Mankuma 7
7
Kiyala wuletukila munkuula
1Mwaana waami, kebe maampu maami,
na sweeke ntumunu dzaami, kwakubwe.
2Kebe ntumunu dzaami na salila dzo ;
kebe nyikusulu dzaami bunu ngengele diisu dyaaku.
3Kuta dzo mu yulu mileembu myaaku,
na tina dzo mu baya dya mutima waaku.
4Leele kuri madyeele ti, ye kibusi kya me,
na teele nyaabulu ti mwisi-kaanda ye.
5Bibyo bikukebe mu mukyeetu wanzeense
wu heriri kuyaaba mu myaandi mya mbwiisulu ye.
6Bukuri ha nyaba ha mweelu wantele wa nzo yaami,
nyatalila mu mampwaakisa.
7Nyamono hansa baatu,
nyaswasikisa ha kakati dya baala, kituuti kimosi kya kiwulu.
8Nde waba mu kuluta mu nzila, bebele dya kitsuungu kibaanaa mukyeetu wunde.
Kituuti kikyo kyayookolo mu nzila nde.
9Yaba mu ntaangu nsinsika, butsuku bwaba
mu kwiisa na mampimbisi meki mu kubwa.
10Mono, mukyeetu wukwiisa kumubwaana,
mu ndwaatulu ya biyala, na madyeele ma lupyelu mu mutima.
11Ngaa-lusuku na tungu,
miilu myaandi myakuundaa mu nzo ko.
12Hani wuri mu nzila, hani wuri ha dzaandu,
mu manto momanso, wuri mu kwekete.
13wamukweeti, wumunyumbutini,
na wamuleele kuri mbuunsi yakaanga ti :
14Me nyataasiri kusa kikabu kya kiyeengi,
lumalu me nkukisiri bitaasi byaami.
15Mu bubwo, me mpariryee mu kukubwaana,
na kusaka kidziri kya ye ; nyikudzuukiri.
16Me nyariryee mbuka yaami
mu bya ku Ngipiti.
17Me nyasa ha yulu mbuka yaami,
mananaasi ma alowese, ma miire na sinamome.
18Wasa tukolo ntiilu natee ku bukya,
tukeembe ha kimosi mu mantiilu maluwu.
19Bukuri mulumi me wapala,
wayende ku budyeengi bwa la.
20Nde wanyaŋini kifunda kyamboongo mu kooko kwaandi.
Mu kiluumbu kikuka ngoondo ku yulu kabvutuka.
21Mukyeetu wumukoonoso ku kaketyee kweende,
mu ma lupyelu, wumubakiri.
22Na sisu, mubakala wumunemi ha mambisa,
bunu ngoombo yiri mu kweende ku nzo yi badzusilaa bibulu,
bunu wahele na madyeele wubari mu kukaanga mu kumuseembe,
23natee lubasa lwansyaari lumutobiri kifunda,
bunu noni yiri mu kumbingukila kweebwa mu mweete,
wuri wahele kuyaaba ti wuri mu kusukisa kidziingu kyaandi.
24Na mu lu, mwaana, ywiila me,
sa madyeele mu mapala mu munwa me.
25Ha beeri, mutima ye yaa kahaambuka mu manzila ma nde ko,
wukwiisa kudziimbila.
26Bukuri nde wabwiisa balaka na balaka,
wadzusa bangaa-mpinu bobanso.
27Manzila ma nzo yaandi masunduka ku nsi ya bafwa,
bihekiri bya lufwa.
Currently Selected:
Mankuma 7: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024