2 Timoti 3:1-5
2 Timoti 3:1-5 JNT
Bot nuo dis, iina di laas die dem tingz a-go get aad aad. Piipl onggl a-go bizniz wid demself an dem a-go lov moni. Dem a-go gwaan buosi-buosi an ful-a demself. Dem a-go kos out an biit op biit op dem wan aneda an dem naa go fala wa dem mada an faada se. Piipl naa go gi tangks fi notn an dem naa go av notn fi du wid Gad. Dem naa go lov dem wan aneda ar notn we gud. Dem a-go taak bad bout dem wan aneda tu. Iina di laas die dem, piipl naa go av no kanchuol uova demself an dem a-go gwaan laik dem a wail daag. Dem a-go ton chrieta an dem a-go du bie kielis sitn. Piipl iina di laas die dem a-go gwaan laik dem beta dan evribadi els. Insted-a lov Gad dem a-go lov fi du di sitn dem we dem tingk a fon, iivn ef Gad se dem no fi du dem. Dem a-go gwaan laik se dem a Gad piipl bot dem naa go riili biliiv iina Gad. Yu si dem piipl ya, no av notn fi du wid dem.
Bible App
Bible App for Kids
