Mateus 1
1
Jesus Nia Bei-ala
1Livru nee kona ba Jesus Kristu nia istória.#1:1 Lian Gregu jénesis, nebee jerasaun sira too Jesus moris mai. Nia mak bei-oan#1:1 Lian Gregu dehan ‘oan’. hosi David, nebee bei-oan hosi Abraão. 2#1:2 Bele kompara ho lista jerasaun iha 1 Krónikas 2 no iha Lucas 3:23-38.Abraão nia oan mak Isak, no Isak nia oan mak Jacó, no Jacó nia oan mak Judá ho ninia maun-alin sira, 3no Judá nia oan mak Perez no Zera hosi Tamar,#1:3 Haree istória kona ba Tamar iha Jénesis 38. no Perez nia oan mak Hezron, no Hezron nia oan mak Ram, 4no Ram nia oan mak Aminadab, no Aminadab nia oan mak Naason, no Naason nia oan mak Salmon, 5no Salmon nia oan mak Boaz hosi Raab, no Boaz nia oan mak Obed hosi Rut,#1:5 Haree istória kona ba Boaz no Rut iha livru Rut. no Obed nia oan mak Jessé, 6no Jessé nia oan mak David nebee liurai. No liurai David nia oan mak Salomão hosi Urias nia feen,#1:6 Urias nia feen mak Bateseba. Istória nee iha 2 Samuel 11-12. 7no Salomão nia oan mak Roboão, no Roboão nia oan mak Abias, no Abias nia oan mak Asa, 8no Asa nia oan mak Josafát, no Josafát nia oan mak Jorão,#1:8 Jorão iha mos naran Jeorão. Haree 2 Liurai 8:21 no nota. no Jorão nia oan mak Uzias, 9no Uzias nia oan mak Jotão, no Jotão nia oan mak Akaz, no Akaz nia oan mak Ezekias, 10no Ezekias nia oan mak Manasés, no Manasés nia oan mak Amon, no Amon nia oan mak Josias, 11no Josias nia oan mak Jekonias ho ninia maun-alin sira, iha tempu nebee ema lori sira sai ba Babilónia.#1:11 Haree istória kona ba lao ba Babilónia nudar ema dadur iha 2 Liurai 24:8-17.
12Bainhira ema lori sira sai ona ba Babilónia, Jekonias nia oan mak Salatiel, no Salatiel nia oan mak Zorobabel, 13no Zorobabel nia oan mak Abiud, no Abiud nia oan mak Eliakim, no Eliakim nia oan mak Azor, 14no Azor nia oan mak Zadok, no Zadok nia oan mak Akim, no Akim nia oan mak Eliud, 15no Eliud nia oan mak Eleazar, no Eleazar nia oan mak Matán, no Matán nia oan mak Jacó, 16no Jacó nia oan mak José nebee Maria nia laen. Maria nia oan mak Jesus, nebee ema bolu Kristu.
17Nunee, jerasaun hotu hosi Abraão too David hamutuk sanulu resin haat; no hosi David too sira lao sai ba Babilónia hamutuk jerasaun sanulu resin haat; no hosi tempu lao sai ba Babilónia too Kristu hamutuk jerasaun sanulu resin haat.
Jesus Moris Mai
18Jesus Kristu moris hanesan nee: bainhira Ninia inan Maria promete ona hodi kaben ho José, molok sira mai hamutuk, Maria isin rua ho oan ida liu hosi Espíritu Santu. 19Maria nia laen José mak ema laran loos, no nia lakohi atu hamoe Maria iha ema nia oin. Nunee nia hanoin atu husik tiha Maria sub-subar deit. 20Maibee bainhira nia hanoin hela kona ba buat sira nee, tebes, Nai#1:20 Lian Gregu hakerek kurios katak ‘Nai’. Dala ruma sira uza kurios hodi refere ba YHWH (Yehovah) no dala ruma kurios mak ‘senhor’. Ida nee depende ba kontestu. nia anju ida mosu ba nia iha mehi, no dehan, “José, David nia oan, keta tauk atu foti Maria nudar o nia feen, tanba ida nebee nia hetan nee mai hosi Espíritu Santu. 21Nia sei tuur ahi oan mane ida, no o sei hanaran Nia Jesus,#1:21 Jesus katak ‘Nai sei salva’. Naran ‘Jesus’ mak hanesan ho ‘Josué’ iha lian Ebreu. tanba Nia sei salva Ninia povu hosi sira nia sala.” 22Buat hotu nee akontese hodi kumpri saida mak Nai hatete ona liu hosi profeta:
23“Tebes, feto raan ida sei sai isin rua no tuur ahi oan mane ida.
No sira sei hanaran Nia Emanuel”#1:23 Isaias 7:14.
(nee katak Maromak hamutuk ho ita). 24Bainhira José hadeer hosi toba dukur, nia halo tuir buat nebee Nai nia anju haruka no nia simu Maria nudar ninia feen. 25Maibee nia la toba#1:25 Lian Gregu dehan ‘la konhese’ katak ‘la halo relasaun seksuál’. ho Maria too Maria tuur ahi oan mane primeiru. No nia hanaran oan nee Jesus.
Currently Selected:
Mateus 1: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.