Lutaangu 26
26
Lutaangu lwadzoolo lwa bakuutu ba Iselili
1Yaave waleele kuri Moose na kuri Elehadzari, mwaana ngaanga-Nzaambi Aaroni ti : 2Yirikee lutaangu lwa mukaangu ndemunso wa Iselili, kuholosono mu wuri na mibvu makuumi moolo natee ku yulu kukwo, mu kaanda kaanda, bobanso bakuka mu kunata binwaanunu mu Iselili#26.2 Babakala bobanso bari lutaangu lwasoongo mu kikabu kya 1 bafwa (kumono 26.64-65).. 3Kunsa bibiti byakana bya Mohabi, ha teke Yorodaani kisusungu na Yeriko, Moose#26.3 Maampu ma mu Kihebereho ma bitsuri kya 3 na kya 4 mahele kukyensikile kwalaka. na Elehadzari, ngaanga-Nzaambi bayaabisa kuri bo ti : 4Kuholosono mibvu makuumi moolo natee ku yulu kukwo, bunu bwatumini Yaave kuri Moose na kuri bari Iselili bapariri mu nsi ya Ngipiti.
5Lubeni, mwaana watete wa Iselili. Baala ba Lubeni bababakala : Mu Henoke, kaanda dya ba Henoke ; mu Palu, kaanda dya ba Palu ; 6mu Heseroni, kaanda dya ba Heseroni ; mu Karimi, kaanda dya ba Karimi. 7Mamo makaanda ma Balubeni : Babo baba 43 730.
8Mwaana Palu : Elyabi 9Baala ba Elyabi : Nemuweli, Datani na Abirami. Datani na Abirami batumisini mukaangu, banwaanisini Moose na Aaroni na mukaangu kya Kore, mu ntaangu yi banwaanisini Yaave. 10Butoto bwadzibula munwa mu kubamina na Kore, mu ntaangu ya fwiiri nkama dzoolo na makuumi mataanu ma babakala mu mbaawu. Kikyo kyaba kifwaani kuri basiiri. 11Ngo baala ba Kore basiiri kufwa ko.
12Mwaana Simehoni, mu kaanda kaanda : Nemweeli, kaanda dya Banemweeli ; Yamini, kaanda dya Bayamini ; Yakini, kaanda dya Bayakini ; 13Dzera, kaanda dya Badzerahi ; Sawuli, kaanda dya Basawuli. 14Mamo makaanda ma Basimehoni, baatu 22 200.
15Baala ba Ngadi, mu kaanda kaanda : Tesefoni, kaanda dya ba Tesefoni ; Hangi, kaanda dya ba Hangi ; Suni, kaanda dya ba Suni ; 16Odzini, kaanda dya ba Odzini ; Eri, kaanda dya ba Eri ; 17Arodi, kaanda dya ba Arodi ; Areli, kaanda dya ba Areli. 18Mamo makaanda ma mu Ngadi, lutaangu lwa baatu 40 500.
19Baala ba Yuuda : Eri na Onani ; ngo bo bafwiiri ku nsi ya Kanaana. 20Baala ba Yuuda, mu makaanda maaku baba : Sela, kaanda dya ba Sela ; Perese, kaanda dya ba Perese ; Dzera, kaanda dya Badzerahi. 21Baala ba Perese baba : Heseroni, kaanda dya ba Heseroni ; Hamuli, kaanda dya ba Hamuli. 22Mamo makaanda ma Yuuda, bunu bu babataangiri, baatu 76 500.
23Baala ba Isakari, mu makaanda maaku : Tola, kaanda dya ba Tola ; Puwa, kaanda dya ba Puwa ; 24Yasubi, kaanda dya ba Yasubi ; Simeroni, kaanda dya ba Simeroni. 25Mamo makaanda ma Isakari, bunu bu babataangiri, baatu 64 300.
26Baala ba Dzabuloni, mu makaanda maaku : Seredi, kaanda dya ba Seredi ; Eloni, kaanda dya ba Eloni ; Yahele, kaanda dya ba Yahele. 27Mamo makaanda ma Dzabuloni, bunu bu babataangiri, baatu 60 500.
28Baala ba Yoosefi, mu makaanda maaku : Manase na Efarayimi. 29Baala ba Manase : Makiri, kaanda dya Makiri. Makiri wabuta Ngaladi ; Ngaladi, kaanda dya ba Ngaladi. 30Baala ba Ngaladi bamaba : Ledzeri, kaanda dya ba Ledzeri ; Heleki, kaanda dya ba Heleki ; 31Aseryele, kaanda dya ba Aseryele ; Sekemi, kaanda dya ba Sekemi ; 32Semida, kaanda dya ba Semida ; Heferi, kaanda dya ba Heferi. 33Tselofade, mwaana wa Heferi, waba wahele na baala bababakala, ngo baala babakyeetu kitsu. Mankuumbu ma baala babakyeetu ngo ma : Tselofade, Mahela, Nowa, Hongela, Milika na Tyritsa. 34Mamo makaanda ma Manase, bunu bu babataangiri, baatu 52 700.
35Baala ba Efarayimi, mu makaanda maaku bamaba : Sutela kaanda dya ba Sutela ; Bekeri, kaanda dya ba Bekeri ; Tahani, kaanda dya ba Tahani. 36Baala ba Sutela bamaba : Erani kaanda dya ba Erani. 37Mamo makaanda ma baala ba Efarayimi, babataangiri mu bo : 32 500. Babo baala ba Yoosefi, kaanda mu kaanda.
38Baala ba Benyami mu kaanda kaanda : Mu Bela, kaanda dya bari Bela ; Asebeli, kaanda dya bari Asebeli ; Ahirami, kaanda dya bari Ahirami ; 39Sefufami, kaanda dya Basefufami ; Hufami, kaanda dya Bahufami. 40Baala ba Bela baba Aredi na Naamani. Aredi, kaanda dya ba Aredi ; Naamani, kaanda dya ba Naamani. 41Babo baala ba Benyami mu makaanda maaku, bunu bu babataangiri, baatu 45 600.
42Bamaba baala ba Daani mu kaanda kaanda : Suhami, kaanda dya ba Suhami. Mamo ma kaanda ma Daani, mu kaanda kaanda. 43Lutaangu lwolunso mu makaanda ma Basuhami, babo babataangiri mu bo : 64 400.
44Bamaba baala ba Aseere mu ma kaanda maaku : Yimina, kaanda dya ba Yimina ; Yisebvi, kaanda dya ba Yisebvi ; Berya, kaanda dya ba Berya. 45Mu baala ba Berya : Heberi kaanda dya ba Heberi ; Malikiyeli, kaanda dya ba Malikiyeli. 46Aseere waba na mwaana wamukyeetu, nkuumbu yaandi Sera. 47Mamo makaanda ma baala ba Aseere, lutaangu lwa bobanso : 53 400.
48Baala ba Nefetali mu kaanda kaanda : Yatsyeli, kaanda dya ba Yatsyeli ; Nguni, kaanda dya ba Nguni ; 49Yeseri, kaanda dya ba Yeseri ; Sileme, kaanda dya ba Sileme. 50Mamo makaanda ma Nefetali mu kaanda kaanda. Lutaangu lwa baatu bobanso : 45 400.
51Babo babataangiri mu baala ba Iselili, bobanso 601 730.
Nsoongulu bwa kukabula nsi
52Yaave wadzoonso kuri Moose, ti : 53« Nsi sa yaba yakabula kuri bamaba bunu saala, bunu buri lutaangu lwa mankuumbu : 54Mu babvuri lutaangu ye sa bvulusa saala dyadinene, mu lutaangu lwantele ye sa kulula saala. Mu mpisi kaanda sa baha saala bunu buri lutaangu lwa baatu baandi. 55Ngo nkabululu nsi sa yaba mu nteelulu wari, sa bataambula saala bunu buri mankuumbu ma bitsuumbu byaaku. 56Mu nteelulu wari, saala sa dyaba dya kabula ha kakati dya bari na lutaangu lwalaka na bari na lutaangu lwantele#26.56 Bit.52-56 : Kumono mu 33.54 ; 34.13 ; Yos 14.1-2.. »
Lutaangu lwadzoolo lwa Baleevi
57Bamaba babataangiri mu Baleevi mu kaanda kaanda : Ngeresoni, kaanda dya ba Ngeresoni ; Kehati, kaanda dya ba Kehati ; Merari, kaanda dya ba Merari. 58Mamama makaanda ma Baleevi : Kaanda dya ba Libeni, kaanda dya Baheberoni, kaanda dya ba Maheli, kaanda dya ba Musi, kaanda dya ba Kore#26.58 Mu bankaaka Libeni, Heberoni, Maheli, Musi na Kora kumono Mpa 6.17-19, 24.. Kehati wabuta Amerami. 59Nkuumbu mukasi Amerami yaba Yokebedi, mwaana Leevi wubabutiri ku Ngipiti. Nde wabuta na Amerami : Aaroni, Moose na Miryami, kibusi kyaaku. 60Mu Aaroni mwabutuka Nadabi, Abihu, Elehadzari na Itamari#26.60 Kumono mu 3.2 ; Mpa 6.23.. 61Nadabi na Abihu bafwiiri mu mbaawu yanzeense, mu kilookolo ki babaha bikabu ha mankula ma Yaave#26.61 Kumono mu 3.4 ; Bal 10.1-7.. 62Lutaangu lwolunso lwa babakala, kubaandika wuri mu ngoondo mosi natee ku yulu kukwo, lwasa 23 000. Bo baba bahele kubataanga ha kakati dya baala ba Iselili, bukuri baba bahele kubaha saala ha kakati dya baala ba Iselili.
Nsukulu ya lutaangu
63Bamaba baala ba Iselili bataangiri Moose na ngaanga-Nzaambi Elehadzari mu kibiti kya Mohabi, ha teke Yorodaani ku Yeriko. 64Ha kakati dya bamaba, kwaba kwahele muutu ti mosi mu bataangiri Moose na ngaanga-Nzaambi Aaroni, mu ntaangu yi bataangiri baala ba Iselili ku nsi yankatu ya Sinayi#26.64 Kumono Bik 1 na 3.. 65Bukuri Yaave waleeriri kuri bo ti : « Sa bafwa ku nsi yankatu ». Kwasiiri kusaala ti mosi ko, ha yulu wunu Kalebi, mwaana Yefune, na Yooswa, mwaana Nuuni#26.65 Kumono 14.26-38..
Currently Selected:
Lutaangu 26: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024