ᓂᔓ ᐱᑕᕐ 1
1
1ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:
2ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᓚᑭᑕᒫᑲᐎᓇᐗᐤ, ᐁ ᐅᒋ ᑭᔅᑫᓕᒣᒃ ᑭᒋᒪᓂᑐ, ᓀᔥᑕ ᒋᓴᔅ ᑭ ᑎᐯᓕᒋᑫᒥᓇᐤ᙮
ᐁ ᐃᔑ ᑌᑄᑎᑕᒃ ᑭᒋᒪᓂᑐ
3ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ: 4ᐊᓂᒪ ᑳ ᐅᒋ ᒥᓕᑲᐎᔭᒃ ᓈᔅᐱᒡ ᑭᒋ ᓀᔥᑕ ᑫᔅᑕᑭᑖᑾᑭ ᐊᔓᑕᒫᑫᐎᓇ; ᐅᐅ ᑭᒋ ᐅᒋ ᐎᒋᐅᑎᓇᒧᒥᐌᔦᒃ ᒪᓂᑐᐎ ᐃᑖᑎᓯᐎᓐ, ᐁ ᑮ ᐅᔑᑕᒣᒃ ᐊᓂᒪ ᓂᔑᐗᓈᑎᓯᐎᓐ ᑳ ᐃᑕᑾᒃ ᐊᔅᑮᒃ ᒪᒋ ᓇᑕᐌᓕᑕᒧᐎᓐ ᐅᒋ᙮ 5ᐊᓯᒋ ᐅᒪ ᓀᔥᑕ, ᓈᔅᐱᒡ ᐁ ᑭᓯᓴᐎᓯᔦᒃ, ᑕᑯᑖᒃ ᑭ ᑖᐺᔦᓕᑕᒧᐎᓂᐙᒃ, ᒥᓨᑎᓯᐎᓐ, ᓀᔥᑕ ᒥᓨᑎᓯᐎᓂᒃ, ᑭᔅᑫᓕᑕᒧᐎᓐ; 6ᓀᔥᑕ ᑭᔅᑫᓕᑕᒧᐎᓂᒃ, ᐯᑳᒡ ᐃᑖᑎᓯᐎᓐ; ᓀᔥᑕ ᐯᑳᒡ ᐃᑖᑎᓯᐎᓂᒃ, ᔑᐱᓚᐌᓯᐎᓐ; ᓀᔥᑕ ᔑᐱᓚᐌᓯᐎᓂᒃ, ᒪᓂᑐᐙᑎᓯᐎᓐ; 7ᓀᔥᑕ ᒪᓂᑐᐙᑎᓯᐎᓂᒃ ᐎᒋᔖᓂᑐᐎ ᑭᔐᐙᑎᓯᐎᓐ; ᓀᔥᑕ ᐎᒋᔖᓂᑐᐎ ᑭᔐᐙᑎᓯᐎᓂᒃ ᓵᑭᐃᐌᐎᓐ᙮ 8ᐌᓴ ᑮᔥᐱᓐ ᐅᐅ ᐱᒋᔅᑳᑯᔦᒃ, ᓀᔥᑕ ᒥᒉᑎᒃ, ᑭᑦ ᐃᑐᑖᑯᓇᐗᐤ ᐁᑳ ᑭᒋ ᑭᑎᒥᔦᒃ ᐁᑳ ᓀᔥᑕ ᑭᒋ ᐁᑳᒥᓂᔑᐎᔦᒃ ᑭᒋ ᑭᔅᑫᓕᒣᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮ 9ᒫᑲ ᐊᓇ ᑳ ᒪᓀᓯᑦ ᐅᐅ ᓇᒪᐎᓚ ᐙᐱᐤ, ᓇᒪ ᓀᔥᑕ ᓚᐙᐱᐤ, ᑮ ᐗᓂᑭᔅᑭᓯᐤ ᒫᑲ ᐁ ᑮ ᐸᔦᑭᐋᑲᓂᐎᑦ ᐅ ᑳᔮᔑ ᒪᒋᑐᑕᒧᐎᓇ ᐅᒋ᙮
10ᐁᐗᑯ ᒫᑲ ᐅᒋ ᐊᐙᓯᑌ, ᓂᒋᔖᓂᑐᒃ, ᑭᓯᓴᐎᓯᒃ ᑭᒋ ᑫᒋᓈᔦᓕᑖᑯᑖᔦᒃ ᑭ ᓇᑐᒥᑯᓯᐎᓂᐗᐤ ᓀᔥᑕ ᑭ ᐙᐌᓛᐸᒥᑯᓯᐎᓂᐗᐤ: ᐌᓴ ᑮᔥᐱᓐ ᐅᐅ ᑐᑕᒣᑴ ᓇᒪᐎᔅᑳᑦ ᑭ ᑳ ᐸᑭᔑᓂᓇᐗᐤ: 11ᐌᓴ ᐁᑯ ᑫ ᐃᔑ ᐌᓗᒋ ᐹᔅᑭᑌᓇᒫᑲᐎᔦᒃ ᐅ ᑳᑭᑫ ᐅᑭᒪᐎᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭᙮
12ᐁᐗᑯ ᐅᒋ ᓇᒪᐎᓚ ᓂ ᑳ ᐋᔮᒌᔅᑕᐌᓕᑌᓐ ᑭᒋ ᑭᔅᑭᓯᐃᑖᑾᒃ ᐅᐅ ᑫᒀᓇ, ᐋᑕ ᐁ ᑭᔅᑫᓕᑕᒣᒃ, ᓀᔥᑕ ᐁ ᐋᔨᒋᑳᐸᐎᔦᒃ ᐊᓄᒡ ᑖᐺᐎᓂᒃ᙮ 13ᐁᐁ, ᓂᑦ ᐃᑌᓕᑌᓐ ᐁ ᒀᔭᔅᑾᒃ, ᐃᔥᐱᔥ ᐁ ᐃᑖᔮᓐ ᐅᒪ ᒥᑭᐙᒥᒃ ᑭᒋ ᔑᑭᒥᑖᑾᒃ ᐁ ᑭᔅᑭᓯᐃᑖᑾᒃ; 14ᐁ ᑭᔅᑫᓕᑕᒫᓐ ᐎᐸᒡ ᑭᒋ ᑫᒋᑾᓇᒫᓐ ᐅᒪ ᓂ ᒥᑭᐙᒻ, ᑖᐱᔅᑯᒡ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐁ ᑮ ᐙᐸᑎᓕᑦ᙮ 15ᓀᔥᑕ ᒫᑲ ᓂ ᑳ ᑯᒋᑖᓐ ᑭᒋ ᑲᔥᑭᑖᔦᒃ, ᑮ ᐳᓂ ᐱᒫᑎᓯᔮᓀ, ᒧᔕᒃ ᐅᐅ ᑫᒀᓇ ᑭᒋ ᑭᔅᑭᓯᔦᒃ᙮
ᑲᐙᐸᑌᓈᓇᐤ ᙭ ᐅᑭᔅᑎᓯᐎᓐ
16ᐌᓴ ᓇᒪᐎᓚ ᓂ ᑮ ᓄᔅᐱᓇᑌᓈᓐ ᑳ ᒥᓗᑖᑯᑕᓂᐗᑭ ᐋᑕᓗᑳᓇ, ᐃᔅᐱ ᑫᔅᑫᓕᑕᒥᐃᑖᑾᒃ ᐅ ᑲᔥᑭᐅᐎᓐ ᓀᔥᑕ ᐅ ᑕᑯᔑᓂᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᒫᑲ ᓂ ᑮ ᐙᐸᑕᒸᓈᓐ ᐅ ᑭᒋᐅᑭᒫᐌᓕᑖᑯᓯᐎᓐ᙮ 17ᐌᓴ ᑮ ᒥᓕᑯ ᑭᒋᒪᓂᑐᐗ ᐌᐅᑖᐎᒪᐎᓕᒋ ᑭᔅᑌᓕᑕᒧᐎᓂᓕᐤ ᓀᔥᑕ ᑭᔅᑌᓕᑖᑯᓯᐎᓂᓕᐤ, ᐃᔅᐱ ᑳ ᑮ ᐅᑎᑎᑯᑦ ᐁᑯ ᑐᐎ ᐯᑖᑯᓯᐎᓂᓕᐤ ᑭᒋ ᑭᔅᑌᓕᑖᑯᓯᐎᓂᒃ ᐅᒋ, ᐊᐗ ᐁᐗᑯ ᑳ ᓵᑭᐊᒃ ᓂᑯᓯᔅ, ᓈᔅᐱᒡ ᑳ ᓇᐃᓚᐌᐃᑦ᙮ 18ᐅᒪ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᑳ ᑮ ᐯᒋ ᐅᒋᐸᓕᒃ ᓂ ᑮ ᐯᑌᓈᓐ, ᐃᔅᐱ ᑳ ᐎᒉᐗᑭᑎᐸᓐ ᐸᓓᑭ ᐗᒌᒃ᙮
19ᑭᑦ ᐋᔮᓈᓇᐤ ᓀᔥᑕ ᐊᐙᓯᑌ ᑭᐁᒋᓇᔦᓕᑖᑾᒃ ᑭᔅᑭᐙᐃᑫᐎ ᐋᔭᒥᐎᓐ; ᐁᐗᑯ ᐁ ᔭᒀᒥᓇᒣᒃ ᑭ ᒥᓗᑐᑌᓇᐗᐤ, ᑖᐱᔅᑯᒡ ᐙᓭᔮᓯᐎᓐ ᑳ ᓵᑳᔅᑌᒃ ᐃᑕ ᐁ ᐗᓂᑎᐱᔅᑳᒃ, ᐃᓕᑯᒃ ᑭᒋ ᐯᑖᐸᒃ, ᓀᔥᑕ ᑭᔑᑲᐎ ᐊᒐᑯᔥ ᑭᑕ ᓵᑳᔅᑌᑦ ᑭᑌᐃᐙᒃ: 20ᐅᒪ ᓃᔥᑕᒻ ᐁ ᑭᔅᑫᓕᑕᒣᒃ, ᐁᑳ ᒥᑐᓂ ᑭᔅᑭᐙᐃᑫᐎ ᐋᔭᒥᐎᓐ ᒪᓯᓇᐃᑫᐎᓂᒃ ᐁ ᐃᑌᓕᒋᑳᑌᒃ ᑭᒋ ᑫᒋᐙᑯᐎ ᐃᑗᔅᒋᑳᑌᒃ᙮ 21ᐌᓴ ᑭᔅᑭᐙᐃᑫᐎ ᐋᔭᒥᐎᓐ ᓇᒪᐎᔅᑳᑦ ᑮ ᐹᐸᓕᐤ ᐃᓕᓕᐤ ᐁ ᐃᑌᓕᑕᒃ ᐅᒋ; ᒫᑲ ᐅ ᐸᓓᑭ ᐃᓕᓕᒪ ᑭᒋᒪᓂᑐ ᑮ ᐃᔑ ᐋᔭᒥᓕᐗ ᑳ ᑮ ᐃᔑ ᐃᑌᓕᑕᒥᐃᑯᓕᒋ ᐸᓓᑭ ᐊᒑᑾ᙮
Currently Selected:
ᓂᔓ ᐱᑕᕐ 1: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.