ᓂᔥᑕᒻ ᑌᓴᓗᓂᔭᓇ 2
2
ᐹᓪ ᐅᑕᑐᔅᑫᐎᓐ ᑌᓴᓗᓂᔭᓂᒃ
1ᐌᓴ ᑭᓚᐗᐤ ᑫᒋᐙᒃ, ᓂᒋᔖᓂᑐᒃ, ᑭ ᑭᔅᑫᓕᑌᓇᐗᐤ ᐁ ᑮ ᐃᔑ ᐱᑐᑳᑖᒃ, ᐁᑳ ᐸᑾᓐᑕᐤ ᐁ ᑮ ᐃᑌᓕᑖᑾᒃ: 2ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮ 3ᐌᓴ ᓂ ᔑᑭᒥᐌᐎᓂᓈᓐ ᓇᒪᐎᓚ ᑭ ᑲᑳᔦᓕᓯᐎᓂᐗᓐ, ᓇᒪ ᓀᔥᑕ ᐎᓂᓯᐎᓐ, ᓇᒪ ᓀᔥᑕ ᐙᔦᔑᐃᐌᐎᓐ: 4ᒫᑲ ᑳ ᑮ ᐃᑌᓕᒥᔭᒥᑦ ᑭᒋᒪᓂᑐ ᑭᒋ ᐸᑭᑎᓇᒫᑲᐎᔮᒃ ᒥᓗᐋᒋᒧᐎᓐ, ᐁᑯ ᐁ ᐃᔑ ᐋᔭᒥᔮᒃ; ᓇᒪᐎᓚ ᐁ ᐎ ᓇᐃᓚᐌᐊᑭᒋᒃ ᐃᓕᓕᐗᒃ, ᒫᑲ ᑭᒋᒪᓂᑐ ᑳ ᑲᑴᒋᑖᑦ ᓂᑌᐃᓈᓇ᙮ 5ᐌᓴ ᐊᐳᒋᑲ ᓇᒪᐎᔅᑳᑦ ᓂ ᑮ ᐋᐸᒋᑖᓈᓐ ᓱᔅᒀᒋ ᐋᔭᒥᐎᓇ, ᐁ ᐃᔑ ᑭᔅᑫᓕᑕᒣᒃ, ᓇᒪ ᓀᔥᑕ ᒧᔅᑌᓇᒪᑫᐎᓂ ᐊᑾᓂᐎᓐ; ᑭᒋᒪᓂᑐ ᑭᔅᑫᓕᑕᒻ: 6ᓇᒪ ᓀᔥᑕ ᐃᓕᓕᐗᒃ ᓂ ᑮ ᐅᒋ ᓈᓇᑕᐌᓕᑌᓈᐤ ᐱᓯᔅᑫᓕᑖᑯᓯᐎᓐ, ᓇᒪ ᓀᔥᑕ ᑭᓚᐗᐤ ᐅᒋ, ᓇᒪ ᓀᔥᑕ ᑯᑕᑭᔭᒃ ᐅᒋ, ᐃᔅᐱ ᑳ ᑲᔥᑭᑖᔮᑭᐸᓐ ᑭᒋ ᑎᐯᓕᒋᑫᓕᒥᑎᓱᔮᒃ ᑖᐱᔅᑯᒡ ᙭ ᐅᑦ ᐊᐸᔅᑕᓕᒪ᙮ 7ᒫᑲ ᑭ ᑮ ᓗᔅᑳᑎᓯᔅᑖᑎᓈᓐ ᑖᐱᔅᑯᒡ ᐅᑲᓇᓇᐗᓱ ᐁ ᐃᔑ ᑲᓇᐌᓕᒫᑦ ᐅᑦ ᐊᐙᔑᒥᔕ᙮ 8ᐁᑯᔑ ᒫᑲ ᓵᑭᐃᐌᐎᓂᒃ ᐁ ᑮ ᓇᑕᐌᓕᒥᑖᒃ, ᓂ ᑮ ᐃᑌᓕᑌᓈᓐ ᑭᒋ ᐸᑭᑎᓇᒫᑖᒃ, ᓇᒪᐎᓚ ᐱᑯ ᑭᒋᒪᓂᑐ ᐅ ᒥᓗᐋᒋᒧᐎᓐ, ᒫᑲ ᑎᐱᓚᐌ ᓂᑦ ᐊᒑᑯᓈᓇᒃ ᐊᓯᒋ, ᐁ ᑮ ᓵᑭᐃᑖᒃ᙮ 9ᐌᓴ ᑮ ᑭᔅᑭᓯᓇᐗᐤ, ᓂᒋᔖᓂᑐᒃ, ᓂᑦ ᐊᑑᔅᑫᐎᓂᓈᓐ ᓀᔥᑕ ᓂ ᑲᒀᑕᑭᓯᐎᓂᓈᓐ; ᐌᓴ, ᐁ ᐊᑑᔅᑫᔮᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᐎ ᐅᒋ ᐅᑎᓇᒶᑭᑦ ᑎᐸᐊᒫᑯᓯᐎᓐ, ᑭ ᑮ ᑲᑫᔅᑭᒥᑎᓈᓐ ᑭᒋᒪᓂᑐ ᐅ ᒥᓗᐋᒋᒧᐎᓐ᙮
10ᑭᓚᐗᐤ ᑭ ᑭᔅᑫᓕᑌᓇᐗᐤ, ᐊᓯᒋ ᓀᔥᑕ ᑭᒋᒪᓂᑐ, ᑖᐺ ᐸᓓᑭᓯᐎᓂᒃ, ᓀᔥᑕ ᒀᔭᔅᑭᑎᐎᓂᒃ, ᓀᔥᑕ ᒥᓨᑎᓯᐎᓂᒃ, ᓂ ᑮ ᐃᑖᑎᓯᓈᓐ ᐃᑕ ᐁ ᐃᑖᔦᒃ ᑭᓚᐗᐤ ᑳ ᑖᐺᑕᒣᒃ; 11ᑖᐱᔅᑯᒡ ᐁ ᐃᔑ ᑭᔅᑫᓕᑕᒣᒃ, ᑳ ᑮ ᐃᔑ ᑲᑫᔅᑭᒥᑖᒃ ᓀᔥᑕ ᑲᑭᒋᐃᑖᒃ ᓀᔥᑕ ᐃᑕᔓᒥᑖᒃ ᒥᓯᐌ ᐁ ᐃᑕᔑᔦᒃ, ᑖᐱᔅᑯᒡ ᐅᑖᐎᒫᐤ ᑳ ᐃᑐᑕᐙᑦ ᐅᑦ ᐊᐙᔑᒥᔕ: 12ᑭᒋ ᐃᔑ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᑭᒋᒪᓂᑐ, ᑳ ᑮ ᐃᔑ ᓇᑐᒥᑖᒃ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᑭᔅᑌᓕᑖᑯᓯᐎᓂᒃ᙮
13ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮ 14ᐌᓴ ᑭᓚᐗᐤ, ᓂᒋᔖᓂᑐᒃ, ᑭ ᑮ ᓄᔅᐱᓈᑎᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ ᑳ ᐃᑖᓕᒋ ᒎᑎᐊᐃᒃ ᑳ ᑖᐺᔦᓕᒫᓕᒋ ᙭ ᒋᓴᓴ: ᐌᓴ ᑭᓚᐗᐤ ᓀᔥᑕ ᑖᐱᔅᑯᒡ ᑭ ᑮ ᐙᐎᓴᑫᓕᑕᒥᐃᑯᐗᐗᒃ ᑎᐱᓇᐌ ᑮ ᐎᑕᔅᑭᒫᑲᓂᐗᐗᒃ, ᑖᐱᔅᑯᒡ ᐎᓚᐗᐤ ᑳ ᑮ ᐃᑐᑖᑯᒋᒃ ᒎᐗ, 15ᐊᓂᑭ ᑳ ᑮ ᓂᐸᐋᒋᒃ ᐅᑎᐯᓕᒋᑫᐗ ᒋᓴᓴ, ᓀᔥᑕ ᑎᐱᓚᐌ ᐅ ᑭᔅᑭᐙᐃᑫᒥᐗᐗ, ᓀᔥᑕ ᑳ ᑮ ᐗᓚᐎᑎᔕᐎᐅᒥᒋᒃ; ᓇᒪᐎᓚ ᒫᑲ ᓇᐃᓚᐌᐁᐗᒃ ᑭᒋᒪᓂᑐᐗ, ᓀᔥᑕ ᐸᑳᓂᐃᑎᓱᒣᐗᒃ ᒥᓯᐌ ᐃᓕᓕᐗ: 16ᐁ ᑭᑕᐊᒪᐎᔭᒥᒋᒃ ᑭᒋ ᐋᔭᒥᐊᑭᒋᒃ ᒉᓐᑖᐃᓚᒃ ᑭᒋ ᐱᒫᒋᐋᑲᓂᐎᒋᒃ, ᑭᒋ ᑌᐱᐸᓕᑖᒋᒃ ᐅ ᒪᒋᑐᑕᒧᐎᓂᐗᐤ ᒧᔕᒃ: ᐌᓴ ᐋᑯᓚᐌᓯᐎᓂᓕᐤ ᒥᑐᓂ ᐅᑎᑎᑯᐗᒃ᙮
ᐹᓪ ᒥᓇ ᐎ ᓇᑕᐙᐸᒣᐤ ᐅᑖᐺᔦᓕᑕᒧᐗ
17ᒫᑲ ᓂᓚᓈᓐ, ᓂᒋᔖᓂᑐᒃ, ᐁ ᑮ ᐅᑎᓂᑳᐎᔮᒃ ᑭᓚᐗᐤ ᐅᒋ, ᐊᒋᓚᐤ, ᒥᔭᐎᐤ ᓇᒪ ᒫᑲ ᒥᑌᐃᒃ, ᓈᔅᐱᒡ ᐁ ᑮ ᐸᑯᓭᓕᒧᔮᒃ ᐊᐙᓯᑌ ᓂ ᑮ ᑯᒋᑖᓈᓐ ᑭᒋ ᐙᐸᑕᒫᒃ ᑭᑖᔅᑕᒥᑯᐗᐤ᙮ 18ᐁᐗᑯ ᒫᑲ ᐅᒋ ᑭ ᑳ ᑮ ᓇᑎᑎᑖᓐ, ᓂᓚ ᐹᓪ ᐅᑎ, ᒫᑲ ᓭᑖᓐ ᓂ ᑮ ᐅᑕᒥᐃᑯᓈᓐ᙮ 19ᐌᓴ ᑫᒀᓐ ᓂᑦ ᐊᔅᐯᓕᒧᐎᓂᓈᓐ, ᓀᔥᑕᐱᑯ ᓂ ᒥᓚᐙᑕᒧᐎᓂᓈᓐ, ᓀᔥᑕᐱᑯ ᓂ ᒧᒋᑫᓕᑕᒧᐎᓂ ᐊᔅᑐᑎᓂᓈᓐ? ᓇᒪ ᓈ ᑭᓚᐗᐤ, ᐁ ᑲᓇᐙᐸᒥᑖᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐯᒋ ᑕᑯᔑᑫ? 20ᐌᓴ ᑭᓚᐗᐤ ᐁᐗᑯ ᓂ ᑭᔅᑌᓕᑖᑯᓯᐎᓂᓈᓐ ᓀᔥᑕ ᓂ ᒥᓚᐙᑕᒧᐎᓂᓈᓐ᙮
Currently Selected:
ᓂᔥᑕᒻ ᑌᓴᓗᓂᔭᓇ 2: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.
ᓂᔥᑕᒻ ᑌᓴᓗᓂᔭᓇ 2
2
ᐹᓪ ᐅᑕᑐᔅᑫᐎᓐ ᑌᓴᓗᓂᔭᓂᒃ
1ᐌᓴ ᑭᓚᐗᐤ ᑫᒋᐙᒃ, ᓂᒋᔖᓂᑐᒃ, ᑭ ᑭᔅᑫᓕᑌᓇᐗᐤ ᐁ ᑮ ᐃᔑ ᐱᑐᑳᑖᒃ, ᐁᑳ ᐸᑾᓐᑕᐤ ᐁ ᑮ ᐃᑌᓕᑖᑾᒃ: 2ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮ 3ᐌᓴ ᓂ ᔑᑭᒥᐌᐎᓂᓈᓐ ᓇᒪᐎᓚ ᑭ ᑲᑳᔦᓕᓯᐎᓂᐗᓐ, ᓇᒪ ᓀᔥᑕ ᐎᓂᓯᐎᓐ, ᓇᒪ ᓀᔥᑕ ᐙᔦᔑᐃᐌᐎᓐ: 4ᒫᑲ ᑳ ᑮ ᐃᑌᓕᒥᔭᒥᑦ ᑭᒋᒪᓂᑐ ᑭᒋ ᐸᑭᑎᓇᒫᑲᐎᔮᒃ ᒥᓗᐋᒋᒧᐎᓐ, ᐁᑯ ᐁ ᐃᔑ ᐋᔭᒥᔮᒃ; ᓇᒪᐎᓚ ᐁ ᐎ ᓇᐃᓚᐌᐊᑭᒋᒃ ᐃᓕᓕᐗᒃ, ᒫᑲ ᑭᒋᒪᓂᑐ ᑳ ᑲᑴᒋᑖᑦ ᓂᑌᐃᓈᓇ᙮ 5ᐌᓴ ᐊᐳᒋᑲ ᓇᒪᐎᔅᑳᑦ ᓂ ᑮ ᐋᐸᒋᑖᓈᓐ ᓱᔅᒀᒋ ᐋᔭᒥᐎᓇ, ᐁ ᐃᔑ ᑭᔅᑫᓕᑕᒣᒃ, ᓇᒪ ᓀᔥᑕ ᒧᔅᑌᓇᒪᑫᐎᓂ ᐊᑾᓂᐎᓐ; ᑭᒋᒪᓂᑐ ᑭᔅᑫᓕᑕᒻ: 6ᓇᒪ ᓀᔥᑕ ᐃᓕᓕᐗᒃ ᓂ ᑮ ᐅᒋ ᓈᓇᑕᐌᓕᑌᓈᐤ ᐱᓯᔅᑫᓕᑖᑯᓯᐎᓐ, ᓇᒪ ᓀᔥᑕ ᑭᓚᐗᐤ ᐅᒋ, ᓇᒪ ᓀᔥᑕ ᑯᑕᑭᔭᒃ ᐅᒋ, ᐃᔅᐱ ᑳ ᑲᔥᑭᑖᔮᑭᐸᓐ ᑭᒋ ᑎᐯᓕᒋᑫᓕᒥᑎᓱᔮᒃ ᑖᐱᔅᑯᒡ ᙭ ᐅᑦ ᐊᐸᔅᑕᓕᒪ᙮ 7ᒫᑲ ᑭ ᑮ ᓗᔅᑳᑎᓯᔅᑖᑎᓈᓐ ᑖᐱᔅᑯᒡ ᐅᑲᓇᓇᐗᓱ ᐁ ᐃᔑ ᑲᓇᐌᓕᒫᑦ ᐅᑦ ᐊᐙᔑᒥᔕ᙮ 8ᐁᑯᔑ ᒫᑲ ᓵᑭᐃᐌᐎᓂᒃ ᐁ ᑮ ᓇᑕᐌᓕᒥᑖᒃ, ᓂ ᑮ ᐃᑌᓕᑌᓈᓐ ᑭᒋ ᐸᑭᑎᓇᒫᑖᒃ, ᓇᒪᐎᓚ ᐱᑯ ᑭᒋᒪᓂᑐ ᐅ ᒥᓗᐋᒋᒧᐎᓐ, ᒫᑲ ᑎᐱᓚᐌ ᓂᑦ ᐊᒑᑯᓈᓇᒃ ᐊᓯᒋ, ᐁ ᑮ ᓵᑭᐃᑖᒃ᙮ 9ᐌᓴ ᑮ ᑭᔅᑭᓯᓇᐗᐤ, ᓂᒋᔖᓂᑐᒃ, ᓂᑦ ᐊᑑᔅᑫᐎᓂᓈᓐ ᓀᔥᑕ ᓂ ᑲᒀᑕᑭᓯᐎᓂᓈᓐ; ᐌᓴ, ᐁ ᐊᑑᔅᑫᔮᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᐎ ᐅᒋ ᐅᑎᓇᒶᑭᑦ ᑎᐸᐊᒫᑯᓯᐎᓐ, ᑭ ᑮ ᑲᑫᔅᑭᒥᑎᓈᓐ ᑭᒋᒪᓂᑐ ᐅ ᒥᓗᐋᒋᒧᐎᓐ᙮
10ᑭᓚᐗᐤ ᑭ ᑭᔅᑫᓕᑌᓇᐗᐤ, ᐊᓯᒋ ᓀᔥᑕ ᑭᒋᒪᓂᑐ, ᑖᐺ ᐸᓓᑭᓯᐎᓂᒃ, ᓀᔥᑕ ᒀᔭᔅᑭᑎᐎᓂᒃ, ᓀᔥᑕ ᒥᓨᑎᓯᐎᓂᒃ, ᓂ ᑮ ᐃᑖᑎᓯᓈᓐ ᐃᑕ ᐁ ᐃᑖᔦᒃ ᑭᓚᐗᐤ ᑳ ᑖᐺᑕᒣᒃ; 11ᑖᐱᔅᑯᒡ ᐁ ᐃᔑ ᑭᔅᑫᓕᑕᒣᒃ, ᑳ ᑮ ᐃᔑ ᑲᑫᔅᑭᒥᑖᒃ ᓀᔥᑕ ᑲᑭᒋᐃᑖᒃ ᓀᔥᑕ ᐃᑕᔓᒥᑖᒃ ᒥᓯᐌ ᐁ ᐃᑕᔑᔦᒃ, ᑖᐱᔅᑯᒡ ᐅᑖᐎᒫᐤ ᑳ ᐃᑐᑕᐙᑦ ᐅᑦ ᐊᐙᔑᒥᔕ: 12ᑭᒋ ᐃᔑ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᑭᒋᒪᓂᑐ, ᑳ ᑮ ᐃᔑ ᓇᑐᒥᑖᒃ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᑭᔅᑌᓕᑖᑯᓯᐎᓂᒃ᙮
13ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮ 14ᐌᓴ ᑭᓚᐗᐤ, ᓂᒋᔖᓂᑐᒃ, ᑭ ᑮ ᓄᔅᐱᓈᑎᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ ᑳ ᐃᑖᓕᒋ ᒎᑎᐊᐃᒃ ᑳ ᑖᐺᔦᓕᒫᓕᒋ ᙭ ᒋᓴᓴ: ᐌᓴ ᑭᓚᐗᐤ ᓀᔥᑕ ᑖᐱᔅᑯᒡ ᑭ ᑮ ᐙᐎᓴᑫᓕᑕᒥᐃᑯᐗᐗᒃ ᑎᐱᓇᐌ ᑮ ᐎᑕᔅᑭᒫᑲᓂᐗᐗᒃ, ᑖᐱᔅᑯᒡ ᐎᓚᐗᐤ ᑳ ᑮ ᐃᑐᑖᑯᒋᒃ ᒎᐗ, 15ᐊᓂᑭ ᑳ ᑮ ᓂᐸᐋᒋᒃ ᐅᑎᐯᓕᒋᑫᐗ ᒋᓴᓴ, ᓀᔥᑕ ᑎᐱᓚᐌ ᐅ ᑭᔅᑭᐙᐃᑫᒥᐗᐗ, ᓀᔥᑕ ᑳ ᑮ ᐗᓚᐎᑎᔕᐎᐅᒥᒋᒃ; ᓇᒪᐎᓚ ᒫᑲ ᓇᐃᓚᐌᐁᐗᒃ ᑭᒋᒪᓂᑐᐗ, ᓀᔥᑕ ᐸᑳᓂᐃᑎᓱᒣᐗᒃ ᒥᓯᐌ ᐃᓕᓕᐗ: 16ᐁ ᑭᑕᐊᒪᐎᔭᒥᒋᒃ ᑭᒋ ᐋᔭᒥᐊᑭᒋᒃ ᒉᓐᑖᐃᓚᒃ ᑭᒋ ᐱᒫᒋᐋᑲᓂᐎᒋᒃ, ᑭᒋ ᑌᐱᐸᓕᑖᒋᒃ ᐅ ᒪᒋᑐᑕᒧᐎᓂᐗᐤ ᒧᔕᒃ: ᐌᓴ ᐋᑯᓚᐌᓯᐎᓂᓕᐤ ᒥᑐᓂ ᐅᑎᑎᑯᐗᒃ᙮
ᐹᓪ ᒥᓇ ᐎ ᓇᑕᐙᐸᒣᐤ ᐅᑖᐺᔦᓕᑕᒧᐗ
17ᒫᑲ ᓂᓚᓈᓐ, ᓂᒋᔖᓂᑐᒃ, ᐁ ᑮ ᐅᑎᓂᑳᐎᔮᒃ ᑭᓚᐗᐤ ᐅᒋ, ᐊᒋᓚᐤ, ᒥᔭᐎᐤ ᓇᒪ ᒫᑲ ᒥᑌᐃᒃ, ᓈᔅᐱᒡ ᐁ ᑮ ᐸᑯᓭᓕᒧᔮᒃ ᐊᐙᓯᑌ ᓂ ᑮ ᑯᒋᑖᓈᓐ ᑭᒋ ᐙᐸᑕᒫᒃ ᑭᑖᔅᑕᒥᑯᐗᐤ᙮ 18ᐁᐗᑯ ᒫᑲ ᐅᒋ ᑭ ᑳ ᑮ ᓇᑎᑎᑖᓐ, ᓂᓚ ᐹᓪ ᐅᑎ, ᒫᑲ ᓭᑖᓐ ᓂ ᑮ ᐅᑕᒥᐃᑯᓈᓐ᙮ 19ᐌᓴ ᑫᒀᓐ ᓂᑦ ᐊᔅᐯᓕᒧᐎᓂᓈᓐ, ᓀᔥᑕᐱᑯ ᓂ ᒥᓚᐙᑕᒧᐎᓂᓈᓐ, ᓀᔥᑕᐱᑯ ᓂ ᒧᒋᑫᓕᑕᒧᐎᓂ ᐊᔅᑐᑎᓂᓈᓐ? ᓇᒪ ᓈ ᑭᓚᐗᐤ, ᐁ ᑲᓇᐙᐸᒥᑖᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐯᒋ ᑕᑯᔑᑫ? 20ᐌᓴ ᑭᓚᐗᐤ ᐁᐗᑯ ᓂ ᑭᔅᑌᓕᑖᑯᓯᐎᓂᓈᓐ ᓀᔥᑕ ᓂ ᒥᓚᐙᑕᒧᐎᓂᓈᓐ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.