᑭᔭ ᑳ ᒪᒋᑎᔅᑭᓕᒋ, ᑳ ᐃᑐᑕᐋᑲᓂᐎᓕᒋ ᐊᓯᒋ ᐎᓚ ᑭᒋ ᓂᐸᐋᑲᓂᐎᓕᒋ᙮ 33ᐃᔅᐱ ᒫᑲ ᐌᑎᑕᑭᒃ ᐃᑕ ᑳᓪᐸᕆ ᐁ ᐃᔑᓂᑳᑌᒃ, ᐁᑯᑕ ᑳ ᒌᔅᑖᔅᑾᐙᒋᒃ, ᓀᔥᑕ ᐊᓂᐃ ᒪᒋᑎᔅᑭᐗ: ᐯᔭᒃ ᑭᒋᓂᔉ ᐃᑌᑫ, ᑯᑕᒃ ᒫᑲ ᓇᒪᑎᓂᔉ ᐃᑌᑫ᙮ 34ᐁᑯ ᐁᑗᑦ ᒋᓴᔅ, ᓄᑖ, ᐌᐯᓕᑕᒪᐎᒃ; ᐌᓴ ᓇᒪᐎᓚ ᑭᔅᑫᓕᑕᒶᒃ ᑫᒀᓕᐤ ᑳ ᑐᑕᑭᒃ᙮
ᑮ ᒫᑎᓇᒫᑐᐗᒃ ᒫᑲ ᐅ ᐎᓛᒋᑲᓂᓕᐗ ᓀᔥᑕ ᑮ ᒪᐃᑲᓈᑎᑯᑫᐗᒃ᙮ 35ᐃᓕᓕᐗᒃ ᒫᑲ ᑮ ᓂᐸᐎᐗᒃ ᐁ ᑲᓇᐙᐱᒋᒃ: ᐅᑭᒫᐗᒃ ᓀᔥᑕ ᑮ ᐊᒋᐁᐗᒃ ᐁ ᐹᐱᓄᑕᐙᒋᒃ, ᐁ ᐃᑗᒋᒃ, ᑮ ᐱᒫᒋᐁᐤ ᑯᑕᑭᔭ; ᐁᑯᔑ ᑲᑕ ᐱᒫᒋᐃᑎᓱ, ᑮᔥᐱᓐ ᐃᔮᐎᑴ ᙭, ᑳ ᐙᐌᓛᐸᒥᑯᑦ ᑭᒋᒪᓂᑐᐗ᙮
36ᓇᑐᐸᓕᐎᓕᓕᐗᒃ ᓀᔥᑕ ᑮ ᐋᔭᓵᒋᐁᐗᒃ, ᐁ ᐯᒋ ᓈᑖᒋᒃ, ᓀᔥᑕ ᐁ ᓂᒥᓇᒪᐙᒋᒃ ᔑᐎᑳᐳᓕᐤ᙮ 37ᓀᔥᑕ ᐁ ᐃᑗᒋᒃ, ᑮᔥᐱᓐ ᐃᔮᐎᐗᓀ ᒎᐗᒃ ᐅ ᑭᒋᐅᑭᒫᒥᐙᐗ, ᐱᒫᒋᐃᑎᓱ᙮
38ᒪᓯᓇᐃᑫᐎᓐ ᒫᑲ ᑮ ᒪᓯᓇᐃᑳᑌᓕᐤ ᐃᔥᐱᒥᒃ ᐅᔅᑎᒀᓂᒃ, ᒃᕇᒃ ᐃᔑᑭᔗᐎᓂᒃ, ᓀᔥᑕ ᓛᑎᓐ ᐃᔑᑭᔗᐎᓂᒃ, ᓀᔥᑕ ᐦᐃᑉᕉ ᐃᔑᑭᔗᐎᓂᒃ, ᐁᐗᑯ ᐊᐗ ᒎᐗᒃ ᐅ ᑭᒋᐅᑭᒫᒥᐗᐗ᙮
39ᐯᔭᒃ ᒫᑲ ᐊᓂᑭ ᒪᒋᑎᔅᑭᐗᒃ ᑳ ᐊᑯᓛᑲᓂᐎᒋᒃ, ᑮ ᒫᓓᓕᒣᐤ, ᐁ ᐃᑗᑦ, ᑮᔥᐱᓐ ᐃᔮᐎᐗᓀ ᙭, ᐱᒫᒋᐃᑎᓱ, ᓀᔥᑕ ᓂᓚᓈᓐ᙮
40ᒫᑲ ᑯᑕᒃ ᐁ ᓇᔥᑴᐗᔑᐋᑦ ᑮ ᑭᑐᑌᐤ, ᐁ ᐃᑗᑦ, ᓇᒪ ᓇ ᑭ ᑯᔅᑕᐤ ᑭᒋᒪᓂᑐ, ᐁ ᐙᐸᑕᒪᓐ ᑭᓚ ᓀᔥᑕ ᑖᐱᔅᑯᒡ ᐁ ᓂᔑᐗᓈᒋᒥᑲᐎᔭᓐ? 41ᑭᓚᓈᓇᐤ ᓀᔥᑕ ᑖᐺ ᑭ ᒀᔭᔅᑯ ᑐᑖᑲᐎᓈᓇᐤ; ᐌᓴ ᑭ ᒥᓕᑲᐎᓈᓇᐤ ᒀᔭᔉ ᑎᐸᐊᒫᑯᓯᐎᓐ ᑭᑦ ᐋᔨᑎᐎᓂᓇᐗ ᐅᒋ: ᒫᑲ ᐊᐗ ᐃᓕᓕᐤ ᓇᒪᐎᓚ ᑮ ᑐᑕᒻ ᑫᒀᓕᐤ ᑳ ᒫᓛᑕᓂᓕᒃ᙮ 42ᑮ ᐃᑌᐤ ᒫᑲ ᒋᓴᓴ, ᑌᐯᓕᒋᑫᔭᓐ, ᑫᔅᑭᓯᑐᑖᐎᓐ ᐯᒋ ᐃᑐᑌᔭᓀ ᑭᑦ ᐅᑭᒫᐎᐎᓂᒃ᙮
43ᒋᓴᔅ ᒫᑲ ᑮ ᐃᑌᐤ, ᑖᐺ ᑭᑦ ᐃᑎᓐ, ᐊᓄᒡ ᐁ ᑭᔑᑳᒃ ᑭ ᑳ ᐎᒉᐎᓐ ᐹᕋᑕᐃᓯᒃ᙮
ᐅᓂᐱᐎᓐ ᒋᓴᔅ
(ᒫᑎᐤ 27:45–56; ᒫᕐᒃ 15:33–41; ᒑᓐ 19:28–30)
44ᐁᑯᔅᐱ ᒫᑲ ᓈᓐᑕᐤ ᓂᑯᑣᔅ ᑎᐹᔨᑲᓐ ᐱᓯᒧᑳᓂᒃ, ᑮ ᑳᔥᑭᑎᐱᔅᑲᐤ ᒫᑲ ᒥᓯᐌ ᐊᔅᑮᒃ ᐱᓕᔥ ᔖᑭᑖᑦ ᑎᐹᔨᑲᓐ ᐱᓯᒧᑳᓂᒃ᙮ 45ᐱᓯᒻ ᒫᑲ ᑮ ᐋᐎᑳᔅᑌᓯᐤ, ᐊᑯᐃᑲᓐ ᒫᑲ ᑭᒋᐋᔭᒥᐁᐎᑲᒥᑯᒃ ᑌᑖᐎᒡ ᑮ ᑖᑐᐸᓕᐤ᙮ 46ᐃᔅᐱ ᒫᑲ ᒋᓴᔅ ᑳ ᑮ ᑌᐺᑦ ᐁ ᑭᔗᐌᑦ, ᑮ ᐃᑗᐤ, ᓄᑖ, ᑭᒋᒌᒃ ᑭ ᑲᓇᐌᓕᑎᓕᓐ ᓂᑦ ᐊᒑᒃ: ᐅᒣᓕᐤ ᒫᑲ ᑳ ᑮ ᐃᑗᑦ, ᑮ ᐸᑭᑎᓀᐤ ᐅᑦ ᐊᒑᑾ᙮
47ᐃᔅᐱ ᒫᑲ ᓇᑐᐸᓕᐎᑭᒪᐤ ᐎᐋᐸᑕᒃ ᑫᒀᓕᐤ ᐁᑭᓂᓕᒃ, ᑮ ᑭᔅᑖᒋᒣᐤ ᑭᒋᒪᓂᑐᐗ, ᐁ ᐃᑗᑦ, ᑖᐺ ᐊᐗ ᐃᓕᓕᐤ ᑮ ᒀᔭᔅᑭᑖᑎᓯᑯᐸᓐ᙮
48ᓀᔥᑕ ᒥᓯᐌ ᐃᓕᓕᐗᒃ ᑳ ᐯᒋ ᒪᐗᒋᐃᑐᒋᒃ ᐊᓂᒣᓕᐤ ᑭᒋ ᑲᓇᐙᐸᑕᑭᒃ, ᐁ ᐙᐸᑕᑭᒃ ᐊᓂᐃ ᑫᒀᓇ ᑳ ᐃᑭᓂᓕᑭ, ᑮ ᐅᑖᒫᔅᑭᑲᓀᐅᑎᓱᐗᒃ, ᓀᔥᑕ ᑮ ᑭᐌᐗᒃ᙮ 49ᓀᔥᑕ ᒥᓯᐌ ᐅᑐᑌᒪ, ᓀᔥᑕ ᐊᓂᐃ ᐃᔅᑴᐗ ᑳ ᓄᔅᐱᓈᑎᑯᑦ ᑳᓕᓖᒃ ᐅᒋ, ᐗᓚᐤ ᑮ ᓂᐸᐎᓕᐗ, ᐁ ᑲᓇᐙᐸᑕᒥᓕᒋ ᐅᐅ ᑫᒀᓇ᙮
ᐁ ᓇᐃᑲᐗᑲᓂᐎᑦ ᒋᓴᔅ
(ᒫᑎᐤ 27:57–61; ᒫᕐᒃ 15:42–47; ᒑᓐ 19:38–42)
50ᒫᑎᑲ, ᒫᑲ, ᑮ ᐃᑖᐤ ᐃᓕᓕᐤ ᒍᓯᑉ ᐁ ᐃᔑᓂᑳᓱᑦ, ᐅᑲᑫᔅᑭᒥᐌᐤ; ᑮ ᒥᓗ ᐃᓕᓕᐎᐤ ᒫᑲ, ᓀᔥᑕ ᑮ ᒀᔭᔅᑭᑎᐤ: 51(ᐁᐗᑯ ᐊᐗ ᓇᒪᐎᓚ ᑮ ᒥᓜᓕᑕᒬᐤ ᐅ ᑲᑫᔅᑭᒥᑐᐎᓂᓕᐤ ᓀᔥᑕ ᐅᑦ ᐋᔨᑎᐎᓂᓕᐤ:) ᑮ ᐅᒋᐤ ᐋᕆᒪᑎᔭᐃᒃ, ᐯᔭᒃ ᐅᑦ ᐃᑖᐎᓂᐙᐗ ᒎᐗᒃ: ᐎᓚ ᓀᔥᑕ ᑮ ᐁᔑᓇᐙᑕᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮ 52ᐊᐗ ᐃᓕᓕᐤ ᑮ ᓈᑌᐤ ᐹᐃᓚᑕ, ᓀᔥᑕ ᑮ ᓇᑐᑕᒪᐌᐤ ᒋᓴᓴ ᐎᔭᐎᓕᐤ᙮ 53ᑮ ᓂᑎᓇᒬᐤ ᒫᑲ, ᓀᔥᑕ ᑮ ᐌᐌᑭᓇᒬᐤ ᐸᐸᑭᐙᔮᓀᑭᓄᒃ, ᓀᔥᑕ ᑮ ᐱᒥᑎᑕᐌᐤ ᒋᐹᔨᑲᒥᑯᒃ ᑳ ᒧᓇᐱᔅᑲᐃᑳᑌᒃ ᐊᓯᓂᒃ, ᐃᑕ ᐁᑳ ᐊᐌᓇ ᐁ ᓂᑕ ᐱᒥᔑᒫᑲᓂᐎᑦ᙮ 54ᐊᓂᒪ ᒫᑲ ᐁᐗᑯ ᐋᔦᔅᑲᐎ ᑭᔑᑲᐤ, ᐋᔭᒥᐁᑭᔑᑲᐤ ᒫᑲ ᑮ ᐯᔓᓈᑾᓐ᙮
55ᐊᓂᑭ ᐃᔅᑴᐗᒃ ᓀᔥᑕ, ᑳ ᐯᒋ ᐎᒉᐙᒋᒃ ᑳᓕᓖᒃ ᐅᒋ, ᑮ ᓄᔅᐱᓇᔑᐌᐗᒃ, ᓀᔥᑕ ᑮ ᑲᓇᐙᐸᑕᒶᒃ ᒋᐹᔨᑲᒥᑯᓕᐤ, ᓀᔥᑕ ᑳ ᐃᔑ ᐱᒥᑎᑖᓂᐗᓂᓕᒃ ᐎᔭᐎᓕᐤ᙮ 56ᑮ ᑭᐌᐗᒃ ᒫᑲ, ᓀᔥᑕ ᑮ ᐋᔦᔅᑲᐎᑖᐗᒃ ᒪᔥᑭᑭᔭ ᓀᔥᑕ ᑕᒪᔅᑯᐎᓇ;
ᑮ ᐋᓓᐱᐗᒃ ᒫᑲ ᐁ ᐋᔭᒥᐁᑭᔑᑳᓕᒃ, ᐁ ᐃᑕᔓᐙᓂᐗᒃ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.